宜家家居美食站

營業中

休息中

行到有點累，需要補充能量，適逢要到宜家，就在它的小食店加油。原本只想食熱狗，但熱狗套餐只是$10，有熱狗有汽水十分超值。熱狗腸咬落外皮有點點脆皮韌度，腸肉亦具彈性，雖然沒有蕃茄、菜絲等，只有任加的茄醬及芥辣，亦很美味。 再要一杯$6的朱古力雪糕新地，軟雪糕質地較為實一點，味道淡淡的，而且份量比m記少三份一，十分孤寒。補充體力後，又繼續行程。

第二站去左宜家. 一直想試. 但好多時經過銅鑼灣又唔記得去試. 今日又拉埋媽媽吃.叫左兩隻熱狗. ＄６一隻條腸仔真係好長. 前後都煙靭. 或者應該叫脆. 熱狗到手都係微軟. 預料之內.加左茄醬. 幾開胃. 之後試下我一直抗拒的芥醬.本住人一世物一世點都要試下的心態 結果都算冇中地雷. 酸酸地帶點辣. 可接受. 不過如果冇加醬食. 我諗會好漏.其實而家六蚊隻熱狗唔算話好貴. 但又唔可以話抵到爛起碼都算飽左陣肚.

唔知係咪食完FRESHNESS既熱狗關係BB 竟然又再想食熱狗呀今日嚟呢度睇下嘢時~再去食熱狗呀呢度真係好平呀~味道又唔差呀仲可以勁落芥辣同茄汁添...YEAH~又機會再嚟食下...

上週，行銅記行到無哂電，已經踩上去IT SPREE，都要飛奔落地面，過對面街、落地庫。幾乎想有乜要乜：新地$5, 汽水+熱狗$10、爆谷$3、軟雪糕$2.5、脆洋葱牛油粟米$6、小杏TART$9。成個「全餐」7道菜夾埋都係35蚊之麻，不過又怕太誇張。收銀員好關心顧客…本來無叫熱狗，但係佢諗諗， 同我講話加3蚊買餐已經多隻。最後都只無要小杏TART同新地。但係勁滿足！樣樣都平令正：爆谷係戲院質素、牛油粟米好過M記，加埋脆洋葱更加香口、軟雪糕都好過M記，比得上富豪；熱狗腸又長又脆又夠熱，加埋汽水（PEPSI、7-UP、DIET PEP）。最緊要係樣樣野都係我飛佛，食完醒番哂！唯一唔好：地方細、枱DUN少，人多起黎，加埋d芥醬/茄汁樽同醬汁响你面前飛黎飛去，分分鐘食得辛苦過掃街。唔怕麻煩拎過去維園食都OK ge。同埋如果多個員工經常洗理下嗰兩張枱就好啦！成日都一dart紅一dart黃咁…

每到宜家行一行,到尾聲既時候,都有個指定動作就係:熱狗吖唔該~~行完兩層宜家,唔多唔少都消耗體力,食隻熱狗就最好不過麵包不算特別好味,只靠美味肉腸加上茄汁芥辣就變得不平凡現售$6-

看到食評不錯就去試試先。原本5蚊的熱狗了1蚊=6蚊。買了一個試下，真是難吃。那個包硬硬的，又干，夾的腸也沒有什麽味道。要是沒有加番茄汁真是無法下肚。還有朱古力新地，分量好少，還沒有麥儅勞的好吃。下次不會再吃了

又一個人0係銅鑼灣搵 lunch 食... 赫然發覺糧尾到唔糧尾, 0黎了呢度買隻熱狗 ($6) 加杯「是日之選」Clam Chowder ($8) 窮食一餐.拎住隻狗當然要到「立食」counter 落 mustard 及 ketchup... 個包暖烘烘, 咬落少少乾, 不過算幾軟; 熱狗腸一大條, 腸衣薄脆, 味道 ok; 而 mustard 及 ketchup 就係 Heinz 的現成貨, 味道可以預計. $6 一隻, 跟汽水就 $10 一個餐, 平成咁仲挑剔乜0野?Clam Chowder 稀身, 帶 herbs 味, 蜆肉及薯仔粒都唔少, 味道亦頗 creamy. 算不錯. $8 一杯, 仲挑剔乜0野?$14 0係銅鑼灣食到一餐味道不錯的, 仲挑剔乜0野?雖然, 我都係鍾意中環「永樂園」的熱狗 (http://www.openrice.com/restaurant/commentdetail.htm?commentid=1861870) 多 d.

要了熱狗, 付了六元。加了茄汁和芥末。再到櫃台買可樂,( 突然想喝百事)再付七元。回到原位, 我看到『熱狗+可樂 = 熱狗餐十元』。熱狗正常味道, 可樂又會有甚麼特別?可是...夠平。

10月18日，13:40買烏雞不成，一肚氣。回家前先到這裡來點甜食，消消悶氣。士多啤李雪糕新地：雪糕仍舊是軟滑和柔，士多啤李醬汁酸鮮，還付上朱古力脆脆。在銅鑼灣區，這是我至愛加油站。題外話：女人是善變的，被太座遙控買鮮烏雞，在太原街附近，祇有剖好的，她不接受；到鵝頸橋有活的，她要認為太貴，最後空手而回

價錢平﹐一隻唔飽﹐食多兩隻都係$15。個笑笑口絕對係因價錢而比。想講一下就係d食客可唔可以食完隻熱狗之後張d垃圾放落垃圾箱內呢﹖ 因為本人見到放茄汁同芥辣既每張臺上﹐成臺都係hotdog紙袋。

今日去cwb買野，所以就o黎買左杯新地解解暑~~~要左個有機香橙味新地（另有朱古力同士多啤梨味的），因為見橙味比較特別少少，唔係隨便m記都有得賣果d~~見佢d雪糕都俾得幾足，唔係入面一大個洞果d~~先談雪糕，超滑丫！好過m記果d多多聲！再加埋上面果d甜甜地脆脆地的雀巢早餐穀物，真係無得彈丫！最特別係佢個香橙醬，少少酸，解暑一流！仲有入面有一粒粒的橙皮ga！有得咬下，超正丫！咁多樣加埋晒真係一流丫！而且先賣緊$5，份量仲要同m記果d有得fight，各位去到點都要試下丫！另外當我問佢地邊到有atm的時候，d staff都好有禮貌咁答我，值得一讚！

好多時要食下午茶大家都會即時諗起 "美心"．"大家樂"．"大快活"宜類既快餐店，但係係宜D快餐店食下午茶最低消費都要十幾蚊...而且食既野都只係多士..小食等等，好似有D唔抵。係宜家樣樣都加價既時候...宜間野係唯一冇加價既....而且食物既質素好好．服務態度亦都好好。係宜度食野只需用幾蚊雞就可以食到好好食既野...而且都可以令你飽飽。我最中意去宜度食爆谷架啦!!因為平時要食爆谷都要去睇戲果時先食到...平時想食都好難搵到地方有賣爆谷，所以係宜度都可以滿足到中意食爆谷既人!! 除左爆谷之外，佢D熱狗都好好味架(其實係佢條腸仔好食啦!!)...攞左個熱狗之後...自己可以落自己中意既醬，好好味哦!!如果一個下午茶買一個爆谷($3)同一個熱狗($5)，都只係要$9炸!!係cwb仲有咩地方可以以咁既價錢買到宜D野食呀!!我諗都冇啦掛...所以宜度真係一個好正既地方喔!!

最後一日開工，為左獎勵下自己，就o黎左宜家食左個爆谷($3)同軟雪糕($2)~~(當然唔只咁少啦！o係其他地方仲有食到野)本來想影下個雪糕先食，不過入面實在太多人啦！到我出到去出面，杯雪糕已經開始有少少溶(8月的cwb實在係太熱啦！)所以我就放棄左lu~~感覺上杯雪糕比ok$2.5果款細少少，不過都有唔錯的牛奶味，而且都幾滑，幾好味~~同埋佢只不過賣緊$2，各位去cwb一定要食丫！之後再食個爆谷，個份量實在唔算多，不過以$3來看就已經很足夠了~~都幾脆口，不過我就嫌d焦糖唔夠多同埋唔平均，有時有d真係會少少焦糖都冇但講真，如果你唔係去戲院同冒險樂園之外，這兒近乎係你唯一的選擇，而且$3細細份，一個人就o岩晒啦！另外，佢個service都唔錯，如果你想要囉走個爆谷就記住要同佢講，佢就會用個紙袋裝俾你~~

和親愛的一起, $5可以去扭蛋擲彩虹如果係食方面, 當然係講ikea的熱狗啦!係cwb行行下肚餓, 因為過無耐就要回家吃飯最好的解決辦法就係買隻熱狗自助的加上自己喜好份量的茄汁芥辣腸身比包長, 暖暖的包和酸酸辣辣的醬真係可以醫肚又經濟! 簡單的滿足!

平時好少過cwb~22/7~在cwb補完習~4點幾~緊係去宜家傢俬食久違了的熱狗~熱狗的味唔算得非常特別~但一諗到個價錢~$5for熱狗~加$4就可以跟埋野食~即刻覺得隻熱狗好好味~不過li度係自己加醬~有好有唔好~好就緊係自己加幾多都得~但唔好ge咪d人搞到個地方好似dirty咁~平時行過cwb~餓餓地可以黎醫下肚~勁抵食~