定食 Doraya (駱克道)

營業中

休息中

想去哩度食好耐，終於有機會，同一個晌日本返黎的朋友去食~~下午2點去到，即刻有位，good!! 地方係好細~坐得唔多人。個洗手間幾乾淨，幾好幾好。好，拿臨叫個吞拿魚腩蓉定食先，朋友就叫左個...唔記得咩名添...上面好多木魚絲的....個款(即係邊款？>.<)黎到....都幾細碗咁o番...食落...d飯就夠，吞拿魚腩蓉就略嫌份量少左d~個兩件玉子好好味呢!朋友就話佢個o個都ok，都有70分，不過佢覺d飯係熱o既好怪，應該係凍好味d。唔...其實都好味o既，不過可能太有期望~下次要試火灸吞拿魚腩！！

3月9~~~2人食~~7點幾食唔洗等位~叫左一個薯蓉吞拿魚定食一個藍鰭吞拿魚扒定食好味~~!!個egg真係好味!! i like~!服務....ok la!~係d位逼左d~~~d人出入....我要行出黎先比到人出....都幾麻煩~!

(7/3/08)和媽媽、姊姊七點來,等了十五分鐘才可入坐。沒有芝麻菠菜,選了過多沙律醬的蟹籽沙律。看過食評,多人說吞拿魚腩好溜,吞拿魚扒有入口即溶,咪選了拿魚扒定食,在香港每次食吞拿魚都沒好感,這裡的,算唔錯,起碼無乜筋先啦。燒雞定食,一般啦。不過定食裡的煎蛋好有蛋香,正!森薯冷烏冬,時常看到旅遊節目,日本人攪下揼下的pet pet生芋,真係第一次食,好得意,黏黏糯糯。不過媽&姊也不欣賞。烏冬是杜庭烏冬,偏偏的,沒驚喜且豉油太淡。食物係ok,但座位太逼,侍應又急急收o野,吃一次就夠了。

是日累得賊死，下班只想吃簡單食物，便到此吃飯，點了蔥吞拿魚蓉飯，入口覺魚不夠凍，吃了幾口，尚算鮮美；忽然發現有點異樣，魚蓉中有一條...黑色的...頭髮...，輕輕扯出來，以為只是短短一截，豈料越拉越長，糾纏在血肉模糊的魚肉中，最後終於扯了出來，髮稍尚黏著少許粉紅色碎屑；我相信其他食物發現頭髮尚未至於如此嘔心，但吞拿魚蓉由於是魚生，真的不可如此大意！至此胃口全倒，傻瓜朋友叫我換，我真的沒有食慾了，連投訴也沒有興致。另外傻瓜朋友吃的是吞拿魚扒，他說可能飯太熱，飯上有粉紅色的血水...後來我想我是應該告訴他們的，讓店主知道，可以改善;不過當日太累，只想儘快離開...相信只是個別事件而矣...

好想食佢地個極上藍鰭吞拿魚腩定食,今次終於一嘗!二百幾銀一個餐,絕對係高價錢既一餐飯,但係我既意思唔係話佢貴,因為toro既價錢係好高,有時食兩件靚toro分分鐘要五六百蚊,呢度一碗toro并有十塊toro都係二百幾,都算超值!味道方面,飯底一般,toro算幾新鮮,味道係ok,只係因為覺得抵食先俾個笑臉佢!反而個煎旦幾好味!

見一網主推薦，昨日與妹妹一齊去捧場。七點到場，人不多；但地方不大，四人枱坐四個，有點勉強。好彩我和妹妹不用搭枱，鬆動得多。坐下看餐牌，他們好像主打吞拿魚，咁我地就叫咗韓國泡菜吞拿魚定食($98)、蔥粒吞拿魚扒定食($98)、雞翼($38)同埋鹽燒三文魚($52)。基本上，雞翼同鹽燒三文魚可以省掉不叫，因為很普通，雞翼是很普通的炸雞翼，鹽燒三文魚又嫌太乾同硬，和那位網主的大力推介有點出入...至於韓國泡菜吞拿魚定食我就覺得幾好。吞拿魚配泡菜，酸酸地，好特別，好開胃。蔥粒吞拿魚扒定食都OK，可能是第一次食吞拿魚的關係，不太懂得分辨如何是好是壞，不過感到吞拿魚很新鮮，雖然有少少筋，但也是好的體會；倒是他們的新潟米很香很甜，加少少吞拿魚醬油，いちばんね！

我一直都好想試吓藍鰭吞拿魚係物味...今次去到就order左個藍鰭吞拿魚腩定食,但係原來我而家至知舌拿魚腩係咁肥咁漏既,有d後悔叫左,因為我唔識食...反而鍾意食朋友仔個木薯吞拿魚,無咁肥,易d入口!

前幾日試過極上藍鰭吞拿魚定食, 要左個加大既, 有大約11-13片吞拿魚!! 吞拿魚脂肪分佈均勻, 入口有吞拿魚既香味, 但係無入口即溶既感覺....今次試左蔥吞拿魚蓉飯, 比想象中好, 可能對上次果個極上藍鰭吞拿魚有過高既期望, 今次期望無咁大反而比較好... 但係間舖都幾細下, 好迫, 成日都要讓人出入, 有D麻煩, 食完就即刻走lu!!

定食發光的拖羅! 還是覺得您最好!鑼灣間Doraya, 放工時間好多西裝友食, 有日本人亦有香港人, 大家迫埋0係間豆yun 咁細既鋪頭。無緊要! 你好食既話, 要排隊既都值得! 今日唔使等位, 餓餓地, 黎個極上藍鰭吞拿魚腩定食...加大! 極上藍鰭吞拿魚腩定食: 紅到發光! 魚脂紋里靚到dum 一聲! 食落口係"sin" 口, 嫩滑得好緊要! 完全無解涷既問題! 咬下的魚油香四溢! 可以令到個"碗" 發光? 數下有幾多塊? 有成十一塊, 塊塊都可以整件拖羅壽司! 逐塊逐塊享受, 有不點醬油, 有點醬油, 不過去到第七塊開始滯, 玩下自製"拖羅壽司" 遊戲先! haha...玩到無野好玩! 隔離個西裝友心諗: "係咪傻架?!" haha...最後當然係清哂成碗啦! 一粒飯都無剩! 白過原友里tim 呀! 埋單二百二, 唔飽都無問題, 最緊要好味! 每次去食Doraya 都會諗起來自日本的老婆大人, 因為係佢前年介紹既, 一日都係yahoo blog, 激走左佢! 環境:2.5(快食快走! 迫迫地架!)衛生:3(見唔到蛇蟲鼠蟻。)服務:3 (針水一兩次咁, 最緊要無趕客。

昨晚去吃，第一次去，沒有和以前的比較，感覺很不錯。叫了一份赤身的don, 一份toro 的don (我忘了叫什麼了，don 上面鋪了一片片魚片那種）。赤身明顯有兩種顏色，三分二是正常赤身那種紅，另外三份一是偏粉紅的，吃下去才明白原來粉紅的是近腩的位置。味道很不錯，不要說近腩的那些，其他的赤身本身已經很不錯了，香味鮮甜皆備，絕對不是之前某些食評說是“元X”級數。哪間元X 甚至板前能吃到這種味道的maguro, 請告訴我。Toro 我不懂分級數了，但至少吃得出夠肥美鮮甜，還有那個飯的toro 真的多得出乎意料，我不知道以前是不是更多，但現在以這個價錢吃到這個份量和質素的toro, 我覺得蠻值得就是了。以前有人嫌toro 有渣，我不知道閣下的渣是什麼，但toro 本身有不少筋膜那根本是常識，只是根據魚的大小和切法，有些情況下可以避開而已，但以\"有渣\" 來否定toro 的質素，我勸那些人還是去了解你自己在吃的是什麼才放炮吧。另外還叫了一客甜蝦刺身，蝦本身不錯，但驚喜的是店子竟然把蝦頭炸香同上，雖然未必炸得一流，但至少香酥鬆脆，值得一試。服務嘛，很好說不上，但至少一直熱心加茶，反倒見有些客人

lunch想吃魚生飯, 一向不是太好tuna的我想試試.魚生新鮮, 但沒驚喜.看見待應邊講手提電話邊serve 個set比隔離, 客人只好對其朋友搖頭苦笑.真的是... +_+"

自從帶過太座食過佢哋嘅blue fin tuna之後，太太念念不忘重温好夢。今次同佢嚟總壇朝聖，卻係極度失望...嚟到呢度，小弟通常都只係獨沽一味叫吞拿魚扒don。太太想試第二樣，就試試火灸吞拿魚片...飯件頭比尖咀分店來得少。試一口飯，已唔係完全用純正日本米；再望一望D吞拿魚扒，所謂嘅"扒"size薄了許多，已跡近變成"片"，口感盡失；吃一口，有"根"，皺晒眉頭...越食越唔開心。始終開咗分店嘅舖，水準往往難以保持。可惜可惜...

久聞呢度出晒名0既吞拿魚扒定食同埋weekday lunch hour 0既人龍, 今日終於0黎試了, 難得星期日12:xx pm 無乜客, 唔使同人迫!叫了吞拿魚扒定食... 吞拿魚扒輕輕"火炙" 過,面頭鋪滿蔥花, 賣相都幾靚, 咬落入口即溶, "火炙" 過特別有油香, 中間就好滑又有魚味, 整體味道非常好. 推介! d 飯係珍珠米, 有少少甜甜0地0既汁, 個人覺得整體唔夠黏又唔夠煙韌, 有d 似食泰國米@_@"配菜有兩碟, 一碟係一d 落了少少kimchi 醬0既芽菜同蔥, 幾爽口, 酸酸0地少少辣, 都ok 啦; 另一碟就係兩件甜蛋, 熱熱0地又夠香甜, 唔錯; 麵豉湯濃淡適中, 不過整體唔特別. $98 有咁0既質素, 好抵!環境小店格局, 亦唔會俾人"港式日本料理" 0既感覺, 都唔錯; service 幾好喎, 招呼我坐低的男店員有禮貌, serve 0野食/幫我埋單的女店員又有笑容又有禮貌.好滿意的一餐... 我覺得唔係好似下面d comment 講得咁差的, 下次會帶埋為食朋友0黎!(P.S. 有10% service charge)

由於晴天婆婆去食飯又唔叫人地一齊去，今晚放工唯有一個人去試下啦反正一收工就去食就應該唔需要等位既。去到見到主力都係食藍鰭吞拿，但係我又見到有好味既天婦羅，其實都想試佢個三文魚子魚生飯架(如果阿婆係到就可以一人試一樣啦!)。最後都係叫左個吞拿魚生飯套餐囉。個魚生飯理論上ok既，不過有野要改改囉。上檯個陣好得架，但係一路食，一路拎起d魚生就發現有d粉紅色既野係飯面，好似係血咁啦。即刻就無晒胃口囉，後尾食完飯返到屋企上openrice.com睇下，完來其他人都有類似既情況出現呀!希望有人解拆到飯上面究竟係唔係血呢個謎啦.......因為真係食得好鬼死唔安樂架麻! 仲有，希望阿婆婆下似去附近食飯就叫埋我啦，唔好再請我食檸檬啦~~~~~ 睇相既就要黎呢到:http://hk.myblog.yahoo.com/alison1803/article?mid=6731&fid=5

店仔一間, 其實燈光幾似日本的小店, 氣氛裝潢都似似地.其實如果係食魚生飯的話, Relatively係不算太貴, 唔係一片片的魚碎, 一個set 大約$78有交易, 包一個湯, 大豆芽前菜, 煎玉子, 呢到的魚都幾新鮮, 其他的就一般啦我又order咗一份炸雞, 我覺得大份但$67就真係唔係咁抵啦,雞係幾滑, 但係好咸呀, 再飲埋個湯真係好口渴呀~如果係食魚生飯, 可以再來, 熟食的話就唔駛啦