定食 Doraya (駱克道)

營業中

休息中

Yesterday I tried but more than 10people waiting outside in th cold weather so I visited around 6, just a few people there. Order mix tataki?海鮮贅沢丼 Don. Fresh and taste nice. 茶碗蒸し also hot and nice even it was small. Miso soup is hot as if in Japan. Highly recommend for Japanese. Not yet changed to HK style.

🎯 今日想食既餐廳有三間 三選一 肚餓又路過難得見Doraya有位就入左去食我就最鍾意食帆立貝 燒鰻魚 同三文魚但Doraya既呑拿魚幾好食 所以我會選係度食吞拿魚由於我心大心細兩種都想食 所以有個遷就妹選晒黎分享特選藍鰭吞拿魚片 同溫泉蛋藍鰭吞拿魚扒 丼（圖一同二）我就比較鍾意食前者 因為比較滑身而且鮮味後者都好食 有溫泉蛋好滑 吞拿魚扒比較厚身 同埋唔乾身飯可以轉壽司醋飯幾好 飯份量都多 個蒸蛋仔就份量偏細 加錢轉蜆湯 蜆都算係咁 湯黎講算中上Size而且無沙其他配菜係蘿蔔 所以唔鍾意無咩食 淨係食左少少菇仔

經過銅鑼灣平常日子都會很多人排隊今晚加班到很晚十點多才來到剛好不用排隊店舖空間比較小如若2人結伴前來大多要拼桌有點兒擠迫據說這裡吞拿魚比較有名所以就點了自選配搭吞拿魚蓉+油甘魚+海膽魚生切得厚身海膽粒粒分明，鮮甜時間這麼晚但也能保持新鮮味道定食都會配有伴菜，蒸蛋，味噌湯價錢適合，份量足夠飯略為偏酸整體而言ok唯獨店名定食起首本來期望更高就整個定食來說伴菜類則有改進的空間雖說主角是丼飯如蛋略為不夠熱味噌湯也有點偏咸個人認為性價比中等不算很便宜，大概與其他丼飯店價錢差不多刺身類比別店略勝一籌

約左朋友係銅鑼灣食飯，成日都諗唔到食乜，睇左成日openrice食乜好，比我揾到呢間叫做特別少少既餐廳。係銅鑼灣成日都淨係識係sogo附近揾食，發現原來橋底附近超多野食，呢間好評多，決定食呢間。睇食評話好難等位，7.30到攞左位先，等到7.50有位，算係咁啦唔係真係等左好耐。研究左個menu好耐，樣樣都想食，想自己揀都係食三色刺身飯，叫左帶子，甜蝦同吞拿魚蓉，一上黎已經超有食欲，全部都好新鮮，吞拿魚鮮甜，入口即溶，一啲腥味都無。蝦同帶子口感好好，feel 到咩係真材實料刺身飯連湯，漬物，茶碗蒸，食埋一set超飽，好彩無叫其他野，一定食唔曬。 埋單 total 每個$200，唔係平，但呢個質素真係無得輸

本來從不愛吃吞拿魚的我，可以稱得上討厭的程度，因為在香港往往常吃到的吞拿魚大多肉質好淋，一係就無咩魚味，好似食緊一舊.......水咁既野, 一係就好腥，同大部份都好多筋!!所以多數都唔敢叫，有時就算係拖羅都不一定好味，有時都有筋，印象中係....較貴的餐廳食過無幾多次拖羅是好的。有次同朋友去幫襯呢間餐廳, 話一次要食吞拿魚飯，好好食，咁我就膽粗粗擔心地叫左試下，點知真係令我對吞拿魚改觀，原來吞拿魚蓉魚生飯係可以咁好味既超推呢個香蔥伴藍鮨吞拿魚腩蓉飯定食 $135- 食落有D油脂, 好香, 絕對唔腥，飯可以揀普通熱飯或壽司飯，自己就覺得配有醋壽司飯好食D，不過唔想成電碗飯咁凍, 就可以揀熱飯之前我都試過藍鮨吞拿魚扒飯, 不過就無吞拿魚腩蓉飯咁好食加$10轉蜆肉味憎湯!!!一開就見到一碗入面有好多隻蜆，飲落真係勁鮮味! 不過只限晚市供應而家間中我都會想食呢間野的吞拿魚蓉魚生飯，質數好穩定

閒日收工經過見人唔多，等左十零分鐘左右就有位，餐廳入面係好逼，如果shopping完真係諗過先好去食刺身可以任你配搭，散叫同佢預設嘅都差唔多價錢，有選擇困難嘅人都唔洗擔心！朋友點咗呢份吞拿魚腩丼，配玉子蛋，價錢唔算好平，但刺身份量十足，又厚又大件食落雖然無入口即溶，但都幾新鮮唔會好腥。因為係腩嘅關係，食左大半已經濟到想嘔我就自選左帶子+魚子+吞拿魚，配蒸蛋，帶子好大粒好厚肉，食落好有鮮味新鮮帶子一啲都唔腥魚子每粒都好有光澤，配飯一齊食簡直一流基本上2個丼飯嘅刺身都幾新鮮，完全對得住呢個價錢嘅質素有機會一定再黎食

一直都知道Doraya好受歡迎架喇，無論食lunch定dinner都大排長龍，不過我信市場反應，咁多人食一定有原因，所以一放工即刻趕過去等位💪🏿去到六點半但已經有堆人等緊，由拎籌去到入座都要廿分鐘，裡面啲位唔多，舖面有點細，大家都要坐得迫迫地啦餐牌有對吞拿魚既介紹，都幾詳盡啊先講小弟果個啦。特登簡個比較平既吞拿魚飯試下，但都已經覺得好好食！😻厚切而且啖啖肉，配埋軟身既壽司飯真係好正朋友算識食喇，自選三種呢度出名既魚生。三文魚大大舊而且脂肪比例岩岩好，中腩好肥美之外仲入口即溶，當然魚扒都好好食啦，食完完全無肥膩感丫😸黎多個近鏡haha 好少喺香港食到咁正又唔算貴既魚生飯架，呢間真係要推薦下，可以再encore ah 👍🏿

星期五的晚上打算在銅鑼灣找一家日菜，原本打算找一家壽司吃，但銅鑼灣的壽司店不是元氣就是元氣，不然就是昂貴的高級壽司店，對於糧尾的我實在是一個太大的付擔，所以在價錢許何又好吃的需求下，又選擇了定食Doraya。朋友七時半開始幫忙先拿位，要人齊才能入到，我在八時正到了，等到約八時十五分才能入坐。門外人不算很多，但也等了整整四十五分鐘，可能是因為坐位不太多的關係。入坐點了一個溫泉蛋蔥粒吞拿魚扒定食，定食有麵豉湯、前菜（冷盤）、沙津和玉子（玉子可改水煮蛋），而飯可選熱飯或壽司飯。魚扒份量十分充足，鮮味亦十足，溫泉蛋混飯亦十分美味，但友人的定食為沒有溫泉蛋卻差了20元，下次再選的話會選沒有溫泉蛋的定食，因份量已經非常足夠。（近鏡觀賞！）

今日收工收早左少少，終於可以試下呢間長期人龍店喇。6點幾黎到大概等左15分鐘就有位。今次叫左個三色自選飯，可以自己揀想食既魚生，每個價錢同份量都寫得清清楚楚。我就揀左自己中意食既三文魚，甜蝦，同埋呢間店最出名既呑拿魚。呢度既呑拿魚都有好幾款，唔同級數價錢唔同，自己就揀左個平平地既藍鮨呑拿魚赤身試下。刺身果然新鮮，而且三文魚同呑拿魚都厚切，甜蝦都好爽口彈牙，實在唔錯。但個人覺得d飯太黏口，好濕變到好淋咁，酸味都有少少過重，有d酸。如果飯可以做得好d會更好。食物質素唔錯，唯店內實在太少位，難免有趕客既情況，而且服務員既態度亦麻麻。

如果你係Doraya擁躉嘅話，你一定識㨂時間泥食。皆因舖頭唔大，一遇到食飯時間呢，真係好多人排隊架。今日10.2 係假期，朝早做完運動想食番餐好嘅鼓勵下自己。十二點啱啱開門，連埋我都已經有三枱人。呢個餐牌係指定動作。我比較喜歡自選，唔會受到指定定食規限。揀滿4款或以上仲有得-$添我揀左甜蝦丶凡立貝、赤貝同吞拿魚蓉。值得一提，佢個玉子都好好味。泥多個近鏡先！魚生最重要就係新鮮！帶子赤貝啖啖肉，而甜蝦好鮮味，反而吞拿魚蓉比下去。下次我應該叫個中腩咁就perfect啦！

朋友介紹話呢間好味好新鮮，叫我試下。所以今日放工就去試下係咪真係咁好味喇？！6點幾去到，門口已經有一堆人等緊位。好彩等4張抬就到我地！太好了！😃大概15-20mins到啦！都唔算好耐既！ 😃😃入到去，餐廳唔算大，都有d逼。見到餐牌有好多唔同既刺身飯食。花多眼亂，咩都想叫！俾我地見到有個自選刺身飯！計落好似自選抵d,仲可以揀自己想食既刺身！🙂🙂最後叫左 油甘魚，帶子，拖羅 丼，三種刺身都好新鮮！！好正！拖羅雖然貴，唔捨得食。好彩最後有叫到！真係入口就溶😃再叫左溫泉蛋吞拿魚飯，都好正！每個飯都跟前菜小食！個關東煮同蒸蛋都好入味！再叫左炸蠔。 呢個就正正常常咁。都幾大隻 🙂我下次都會再黎食 😊

呢間野既食物質素不錯 所以多人排隊都正常魚生都幾新鮮但服務態度真係...唔得等完一大輪入到去都已經8點20分左右已經好肚餓 一坐低就落餐拉一直都無乜問題一心諗住有質素既野通常都等得比較耐先上菜加上我地傾住計等就無留意時間 大概8點40分個職員行埋黎問我地落左餐未...佢竟然話電腦搵唔到我地張單唔知我地嗌左未!!!要重新落order!!!! WHAT???等左20分鐘你先出聲？9點左右終於到拉食物 食左30分鐘左右個職員又行埋黎"唔好意思阿你地已經過曬鐘架拉 要埋單..."真係好無奈 禁你都講得出口仲要係同一個職員唔係你無落單我洗坐你個位禁耐！

今晚接男朋友收工，2條友夜晚12點幾係銅鑼灣都唔知食乜，選擇又唔多，我地見到呢間咁夜都仲有人排隊，就決定試下吉列炸蠔，炸粉好薄，蠔亦都好大粒，咬落去有D蠔汁流出，不錯！魚生飯，由於我地2個都唔太肚餓，就只叫左一款定食2個人食，都食到超級飽… 定食附上麵豉湯、蘿白、酸瓜、豆腐。估唔到夜媽媽，三文魚都咁新鮮又肥美，加埋爆漿三文魚籽，正啊

海膽吞拿魚蓉魚生飯幾好食但友人自選配搭中的赤貝真係無下次 赤貝疑似拖水煮熟過 質地奇怪兼無味另外叫左吉烈蠔 脆身有蠔味 值得一試CP值不算太高 但有budget既朋友仔可以去試下

從金馬倫道車庫$80一個定食到宜家，因為常要排隊所以不常來，但三幾個月會光顧一次。第一次中午來，12pm 來不用排隊。有約$100的lunch set，但我看飯量滿足不了我，所以叫了正常定食。魚子藍鰭吞拿魚蓉，配壽司飯，仲叫左吉列炸廣島蠔，唯一美中不足的係湯只有味噌湯，無得轉。魚子飽滿，吞拿魚甜，飯香甜美😌蠔係中至小號，都炸得幾好，炸漿厚薄剛好，唔油👍🏻一百几十可以食到咁高質的吞拿同飯真係好抵！我朋友一直話去X両俾多2倍錢都食唔到，根本無呢d貨。