宋媽媽便當 (已結業)

台灣牛肉麵一試難忘好食到淨係食完才記得影相！老闆娘秘製牛肉湯底，特別鮮甜！加上台灣每日新鮮運送的拉麵，良心製作，特別推介！但注意只限一星期一至五才開業，要食一定要請假嚟食！

第一次偶然行過荔枝角， 但當日太匆忙，見到宋媽媽便當引起強烈好奇心，買唔到覺得好可惜......今日要轉車返屋企下再次想起😆即刻經地鐵站衝過去幫襯一下，返屋企搭左半個鐘有多既車程，個飯盒仲暖😉同個仔去街街買完野再去公園玩先食到呢個飯盒，雖然凍左，但一打開好有驚喜❤️肉嘅比例非常多一點都唔吝嗇👍🏻仲有唔同配菜配搭味道百分百台灣風味，好食過程班長🤭冬瓜茶一d都唔細杯👏🏻仲有服務十分好不黑臉

第一次食，揀左招牌滷肉飯。味道不錯呀。滷肉肉質偏肥，味道都幾似台灣味道。飯就比較霖，可以改進。木耳好好味！本以為有宣傳寫單上既蔬菜做拌碟，但得蕃茄，有少少失望。但整個套既份量令人好飽！所以都抵食

早幾日係荔枝角拎野之後要趕返公司咁啱係香工附近經過見到有條長龍排喺一間專門做外賣滷飯咁啱我仲未食lunch所以決定買一盒滷肉飯嚟試下同埋一杯冬瓜茶畀錢之後大約五分鐘就已經有得拎都算係快因為都多人排隊由荔枝角搭巴士返屯門返到公司一打開都係暖暖哋試咗個滷肉 味道啱啱好因為出面 多數 好重味精同埋好咸一定要撈好多白飯先得仲有切條嘅酸蘿蔔同木耳都好醒胃 仲有茶葉蛋 味道比較淡我就麻麻地反而又最鍾意佢哋嘅冬瓜茶少少甜甜地好容易入口

上次食左個鹽酥雞球飯，覺得味道唔錯，最怕食到好乾嘅雞。好彩呢度嘅雞肉唔會太乾身，而啲辣粉又幾惹味。今日再去想食多次個雞球飯，但係撞正附近寫字樓嘅放飯時間，去到果陣已經有好多客起前面等緊佢炸新鮮嘅雞球，所以就打算試下佢新出嘅紫菜香菇貢丸湯。估唔到紫菜同貢丸個味都幾夾，貢丸又彈牙多汁，食嘅時候要小心爆汁。雖然今次食唔到雞球飯，但係都試左之前冇食過嘅新野食，下次食飯又有多一個選擇揀，未試過嘅下次可以試下！

好想食有九層塔既鹽酥雞，見佢又唔貴，$20/份，所以就買左極伏，佢一片九層塔都冇，仲成口粉，感覺粉多過雞，本來想試豬手飯，好彩賣哂！鹽酥雞好難整得難食，但佢都做到咁，勁！，真心唔敢再買其他野其實係大約一個月前食，冇諗住劣評，但係唔小心見到佢咁多好評，仲要大部分都係三日之內post...忍唔住想中和返！

之前已有朋友向我推介宋媽媽，佢知我最喜歡食台北程X真滷肉飯，旅行時每日都要食一碗， 不過唔就腳一直冇去試，今日去開呢邊見工又趕時間，就即管來試下佢主菜滷肉飯，本懷着好一餐唔好又一餐心情來，總之要快食，點知喜出望外，同台灣唔一樣，店主好豪爽比好多肉而且有肉汁， 唔硬又唔太淋有趙頭，配菜如果可以再多一點點更好(可能我太貪心了)。因本人不喜歡飲甜所以要無糖綠茶(冇乜特別)。如果見得成份工，我好可能一日食一盒

放工路過見口渴，雖然成條街都係飲品店，但因為突然間想飲啲fresh d既野，唔想飲珍珠奶茶個啲，就見到呢間宋媽媽有賣冬瓜茶，之前飲過超市買既罐裝，覺得都偏甜，見佢係台式食店應該都正宗，所以就係到試下佢啲冬瓜茶，仲順手買多份鹽酥雞一食落口好香脆，可能因為即叫即炸，炸粉都唔會好厚，不過份量唔係好夠我食，好似都差唔多20蚊一份。冬瓜茶飲落唔會太甜，茶底本身有淡淡既黑糖味，係清甜既，話咁快就同同事飲哂成杯啦！我覺得加冰好飲啲，同事就話唔加冰濃味啲！

平時最鍾意食台灣菜，今日去開荔枝角搵朋友見到呢間賣台式便當就睇下佢咩料。唔知試邊樣先就嗌咗佢地介紹嘅招牌滷肉飯，點知一試難忘。喺台灣食嘅滷肉飯得幾粒肉同啲汁，又細碗，佢地嘅滷肉係粒粒分明嘅腩肉，肥瘦啱啱好，亦煮到好淋，鋪滿喺飯面，加埋啲汁送飯啱啱好。另外，d配菜都好高質，特別是酸酸地嘅雲耳，十分啱我胃口，覺得食滷肉太肥膩可以食啲配菜中和返。45蚊嚟講，十分抵食。飲品方面送冬瓜茶，紅茶同綠茶揀，想飲冬瓜茶不過佢得固定甜度，呢排減緊肥，所以嗌咗無糖綠茶，正常水準。下次一定會試冬瓜茶。鍾意台灣菜嘅朋友一定要試宋媽媽可惜佢得外賣自取，希望他朝有日佢地會開堂食店啦!

最近轉左工，放飯時間成日都見 宋媽媽便當 排晒長龍，但因為呢間係只做外賣生意，所以未有機會試一下。今次自己一個人終於可以試下喇。今日專登早啲落樓放飯就唔洗排隊，叫左個招牌滷肉飯，好好食，雖然係外賣，但飯唔會焗到太軟身，滷肉又唔會好咸，唔會好似其他地方咁重味精，份量對於我黎講就啱啱好，另外又送野飲，叫左個冬瓜茶，好少機會有得飲，不過對我黎講就甜左少少，整體黎講幾抵食，性價比高。👍👍👍如果可以多啲其他飲品選擇更好，btw下次會繼續幫襯，試下其他餐

放飯行過見到呢間台式便當，見未試過於是就同同事買左外賣返公司食。本人覺得價錢合理，適合我地呢啲打工仔，唔算太貴，仲有杯飲品跟餐。而且食物質素唔差，幾好食，最重要係佢份量多！食過返尋味，下次一定會再去食

今晚去荔枝角上課前買飯盒食，見到宋媽媽賣台式便當，便試下先，於是與同學各買了一個鲁肉飯、一個豬手飯，另每人一杯冬瓜茶，估晤到又真係好好味喎，尤其是個醬汁、撈飯好正，还有冬瓜茶、夏天飲又请熱又好飲啊。須然係賣便當，服務態度都唔錯，值得再試再食

昨天見到同事食得好似好好味咁，問佢食乜，佢話好食叫我去試吓，不過要排好耐，我今天中午lunch time去又唔算耐，幾分鐘啫我和同事就分別買了一盒滷肉飯，豬手飯和豆腐飯，返到公司同同事一齊食，飯仍然熱熱的，飯粒分明，D配菜酸酸甜甜好開胃滷肉和豬手飯足料而且好有味上相比在台灣當地食既，呢間宋媽媽便當真係正上值得推介我會再幫襯

本來諗住去程班長食個滷肉飯, 路經此店 見到佢又係賣滷肉飯 諗住買盒嚟食。啲飯硬嘅 冇鬆散 滷肉冇油 乾爭爭, 啲老肉完全唔可以同啲飯撈嚟食, 啲配菜我試了一口就立即放棄, 滷肉飯我 吃了兩啖 我完全頂唔順一盒滷肉飯乾爭爭。如果咁都可以叫做鹵肉飯真係有錢開店就可以唔需要好食嘅。

唔知咩事今日大家無帶lunch box，又唔知點解無book位，跟住大家又齊齊話去買外賣，跟住又唔知點解明明落樓前話食海南雞，最後又過左對面馬路去左呢間「宋媽媽便當」買外賣。呢間便當好有台式車站便當feel，咪睇佢紙盒packing細細盒，攞上手都重重地架。一行五人買左人地4個鹽酥雞便當，跟係後面既人要等佢再炸起一批雞...鹽酥雞鬆化香口，但有少少怪，唔係原塊雞扒，又唔係一件件雞球，似係將細細件雞件mix埋一齊炸，便當包一杯餐飲，可揀冬瓜茶、紅茶、綠茶😋