宋媽媽便當 (已結業)

🔸宋媽媽便當🔸🔆​今次又係荔枝角附近搵食啦。香工A座地下嘅小店真係想遂一試下佢。今次嘅宋媽媽便當只做外賣，主打台式便當外賣，又有鹽酥雞扒，又有滷肉飯，睇下食唔食得番台灣嘅味道先~🤩🔆招牌滷肉併豬手拌飯 $55滷肉真係做到每粒都肥瘦相間，入口即溶，而且肥而不膩，滷汁唔算太濃，但油脂同醬汁有包裹住飯粒，令人好想食哂成盒飯。豬手的皮乾淨無毛，亦炆得好都軟熟，但食食下有一股微微豬獨有嘅騷味，而且豬手冇肉，佢似係豬腳多啲，有啲失望。下次可能只會買淨滷肉飯。😎​🔆嘉義滷雞肉飯 $58雞肉只有用鹽醃的簡易鹹味，雖然肉質食落有啲柴，但好彩帶有一啲雞皮，食落口感會嫩滑番啲。唔好睇佢個樣好似只係普通的白烚雞肉飯，依個飯的精髓係在於佢表面淋上的油蔥酥，炸紅葱頭同蒜油味，拌飯食一流~不過今次的油蔥酥比較少，唔係好夠成個飯用，如果可以落多啲就好啦~😚🔆每份便當都有涼拌青瓜同木耳，仲有一隻滷蛋。涼拌青瓜同木耳都係同一種甜酸辣味，但唔知點解甜酸辣好似係排住隊逐個嚟咁，分開哂，而唔係個種好和諧令你開胃嘅味道，但鑑於個醋酸味都幾重，依然有解膩的功效。而滷蛋係一隻全熟蛋，唔太入味。🧐🔆買便當可以揀一杯飲品，今次叫左無糖綠

知佢多單 已經預早半個鐘叫自取。 到時間去拎餐佢先拎我張單貼係牆 話要等一等。 （當時佢接左2張大單都未出餐-.-） 等左15分鐘 再問又係未有 等單期間 入面店員係到嘈交，出咗邊個餐未又唔知 安排好混亂！ 其實做唔切咪停咗啲機先 明知出唔切餐都仲繼續接 最後遲咗半個鐘先拎到餐 上班族食飯時間咁就比你浪費半個鐘。 以後都唔會再食🙏🏻

咁啱路過，首次幫襯，原本只想買滷肉飯，但經老闆娘推薦雙拼飯，價錢更優惠，只收$55，還包一杯嘢飲，所以揀咗滷肉飯拼香酥雞扒飯。由於時間匆忙，要在車內即食，當打開便當，有點驚喜，仿台灣傳統的便當，有青瓜、木耳同一隻蛋，套餐還要包一杯紅茶，真心覺得非常超值！因味道也不錯，尤其鹽酥雞扒，外皮香脆，微辣肉滑，不禁想起要推薦一下，鼓勵店舖經營，即時拍照分享下。註：店面阿姐對自己份工有熱誠👍

買嗰陣話等10分鐘，買完之後等超過30分鐘。舖頭嗰條係一人通道，排隊嘅人係攞外賣，嘗試行去收銀就比人覺得你打尖，除咗排多次隊你根本冇辦法行去收銀問，非常無助。行到收銀，先發現漏單，佢仲話之前個號碼仲未叫。舖頭安排亦非常混亂，決定永不光顧！

台灣嘢喺出邊好難會食得好食 所以今次試吓我公司附近嘅宋媽媽今日lunch 買咗一盒香蔥滷肉乾麵 雖然我遲咗攞外賣我拎到返公司都已經係好微溫 但係乾麵完全冇黐埋一舊，仲係一條條，麵條啱啱好軟硬度適中，我非常之鍾意食😆而且滷水味道，都簡直係啱啱好我另外仲order咗炸嘅雞軟骨，佢係新鮮即炸，兼非常之爽脆而且雞軟骨唔會炸到好乾，亦都唔會好似出邊咁翻炸再翻炸，食完一條再一條，會仲想再食第三條🤣 必定再回購！！！食咗成個餐完全唔口渴，完全係零味精非常之推介大家食🤭

今日中午叫左個a2雞扒飯轉麵底，到拎果時我發覺冇湯，原來要湯麵係要另外講，佢餐牌冇寫同埋收銀都冇講冇問，仲好串話個個客都知要湯麵要講。我諗好多都係第一次冇之後就會知囉。問佢可唔可以轉返又話唔得，禁臭串唔會再幫襯其實冇得轉返咪冇囉，仲要敢講野真係好過份，又係d唔憂冇客ge態度

招牌台灣牛肉刀削湯麵+冬瓜茶*Time : OCT 2022, Lunch*Price : $95-HKD*Place : 宋媽媽便當*Review : 孤獨大叔去到邊食到邊，今次又來到荔枝角，攻略一直想試的這間台灣便當- 招牌台灣牛肉刀削湯麵 ：加了麵底，湯粉另上，牛肉是常見的牛展，大大舊，又夠琳，煮得入晒味，麵條夠煙韌，有咬口，配菜還有蘿蔔和蛋，一定夠飽整體是好評的，用料足，份量夠，味道也好，在香工這外賣戰國中唯一台式便當，絕對令人印象深刻宋媽媽便當地址 ： 荔枝角青山道489-491號香港工業中心A座地下A6B號舖

店舖位於荔枝角站C出口附近每次返工都會經過^_^餐廳主打台灣高雄便當佢冇堂食只係外賣店而且主力做午市生意佢哋好早就閂門㗎啦呢個大家可能就要注意一下啦～Lunch time每次經過呢邊成條街都係小食外賣店有時唔知食咩好嘅時候都會揀宋媽媽便當款式選擇多份量仲非常多淨係配菜都已經有四款青瓜 木耳 白蘿蔔 滷水蛋有時淨係食配菜都已經好飽啦冇一次係食得晒！如果細食嘅女士 建議可以兩個人share一個都得佢哋套餐價錢大約$55左右包埋嘢飲 價錢都算抵食有機會大家都去試吓

哇哇哇 見咁多人排隊黎試下先！超脆嫩雞扒加勁好撈飯既魯肉～配菜份量都多又可口，開胃得黎唔頂胃！主菜成大塊雞扒食完已經飽～啲蘿蔔就麻麻地唔夠甜～魯肉肥得黎但入味！絕對回頭呀～

呢間宋媽媽，非常推介👍🏻👍🏻👍🏻，是日午餐經過，見到啲相唔差，買咗過嚟試吓，先講份量非常之足夠，食完都飽曬🥰🥰🥰，再嚟味道都非常之不錯，而且雞肉調味超正，整體味道Very good👍🏻👍🏻而且賣相非常討好，非常精緻，而且包裝係用紙做，環保得來仲有台灣嘅感覺，絕對有去咗台灣嘅感覺😍😍😍😍👍🏻👍🏻👍🏻

➖ 招牌滷肉拼鹽酥雞排飯佢既招牌滷肉真係做到招牌既質量，腩肉好入味好淋。飯佢地用珍珠米好有口感，飯面仲淋上滷肉汁每一啖飯都好滷汁味。炸雞排拎到返屋企都仲有小小脆不過無計外賣就係咁，雞肉淋身但未去到嫩滑，厚切雞排味道幾好但佢面頭啲粉有啲咸，可以試下叫佢落小啲，因為佢個粉其實幾好味落小啲就剛剛好。便當既另一半有大量配菜，酸醃青瓜同雲耳非常開胃，蘿蔔就無咩味而且唔夠淋，滷蛋本身麻麻地同埋都係無滷味同普通蛋無咩分別🪧 好抵食既便當價錢平份量足仲送野飲添，我咁大食都飽哂。不過佢係外賣店，唔係係到返工或者附近住買完都唔知拎去邊到食

呢間宋媽媽便當真係好好食 完全係台灣既味道滷肉入口即融 個雞扒又酥又香 仲好脆 $55黎講食到呢個便當真係 性格比高 原來OpenRice仲可以外賣自取埋 份量又夠 估唔到都幾大盒 配菜都好正 真心力推 平時食飯想食台灣味真心可以揀呢間！！！

是日午餐💃🏻好想食台灣嘢就揀咗呢一間從來未試過嘅宋媽媽台式便當💖原本想試佢嘅炸雞扒但係要等15分鐘最尾放棄咗揀咗豬手💃🏻🥳豬腳滷肉便當🥳一打開份量都幾大👍🏻材料又超級豐富🔥豬手彈牙😍一啲肥豬肉都冇👅不過略嫌偏甜🧐滷肉肥瘦均勻勁好送飯😚😚雞蛋同菜都正正常常👍🏻但係雲耳同青瓜就酸咗少少🤫啲飯都偏淋👏🏻啱晒我鍾意食軟飯😻今餐仲有一杯嘢飲可以揀但係我唔記得咗影相🤣

中午好餓想食d飽肚野 1:30pm見呢間宋媽媽都有人排隊咪試試囉打開見到雞絲有點透明黏液，感覺驚驚地，好彩有d蔥絲蘿蔔絲，係面都靚靚地咁食落去d麻醬苦苦地， 雞絲唔多，完全食唔落去，講真吖我而家食到一半都忍唔住寫食評，好難食，未試過午餐食唔落去，麵有點林飲返啖送嘅紅茶，總算舒服返少少🤏我自己冇勇氣再試下次了

在荔枝角朋友家聚，想要便宜好吃的外賣，宋媽媽便當外形很吸引，就試點了。我點了豬手雞扒雙拼便當，異常豐富配菜有青瓜木耳鹵雞蛋和蘿蔔，份量超級足！！ 是傾向健康點的口味，油水不多，也不重味，的確是家庭風味，ok~ 炸雞扒和我想像的不太一樣，肉身厚實但不乾，始終便當的脆漿難保持鬆脆， 我比較喜歡雞髀肉，但這個也可以。意料之外出色的是鹵豬手！非常軟滑入味白飯配上鹵汁很下飯，喜歡它不鹹，味道調較很好。 這樣內涵豐富好吃的飯盒，只是67元😳😳😍😍😍 很有驚喜！ 我配了凍檸冬瓜茶，味道清爽吃得出誠意和樸實的風味， 有機會會再幫襯！