宜家家居餐廳及咖啡室

營業中

休息中

想食平野始終要付出小小，IKEA restaurant個感覺比較遠離新城市果頭。但其實又唔算太遠既，只係上到IKEA仲要兜大圈先去到間餐廳。南瓜湯其實都係想飲個湯，試下好唔好飲。飲過一啖，味道真係唔錯，南瓜既份量都幾多。而且唔會太淡，飲落去有種好smooth既感覺。味道絕不欺場，同西餐廳既味道有得比。而個餐包就無乜特別，純粹只係想黎送湯。漢堡扒其實佢個名就叫唔知乜野和牛，但我既感覺只係覺得係普通既漢堡扒。不過個扒既味道都唔錯既，肉質唔會太實。而且都幾有肉味，整得都唔錯。而個燒汁同個漢堡扒都幾夾，整個餐都唔錯。而炸薯條又幾有薯味，不過嫌份量唔夠多。呢餐都係四十蚊到，其實食完都ok飽。而且味道真係唔錯，平平地就有咁多野食。又唔使等位同要同人迫，唔介意行遠小小，呢度都係個好地方食lunch架。

今晚想做草食性動物，人在沙田，二話不說便想到了IKEA Cafe...熱門的食物不多說，推介大家我今晚發現新新驚喜!!!就是凱撒凍蝦沙律 HKD$22想吃凍蝦，又不想原隻脫殼咁麻煩，蝦三文治又太dry，這個凱撒凍蝦沙律完全滿足了我的慾望凍蝦分量不少，和蝦三文治相約，有驚喜的反而是它的沙律，雖然接近晚市尾聲，但生菜仍然翠綠爽口，還有三片厚厚的芝士!! (有在超級市場買開芝士的朋友，應該知道價值多少，現在是三塊!!)急不及待地吃了，連照片都忘記拍....還加了五粒肉丸跟意粉...這一頓晚餐就只花了$32!!!這樣質素的食物配上這個價錢，我想不到有不再光顧的理由啦

次次行親IKEA最後都會去左食個度既餐廳每次都會叫肉丸 !!!因為襯埋個jam真係好好味同埋好抵食!!今次試埋煙三文魚隻汁都幾好 !!薯條 雞扒意粉 都有試 但係無乜特別 !繼續會去食~ 試埋其他野~

未行過呢個商場真係唔知呢道每間台鋪,十居其九都係傢俬店,人流相比起沙田新城市廣場,實在相差得太遠吧?!?!!?雖然近火車站,但距離新城市廣場連接的幾個商場,真係有點偏離了.....我很捧場megabox那間IKEA CAFE的,不過對呢間CAFE,真係幾失望,事關我想食的「瑞典肉丸」,「青口」同埋「什菌磨菇汁闊麵」,「chocolate almond crunch cake」都無!!!!真可惡!!!我同朋友行行下城市廣場,都特登行黎呢間IKEA想擦返一餐又抵食又食得飽的DINNER的!!!點知搞到朋友失望極了........我地上到呢個商場1/F,直接有條IKEA專用電梯直接飛上去IKEA那一層~~~我地未黎過呢間IKEA,以為CAFE位置會就近出口那邊,點知我地行完貨倉那邊,見到有個指示路牌,寫住CAFE就0係入口的附近 激死........我地都叫做差唔多左左1半..算啦,,我地繼續逆流死死氣行返去cafe........終於去到....唔係太多人,果陣未夠6pm~但係見食客都無一車車推住好多食物返埋位食的~佢地都只係叫少少food only..... 完全同megabox的f

晚上在沙田市中心一帶看傢俱,行到第三站去到"宜家",反正來到"宜家",當然係順便係呢度食埋晚餐才回家囉~ 我同囡囡要了一個"兒童餐" $15 蚊 (有肉醬意粉+MEKO蘋果汁),另要西蘭花芝士忌廉湯 ($8 蚊), 有機長通粉配有機蕃茄肉醬 ($19 蚊),凍蝦杯 ($ 22蚊), 這個二人晚餐才 $64蚊,好抵食啊~ 肉醬不會太酸,味道剛好,個湯也好正,不過...最正的係凍蝦杯,因為,好鮮甜,仲有好多蝦春的呢~

今晚同女朋友行完沙田買完衫行到又累又肚餓, 就係沙田搵野食, 後尾2個去左宜家傢俬餐廳既沙田店食飯~依間野之前呀SO介紹過的~瑞典肉丸的確好味, 但好似無去講到咁勁咁誇~!!!!!女朋友叫左個龍蝦仔法國濃湯, 略為篇咸, 但夠龍蝦肉夠大舊補返數~呀SO 推介既瑞典肉丸, 又有薯蓉再+果醬, 抵食又好味~10$有成5粒..唔同之前九龍灣一定要叫10粒~我就中意酥片煙豬柳..可跟飯, 意粉薯菜, $39, 豬柳SIZE 超大舊...抵食~肉又夠嫩, 女友就叫左意粉~下次再去都要再叫過先~

今晚行到遠一遠地方食, 好少會o黎呢度食, 因為要行一段好多吸引你注意, 又想去試ge地方,就係傢俬店!!!!行過o黎商場段路其實話遠唔遠, 但話近唔近, 行到商場重要o係宜家度行大半個舖頭先有得食!真係可以話" 又想玩, 又想食!"終於行到去餐廳, 搵位坐, 今晚好多人o黎食, 好彩唔駛等好耐位就有得坐,最後大家用左$131買左好多野食返o黎, 一個人去買都無問題, 因為佢有部車仔, 可以將o的野食放落車仔度推去自己ge坐位, 超方便!以下就係我地叫左食物呢個雞扒睇落個樣唔太好, 切落去重有o的難度, 好實, 但唔知點解食落口好彈牙, 正~!三個人食, 食到尾差少少食唔晒.....好彩到最尾無浪費到!o係呢度食, 最緊要食完後, 將所有碟, 所有食具放番去個架度, 因為呢度係要自己收拾番所有食具,食完後大滿足!!!

這裡真的很隔涉呢，是晚第一次走出新城市廣場去到呢度。Ikea 的望設計路線就是要你行一行佢個 shop 先可以找到呢個美食地方。是晚特別多人，而且也多人等位。最後，終於找到位置安頓下來，已經用上差不多半小時呢。見到 menu 上的東西價錢方面不太貴，選擇也不算太多，所以大概大部份的東西都點左先，可以try多 d 野。不過沒有車仔真的很麻煩呢，要 self service，連 drinks 都要落左隻杯，最後先斟。所以一對手一個盤子實在容不下order 的東西，要分幾轉才行。點了 mushroom soup，總覺得有點怪怪的，不知是否跟落 creamy 的程度有關target 有否凍蝦杯，竟沒有喔很失望！原來是 depend on season 的！必叫的瑞典肉丸有大小之分，點了十粒的。不過如配 fries 會更開心，因為麻麻地 boiled potatoes。卻出奇的覺得它的 potatoes 不會煮得太淋。smoked salmon 好新鮮呀，我覺得整得不錯。薯條則很失望，淋的！我要的啤酒豬扒，好鞋的豬肉，太硬呢，啤酒味亦很少呢。最有驚喜是 chocolate almond crun

去開st都會去ikea行下,順便食個tea我每次去都會食肉丸,因為好抵,個果jam配得幾好食有時佢會有d 特別野出(e.g x'mas有火雞脾),都會叫下泥食有次食過薯條,我覺得麻麻地,.又唔熱!!!意粉都試過,我覺得一般,但幾抵食既^^3文魚都食過,唔差.幾好食,個汁幾好食見到原來有早餐,等我下次去試下先~~除左咖啡室,出面小食我都會去因為有hot dog,個hot dog好食,又平依家仲有d 好似pizza仔咁既包,下次都會去試下^^

是日和少奶到沙田行宜家，趁時間尚早，不太多人，來吃個早飯。兒童餐：$15，包一盒蘋果汁和一個有機茄醬意粉。蘋果汁不太甜，茄汁味道是典型西式意粉茄醬口味，即是蕃茄加香草煮成的，食慣這類茄醬的，應該會喜歡。雖說是兒童餐，但很多大人吃，因為份量不多，可再吃其他食品。羊架：要$39，不算平，但味道真的不錯。新鮮烤好，由廚師切給你。生熟程度恰到好處，肉帶粉紅，但又不滲血水，而且很冧，不會韌，亦帶少少肥膏(我最鍾意)。最重要係羊肉味夠濃，相信是優質貨，當然，廚師的手勢也很重要。愛吃羊的，一定會鍾意。肉丸：$19有10粒加六個new potato，太多人講過啦，毋需再講。汽水：$7一杯，無限添飲，抵啦。可惜只有百事、七喜、忌廉和橙汁，沒有可口可樂。雖說是自助式服務，但職員態度也算不錯，即使面對d麻煩客人(例如人地的煙三文魚放在雪櫃比你自取，有d客自己行過左又要個職員攞比佢；又或者有d客搬張椅放在走廊位置放東西，阻人出入)，員工都唔會面黑，抵讚,！

同個fd去開沙田, 唔知食咩好, 突然諗起成日都等唔到位, 見都成2點就去碰下運氣, 最後都等左成幾個字先有位叫左既食物有:煙三文魚, 味道一般, 但夾埋個汁就幾開胃凍蝦杯, 真係好多蝦子, D蝦好細隻, 食落唔覺放左好耐肉丸 x 10, 同普通既肉丸差唔多, 但配個醬幾好食, 反而個汁就好似無乜特別雞亦, 幾好食, 但唔係話好嫩雞扒(!?)長通粉, 果舊雞硬硬地, 個人覺得下次唔會有下次...著條, 無咩特別一杯任飲汽水一盒蘋果汁唔知點解次次去都好多人

行左一半IKEA 先發現呢道，雖然o岩o岩食左熱狗同薄餅，不過見到招牌肉丸，黎到冇理由唔食架。 瑞典肉丸10粒$19....肉丸好軟身，點了醬汁肉味更出，非常好食；配菜有薯仔+果醬 香草雞翼4隻$10....雞翼比KFX 的還要好食得多，再沾上肉丸的醬汁仲更加好食

名氣傢俬品牌「宜家傢俬」雖以瑞典設計的簡約傢俬出名，但對一眾愛吃的食家來說，「宜家傢俬餐廳及咖啡室」的多款瑞典美食，特別是它那只此一家的「瑞典肉丸」才是最能令人一吃再吃，久不久便前去幫襯的地方。就像這天，自己來到沙田覓食的第一個目的地便是這個地方。能夠令自己捨棄附近新城市廣場中的眾多中西食肆而去，寧願多行一段路程來到這家位於新城市中央廣場6樓「宜家傢俬」內的附屬餐廳及咖啡室吃晚飯，這裡當然有它過人的魅力，才能把自己吸引過來啦！而當中最有吸引力的莫過於它那獨一無二的「瑞典肉丸」。這天來到「宜家」，在裡面兜兜轉轉，終於來到此行的目的地「宜家傢俬餐廳及咖啡室」。踏入開放式的餐廳裡，裡面已經滿是客人，想找一張沒人坐的檯實非容易，幸運地望見其中一張檯的客人剛好離開，而且這桌子還是沒有人會搭檯的二人座位，當然一馬當先坐下啦！連隨呼喚過在餐廳另一邊搵位的老婆大人過來坐下後，便立即到自助食物櫃檯拿取食物醫肚。除了必叫的「瑞典肉丸」外，還拿了「凍蝦杯」和叫了「燒牛肉」。到收銀小姐處付款之後，另外再加$7買一杯可以無限添飲的汽水，便自行拿過餐具，滿載而歸，回到老婆大人處享受這廉價的盛宴了。1）「瑞典肉丸」

病左一個月，完全戒口，雖然未好得哂，但都忍唔住同男朋友再來多次宜家,,專登揀lunch hour之後，1點半左右，人流唔算多，好易搵到窗口角落位,,,環境都幾靜,,,見到有久違o既燒春雞，真好開心﹗不過冇凍蝦‥‥‥叫左半隻燒春雞+兩份19蚊o既肉丸+煙三文魚+飲品燒春雞加左價，以前39蚊1隻，而家25蚊半隻,,,不過都好抵，味道都算唔錯，男友話d 雞胸肉o鞋口左d,,,肉丸水準依然，正﹗煙三文魚落左兩滴檸檬汁，再點佢俾o既醫汁，酸酸甜甜，帶出三文魚的鮮味，好味﹗後來男友唔夠喉，encore兩次肉丸，佢想加d 意粉,,,我問店員先知，肉丸意粉都係同價，即買10粒肉丸、10粒肉丸意粉都係同價﹗真係次次冇失望>w<

大多數去開沙田都一定會去開返餐.....燒龍蝦仔 $22第一口咬落去覺得比較鹹...再食多一啖就食到係d海水味...咁ge價錢...都食到海水味ge龍蝦仔真係好抵....個身都有唔少肉....下次有都會再點...燒雞下脾 $15呢個真係好好食...肉質都幾滑....個汁有少少番茄味...酸酸地....我點肉丸個d意粉去呢個汁到食都唔錯....下次肚餓可以叫個意粉食...自創燒雞下脾意粉....期待下一次ge新野...p.s.可能唔係新出...不過次次個餐單都唔同....所以對於我黎講....第一次食就係新野...