安安燒 (染布房街) (已結業)

這裏的食物很有風味， 但由於環境問題是開放式的店舖，所以感覺會比較熱， 我個人相信冬天來會比較好， 但最近夏天去食 晚上仍然很多人， 證明食物的味道和品質有一定的保證。冬天一定再回來食過，值得一試推介食品：燒牛脷、燒韮菜、 燒牛扒、 燒生蠔等等.........啤酒方面亦有一些特色啤酒，個人喜愛白啤。建議找一些冷氣的風口位坐或者對正放濕風扇吹到的地方吃來比較舒服。當然以上純屬個人意見， 食燒烤的口味各有不同視乎你喜不喜歡食濃味的東西， 如果喜歡這間定必合你口味。

今次已經係第二次去，串燒好好食，特別係煙肉車厘茄，超好食!!!其他嗰d都唔錯，上菜速度好快，叫完沒幾耐就上曬了，建議如果有想食特別多嘅，最好分幾次，如果唔係會涷，就沒咁好食

對於鐘意食串燒ge朋友 ，「安安燒」係最適合不過，黎左咁多次除左覺得佢串燒吸引之外，依度ge「三重芝士撈丁」亦都唔輸蝕，而且好受歡迎tim 「🍜惹味鰻魚汁三重芝士撈丁」，聽到個名都即刻流晒口水，佢依度係用左藍芝士、車打芝士同埋巴馬臣芝士所製🧀，加上面頭會有燒焦ge芝士依個先係精髓！ 份量方面都夠食，侍應更貼心提醒一定要趁熱撈，等芝士可以溶化係麵上面，而且食落去就唔會一餅野咁！芝士味好濃郁又香，好好味，麵ge質地唔會好林而且幾彈牙，而芝士醬加鰻魚汁撈埋d麵都幾入味又特別！推薦愛食芝士的朋友 另外「惹味蒜蓉燒茄子」都係我黎親都會order肥大的茄子夠新鮮，而且燒到夠火喉好香，入口軟林又夠綿，用筷子輕輕一拉就可以分開茄子外層的皮，連肉配上佢d蒜蓉加辣椒十分惹味！正.... 「甜蜜脆脆糖燒朱古力香蕉」🍌🍫未試過抱著好奇心去試，諗住加多個甜品食下。賣相幾靚，香蕉除左加左焦糖係表面，仲有朱古力醬，入口帶有香脆甜美，味道剛剛好，又唔會甜到好溜。

因為好想食串燒，因為旺角就腳，所以揀左呢間！我地三個人被安排坐門口，由於太餓，所以抹住汗咁食，諗住坐下就無事，點知食食下唔對路，越食越熱！講返嘢食先，叫左燒鮑魚，蟶子，蠔，牛排等等，味道普通，不過呢個價錢算唔錯！最喜出望外係燒响聆，平時响聆打邊爐好味，估唔到燒都咁好味，讚👍🏻但由於d汗無停過，見到隔離有張4人枱，於是流住汗問個哥仔可唔可以轉枱，我就嚟熱到中暑！但佢話4人枱唔可以比我地3個人，咁我唯有認命啦，點知轉頭，佢入返3個人😧😧😧 我問哥仔點解頭先唔比我轉枱呀？真係好熱！佢回答：小姐你教我點答你？😨😨😨 我好耐無遇過咁嘅服務！大開眼界！其實嘢食唔標青，坐得唔舒服，服務態度差，點留客呢？😫😫 冬天都唔會再嚟🤭🤭

有如食垃圾落口。串燒在點菜後3分鐘就到，串燒沒有任何燒過的口感，感覺像生的食物上再加上醬汁，所有串燒都不熱。一定是全港最差的串燒，沒有之一。還有服務態度與食物質數一樣，非、常、之、差！店內有很多空位，偏要安排搭台，有客人走了後，我和朋友再轉位置，竟然比店員大聲呼喝，比錢買難受。下單時，黑面的店員在朋友手中搶去菜單，非、常、不、禮、貌！而且在場內有非常多小昆蟲，如果大家想體驗最差的食物、最差的環境，及最差的服務，一定要一試！

食物方便水準還算ok， 但有部分食物比較參差 ，例如魷魚同埋牛脷等等 ，但係佢個麻辣牛骨髓同埋芝士撈丁都真係幾好食， 仲有部分食物上碟嘅時候已經凍咗，唔知點解。 環境方面比較狹窄 ，出入唔方便， 但係都算通風唔會太臭 ，以街邊檔嚟講算係咁。 服務方面 做得ok，雖然食嗰陣時佢哋好忙，但係都不忙同客人搞笑傾下計咁樣囉， 但係可能真係太忙啦，有時有部分要求要等一段時間先做到，例如攞紙巾等等。 價錢偏貴，冇物有所值嘅感覺。 整體嚟講叫做一般，如果係開旺角有想食串燒嘅可以揀呢間，但係絕對唔係首選。

燒雞軟骨串 HKD25/2串就咁睇已經見到好多孜然粉，所以味道都幾重。美國牛小排 HKD42牛味濃郁，嫩口多汁，唔會燒到過熟，岩岩好，正～燒菠蘿 HKD23串燒除咗要食燒肉同埋海鮮之外，菠蘿亦都係我嘅必選之一，最鍾意佢燒到好軟身，然後啲菠蘿汁出哂嚟，好鮮甜滿足～燒一口港式魷魚仔 HKD39呢款買少見少嘅港式魷魚仔，以前經常都會嚮戲院門口見到，但而家已經無呢支歌仔唱，不過竟然可以係呢到見得返～食落味道好濃，咬口煙韌，最岩邊飲啤酒邊食～金銀蒜蓉燒生蠔 HKD77/4生蒜味好重，重到幾乎食唔到蠔味，加上隻蠔本身唔大隻，已經無乜肉感，所以成隻連埋生蒜擺落口嘅時候，係分唔到自己食緊蒜定蠔，不過對於好鍾意蒜味嘅人可能會好鍾意。蒜蓉燒扇貝 HKD49/4扇貝同生蠔嘅情況差唔多，都係好多生蒜，所以我都係麻麻地。惹味蒜蓉生燒茄子 HKD42燒茄子最大嘅魔力就係佢會吸盡所有調味，食落名副其實好慈味，少少辣～惹味黑松露墨魚滑 HKD48呢塊墨魚滑好似漢堡扒咁樣，魚滑打邊燼就食得多，用嚟燒都係第一次試，惹味之餘，仲好彈牙，唔錯～

話說有一晚， 同兩三個朋友， 諗住去食串燒 ， 咁我哋攞飛等位， 之後等到啦 ，某一位侍應叫我哋搭枱， 我問可唔可以坐四人枱呀， 佢諗都唔諗就話唔得， 咁我就問點解兩個人可以坐四人枱嘅， 佢就話 佢地食咗九百幾蚊嘢， 跟著我話 原來食得多，就有咁嘅待遇，唔使搭枱， 我哋三個人， 就要同人哋搭枱 ， 某一位侍應從服務態度說話非常之惡劣… 三個人 唔可以坐四人枱，兩個人就可以坐四人枱， 呢啲咩道理嚟㗎？ 之後我哋話再等， 跟住我哋就去咗隔離間串燒到等位， 安安燒某一位嘅侍應， 就走咗去隔離嗰間串燒度，同個男侍應喺度咬耳仔講嘢， 呢啲係小學雞先會做…

食物質素及服務很一致，都是一樣非常之差，客人不是多，間中見到有客人等位，只是坐位不夠的錯覺，食物亦很污漕，餐具亦污穢，旺角很多餐廳選擇，沒必要選擇它，最主要都是服務差，試一次便夠，沒下次

食物質素及服務很一致，都是一樣非常之差，客人不是多，間中見到有客人等位，只是坐位不夠的錯覺，食物亦很污漕，餐具亦污穢，旺角很多餐廳選擇，沒必要選擇它，最主要都是服務差

收工同同事搭番車出黎旺角，過黎安安燒食串燒。我地十點到黎到，場內唔算有好多人係到 ，只有三四枱客！搵個位坐低左之後，立即點野食。其實之前本人已經同朋友黎食過好幾次，食品味道都唔錯的大確等左十分鐘到，不同既串燒陸續送到！每一款食物賣相都可以，但食落去有一些真的不太夠熱，好似整好灘左陣先拎岀黎咁略有點失望今次場內人煙稀少 只有數枱客食串燒必定要配啤酒🍻串燒賣相可以 但有一些味道略為差了1⃣️點 比起之前稍為退步了

係麥花臣睇完concert 10點幾想去附近搵下有咩宵夜食見到呢間好多人既安安燒決定試下見佢芝士撈丁講到好出名話師傅專登係外國學返黎再改造試左個安安招牌撈丁真係有齊三款芝士好多芝士好濃郁但係我反而覺得有d漏 同埋都幾咸我諗芝士控真係會好中意但我二人share都覺得太漏喇🙈再叫左雞軟骨同雞翼個調味粉幾香好惹味我諗呢兩款肉個粉係一樣既牛小排又幾香牛肉味wor!雖然有DD un 同埋肥膏多左d 但無錯係好香脂肪味既蔬菜方面叫左沙茶醬金菇幾香沙茶味同埋份量夠多既仲有一味係麻吉燒年糕個人好中意呢d麻糬質地既野佢係年糕外面有層好似魚蛋咁既野燒得香得黎 口感又彈又煙un我好中意❤️仲有一個叫左黑松露魚滑好香黑松露味！但係得好細塊唔太抵質地都滑既 可以再彈牙d掛住食冇影到相😂😂整體質素唔錯既不過個人覺得唔太抵食叫左唔係好多只for宵夜都已經成200蚊同埋只係最普通既肉類 冇叫海鮮羊架值得試 但我會prefer平價串燒多d😛抵讚係服務好好👍🏻

難得今日可以收早，就約左同事行下街，食下飯！去左旺角周圍都勁多人！又唔知食咩好！就諗起染布房街個邊有好多野食可以選擇！所以就去左個邊揾好野食！點知就聞到勁香串燒味？？就係咁見到呢一間安安燒！餐廳是半露天的，同地方就有點迫！我們就立刻睇下食乜！？呢到是自己畫紙的！店員都好主動去介紹海鮮同當日的價格但我們本身都唔太好海鮮，所以只係叫左個燒扇貝！同埋其他小食！我們叫左個勁吸引的黑松露菌醬三重芝士撈丁，烤到表面既芝士焦脆，再加上黑松露菌醬，菌味香濃，真係好惹味，兩個人食，剛剛好！牛舌，有少許辣，而且牛舌夠厚身，一點也不韌，係好食！玉子燒，表層至焦香，味道清甜，口感細滑！燒扇貝，可能太多蒜容，同埋細隻左D,呢個就一般般！燒牛排，牛肉燒至五成熟，肉質鮮嫩多汁！好好味！

為左呢間野開個account ，食啲食物好似食緊垃圾咁，食物凍既，又貴又唔抵食，舖頭冇遮冇掩，夏天又熱又焗，冬天又凍(原本已經唔算熱既食物更快凍，得頭2啖係熱少少！)每次食完個碟佢秒速收走，感覺好似望實你幾時食完，食完一碟即刻又收一碟，不停比佢騷擾！好煩！我原本見到咁多好評一心想去試下，唔信可以自己去試下(如果你鐘意食垃圾)。我唔係好識形容垃圾，或者可以去睇下其他劣評既內容，然後再諗下點解好評同劣評寫既野分別咁大？分別大到好似唔係寫緊同一間舖咁？

又貴又難食嘅串燒燒烤店白布街附近近一兩年多左好多新餐廳，其中一間成日經過都見佢大排長龍，於是決定一試。七點半去到門口都有一堆人，攞飛後大約三個字就有得入去啦。但由於店舖面積較小所以兩個人食大多需要搭枱。叫咗個招牌撈丁同埋唔同嘅海鮮。撈丁味道唔錯但食得多有點膩你，兩至三個人分啱啱好。叫咗個燒帶子，好似燒燶咗咁勁大浸燶臭味。另外仲要有碟聖子，味道一般蒜蓉味過重。成個餐牌嘅食物都係得兩種醬料一係就係芝士一係就係蒜蓉，好似冇乜誠意。食到最後地下仲有隻曱甴，旁邊枱啲女仔都嚇到花容失色。埋單每人要＄200 ,又貴又難食。