安安燒 (染布房街) (已結業)

平時經過見到好多人食，所以今晚決定約朋友一齊食。果然無揀錯，價錢平，食物質素高，服務態度好。之後都會介紹比其他朋友去試。🥳［必試］芝士撈麵🤩芝士味唔會濃，啱啱好！公仔麵唔會煮得太林。好啱口味！ 好食到停唔到口。［必試］雞泡魚干🤩雞泡魚干得好入味。點埋沙律醬食十分配，如果配埋酒飲，應該好過癮。牛舌🤩牛舌係厚切，而且燒到好入味，食落淡淡都係肉，而且好平，平過出面嘅日本餐廳，但係有日本餐廳嘅水準。［必試］牛油焗金菇🤩次次出去食串燒都一定會點牛油金菇。整體來講，所有串燒都做得好出色，而且有很多選擇，啱晒各人口味。