影片
更多
2023-09-25
1108 瀏覽
🔸宋媽媽便當🔸🔆今次又係荔枝角附近搵食啦。香工A座地下嘅小店真係想遂一試下佢。今次嘅宋媽媽便當只做外賣，主打台式便當外賣，又有鹽酥雞扒，又有滷肉飯，睇下食唔食得番台灣嘅味道先~🤩🔆招牌滷肉併豬手拌飯 $55滷肉真係做到每粒都肥瘦相間，入口即溶，而且肥而不膩，滷汁唔算太濃，但油脂同醬汁有包裹住飯粒，令人好想食哂成盒飯。豬手的皮乾淨無毛，亦炆得好都軟熟，但食食下有一股微微豬獨有嘅騷味，而且豬手冇肉，佢似係豬腳多啲，有啲失望。下次可能只會買淨滷肉飯。😎🔆嘉義滷雞肉飯 $58雞肉只有用鹽醃的簡易鹹味，雖然肉質食落有啲柴，但好彩帶有一啲雞皮，食落口感會嫩滑番啲。唔好睇佢個樣好似只係普通的白烚雞肉飯，依個飯的精髓係在於佢表面淋上的油蔥酥，炸紅葱頭同蒜油味，拌飯食一流~不過今次的油蔥酥比較少，唔係好夠成個飯用，如果可以落多啲就好啦~😚🔆每份便當都有涼拌青瓜同木耳，仲有一隻滷蛋。涼拌青瓜同木耳都係同一種甜酸辣味，但唔知點解甜酸辣好似係排住隊逐個嚟咁，分開哂，而唔係個種好和諧令你開胃嘅味道，但鑑於個醋酸味都幾重，依然有解膩的功效。而滷蛋係一隻全熟蛋，唔太入味。🧐🔆買便當可以揀一杯飲品，今次叫左無糖綠
🔆今次又係荔枝角附近搵食啦。香工A座地下嘅小店真係想遂一試下佢。今次嘅宋媽媽便當只做外賣，主打台式便當外賣，又有鹽酥雞扒，又有滷肉飯，睇下食唔食得番台灣嘅味道先~🤩
🔆招牌滷肉併豬手拌飯 $55
滷肉真係做到每粒都肥瘦相間，入口即溶，而且肥而不膩，滷汁唔算太濃，但油脂同醬汁有包裹住飯粒，令人好想食哂成盒飯。豬手的皮乾淨無毛，亦炆得好都軟熟，但食食下有一股微微豬獨有嘅騷味，而且豬手冇肉，佢似係豬腳多啲，有啲失望。下次可能只會買淨滷肉飯。😎
🔆嘉義滷雞肉飯 $58
雞肉只有用鹽醃的簡易鹹味，雖然肉質食落有啲柴，但好彩帶有一啲雞皮，食落口感會嫩滑番啲。唔好睇佢個樣好似只係普通的白烚雞肉飯，依個飯的精髓係在於佢表面淋上的油蔥酥，炸紅葱頭同蒜油味，拌飯食一流~不過今次的油蔥酥比較少，唔係好夠成個飯用，如果可以落多啲就好啦~😚
🔆每份便當都有涼拌青瓜同木耳，仲有一隻滷蛋。涼拌青瓜同木耳都係同一種甜酸辣味，但唔知點解甜酸辣好似係排住隊逐個嚟咁，分開哂，而唔係個種好和諧令你開胃嘅味道，但鑑於個醋酸味都幾重，依然有解膩的功效。而滷蛋係一隻全熟蛋，唔太入味。🧐
🔆買便當可以揀一杯飲品，今次叫左無糖綠茶同招牌冬瓜茶，綠茶無咩茶味，冬瓜茶亦好淡，好似飲緊落左小小糖的水咁。😟
🔆Pleasure指數（滿分5粒🤩）
🐭小姐：🤩🤩🤩
📌地址：荔枝角青山道489-491號香港工業中心A座地下A6B號舖
🎐Foods are powerful🎐
#Pleasure食
#Pleasure荔枝角
#Pleasurer
張貼
