安利魚蛋粉麵

營業中

休息中

來吃安利必嗌撈粗和鮮油奶多，尤其鮮油奶多真係世界第一。一塊凍鮮牛油配上煉奶，再加上新鮮烘好的鬆軟多士，一咬下去幸福感爆滿！難怪午餐時間weekend總是排滿人龍～

去到筲箕灣， 好多人都鍾意去東大街食嘢🍜， 除咗有很多街頭小食🍢🍡之外， 嗰度食肆林立， 大家可以慢慢選擇😋。 沿住東大街行入去， 在天后古廟⛩️斜對面， 有一間餐廳成日排長龍 ～ 安利魚蛋🐟粉麵。 條龍好長， 不過好彩條隊去得快， 等咗大約20分鐘就有位了。 今次試咗佢哋幾款推介食物😊： 🦬牛腩 ～ 牛味濃， 炆得好稔好入味，正！🦐雲吞 ～ 乾淨， 食唔到蝦殼， 啲蝦新鮮彈牙。🧈鮮奶油多 ～ 鬆脆多士夾住一嚿冰凍丶厚厚的牛油， 有冰火交融的感覺， 喜歡吃牛油麵包的， 一定會喜歡。🍡魚蛋 ～ 有幾重嘅腥味， 感覺不太新鮮🐟魚片頭 ～ 爽脆， 但是普通

今天早收工，特登去左筲箕灣東大街安利，下午5點幾去到，店員話仲有爽腩，就點了爽腩魚蛋魚片米。店員服務態度幾好，見我點爽腩就提醒說：爽腩只是根膜沒有肉的，和我平時食的爽腩有所不同。腩食起來是爽口的但牛味及鮮味欠奉。魚蛋及魚片比較腍及鬆散，完全不彈牙，魚味及鮮味也欠奉，屬一般貨色，反而隔離嗰間王林記的魚蛋魚片好食多了。湯底也沒有特別鮮甜，反而佢個米粉幾好食，不會太腍，整體來說安利蛋粉只是普通的魚蛋粉，性價比較低，要排隊就更加不了。

筲箕灣東大街多美食就係人都知!今日阿姐由大西北去到港島搵食實行要用最短時間塞爆個胃去完王林記係時候行番前些少去到其實知道安利既撈粗都好出色,但係已經食左王林記既我地已經食唔落正餐><安利門口又係人山人海,今次我地既TARGET只係鮮油多同鮮油奶多!所以為左唔想等位,我地決定外賣!!!!!去隔離公園仔坐低食!PPP鮮油多入口即溶同鮮油奶多加埋練奶既甜味,好正呀!!!!!如果你同我一樣黎食鮮油奶多又唔想排隊!非常之推薦大家買外賣企埋一邊食!因為排太耐隊會阻礙我地食下一個美食既戰鬥力架嘛!!!仲要記得同朋友仔開心SHARE 呀!筲箕灣筲箕灣東大街22號22 Shau Kei Wan Main Street East, Shau Kei Wan

Summary: A simple noodle shop, but with well made meat balls (cuttlefish & fishcakes), and braised beef. I also personally like flat rice noodle (very good texture). Queue is normally a bit long though.The Goods: Overall superior quality for fish balls, beef brisket, and broth - nothing special (typical HK style noodle ingredients) but they are well made / balanced. Clean & table not too cramped.The Bads: The queue - we didn't wait a long time because we were quite early on a weekday, but expect

今日收咗工去咗筲箕灣食下一間好出名嘅安利魚蛋粉其實都唔洗點講，住係附近嘅人都識佢個切腩撈麵係好好好食佢嘅切腩，即係清湯腩，肥瘦均衡，食落去又唔會有渣，每一舊都好腍滑，有牛嘅油脂香味。佢個撈麵唔係一般粉麵店佢用秘製醬油同豬油撈，令到平平無奇嘅麵加番以前嘅味道當然佢仲有墨丸同雲吞都好味架，大大粒👍🏻👍🏻

𝙝𝙞𝙜𝙝𝙡𝙮 𝙧𝙚𝙘𝙤𝙢𝙢𝙚𝙣𝙙𝙚𝙙 𝙗𝙮 𝙖 𝙛𝙧𝙞𝙚𝙣𝙙 𝙬𝙝𝙤 𝙡𝙞𝙫𝙚𝙨 𝙞𝙣 𝙨𝙝𝙖𝙪 𝙠𝙚𝙞 𝙬𝙖𝙣 𝙖𝙣𝙙 𝙮𝙤𝙪 𝙢𝙪𝙨𝙩 𝙩𝙧𝙮 𝙩𝙝𝙚𝙞𝙧 𝙘𝙡𝙖𝙨𝙨𝙞𝙘 𝙣𝙤𝙤𝙙𝙡𝙚 𝙨𝙤𝙪𝙥! 𝙗𝙚𝙚𝙛 𝙗𝙧𝙞𝙨𝙠𝙚𝙩 𝙖𝙣𝙙 𝙛𝙞𝙨𝙝 𝙘𝙖𝙠𝙚 𝙖𝙧𝙚 𝙢𝙮 𝙛𝙖𝙫𝙤𝙧𝙞𝙩𝙚. 𝙮𝙤𝙪 𝙢𝙖𝙮 𝙜𝙚𝙩 𝙖 𝙘𝙤𝙢𝙗𝙤 𝙤𝙛 𝙩𝙬𝙤 𝙩𝙤 𝙛𝙤𝙪𝙧 𝙞𝙩𝙚𝙢𝙨 𝙞𝙛 𝙮𝙤𝙪 𝙡𝙞𝙠𝙚!.有個住喺筲箕灣嘅朋友幾乎隔日嚟食魚蛋粉，搞到我都心郁郁專程過嚟食返碗牛腩魚片米，爽腩同坑腩一早賣哂得返切腩，瘦牛腩牛味重又軟稔唔痴牙，偷食咗朋友一舊牛筋好入味，滑到雪一聲咁跣落喉嚨，另外魚片頭都好彈牙，值得一讚嘅係而且呢度湯底調味較淡有別於坊間嘅粉麵店，飲埋湯底都唔會口渴😋 奶油多由兩塊熱辣辣脆卜卜嘅厚多士夾住冰凍牛油同煉奶，可以一試！

昨天去了安利，吃他們的魚片切腩撈粗麵加一杯凍檸茶，撈面冇鹼水味.不錯，但豉油太多，食完個碗底仲係成堆豉油，片頭同根腩都合格，但最趕客係面果片炸魚皮，完全唔脆，另外，碗面$51，凍檸茶居然賣$21。好搵笨，根本就係呃錢，以後唔會再去。

今日又係行山嘅好日子，出發去搭小巴之前，喺筲箕灣附近搵咗一陣都諗唔到有啲咩好嘢食，朋友話：嚟到筲箕灣點會唔食呢一間粉面店，我抱住一個既來之則安之嘅心態到就係呢間餐廳喺門口等位嘅時候就已經勁多人囉，好彩我哋兩條友等咗三張枱就入到，坐低見到隔離都係食四寶撈麵，我就毫不猶豫跟咗佢，唔使5分鐘嗰碗麵就上桌，啲牛腩好鬼正，雲吞亦都不在話下，裏面嘅蝦真係好彈牙，至於佢嘅撈粗配合埋佢嘅湯真係一流，平時食出邊嘅粉面店好多時候都食完好口渴，今日反而冇呢一種感覺，唔知係咪因為冇落味精啦筲箕灣一個唔錯嘅選擇

.《安利魚蛋粉麵》以前份工要周圍走，幾年前食過一次，而家就係食回憶，雖然裝完修，但都保留懷舊嘅裝修風格，整個餐廳都以綠色為主，仲有襯托啲懷舊風扇，好多夥計都仲喺度…-切腩撈粗..豉油依舊較得好微甜吾乾身，切腩係瘦腩，牛味好重吾痴牙，粗麵爽彈吾削，鹼水味唔重-鮮油奶多..咁鬼大片牛油再加煉奶，麵包烘得非常鬆脆，再加上牛油同煉奶食落去，簡直係非常之滿足，仲有得輸？呢啲傳統嘅茶餐廳真係廿四小時都咁多人安…於現狀利…憶從前凍檸茶$22杯

🍪 【#筲箕灣】安利魚蛋粉麵💥屹立東大街55年 一大清早現人龍💥.🍪出發往石澳前慕名嚟食嘢，呢度出名切腩魚片撈粗同鮮油奶多✧Stopped by for lunch before enjoying the summer vibe at Shek O beach. Signature dishes include sliced beef brisket, fish cakes noodle and toast w/ butter slices & condensed milk. 🍪估唔到星期六朝早11:20已經有人龍，等咗20分鐘入得✧Came as early as 11:20 a.m., waited for around 20 mins🍪對面街有安利大排檔，人潮不多，餐牌相似✧Another branch is on the opposite side of the street, with fewer people and similar menu~~~~~~~~~~~~~~~~~~~~~~~~~~~~~~🍽坑腩魚片米粉 (+$10轉坑腩) $58（4/5）Short rib,

______________________________🧈鮮油奶多$18牛油煉奶自己可以買 但整出黎嘅質素一定不及佢地 因為麵包真係烘得非常香脆 我會用入口即溶形容麵包嘅口感🥰🥰 仲要牛油同煉奶嘅比例都平衡得好好 太出色了🤍 ☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 10/10 ✩ 𝙝𝙤𝙬 𝙢𝙪𝙘𝙝 𝙞 𝙧𝙚𝙘𝙤𝙢𝙢𝙚𝙣𝙙 推介指數 : 10/10 - - - - - - - - - - - - - - - - - - - - - - - - - - - - - - 🍢雙拼$48 （魚片+牛腩/ 米粉）魚片爽口彈牙 清湯滲入其中 極為入味🤍 切腩少韌 而且不入味 感覺一般 建議加錢轉其他牛腩🧐 ☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 7/10 ✩ 𝙝𝙤𝙬 𝙢𝙪𝙘𝙝 𝙞 𝙧𝙚𝙘𝙤𝙢𝙢𝙚𝙣𝙙 推介指數 : 7/10 ______________________________𝘀𝗲𝗿𝘃𝗶𝗰𝗲: 8/10 𝗲𝗻𝘃𝗶𝗿𝗼𝗻𝗺𝗲𝗻𝘁: 8/10 𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 7/10 🖇 筲箕灣筲箕灣東大街22號

自己好鍾意魚蛋粉，所以今日黎開筲箕灣就黎試下， 所謂聞名不如見面。叫左個雙拼加紫菜同四寶撈粗。黎到真係嚇親，真係好耐無見過份量咁足既魚蛋粉🤩 四寶撈粗相比之下，仲大碗過佢！份量大不在話下， 味道都好好👍🏻 河粉好滑！明白點解呢間野長期都咁多人排隊咁多人黎😌

東大街最出名要數安利魚蛋粉麵 切腩撈粗+魚片頭係最多人推介既組合招牌牛腩肉質夠腍身 吃起來爽口不韌 整體是不錯的相比起魚蛋,牛腩更出色 醬油撈麵 粗麵鹼水過得清非常好!撈麵既醬汁色澤偏深,味香濃郁入口淡淡醬油香氣少少微甜! 麵條爽身口感爽口!魚片頭有魚味,入口幾彈牙食完唔會口乾,呢度調味唔算太重!留意返佢地有固定日子休息!地址： 筲箕灣筲箕灣東大街22號平均消費$60評分7/1022 Shau Kei Wan Main Street East, Shau Kei Wan

✨鮮油奶多厚多士 烘得外脆內軟鮮油冰凍 冷熱交融店家好慷慨放左枝煉奶喺枱度 唔夠可以自己加真係簡單好味又邪惡✨坑腩魚片撈粗上次食過切腩好柴 好似煲湯豬肉所以比多次機會佢 的確比切腩好好多坑腩 帶少少油脂 冇咁乾柴 但仍然都係黐牙魚片 口感彈牙偏實 魚味唔算好濃 好普通撈粗 味道偏濃 麵質幾爽 略偏有少少鹼水味 食物比上次好 但又未去到好好我比較鐘意佢個鮮油奶多環境可以非繁忙時間都算闊落 坐得舒服服務正常 已經比上次好價錢可以 但我仍然覺得係名過於實