影片
更多
2017-12-10
588 瀏覽
是日去o左屯門有個job， 先同埋d partners o係卓爾廣場食個lunch。我今日先至知道原來爭鮮集團除o左自取外賣同堂食迴轉壽司外，仲有日式定食o既飯店。咁我食開爭鮮不嬲都覺得係唔錯o既，特別係堂食，所以今日就試下呢個定食8 啦！第一眼見到佢menu 一個刺身丼都只係$50 幾，咁即刻揀好喇，出面食一個起碼都過$100，而e 度食仲係set 有埋其他配菜添。叫o左特上盛海景丼($58，未加一)，真係幾多刺身，而且你睇埋粒帶子同兩隻大蝦，真係好驚嘆點解可以咁抵食……！﹖食落去，三文魚o個d 同普通自取外賣o個d 魚生大細、質素差唔多啦，都ok o既，但係粒帶子同兩隻蝦則尤其好，鮮嫩多汁。講埋d 配菜啦，跟定食有一個味噌湯、漬物同一個甜品。甜品係個奶凍，好好食呀呢個！我不嬲都鍾意呢類奶凍，不過朋友就覺得個質感稀o左少少。另外呢除o左定食o既食物，白飯、湯、耶菜絲同茶都係任裝，d 麥茶幾香，耶菜同昆布絲本身味道唔係好特別，但一加o左d 壽司豉油，即刻好開胃，作為前菜好好。呢d o野都係o係一角自助區俾食客自便，言則其實呢個係個半自助餐o黎的，感覺仲抵！
第一眼見到佢menu 一個刺身丼都只係$50 幾，咁即刻揀好喇，出面食一個起碼都過$100，而e 度食仲係set 有埋其他配菜添。叫o左特上盛海景丼($58，未加一)，真係幾多刺身，而且你睇埋粒帶子同兩隻大蝦，真係好驚嘆點解可以咁抵食……！﹖食落去，三文魚o個d 同普通自取外賣o個d 魚生大細、質素差唔多啦，都ok o既，但係粒帶子同兩隻蝦則尤其好，鮮嫩多汁。
講埋d 配菜啦，跟定食有一個味噌湯、漬物同一個甜品。甜品係個奶凍，好好食呀呢個！我不嬲都鍾意呢類奶凍，不過朋友就覺得個質感稀o左少少。另外呢除o左定食o既食物，白飯、湯、耶菜絲同茶都係任裝，d 麥茶幾香，耶菜同昆布絲本身味道唔係好特別，但一加o左d 壽司豉油，即刻好開胃，作為前菜好好。呢d o野都係o係一角自助區俾食客自便，言則其實呢個係個半自助餐o黎的，感覺仲抵！
題外話/補充資料：
佢呢係出面有條queue 排隊(同自家迴轉一樣)，我3 個人，排我後面2 個人，我見到在場起碼有兩張分開o既雙人檯，咁佢係咪應該俾o左我後面對情侶先呢﹖又無wo， 總之只要我地未有4 人檯坐低，佢地都無得入住，通常唔會咁做……
(以上食評乃用戶個人意見 , 並不代表OpenRice之觀點。)
張貼
