宜家家居餐廳及咖啡室

營業中

休息中

今天總共幫襯咗宜家餐廳兩次。朝早仲見到有早餐 set 好抵食，但排隊排到我時啱啱過咗11點，冇得食。氣憤之下就叫咗一隻豬手做早餐。呢隻豬手嘅性價比真係冇得頂，63蚊有咁大隻豬手，仲要新鮮炸出嚟 ，皮脆內嫩。 配菜嘅酸菜嘅酸度啱啱好，而4粒薯仔大大粒，食到飽。下午嗰轉就只係叫咗個小食拼盤同埋蝦。 本來我唔係好食蝦，但係今朝同枱食嘅 family 4資料個人就叫足三碟。於是我心思思又試下。 其實啲蝦剝殼後都變到細細粒，肉都算鮮甜 ，但係最神奇之處就係每隻蝦都有大量嘅蝦籽。另外小食拼盤39蚊就有四隻雞翼，四條脆皮腸同一堆薯格，好抵食。住喺附近嘅朋友，真係可以用一個超平的價錢食到咁多美食，羨慕屎我了。