宜家家居餐廳及咖啡室

營業中

休息中

係荃灣麵多野揀多野食既地區, 今次lunch行下係中染新城, 見IKEA未食過之後就揀左呢間食, 荃灣IKEA 又未試過咁就試下啦~最後點了, 雞扒薯容, 炸雞腿, 汽水.汽水可以無限添所以都ok既雖然都係飲2杯都已經夠了.雞扒薯容, 感覺就好一般, 因為個雞扒已經林林地,口感自然沒咁好啦... 其他配菜就無咩特別...呢個份量就真係少得濟, 食唔飽了.價錢唔太值炸雞腿 雖然細細件但呢個又反而ok, 口感ok 熱熱地~最後總結就係呢個雞扒餐唔好食又唔值呢個價錢, 炸雞腿就還好...

就像習慣一樣，好像自從IKEA有餐廳以來，就一直都會有一種習慣叫便吃肉丸，然後出了一些新菜式，也會不定時吃一吃（例如：蔬菜薯餅）幸好我不是會揀飲擇食的人，所以一些奇怪的料理，也有比較願意嘗試的膽子！家庭活動推薦

去開荃灣嗰邊約咗朋友，但係朋友有時會遲啲到，響荃灣嗰邊有冇乜嘢特別嘢做，就諗住去宜家傢俬行吓兼夾坐低食啲嘢，都係食住等會開心啲。要返過佢話熱賣嘅酥炸鹹豬手半酸菜，食過好幾次，其實每次水準都好穩定，返到嚟雞翼都好抵食，炸豬手嘅豬皮都保持到好脆皮，加埋幾粒炸薯仔同埋個汁啱啱好，我自己就喜歡加埋兩款芥辣醬一齊食更加好味。另外再加多個煙三文魚沙律，呢度價錢其實都好抵食，煙三文魚嘅味道都好香，唯一就係佢個醬比較少，希望如果個醬可以分量多番啲會更加好。

有食過ikea家居美食站既小食，今次第一次食ikea餐廳。酥皮龍蝦湯($36)熱辣辣既湯，浸埋酥皮一齊食好味，仲有幾隻龍蝦仔。小龍蝦腸片長通粉配新奧爾良忌廉汁($49)唔夠熱，長通粉比較乾身，唔夠汁，麻麻。經典肉丸伴薯蓉及雜菜配忌廉汁($26)新奧爾良雞翼($36八隻)煙燻蜜糖腸($15三件)汽水($8可添飲)肉丸有八粒，好味，配菜有薯蓉同少量蔬菜。新奧爾良雞翼，辣辣地，好食，平價版pizza hut辣味雞翼。煙燻蜜糖腸，口感好實，唔好食。（個人口味Ｓ：４/５分）（個人口味 Ｅ：３/５分）好想試大大串既雞肉串燒，只係$10，但可惜賣哂。寫食評嘅時候先發現原來ikea嘅部份食物款式係經常會轉換，都幾好👍

因為工作關係需要去宜家傢俬搵啲裝飾品，其實響地鐵站行過去，因為有瓦遮頭都唔算覺得太遠，不過呢一間宜家傢俬裏便嘅行走路線會比較複雜，有陣時會比較容易行錯地方，但係講到去餐廳都算比較方便，上咗兩層之後下一個小圈再上一層就可以去到。咁啱今次去嘅時候係晚飯時間，人真係比較多，同埋見到前面有兩三個人想要食嘅嘢都話已經賣晒，唔知佢後邊要幾耐時間補充番啲食物，今次好彩我要嘅嘢都比較簡單，所以冇呢個問題。我淨係點咗個香草三文魚沙律，同埋瑞典肉丸伴薯蓉，仲有杯汽水。煙三文魚一路都維持到水準，唯一嘅係佢比嘅醬料越來越少，希望以後可以多番啲。肉丸方面亦都相對簡單所以水準好穩定，亦都真係算性價比高，下次有機會會來試吓個豬手。

榴連終於走左，呂宋芒番黎😂⭐️呂宋芒果植物素新地筒 $6一直好欣賞Ikea既食品會照顧埋有乳糖不耐既朋友同素食者既需要，今次既芒果味香濃唔假，口感似雪芭，$6絕對抵食。

去Ikea買完野🛍️，見好耐無食Ikea堂食，所以去試試佢8月個Menu🥘。蒜香小龍蝦 ($53)第一次見到IKEA有原隻小龍蝦賣🦞，但係$53嚟講得七隻真係完全唔夠喉🙊，本身小龍蝦都冇乜肉食，哩個價錢我可能會叫返其他嘢食。而小龍蝦除咗食佢小小嘅蝦肉之外，通常都係食佢嘅味道。但係佢個所謂蒜香味一啲都唔出🧐，又唔夠平時食開嘅麻辣小龍蝦惹味香口，非常之普通。下面有一啲青瓜、蓮藕同蘿蔔做塾底🥒，然後有一層蒜油水浸住，基本上成堆嘢都係同一隻味，隻味又唔係好食🙁，除非你好鍾意食原隻小龍蝦，如果唔係完全唔推薦❌。Btw上官網見到係有麻辣小龍蝦，但只限澳門供應，有啲可惜。🐻‍❄️卡邦尼雞肉丸意粉($36)🐻‍❄️IKEA啲意粉不嬲都唔好食㗎啦，因為我上次食啲意粉Overcooked，淋到好似食緊麵粉咁🫠。今次見佢出咗新嘢，又幾平，所以再試一試。今次佢嘅意粉終於係啱啱好👍🏻，唔會好似食緊麵糊咁。但係哩個所謂嘅卡邦尼完全唔合格❌，基本上佢個汁就係以前活力午餐嗰啲龍脷柳白汁，同埋嗰啲勁難食嘅什菇配菜，然後上面有啲煙肉同埋芝士碎，但係啲芝士碎已經溶咗一pat野🤢。基本上係令到我諗返起小學嗰陣嘅午餐飯盒惡夢☠️。而個

次次食ikea都好開心，因為佢地啲野平均水準唔錯，又唔貴，可以想食乜就要乜。肉丸：一貫水準，啲汁好香，肉丸有咬口，薯蓉香滑，應該係加咗牛油。雞翼：好食好惹味！細細隻雞翼方便食～凍蝦：最鍾意ikea凍蝦，每隻都有好香嘅蝦膏同蝦子，肉質唔霉龍蝦長通粉，啲汁唔係好夠，長通粉應該係就咁烚完加啲汁落去，無乜味，汁都唔係好夠味～龍蝦肉都唔多。龍蝦酥皮湯：ikea呢個新嘅龍蝦系列真係麻麻，無乜味，同出面好濃嘅龍蝦湯差好遠整體嚟講ikea都係啲經典菜最出色，其他新系列感覺未成熟呢。

係Ikea行完街有啲肚餓 見到隔離就係Ikea餐廳 就去試吓啦🏃🏻🏃🏻‍♀️平時食開美食站 睇吓餐廳有啲咩唔同啦🇸🇪🛌🛌🇸🇪穀飼西冷牛扒伴薯條配阿根廷青醬🐮🍟 ($79)牛扒都大塊啊 🙋🏻‍♀️食完都飽啊成塊牛塊最好食嘅地方係油脂部份 都好香啊😀但係肉嘅部分就麻麻地 肉比較霉🫤調味方面就算簡單用咗黑椒大家都可以再點阿根廷青醬啊 🙋🏻‍♂️🙋🏻‍♀️都好鐘意個醬上網睇返🌍 原來呢款醬主要用歐芹 同橄欖油🫒去整歐芹可以令牛扒嘅味更加出 而橄欖油更加帶出牛扒嘅油脂香啊👍🏻👍🏻🤤🤤酥皮龍蝦濃湯配小龍蝦肉🦞🥣 ($36)見到個賣相好好就試下啦個酥皮好香好脆 而且外表黃金色好靚啊💁🏻‍♀️但係個湯就有啲失色啦 雖然有龍蝦湯味 但係濃湯好稀 口感唔係咁好 如果加返啲忌廉會好啲啊小龍蝦肉都唔太得啊🙁 一食落去有雪藏味 同有啲腥🙁都預咗會係冰鮮小龍蝦肉 處理得好啲就可以避免啦🫣香草燒小龍蝦🦞☹️ ($23)呢個唔建議大家叫啊🫣 雖然寫係用香草燒 但食唔到任何調味🫙之後再食就食到雪藏味 同腥味🐡擔心唔新鮮就冇再食啦☹️

一直覺得ikea餐廳性價比幾高，今次再去順便記錄低食咗啲咩畀大家參考吓😆酥皮龍蝦濃湯 $36酥皮好薄脆，湯入面有薯仔同洋蔥仲有小龍蝦，欣賞佢唔會太鹹！但飲到後面都幾滯🫢蘑菇忌廉湯 $16性價比之王！香濃足料！愛飲蘑菇湯真係必點！🤎蜜糖火腿蘆筍意粉配蒜香忌廉汁 $49呢個係7月精選，得九龍灣、沙田同荃灣有。食落有驚喜！個醬creamy得嚟帶啲香草味，雖然蘆筍過腍，但唔會老。火腿就唔係好食得出有蜜糖😀瑞典雞肉丸 $8/5粒經典之選唔使介紹啦😌蔬菜薯餅 $9西蘭花味騎劫晒成個薯餅，唔鍾意食西蘭花嘅慎點🙃榖飼西冷牛扒 $79呢個唔記得抄低全名，睇官網menu嗰款係伴黑松露薯蓉，但當日呢個係伴薯條，所以應該唔同🤣不過anyways, 青醬幾好食，扒煎得唔錯，穩定發揮，性價比高！香草醃三文魚沙律 $36本身配埋嗰個醬太甜，建議大家拎包凱撒沙律醬嚟撈沙律🤪凍蝦盤 $30每次去ikea必點！補充滿滿的蛋白質😆大家去ikea又鍾意食咩呢？👀⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆想睇更多分享😳😳

係荃灣如果我想食西式野我就一定會去食ikea,ikea真係可以食到平價既西餐，仲要荃灣佢前幾年新開個間ikea都唔細，雖然夜晚大又數要等位，但係唔駛等好耐好快就可以入去食。入到去其實有幾樣真係必叫既，第一一定係薯格，我本身係一個勁鍾意食薯格既人，仲要ikea既薯格你可以出去節唔同既醬去點，好好味，第2樣一定會叫既係肉丸，佢每一粒都好彈牙，仲要有埋啲汁一次過俾你，總知食落去就超級正啦，呢2樣野真係每一次去食都必叫

不嬲都知道ikea餐廳多人去, 因為價錢平又有質素。星期六日假期，都將難搵到位，我今次揀左平日既下午茶時間，取食物同位都唔需要等，只是比錢時，排左5-10分鐘左右啦。我本身好鍾意食咸豬手，現在都好少餐廳會成隻豬手上，見到只是$66，就即叫來食。本人覺得咸味差dd, 肉同皮都算適中，而且都好易切開，配菜是迷你薯仔同酸椰菜。酸椰菜同係德國食時差不多，作為開胃小食都不錯。朋友叫左西冷扒，叫左之後要等15mins左右，一上碟就打左個折扣，因為覺得好乾，冇彈性，又好冇厚度, 但一食就覺得性價比超高。很有肉味，唔算好juicy, 但冧又有咬口，份量算是盡中啦…但真心說是好味喲…唔怪之得，ikea餐廳一直咁多人去食啦！

父親節去咗荃灣ikea行下,當然順便喺佢哋都算好大嘅瑞典餐廳食嘢啦！每次去都多人㗎,好彩今日好快搵到位,跟住我就去買野食！冷盤蝦🦐我地每次必定會叫,因為蝦肉夠爽口又好夠味,加埋佢個醬同檸檬汁,味道啱啱好又清新,最緊要係有人幫我剝埋👍瑞典肉丸🇸🇪呢個都係每次必點,肉丸配上忌廉汁同薯蓉好正！脆皮燒豬手🐽豬手皮燒得比較乾,要點醬中和,豬手肉尚算嫩口,啖啖肉唔太鹹配搭酸菜同薯仔粒唔錯,而且份量十足👍三文魚配薯蓉蔬菜🐟三文魚份量可以,肉質夠嫩滑,同個汁配得好夾👍+$8可配飲品,咖啡茶/汽水可以refill都超級抵!而且餐廳都好好坐🤣

宜家傢俬出左兩款榴槤新產品，其中一款要上餐廳先有賣，🤴🏻話咁就順便食埋晚餐啦！😄😄～～～蘑菇🍄忌廉湯🍵～～～🤴🏻裝到差唔多滿瀉😇😇，有好濃嘅蘑菇味，唔會好稀！😃😃～～～煙燻烤雞腿🍗～～～🤴🏻扭計要食，唔係好大隻，味道正常，唔會好乾😀😀～～～煙燻蜜糖腸～～～$12/3粒，粒粒都飽滿、多汁、又短又肥😁😁！～～～燒烤味三文魚柳配北非小米沙律🥗及薄荷乳酪醬～～～我就覺得size偏細，小米內有蕃茄粒，所以會帶酸味，三文魚自帶嘅魚腥味🤴🏻就覺得ok，我就有啲接受唔到！😅😅～～～黃金軟殼蟹意大利粉配鹹蛋黃忌廉汁～～～意粉軟硬適中🤴🏻就幾鍾意，鹹蛋黃汁有起沙嘅口感，但味道唔濃😅😅特別在軟殼蟹炸到成塊薯餅形狀，但內裏又真係成隻軟殼蟹原型俾你食，食得都幾方便😋😋，軟殼蟹味道都合格😙😙～～～D24榴槤斑斕蛋捲～～～斑斕味散發自蛋糕體，榴槤味就來自啲cream，食落都幾夾，唔會搶咗對方嘅位置😛😛，雖然未去到超級出眾，但一試無妨😘😘！

Personally didn’t expect much for food in IKEA, just for a quick lunch. Yet, the limited fresh lime sea bass served with mango salsa was surprisingly good!The sea bass was well grilled yet not overcooked. It was well marinated so it tasted exotic. The mango salsa was fresh. The potatoes were slightly grilled. Hope it could stay for a little bit longer TT