宜家家居餐廳及咖啡室

營業中

休息中

Ikea is always a popular restaurant in Tsuen Wan. Even at the beginning of the peak hour, i queued for 15 minutes to get in.The vegan meatball was quite oily, and you probably couldn’t tell it’s a vegan option. Ideally for meat lovers who want something less meaty.

今日同男朋友係荃灣拍拖，當諗唔到食咩嘅時候就會話不如去ikea喇，點知一落車就係中染大廈，啱晒！荃灣ikea都算好大佢個瑞典餐廳，次次去都滿晒人，要周圍搵位，跟住男朋友負責去買野食。我地每次必叫嘅係蝦而且次次都係兩碟以上，因為佢都新鮮同埋夠味，有時甚至會齋enfore碟蝦。跟住就係個龍蝦湯，個酥皮真係冇得彈，好多層，勁脆，同d湯一齊食真係好match，個湯有幾隻小龍蝦，湯唔會太鹹，味道啱啱好。跟住肉丸都係必叫，但好似有d縮水，係粒左，但味道冇變。

行IKEA行到好肚餓，即刻去餐廳食下野個豬手真係好好味，份量好大，皮好脆，食完好滿足！另外食左個沙律，好清新！仲有磨菇湯同任refill 既咖啡，都超級抵食！餐廳都好好座，只係位置有啲難搵…

行得下街肚餓，但又未夠鐘食正餐既話，最啱就係食平平地既小食😋荃灣ikea就係其中一個唔錯嘅選擇，我平時就會食小食拼盤、乳酪、炸雞⋯⋯當然唔少得最經典嘅ikea肉丸 同埋任飲汽水🤭

這裡真的很適合和小朋友或嬰兒BB去，地方夠大，餐廳位置又足夠，有大量小朋友座椅，有熱水，小朋友餐具，紙巾提供，非常方便！！推BB車入去都非常夠位，盡量避免午餐和晚餐的時間就會很輕鬆！

係近期大熱好出名嘅鯊鯊包,原來其實係一個番薯包, 睇得又食得都只係8個大洋, 中間番薯絕對唔孤寒, 而且條鯊魚係熱辣辣,8蚊真係冇嘢可以投一味道 Taste：3.5/5推介度 Recommendation：3.5/5

《IKEA》無錯呀，又係IKEA呀🤪出新雪糕 點可以唔試_________________________🐥IKEA - 新口味雪糕 阿華田🐥<阿華田新地筒>好驚喜‼️一入口勁滑‼️有別於一般既雪糕呢款真係超級滑重要好真好濃既阿華田味👍🏻👍🏻👍🏻$6黎講完勝x記新地筒💰$6_________________________總結: 推介推介‼️真係好滑好滑既口感回頭率 :🐥🐥🐥🐥🐥/5

早前ig鯊鯊包hit到不得了，心郁郁都想去ikea試一試，但又懶得排隊，終於得閒去ikea行個圈&食野好掛住佢既凍蝦盤，雖然細細隻，但每隻都好鮮甜，每次必點，重點要食埋蝦頭今次仲新出左龍蝦🦞湯，不過個人建議可以再熱啲，味道都唔錯。仲order 左好多食物，雞髀阿、西冷、蔬菜薯餅、肉丸，一如既往，中規中矩。仲有最重要主角—鯊鯊包，個樣實在太可愛啦，咬落質地好似食緊曼頭咁，入面係蕃薯蓉，整體唔會太甜，唔錯唔錯。

好耐之前食來這里食過一次，但較多人及難搵位，今次平日中午來，不太多人而且環境清潔。都多食物選擇，諗住叫D試吓先，睇落份量不多，但食完也飽了，食物質素ok及價錢平宜，會再來試。

在荃灣宜家家居行左一陣，覺得有啲肚餓，便上頂樓的餐廳嘆個tea 。這裡的環境舒適，一個人坐在高櫈面壁用餐也十分寫意。每次到宜家餐廳，我必定會食瑞典肉丸，十粒肉丸加埋薯蓉都只係$23，認真抵食，跟住嘆埋件芝士蛋糕，補充energy後，繼續逛逛。

一家大小行完IKEA，要食飯找餐廳，又唔想麻煩就食番IKEA餐廳！豬手：大隻脆口啖啖肉，唔太鹹配酸椰菜都一流！三文魚配薯蓉時菜：三文魚份量可以，個汁配得好好！價錢合理，環境舒服，又有BB櫈，又有BB換尿片的地方，方便你睇小朋友，小朋友又啱食！

行完山落返荃灣搵嘢食醒起呢度嘅宜家有餐廳又好耐無食佢，唔駛多諗就衝咗去宜家嘅餐廳一向都有保證，選擇又多小食，主食，飲品都搞到眼花撩亂最後我哋叫咗四樣嘢⬇️肉丸Signature嘅肉丸當然唔少得水準當然都Keep到另外叫咗兩個魚嘅主食⬇️鱈魚菠菜薯蓉呢個就一般般啦，因為鱈魚本身都係鞋啲但個薯蓉加埋咗菠菜感覺多咗纖維🤪味道都OK⬇️三文魚薯蓉大大舊三文魚，性價比高仲有幾條蘆筍，唔會有渣👍🏻⬇️薯仔蔬菜餅呢個幾好食，煎到香香嘅食多幾舊都得而家仲有德國豬手可以叫見到人哋叫咗，好似好正咁下次要再試埋先😁😁

宜家傢俬不只傢俬，餐廳美食更是超班✔️榴槤系列超出名，新地啖啖都是榴槤肉，好滿足✔️新地每期有唔同品種嘅榴槤，有如榴槤節般有節日感，令人想追住食✔️一份榴槤肉唔係一兩絲，而係一大堆，好豐富✔️可以加錢要多份榴槤肉，做人最緊要有選擇✔️新地用燕麥奶造，有燕麥奶香✔️榴槤班戟榴槤波波榴槤千層榴槤心形芝士窩夫，重要食物唔只有3款，榴槤控大滿足✔️配埋件唔關榴槤事嘅瑞典蛋卷，大滿足再來份完美

IKEA 蛋撻皮雪糕🥰🥰🥰🥰雪糕吉士味唔算濃，所以唔會太溜。個撻底係一般餅皮，而且只係室溫上，但都好脆身，脆過一般連鎖西餅嘅撻皮，食果時小心會搞到成身都係餅碎🫣整體感覺唔錯，8 蚊嚟講，真係算抵食！

八月份的新餐單要來品嚐一下，有芒果系列和小龍蝦系列。小龍蝦芒果沙律($39)新鮮沙律菜配上芒果粒粒和小龍蝦肉，小龍蝦的份量也不少， size似小蝦食味也不錯，清爽可口。芒果糯米飯($26)糯米飯被厚厚的椰漿包蓋着，米粒柔軟，半個芒果肉算是甜美，好抵食。酥皮龍蝦羅勒濃湯($33)剛剛焗起的龍蝦湯，酥皮脹卜卜非常香脆，龍蝦湯濃厚creamy，這個價錢物超所值。煙燻蜜糖腸三條($13)這種香腸非常可口，腸衣脆卜卜， 伴以沙律一齊進食真的很不錯。