定食8 (已結業)

星期六下午來到定食8企係門口好耐先有waiter 過黎招呼餐廳未坐滿, 但人手好少餐牌註明任食白飯,湯,椰菜,茶午餐選擇多有牛肉飯,牛小排,吉列豬扒,刺生飯等等我揀左芝士吉列豬扒, 因為menu 張圖好吸引朋友揀左牛小排豬扒一黎到,好吸引,鋪滿成豌飯定食有中華沙律,湯同小甜品湯內有豆腐同白蘿蔔,好飲呀!中華沙律正常,無特別吉列豬扒炸到好脆,用上日式吉列粉漿,豬扒好味!厚肉!但芝士味一d 都唔出!同menu 張圖,有塊芝士係入面,差好遠🤣如果改名叫"吉列豬扒"會覺得好d!飯內有椰菜絲.個人認為飯汁唔夠,要去自助吧拎d 飯汁!朋友嘅牛小排終於到,定食內嘅小食同湯一樣.牛小排都有好幾舊,分量唔少!味道不錯👍🏻最後飲多豌湯,仲添左杯茶,係麥茶黎嫁!👍🏻跟餐無飲品,要加錢,所以無叫.埋單100蚊左右,唔錯!

是日去o左屯門有個job， 先同埋d partners o係卓爾廣場食個lunch。我今日先至知道原來爭鮮集團除o左自取外賣同堂食迴轉壽司外，仲有日式定食o既飯店。咁我食開爭鮮不嬲都覺得係唔錯o既，特別係堂食，所以今日就試下呢個定食8 啦！第一眼見到佢menu 一個刺身丼都只係$50 幾，咁即刻揀好喇，出面食一個起碼都過$100，而e 度食仲係set 有埋其他配菜添。叫o左特上盛海景丼($58，未加一)，真係幾多刺身，而且你睇埋粒帶子同兩隻大蝦，真係好驚嘆點解可以咁抵食……！﹖食落去，三文魚o個d 同普通自取外賣o個d 魚生大細、質素差唔多啦，都ok o既，但係粒帶子同兩隻蝦則尤其好，鮮嫩多汁。講埋d 配菜啦，跟定食有一個味噌湯、漬物同一個甜品。甜品係個奶凍，好好食呀呢個！我不嬲都鍾意呢類奶凍，不過朋友就覺得個質感稀o左少少。另外呢除o左定食o既食物，白飯、湯、耶菜絲同茶都係任裝，d 麥茶幾香，耶菜同昆布絲本身味道唔係好特別，但一加o左d 壽司豉油，即刻好開胃，作為前菜好好。呢d o野都係o係一角自助區俾食客自便，言則其實呢個係個半自助餐o黎的，感覺仲抵！

來自台灣嘅爭鮮集團，已經有爭鮮外帶，同埋爭鮮迴轉壽司，今次帶來定食8嚟到屯門，重要連開2間，價錢大部分係$58一個餐（定食），仲可以係出面counter，又任食沙律菜同白飯任裝，任飲蘿蔔湯同茶。既然係爭鮮集團，食之前都冇乜期望，叫咗個牛扒餐，同埋炸芝心豬扒餐，再加個天婦羅。牛扒算係有牛味，肉質徧硬，不過已經好過快餐店好多，值得一試炸芝心豬扒，呢個好有驚喜，豬扒炸得鬆脆可口，裏面充滿了芝士香味，當然唔可以同日本的餐廳相比，以呢個價錢，食到咁嘅質素，性價比非常高必食天婦羅，呢個做得麻麻地，外邊層天婦羅嘅脆皮，比較油膩，好明顯係冇風乾過，非常失望下次可以慳返

E間野其實聽人講過好多次，主要係讚佢抵食又好味，見卓爾居都開左分店，就同朋友試下。佢限定每個人叫一個主餐，再加小食，我同朋友叫左個岩鹽牛排飯，冇計，大家一見都好想試，所以叫同一樣野。我地仲見左個炸生蠔同帝王螺。講返味道，我個牛排飯d牛好刃，好難咬，點知試下朋友個個佢就好林，唔講都唔知大家食同一樣野。帝王螺都ok，算大隻，蠔就一般冇乜特別。我又唔見特別抵食，雖然有海澡同湯任加，但講真又食得幾多，最唔鍾意佢迫住每人叫一個餐，有d人食唔曬根本就浪費。

在附近有活動，午飯的時間就來了卓爾廣場的''定食8''，因為午市定食選擇繁多，而且價錢也不太貴。繁忙時間也要等一等位，齊人先可內進，每人一定要點一個套餐（因為白飯和湯是任添），而且用餐時間有限時。這裡很特別，要先去收銀處點餐和付款的。還有好像是限定了在點餐後的一定時間送餐，所以如你趕時間的不怕要默默等到天荒地老，但員工就很緊張，不斷檢查我們的單。這個是自助區點了8號 ''黃金魚配炸蝦烏冬'' $58左邊的前菜很大份很好味，中間的帶子裙邊（？）麻麻辣辣的，白色那個是甜品，有點太甜，不過是很豐富的套餐。炸蝦烏冬湯底不錯而且炸蝦也是新鮮熱辣脆脆的。黃金魚味道一般，而且太油膩，只吃了一條。溏心蛋非常好吃！蛋黃很濃郁唯一不足是套餐比少了麵豉湯我們。

定食8在卓爾居開業兩月，門外常見長長人龍，今日難得有位，便在這兒解決午餐。打開餐牌，發現八款定食都只索價48至58元！本人選了燒秋刀魚唐揚雞肉定食：定食很豐富，一整條秋刀魚加上五至六塊炸雞肉，還有小食三碟！先談小食：枝豆味道就是枝豆味吧；帶子裙邊是芥辣味，比一般有點不同；中華沙律感覺新鮮，全都不錯秋刀魚燒得漂亮，魚肉醃得入味亦不會太＂嚡＂。最令人感動是旁邊放有一片青檸和一堆海鹽粒，令魚肉的鮮味層次提升雞肉炸得很好，皮脆肉嫩，本人尤其欣賞它是連皮炸，大大增加了香脆口感！雞肉上面還加了木魚絲及沙律醬，十分惹味說實在，這個定食無論份量和質素，以這個價格來說是完全超值，是次光顧後百份百明白為何店外日日人頭湧湧，希望下次有機會再來

星期六晚和同學去卓爾居定食8晚餐, 我們點了以下食物:煙燻三文魚沙律: 20蚊, 份量算合理, 不過個人對沙律興趣不大, 我的朋友吃醬燒魷魚:  很大隻, 20蚊絕對值得,  不過因為醬燒, 所以帶甜, 個人比較喜歡 薩利亞的蒜汁; 綜合刺身: 30蚊算豐富, 有希靈魚籽, 三文魚, 牡丹蝦, 吞拿魚, 很新鮮咖哩炸蠔豬排: 58蚊很豐富, 除了有豬排, 襄有炸蠔2隻, 白飯, 麵豉湯, 小食拼盤, 奶凍, 味道不錯特上盛海景丼: 58蚊都很豐富, 丼中有三文魚, 牡丹蝦, 吞拿魚, 帆立貝, 三文魚籽,  白飯, 麵豉湯, 小食拼盤, 奶凍, 味道不錯, 很新鮮另外也點了炸蠔, 20蚊5隻可用超值形容, 而且質素不錯, 和元氣的炸蠔同等雖然食物種類較少, 不過做精這幾款食物已經足夠, 個人認為定食8的食物CP值在日本料理店中算高個人評分

唔知大家有冇食過定食八呢，記得佢啱啱嚟香港嗰陣要排隊排兩個鐘不特止，仲會隨時截龍，估唔到佢而家分店越開越多，連屯門比較偏遠都食到，我就梗係去卓爾呢間分店啦，貪佢冇市中心咁多人，我哋大概等左5分鐘就可以入去坐定定等食啦。叫咗呢一個海景刺身飯，價錢唔單止平而且份量都唔細架，見到鋪喺面嘅有大大隻嘅甜蝦，唔同種類嘅魚生片，仲有非常大粒嘅帆立貝，一揭開飯嘅份量唔多，因為呢度嘅飯係可以自助加架！除咗飯之外，我特別鍾意佢嘅面試湯甚至入面嘅海帶都係可以自己加，如果大家係想要多啲配料就可以自己夾多啲海帶呀！加左個吉列炸蠔，我食落覺得有少少腥味就唔建議啦，不過價錢幾抵鍾意食嘅朋友都可以試吓嘅。

大家好，我是Wu Chu@Daydreamerss。這是我第一篇食評，請多指教。小時候，對「晚餐」只有一個刻板的概念，簡單來說就是一家人享用兩餸一湯的盛宴。晚餐往往要守很多規矩，例如魚不能左挑右挑把肉都挑散、餸要從自己那邊開始挾起、湯必定是飯前或飯後喝。更重要的是，有燒鴨加餸時，往往要跟弟弟爭奪唯一的鴨脾。到後來，看過卡通櫻桃小丸子以後，才發現她們都是每人一份餐，每人更可獨自享用一條魚這般奢華。從此，就羨慕著小丸子起來了。這天，跟女友Choco Nat逛了個天昏地暗的街後，不知不覺便已晚上九時多，便按計劃到這間新開的定食8。定食8跟爭鮮屬同公司的不同品牌。光顧過爭鮮的朋友應該都知道，其最大的賣點的價錢大眾化，而定食8就貫徹了這個特點，以$48起的價錢，提供8款定食。店舖主要以木的牆身，黑椅白桌，營造出簡約和風食堂的感覺。點餐的方式是先到收銀處選餐，付款後，店員會給你收據，你只需坐到店員安排的位置，就會有人為你送餐。首先送上的是Choco Nat的特上盛海景丼。每份定食除了主要的主食外，還會有味噌湯、日式漬物及甜點。先講一下日式漬物，分別是海蜇，中華沙律及牛蒡。海搔跟中華沙律都很常見，味

呢度已經開咗一段時間今日第一次食，想食清清哋就叫咗個刺身丼。個餐嚟到感覺上好豐富， 三個前菜都唔錯，咁當然比起貴價嘅日本餐就唔覺得特別好食。 刺身飯好似好大碗， 不過用筷子一拼其實啲飯係1吋多啲厚嘅啫。 刺身食落都ok啦， 一定比爭鮮好食囉見佢啲餐都係48蚊58蚊咁 再加埋一都係比較抵既。 呢個價錢！一定會返轉頭再食，下次就想試下佢啲牛肉飯 同埋炸豬扒

自從錦薈坊開了定食8後，每次經過都有長長的排隊人龍，令到很想試的我卻步了. 某次跟家人到裝修中的卓爾廣場，見到那裡居然也開了定食8，可能是下午時份，竟然沒人排隊，決定下次要來這間店試試. 來到年初3的下午，與家人看畢電影後，就從屯門市廣場直接走到卓爾居用餐! 由於是新年假期，這裡也有長長的人龍，但專誠到來就決定等位，怎知一等就是半小時，實在餓死我了! 安坐4人枱後，就到收銀處付款買定食，不過堂食也要比加一服務費的，但全店除了是店員安排入座及送餐外，熱茶也是自助的，所以這服務費可說是餐廳搵錢的途徑之一. 如果外賣就不用加一，不過以$48/ $58 的定食來說，我可以有更好的選擇! 看過食評記得有人說酥炸生蠔又平又好吃，難得來到，當然要一試! 酥炸生蠔 ($20) 一客5件生蠔只是$20，實在便宜. 炸蠔熱辣辣，咬下去有不少蠔汁，不過要小心吃，以免燙口，這定價也值得一吃的! 汁燒牛排定食 ($58) 定食已包括3款前菜、麵豉湯、白飯以及甜品，份量十足. 海蜇絲、海草以及牛蒡都是我喜歡的前菜，冰凍又爽口，全都給我吃清光. 汁燒牛扒約有12片，每片都有一定厚度，熟到適中

由於屯門卓爾居商場正在大裝修,以往的食肆不少己關店,這家新店在裝修中開慕,而且吸引不少人排隊,所以也吸引了我一試.這店雖是快餐,店內當眼處都寫著十五分鐘內必定送上餐的,但坐位是要由店員安排,先取得位置,看了餐牌,再走回收銀附費,店員隨後會送上你點的餐點.而茶水,餐具,醬料都是自助形式,要自行出去自助區取得,這樣的方式個人覺得有點麻煩,既然要自行到櫃枱先附費,為何不安排入座前點餐,我可以一點好餐自行取茶就可以安坐了,不用走兩趟.先點了一個很多日式食肆都有的鯖魚定食.以快餐店,半自助來說居然要收加一服務費我聽到都呆一呆,不過且看看那服務又如何優越.自己倒了這店的麥茶,坐在侍應安排的六人坐中的一個邊緣位置中等了約7-10分就送上餐了.不過侍應送了給早己吃了一半定食,坐在我斜對面的一位先生.可笑的是那位侍應還要向收銀的職員投訴單上的枱號混亂,而不用腦想想整張枱只有一個吃了一半定食,及一位在等吃的客人,要送餐的當然是乾坐的那位機會比較高吧.再者,問我拿單查詢之時亦粗聲粗氣,聲浪大一點可以媲美大排檔了.說回食品,這店的定食幾多元化,由吉列扒頪,剌身丼,燒牛及燒魚定食都有,我點的燒鯖魚定食會跟三款前

今日在家大掃除，到LUNCH時間見肚餓，打算在附近食新開的定食8，當我到店舖時已經好多人排隊，但我又肚餓又趕住回家清潔，於是決定買外賣回家食。它的外賣盒跟足日本方式，輕便，打開時已經見到一格格的配菜圍邊，我叫了汁燒牛排定食，塊牛排幾大塊，啖啖肉，牛排好淋，而且味道濃郁，好好味。配菜有黑豆(既甜，唔硬，幾好食)、牛蒡(切絲的，比較清新)、沙律(沙律菜味道合格)，最難得配菜有埋枝豆，枝豆好好食，有豆味，唔錯。每個SET都包味噌湯，湯內有好多豆腐粒，幾清，唔會好咸的湯。食飽飽仲有芒果布甸食，$58就食到這個定食，真係抵同好滿足。 我家人就叫了照燒雞腿定食，相比起我的汁燒牛排定食，就略為失色少少，但以$48價錢來說是抵食，這個雞腿定食，雞腿是切件，雞皮夠味，但雞肉略為淡了少少，但係味道都合格的。 下次一定會再食汁燒牛排定食。