宋媽媽便當 (已結業)

Anyeni，你是否幫襯錯了地方？我們食過嘅宋媽媽便當不是這個包裝，還有丶冇豬扒㗎喎！我哋食緊佢賣嘅便當又睇得又食得！你似乎去錯地方兼且入錯人哋網頁亂講一通🤭🤣我時常食佢嘅雙併飯，尤其是鹵肉併鹽酥雞扒飯、椒麻伴麵加士雞絲、還有至愛嘅牛肉麵，食極都想食😊最近還出咗期間限定嘉義鹵雞肉飯和新出嘅鹵肉乾麵、都唔知幾好食丶一大班同事都去幫襯佢！人哋就係冇賣豬扒啊！麻煩你睇清楚啲個網頁！不要胡亂怨屈人哋舖頭！我都係講事實，請你不要砌人生豬肉😣仲有佢哋嘅肉食才和配菜都好夠份量，抵食👍

唔想出去食，喺公司附近揀咗一間專做外賣嘅台灣便當既，上網落單叫定，夠鐘就可以去直接去攞，唔使喺門口等咁耐🙂好彩公司喺附近，即使去到佢已經整好都唔係浸咗好耐。叫左碗紫菜香菇貢丸湯麵 ($48)，其實都幾大碗，仲有包一杯飲品。不過呢個湯麵比較似湯河湯係無咩味既，所以自己加左辣椒油🌶️就啱啱好。味道方面唔算好出色，就好似出面正常一碗粉麵既感覺，冇乜特別台灣風味，純粹都係普通午餐，可能食返肉燥飯嗰類台式便當會好食啲。

之前去台灣都經常搵滷肉飯食，滷肉飯絕對係我嘅至愛，咁岩喺公司附近見到有一間台灣料理有滷肉飯便當，就買咗一份試吓！我明知香港嘅滷肉飯一定不及台灣的好，所以期望並不太高，回到公司打開滷肉飯，食咗一啖微溫已經要扣分，好似整左一段時間，滷肉汁好少，蘿蔔配菜冇味有啲苦苦地，青瓜木耳有啲醋味，食咗兩啖啲飯已經凍哂！失望服務真係唔掂，問店員有啲咩嘢好食佢不停叫我你自己睇自己揀啦！佢話每個人口味都唔同你自己睇啦！，介紹吓姐唔使咁惡，想幫襯佢買多啲都唔得！咁嘅服務態度點會有下次！可能嗰位係老闆娘佢唔自在啦！滷肉飯又唔好食服務態度又差！

今日同幾個朋友經過見到好多人排隊，所以就湊下熱鬧買咗啲鹽酥雞、牛肉麵同幾盒滷肉飯一齊返屋企食，冇諗過叫鹽酥雞可以咁有肉汁！外脆內軟！🤤，牛肉麵啲牛好好食，麵亦好有咬口，d滷肉都好香口，不過啲菜多番少少就perfect😊老闆都幾Nice，雖然都幾多人排隊，不過我叫咗幾樣野都只係等咗8分鐘左右，效率都算唔錯。雖然我都住得幾遠下，但下次一定會再過嚟幫襯！overall👍🏻👍🏻👍🏻👍🏻

忽然間想食滷肉飯，就即管試下呢間宋媽媽，可能佢要改名做真麻麻, 肉肥瘦適中，食食下仲發現有好d豬毛未清理好,汁就一般偏淡,羅白完全無味,木耳還可，鹵水蛋冇乜鹵水味道, 買飯或麵都會送一杯冬瓜茶, 因為冬瓜茶是一早做好的，所以冰塊已經融化了，冬瓜茶味就變得很淡，好似飲水咁!如果用外賣價格比較貴，而且食物質素一般! 絕對唔值55蚊! 只此一次! 還有等候時間比較長, 已經過了中午吃飯時間,還等了20分鐘! 還有店員服務態度不友善,可能疫情關係，好多人等外賣, 所以態度有啲差同晦氣! 下次真係唔會再試! 買又一套氣，食完又一套氣!

今日午餐想試吓啲新嘢，行過長沙灣香工後邊有條街，見到好多外賣店，今日試咗呢間-宋媽媽台灣高雄便當。外賣盒打開幾精緻，似日式便當有分類，有自家醃製嘅青瓜及降膽固醇必要嘅木耳，仲有少少酸蘿蔔同埋一隻蛋，幾豐富！主角滷肉，滷水味都幾出色，少少中藥味，有肉香，肉粒有肥瘦豬肉混合，好油潤好送飯。豬手炆得唔錯，外皮脆口，沒有豬肉燥味，都算容易咬開。另外白飯算幾有米香，圓轆轆，口感唔錯！套餐仲會有綠茶，紅茶或者冬瓜茶附送, 飲品都係自家製，冬瓜茶真係台式小店的推介。午餐$55算幾合理，前菜豐富，箅有心思，吾知係咪媽媽開的店？所以感覺冇乜味精，有少少家庭菜feel，簡簡單單的窩心！而家仲好似儲下印仔，可以買六送一，都算幾抵食呀！

I waited like an idiot for another 15 minutes in the tiny and crowded restaurant after receiving the pickup notification. It’s very unorganised. The lady forgot to cook my food and didn’t start it even 8 min after my reminder. Although the food taste is good, the service is disappointing. I would only recommend it if you are a super patient person and not in a rush.

今天下午網上外賣，滿$40減$20，抱著很興奮的情緒，於是一班同事齊齊order:1. 牛肉麵 2. 豬手飯 3. 雞排飯但打開飯盒，簡單來說：1. 牛肉好難咀嚼，趙極都趙唔完，咬左十分鐘。 2. 豬手飯比左雞排飯，對完全唔食雞既我來說... 唉！！！。3. 雞排好多炸粉，雞有雪味。希望日後有所改善。

荔枝角C出口附近，有間打媽媽溫情牌嘅台灣小店，專門製作便當🍱，以外賣方式銷售🥡，提提大家小店不設堂食喔。.便當一做好就放入紙質外賣盒，比傳統嘅發泡膠盒較環保♻️。.📍鹽酥雞扒飯（$53）Taiwanese Fried Chicken Rice賣相真係不得了🤩，雞皮上灑上不少紅椒粉，鹽酥雞炸得乾身不油膩❤️。雞肉肉質嫩滑，仲可以保持到Juicy口感👏🏻。炸漿薄脆，做到鹽酥嘅效果👅，用嚟調味嘅紅椒粉更加係十分惹味😍，好食！配菜有熟蛋🥚、蔬菜🥬、木耳，感覺幾健康🌿。整體份量對女仔而言足夠👌🏻，食物質素比想像中好😎，不過比較其他外賣價錢貴d💰🥡。.📍冰紅茶☕️Ice Black Tea.Menu

最近呢半年都俾疫情陰霾籠罩，搞到我放食晏都唔敢出去同人迫，寧願叫外賣。最近同事俾左張外賣紙我，原來喺一間賣台式便當嘅鋪頭。佢呢排搞買六送一，所以我地集齊七個人就去買，除返開平啲。我地早左訂，夠鐘就落去拎。去到都有一班人係度等緊。我點咗個滷蛋豬手飯便當，竟然有六嚿豬手，都好嫩滑同入味。仲有蘿蔔同黑木耳做配菜，不過隻滷蛋就麻麻哋，細隻之餘有唔夠鹹。整體嚟講都不俗。個冬瓜茶就不過不失，可有我唔太食甜，佢淡少少味我都接受到。

近期流行外賣，荔枝角亦多左好多只做外賣的小店，今日試試台式便當。據報是招牌菜......用料豐富：腩肉肥美，燜得入味同淋，右邊的小菜算清新冬瓜茶：味道很一般但整體來講，定價同味道不太正比，沒有回頭動力

見同事食過，今日試下佢但應該唔會再有下次叫左個貢丸紫菜湯面，落單時，老闆聲稱等8分鐘一點半，人流唔算太多作為外賣店，8分鐘唔算太耐，結果等左廿幾分鐘，3倍時間...返去睇返食物質素貢丸唔係最cheap既貨，一般質素紫菜量少，味精湯無特別，整體普普通通，無動力再試同店食物呢個質素同時間，食對面街樓上食堂會安樂啲應該無下次了

長沙灣香港工業中心 一向都好多小店有好嘢食 今日試台灣野 有台式便當🍱湯麵拌麵🍜可以揀 午餐配杯特飲 但係留意只有外賣冇堂食㗎鋪面好細 眼望有四位員工 落單之後老闆娘教 下次可以用手機落單 🤣首次仲有$80優惠添仲有積分咭 兩個月內食滿六次就可以送一次 🤟今日天氣好熱冇咩胃口🧊揀咗涼拌雞絲冷麵 配冬瓜茶一打開見到色彩繽紛🍡配料好多 🍗雞絲大讚 係鹽水手撕雞 識落鹹鹹地 仲要唔係急凍雞胸 食到有軟骨位 肉質彈牙 唔似急凍貨色 手工拉麵煙韌🍴唯獨麻醬太多 令到個麵太濕 下次一定會叫少醬

疫情無得Home Office, Lunch都唔知食乜好，去餐廳又驚要同人搭枱，最後揀咗呢間宋媽媽便當。見天氣開始熱熱地，就揀咗份涼拌雞絲拌麵。因為唔想用咁多即棄餐具，就自備咗個食物盒，，本身都驚佢唔肯幫我裝，點知又無問題喎，連野飲都肯幫我裝埋去水樽度，認真唔話得。講返啲野食，份拌麵大大份夠哂飽，雞絲又多，唔會好乾，加埋啲青瓜絲，紅蘿蔔絲，仲有啲惹味醬汁，真係好開胃而杯冬瓜茶都唔會過甜，啱啱好，唔錯唔錯

平時返工都會自己帶飯，特別宜家非常抗疫時期，但今日好大頭蝦咁唔記得咗拎飯盒就出咗門口，Lunch唯有同同事一齊買外賣返公司食。（唔敢去餐廳堂食～）叫咗依個招牌台灣牛肉湯麵 $60 加檸檬茶 $5等咗都幾耐下，因為都幾多人買依間外賣喎！拎到返公司，勁肚餓，即刻打開黎食啦！成個湯麵，連埋餸，都係只得半個外賣碗，本來仲覺得太少，一定食唔飽，麵底係好肥厚嘅台灣麵，麵質彈牙！牛肉有4-5舊厚切！仲有幾舊紅蘿蔔～食到最後好飽，杯檸茶仲要留一半晏小小飲添！