安安燒 (染布房街) (已結業)

今日同阿女拍拖來了旺角濕平，行完街阿女帶我去食安安燒，仲話我一定會like 啊我們7時到達，幸好早一步，剛好坐到最後一張雙人枱，遲來的就要等位了。侍應招呼親切，我們看完餐牌後，叫了燒孜然羊肉串、惹味蒜蓉生燒茄子、蒜蓉燒扇貝、安安香濃芝士燒生蠔、沙茶醬燒原隻墨魚仔、燒蟶子皇、燒原隻鮑魚、燒芝士餈飯，及飲品點了熱菊花蜜，和柑桔蜜。真想不到食品的水準非常高，廚師控制火候得宜，食物調味得很好，確是令人回味無窮，怪不得排的人龍是長長的啊羊肉串蘇味十足，未上枱已聞到了，肉質亦好稔吖。而燒茄子份量大大隻，燒得非常惹味燒海鮮直程食到舔舔脷，鮑魚、蟶子鮮味十足，魷魚仔亦香味撲鼻想不到餈飯鋪上芝士燒出來的效果是那麼好，口感非常煙靱全場最like 的是燒生蠔，不單芝士香濃，蠔肉又fresh 又正，我們連汁都飲埋添燒扇貝也有和燒蠔般的異曲同工之妙，鮮味+香味十足

星期五的晚上當然要同三五好友，食好西，飲兩杯，吹下水8點walkin 等咗唔係好耐，就可以入座啦食物種類多不勝數食過嘅朋友介紹海鮮需貴，但都值得試試過，蒜香燒生蠔🌟🌟，無咩特別燒鱔🌟🌟🌟🌟🌟🌟🌟🤣$49/串，貴但真心好食，肉質爽，彈牙，甜甜的魚乾🌟🌟🌟🌟🌟，都係甜甜的，慢慢”趙”😂好有味，都推薦。多春魚🌟好多都好好味但燒菠蘿，燒蠔，腸仔，羊串，可以不試😛因為我地眼睛太闊了，第一round 已經order過十款，真係豬豬🤦‍♀️，因為啲野黎得快，好快就凍曬，好似燒茄子咁，凍咗少少，唔好食記得一次唔多order 咁多啦4個人，食到好飽，每人312個大元

新既一年，又係期待生日既來臨……同事誠意拳拳，我都唔好意思推搪……不過收得工都好夜，選擇都唔多…其實呢間食店，每晚收工都會路經此店，間中都要排隊等位（係夜晚十點幾），原來宵夜時段係有優惠折扣既，所以可以一試，仲有人燒埋比你等食今次終於唔駛經過，而係坐低試一試地方比較開揚，不過就對住馬路，冇遮冇掩天氣凍的都幾食風食物方便，選擇都幾多，不過份量同價格，我個人覺得唔成正比，有的唔值，感覺任何食物只有同一種味道~孜然粉、七味粉坐位有點擠逼，勝在唔會趕客，冇時間限制

與知己友人一齊開餐，天氣少許涼，唔太凍，緊係要去串一串燒。近期都食得太多肉，今餐都叫多咗燒蔬菜。黑松露菌醬三重芝士撈丁見餐牌極力推介，又見每一枱都會叫，所以就點這個超邪惡撈丁。不過，黑松露不太重，芝士係有啲濃，麵質感適中。燒超美味一口甜薯雖然係正常嘢，但係我致愛。玉子燒，厚燒都嚟蛋味都重。川式麻辣燒扇貝 唔係太辣，但都算新鮮。惹味蒜蓉生燒茄子蒜香味重融入茄子中。燒清香翠玉瓜正常嘢都 ok還有叫了燒四季豆沙茶醬燒雞脾菇皇牌燒牛舌火辣牛肉丸安格斯肉眼牛柳串秘製醬燒雞中翼其他，還叫了蒜香燒白鱔燒車喱茄煙腩卷燒雞軟骨串美國牛小排正體食物ok，上菜速度很快。

依間嘢, 食物係可以既, 服務可以用可怕黎形容, 我好少見一間店既服務, 可以衰到咁.佢門口擺晒枱, 個個位都入得去, 我地成班人見窿就捐, 佢個店長物體, 黑晒面, 大喝叫我地入門口入.門口? 佢指住個細門口仔, 叫我地係果度入. OK. 好.你自己開餐廳, 亂擺枱, 違返食環署條例, 成間舖中門大開, 唔俾人入, 好好好.坐底, 點嘢食, 我朋友口渴, 想叫杯嘢飲住點, 黑面神話唔得, 要一次過落單.真係搞笑. 咁既舖頭都有. 唔可以飲嘢落單?食食吓嘢, 又係D類似問題, 隔黎枱個人講晒粗口問候店長全家. A... 有效喎, 個店長變晒態度, 好好喎. 原來怕惡, 牛高馬大怕惡, 真奇怪也.講番食, 嘢食冇問題, 芝士撈丁, 賣$49, 好食. 但係Cost of good sold只有大約5%, 佢地除咗態度差之外, 都識賺錢.其他燒烤, 唔差, 都幾好食, 唔係話好好, 係都OK好. 元貝冇辦法再細隻, 因為已經超細. 千其唔好叫.豬肉串, ROI太低, 唔好叫.燒茄子好食, 但被迫連皮食.金針菇可以.墨魚滑唔係好似墨魚滑, 但OK.雞翼幾好食.其他嘢都OK.如果你前世未比人鬧

收工好夜嘅人真係要去呢間。又旺角，過左9:50仲有折😍以前放工經過，入去試，好大油煙🌪食完成身味，但其實佢地整得啲串燒又好好食，但由於大油煙都唔會想去食第二次之後有一日，放工經過見到好多人排隊，於是再戰，改善左通風，真係唔同唒，可以完全enjoy啲食物。正！推介: 燒茄子😋煙肉車厘茄😍芝士公仔麵(super evil)🥴燒蕃茄🍅燒一口蕃薯🍠個芝士撈公仔面真係好好食，燒芝士加蒜蓉真係好出食！必食推介！🧀🧀🧀

同朋友去食宵夜 基本每一道小食都點過 鮑魚同芝心獅子狗 最好味 其他小食基本都係滿意以上 味道有保證 服務態度好 環境都好乾淨 上菜速度都快 下次會再去 同朋友點曬差唔多成個menu每樣各一份 埋單都係500港幣左右 可以點單 再加單2次 有各款汽水同啤酒等等 抵食又好食 食得出食材係有質素 十分值得推薦❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

Happy friday，选了这家，因为之前有吃别的火锅捻大排档都还不错，味道还可以，蛏子好吃的，蒜茸足，茄瓜不好吃生的，牛舌朋友说要咬不动，别的味道我觉得都可以啦！下次再试试隔壁乌龙烧，价格不贵，很划算

星期日約咗朋友見見面吹吹水，基於好耐無見所以想搵個地方係可以坐得耐，傾得耐啲既，所以揀咗去食串燒，可以食幾around慢慢坐，有位朋友到先係wtsapp講岩岩好有最後一張檯，不過係門口位黎，見天氣都凍凍地都冇乜所謂，點知去到見到個門口位真係好好笑，係個U字型嘅4人位，仲要對街坐，好似tvb啲飲食節目咁，好攪笑！原本仲有兩個朋友未到，所以諗住嗌定啲野食，等佢地黎到時就差不多，點知依到上菜速度係比我地預期中快好多，啲員工就話係因為入面有好多個爐，可以一齊燒，所以效率可以咁快，不過唔知係因為天氣涼定點，我地都覺得啲野食唔係話好熱。不過我個人覺得依到服務都幾好，啲員工都幾勤力執檯，我地又嗌得多款，佢地都會好主動幫我地啲野食放埋同一碟，等有多啲位放其他野。我地嗌咗燒鹿兒島豚肉串、脆皮芝士腸、雞軟骨、秘製醬燒雞中翼、叉燒肋排粒、牛舌、餃子雞翼、燒茄子、燒菲菜、燒翠玉瓜、蒜蓉牛油焗金茹、燒菠蘿、燒魚干、玉子燒……等等等，食食吓之後因為掛住吹水都唔記得左要影相，全晚啲野食個人覺得都不過不失喇，但有幾樣相對比較出色都有encore嘅係蜜糖燒粟米，燒得超香甜，粒粒粟米都係脹卜卜，好多汁；燒甜美菠蘿，睇個樣

平時揸車經過見到都幾多人幫襯，咁就走入去試吓點知瀨晒嘢，坐低落單叫咗8款嘢食，5分鐘之內到曬，求其整熟再翻燒，食材唔新鮮，加大量調味粉掩蓋食材唔新鮮嘅味道，其中燒蠔就更加中伏，全部跟足深圳垃圾燒烤做法

上星期5同朋友happy friday，咁當然之前要食飽先。其實安安燒唔係第一次黎，但之前多數都十點後（做到好夜）之後黎，一般都多人要等一陣位。但今次7點半左右可能時間尚早，就唔洗等位。因為到8點之後就見到好多人啦。一坐低就叫左轉野食先，燒茄子、牛舌、雞腎、蜜糖燒賣、豬頸肉、墨魚咀、扇貝（好食，每次都叫）、燒菠蘿等等（好多，唔記得啦），仲有燒雞泡魚乾，其實我怕腥係唔食魚，但佢好似魷魚咁係幾好食。之後叫多杯啤酒，一流！ 其實D野係幾好食，但可能D調味粉都係偏咸，所以食到尾尾通常都覺得好咸。我一個女食就食串燒都夠飽。但男仔就要食返D麵飯先可以。所以最後要叫多個芝士撈丁同燒「痴」飯先夠飽。每人大約$250，其實唔算好平，但合理。畢竟食串燒要食到飽其實就會叫好多野。而且有時夜又唔想食太頹佢都係一個好選擇。btw 我而家先知隔離烏龍燒同打透爐都係佢既，真係「球員球證都係我既人」，揀邊間佢都賺。但我無食過其他2間。

以前都有食過，果陣都不過不失。點知現家勁難食，野食完全唔熱係凍既，而且份量比以前小左。價錢又唔抵，如果咁既質素真係免費都唔食，服務又一般般，完全中哂㐲。如果十分我會比兩分。兩分係比環境⋯

今晚想同朋友仔傾下心事，所以決定食安安燒❣️呢度環境淺窄，枱與枱之間空隙好少，所以都會坐得比較迫，但可以一邊食串燒，一邊慢慢傾計，感覺都好爽哈哈😍燒蟶子$39@1隻價錢係根據市價，所以價錢不定，不過通常都係30幾，40蚊內。蟶子非常新鮮，爽口彈牙，配上蒜蓉同辣椒🌶️，係perfect match🤣呢個真係必叫❣️！！娃娃菜 $14娃娃菜燒得淋身，好易咬。配上醬料，微辣👍🏼沙茶醬龍脷柳$38沙茶醬金菇$32兩樣都係用錫紙包著燒，即使隔左一陣先食，仍然保到溫，熱辣辣。沙茶醬燒得非常入味，亦好夾❤️ 龍脷柳好嫩滑，都可以唔洗用牙咬了😹麻辣燒扇貝 $49 全晚最失望之作！睇圖都見到粒扇貝size 有幾mini! 味道係正常，小辣。魚皮餃 $27燒茄子🍆 $42大大條😍，配上蒜蓉，下面個皮都食得架😆海螺🐚 $30牛舌 $35菠蘿🍍啤 $13王老吉 $14食串燒熱器，飲涼茶就最岩，下火。😛最後埋單都唔洗$200一個人❣️

地球上原來有咁難食嘅食物點了8樣食物，5分鐘內全部上枱基本上冇燒雞翼係烚完串起上枱。最正常就係四季豆，至少似燒過什麼羊肉串雞腎串，跟本不能入口硬凍冇味.....人間劣食此中尋$233 埋單

路經旺角安安燒多次，見多人幫襯，又多好食評，決定試下！結果，超級失望！！秘製醬汁雞翼，醬汁唔知咩味之餘，雞翼無香脆感覺，似烚雞翼的質感，其實燒雞翼已是燒烤店的基本菜式，雞腎更加🤦🏻‍♀️另外，麻辣蜆，麻辣味夠👍🏻，但蜆肉過老了，又細隻🙈唯一中規中矩是娃娃菜，終於有番燒烤感覺～不過，應該有孜然味既無孜然味，應該香脆的又唔香脆自問食盡油尖旺、將軍澳、觀塘、荃灣、青衣多間串燒店，有好有唔好食，但呢間，可以話係最難食，短期內唔會再食呢間喇...希望遲下有改善啦