宜家家居餐廳及咖啡室

營業中

休息中

八月份的新餐單要來品嚐一下，有芒果系列和小龍蝦系列。小龍蝦芒果沙律($39)新鮮沙律菜配上芒果粒粒和小龍蝦肉，小龍蝦的份量也不少， size似小蝦食味也不錯，清爽可口。芒果糯米飯($26)糯米飯被厚厚的椰漿包蓋着，米粒柔軟，半個芒果肉算是甜美，好抵食。酥皮龍蝦羅勒濃湯($33)剛剛焗起的龍蝦湯，酥皮脹卜卜非常香脆，龍蝦湯濃厚creamy，這個價錢物超所值。煙燻蜜糖腸三條($13)這種香腸非常可口，腸衣脆卜卜， 伴以沙律一齊進食真的很不錯。

最近大熱既榴槤系列！人人都話好好食，榴槤味勁濃，所以特登去試下～本來以為得榴槤雪糕，點知去到發現有幾款榴槤食品，所以叫左黎試特濃D197貓山皇榴槤燕麥奶新地：本身有一球榴槤蓉，額外叫多左一球先試果蓉，果然係貓山皇！榴槤味超濃，真材實料！細細啖食口腔都已經充滿榴槤既獨有香味，好好食 不過略嫌份量太少啦！食完個果蓉好滿足，點知原來雪糕仲有驚喜！質感勁似食緊榴槤雪葩既感覺，每一啖榴槤味都好濃烈，感覺係由榴槤直接打成軟滑既冰！ 不過食唔岀係燕麥奶整成。榴槤千層：每層既皮都好硬，感覺放左好耐。Cream冇榴槤味又唔滑…整體完全係分離，好失望…榴槤斑蘭Pancake:個皮都係好硬，有好淡既斑蘭味。內餡都係冇榴槤味，好失望…炸榴槤波波：唔煙韌，榴槤味好淡，都係失望…

其實都食左好幾次😝但真係好好食所以都想出一個食評😚😚😚其實一上左電梯都開始聞到榴連味😍唔食榴連既人真係so sorry😂😂😂見到全場大部分人都手拎一杯雪糕😆今次都係慣例追加左一份榴連肉🥰🥰🥰但今次感覺好似少過上次咁🥲雪糕又香又滑🍦夾雜埋2份榴連肉真係yummmmmmy yummmmmmy😍😍如果佢唔係期間限定而家長期都有就好啦🥲🥲🥲🥲🥲幾十蚊有咁真材實料既榴連雪糕🍦可以係邊度搵啊？🥹

睇完傢俬唔想諗食乜, 就決定係返係IKEA餐廳醫肚. 食飯時間都幾多人等位, 預返都要等30-45分鐘先可以入座本身想試榴槤千層蛋糕, 但當日淨係得pancake好失望🥺凍蝦盤同肉丸係每次黎到都必食, 特別係個肉丸, 作為招牌產品真係唔知點解有種特別既魔力令你想一食再食😂炸咸豬手好大隻, 皮都幾脆試過自己係凍肉舖買一隻返去焗都要五六十蚊, 而家六十幾蚊已經焗埋比你食超抵👍🏻新產品酥皮龍蝦湯都有驚喜, 賣相好吸引, 湯亦都唔會死咸之餘仲食到幾粒龍蝦肉, 整體黎講CP值好高😋

雖然佢而家好似已經冇得買，但係我覺得呢個燒賣真係好正，值得為佢出一個食評。佢本身價錢都唔貴，而且佢大大粒，比平時食到嘅魚肉燒賣大粒。因為係素食嘅緣故，所以我覺得佢口感好紮實同埋比較豐富，我諗係因為佢用咗素肉同香菇既原因，所以口感比一般魚肉燒賣豐富，亦都比較煙靭。不過佢始終係燒賣，覺得就咁食好似爭緊啲嘢，建議配搭豉油同辣油，加咗豉油同埋辣日之後，覺得更加好食！同埋我覺得素食燒賣健康好多，因為平時出面啲燒賣好多豬油咁，呢款正啲。

葡汁植物素雞皇飯$36以前因為價錢平，所以經常去宜家食飯，但後來價錢越來越貴，質素下降，已經很少食。最近諗住試下新出的葡汁植物素雞皇飯，試一次真係夠晒，唔好食，完全唔似雞肉，只係麵筋，配菜也是凍的，葡汁亦不夠熱，比一般連鎖快的葡汁雞飯差。

上次食完IKEA D101榴槤新地之後~連續再食咗兩期😆加$13要多一份榴連蓉😂不過勁hea咁pat落去 賣相就一般 但今次個雪糕大舊d 都開心d個人感覺D101濃味d特濃D197貓山皇榴槤燕麥奶新地 $29點解好似越食越貴😂😂個人感覺黑刺同貓山皇差唔多 唔濃榴連味都係甜甜地咁特濃黑刺榴槤燕麥奶新地$39後悔$19 D101時唔食多幾杯🫠🫶🏻型窩夫芝士味重 有少少遮左榴槤味D24榴槤芝士窩夫$16煙燻蜜糖腸3件$13 真係太好食 每次都要叫榴槤系列甜品夏日期間限定 (2022年6月1日至7月31日)小編除左第一期miss咗 都食晒其他都好開心架啦😂 想食就快d去食啦!🤭📍IKEA 📌多區

宜家嘅豬手真係冇得彈！仲好食過出面二三百蚊，我成日都好懷疑佢點為本。。。肉丸嘅紅莓汁係畫龍點睛之，作最近仲可以自己走去斟，自助形式非常方便。三文魚永遠都會帶腥味，但係醬汁好好味，而且太多肉類的話怕好飽嘅時候，都會忍唔住叫而家ikea疫情期間實施人流管制措施，唔會再有以前苦等位嘅情況出現【媽媽視線】而家內部電梯要工作人員幫忙，才可以打開。每次工作人員見到我哋有需要時，幾忙都好，就會即刻打電話要相關同事過嚟幫我哋開電梯（重重關卡）,在此很感謝荃灣宜家員工。

估唔到過咗幾日又可以去宜家傢俬食飯啦😝😝，同🤴🏻食埋兩個榴槤甜品先🤗🤗～～～瑞典肉丸🧆～～～原來🤴🏻一直都冇試過瑞典肉丸🧆，佢話幾有肉味😋😋，我就覺得一般😀😀～～～酥皮龍蝦羅勒濃湯🍲～～～酥皮香脆，香濃龍蝦🦞味，配料中亦有幾粒龍蝦🦞肉，如果再熱啲會更好😙😙～～～D24榴槤千層蛋糕🍰～～～勁細嘅千層蛋糕🍰，中間只有榴槤cream沒有榴槤肉，仲要千層皮超級、超級、超級厚😟😟，感覺似食緊千層闊麵囉😒😒，食完真係會飽🤣🤣～～～D24榴槤班戟🫔～～～好彩先食咗千層蛋糕🍰先（失望左先），榴槤班戟🫔裏面唔止有榴槤cream 仲有榴槤肉（雖然唔多），更能帶出榴槤嘅甜味🥰🥰好啦🤩🤩成功啦🥳🥳！今次宜家傢俬嘅榴槤季食齊啦🎉🎉

📍 IKEA 由細食到大，隔一排就會想食，不過今次隔咗年幾先食，都仲係咁好食！最緊要係抵食！！平時都好多人，嗰日平日11點幾到超級鬆動！—————————————————————❣️ 和牛粒青醬意粉 $49牛唔錯，好淋，全部都係脂肪！不過冇乜牛味，不過甘既價有和牛食都幾抵架，但意粉👎🏻👎🏻，食緊油溝意粉咁，完全唔知青醬在那裏🫠.❣️ 黑毛豬火腿烤雞胸配香草番茄椰菜花飯及菠蘿莎莎 $56啲黑毛豬幾juicy唔嚡，但其他都冇乜特別，🐷同朋友研究左好耐菠蘿究竟係新鮮定罐頭，結論係比較新鮮嘅罐頭菠菠蘿🤣.❣️ 瑞典肉丸 $23/10粒唔洗多講，必食‼️又抵又好食，配薯蓉、忌廉汁及紅色jam，連配菜嘅薯蓉都真係用薯仔整，好滑好食！肉丸好入味！好味！.❣️ 蔬菜薯餅 $8記得以前食$15兩件，宜家要自己一件一件夾，入面有洋蔥、椰菜花、西蘭花、薯粒，配埋creamy嘅忌廉汁，煎到好香！.❣️炸雞翼 $22/25 4隻炸到脆卜卜！都係自己夾！好夠味的！又抵喎！.❣️港式奶茶 $forgot👅冇飲到比唔到comments—————————————————————不專業評分👅好味指數:7/10💰性價比:9/10👍🏻推薦

今年榴槤甜品有三款要喺餐廳先有發售，原本真係只係想食甜品，但最後食咗餐豐富嘅晚餐😛😛～～～和牛粒青醬意粉🍝～～～和牛粒有牛味，油脂分泌多，肉質鬆軟嚼幾下就可以分開😘😘，意粉普通🍝！～～～海陸大餐～～～ ‘ 穀飼西冷牛扒拼蝦餅伴松露薯蓉配牛肝菌忌廉汁 ’呢個就係海陸大餐嘅全名，真係有夠長😔😔真心唔明蝦餅點解要做成牛牛🐂嘅形狀呢？🤔🤔，不過都幾香蝦肉味😙😙西冷牛扒🐂大份量，質感有D‘ 鞋’ 同 ‘ 韌 ’ 😒😒，可以接受😀😀最出色反而係個松露薯蓉，勁香松露味薯蓉打得好細滑😋😋～～～脆炸黃金雞🐥翼～～～外表幾脆炸，正常但冇咩雞🐥汁～～～D24榴槤球～～～晚上7:00榴槤甜品有三款已經賣剩一款😭😭未食已經聞到好香嘅榴槤味，內裏滿滿嘅榴槤肉🤗🤗，又香又脆一定要試🤩🤩唔知仲有冇機會食埋佢剩低兩款榴槤甜品呢？🧐🧐

-Pork Knuckle 表皮非常香脆，唔會過鹹，肉質嫩滑，火喉控制得好好。-Swedish meatballs with mashed potatoes and cream sauce 每次去ikea 都Order 肉丸是常識吧，而且一定要配埋個汁一齊食！-Vegetable Medallion 有啲似食紧薯餅嘅感覺，带有少少蔬菜味。-Squid ink spaghetti with shrimp蝦唔爽口，墨汁冇乜特別，意粉彈牙。加十零蚊有得任飲咖啡、汽水等飲品。

真係好食到癲！好味到震！yummy yummy😋你點估到雪糕竟然可以咁好食～如果我第時食唔翻咁點算🥺29蚊呢個價錢、呢個質素，希望佢快啲會再推出其他新口味啦！

Ikea 餐廳真係開飯好去處🤭 除左價錢唔貴之外, 質素都唔係太差! 如果帶小朋友去都唔怕帶漏餐具用品, 因為餐廳有齊哂所需用品! 仲有兒童餐叫添!🥰近期去試左個穀飼西冷牛扒🥩 意外地好好食, 唔鞋, 仲有淡淡既燒烤味, 而且都幾大塊, 加上薯蓉, 其實都夠飽!另外, 去ikea 當然必食瑞典肉丸!喇🧆 點上紅莓醬, 酸酸甜甜又開胃, 抵食之選!仲有無限 refill 既汽水 / 咖啡, 真係超級足夠!!地址 : 宜家家居餐廳及咖啡室荃灣青山公路388號8咪半7樓評分 : 7/10

今日去完愉景新城睇戲就去左隔離中染既ikea 食lunch😂叫左幾款食物就當正餐叫左熱狗 蔬菜薯餅 同肉丸另外要左杯奶茶 係第一次試 好飲唔會好甜 茶味亦都濃👍🏼呢排IKEA 出左榴連雪糕 一入到去已經聞到味 再望就見到差唔多每人拎住一杯🤣