安利魚蛋粉麵

營業中

休息中

以前在東區工作的關係，所以會經常在這區食飯。安利是其中一間隔一排都會想回味的餐廳。趁復活節的長假期和疫情放緩，決定約朋友過黎回味一番。今日是假期，都預計會多人，所以揀左係兩點左右先黎，希望避開午飯的人流，但最後都要排三十分鐘才能用餐。我和朋友都各叫了一碗粉。我選的是切腩魚片頭河，朋友選的是炆腩魚片頭河。我喜歡切腩是因為它相對有咬感而又有獨特的鮮味。試了一口朋友的炆腩，它炆的好腍而且好重牛味，如愛重牛味的朋友會好喜歡。魚片頭切得比較薄，質感好彈牙，有鮮味。河粉相對上比較普通，有點碎和份量少。因為要留肚食低調高手就沒有再食他都出名多士。埋單$98，人均消費大約五十，不算好平，但考慮到食物質素，服務態度不錯，隔一排都會再食。

這間店收銀沒有著制服的男員工，真的很無禮貌，我去攞外賣問佢幾錢，這位著黑T恤員工 態度囂張 語氣傲慢回答我 咁你貴姓， 唔想做生意就咪做， 以為自己店舖有點名氣 唔休到， 無下次唔會再幫襯👿👿

星期日下午4點去排隊15分鐘左右，坐下叫咗碗魚片魚片頭河粉，除咗河粉好食外，魚片頭魚片難食有雪味無魚味。。口感難食。。差過自己係街市買嘅魚片。。。唔值得再去同等咁耐。。

以前住咗喺筲箕灣好多年， 安利真係由佢細鋪食到大舖，而家我就算搬咗出去，但都會成日返嚟筲箕灣探親戚，有時都會嚟食返碗麵。一般嚟講安利都係好多人排隊，今日我哋行山早嚟，比較少啲人，攞飛後等咗10分鐘左右就入得我叫咗碗<切腩片頭撈粗>，撈粗稍為比較重鹼水味，不過唔會太鹹同埋都有香味；切腩就比較乾同埋柴，有部份會癡口有部份好鬆散； 片頭都算彈牙，但係就冇乜魚味；碗湯稍為偏鹹。反而件<鮮油奶多>有啲驚喜，底面都烘得幾脆，加埋中間嗰件凍、邪惡嘅牛油，一下咬落口好鬼澎湃同埋滿足杯奶茶都唔錯，幾有茶香同埋好順滑。但整體而言食物質素比以前稍為退步了，希望名氣大了之後都可以保持返個水準啦P.S. 依家冇得「跟跟佢」了

需要肯定的一點就是安利的出品卻比同業略勝一籌，價錢亦合理，也許東主也明白憑着這一個優勢而收到食客追捧，就可以對客囂張無禮，咁呢位老細就要諗錯咗嘞！ 但對於食客來說，外邊並非沒有其他食肆比他做得更好的，只是人們對安利的招牌及號召力而去幫襯！ 但係如果一邊食一邊受氣嘅話，就不如唔幫襯喇 😡，呢個就係我今日下晝不愉快嘅經歷，坐低咗之後想落單，但係夥計都很忙，好不容易見到一位夥計得閑，我便上前搵佢落單，旁邊突然有一位坐住喺度唔係着制服嘅人士問我做啲乜，我就會答佢，我想要A B C D呢幾樣項目， 我仲以為佢會幫我落單，點知佢叫我坐返埋去， 同我就回贈佢一句，你又幫唔到我落單咁你出乜嘢聲呢。

Throwback to the last time l ate, according to my camera roll, was on 19Mar 2022……..I went at around 12pm,no one was here🤣There was a super great variety to choose from,ranging from sandwiches,noodles and toppings.😉"Tossed Noodles In Soy Sauce With Fish Balls&Fish Cakes’’The texture of fish balls were bouncy.Fish cakes were quite fresh,with chili oil.🤪Tossed noodles were nice.

呢間位於筲箕灣食街，經常都排到水蛇春咁長👯‍♀️👯‍♀️👯‍♀️宜家多人買外賣，所以唔洗排隊就入得。片頭切腩撈粗😋😋片頭好爽脆彈牙，撈粗啲醬汁調配得岩岩好。再加上一碗暖湯，都好清甜唔咸。雲吞河既雲吞有四粒，入面嘅蝦好彈牙，味道唔錯😍湯底好飲，忍唔住飲幾啖。。。然後我加左辣同醋，佢啲辣油唔係紅色果啲，所以我以為唔太辣加左好多🔥🥵點知最後辣爆最後食左個鮮油奶醬多😻secret menu 咁，餐牌無寫3個餡，貴少少$19。好邪惡，但件牛油好厚好好味😋

聽聞位於筲箕灣的筲箕灣東大街是一條食街，有兩間街知巷聞的人氣粉麵店 <王林記> 及 <安利>！ 我首選幫襯 <王林記>，次選才是 <安利>！聽住在筲箕灣多年的朋友講，一條筲箕灣東大街，有兩間兄弟店 <安利>，分別是 <安利魚蛋粉麵> 及 <安利大排檔>； 他教我怎樣分辨：門面舊的是 <安利大排檔>，門面新的才是舊店 <安利魚蛋粉麵> ；所以，他推介我幫襯 <安利魚蛋粉麵>！早前元旦 Staycation 的一個星期六，我第一次走到 <安利魚蛋粉麵>， 疫情及限聚令之下，依然好多人排隊等！  當日，是限聚令的安排下，餐廳每枱最多只限2人，我自己一個人等足45分鐘才被安排入座！ 我被安排到3 張2人枱拍埋的2人枱，以透明膠板分隔，為保持社交距離！桌上備有調味料、糖漿及餐具...等！ 餐牌 切腩魚蛋河 $48湯底鹹度適中，爽彈的魚片頭比較魚蛋彈牙，魚蛋有3粒口感稍遜，味道不腥全靠味精掩蓋！ 切腩猶如湯渣！肉質略嚡！ 雪

筲箕灣安利相信冇乜人唔識，但係你會幫襯邊間安利呢？眾說紛紜。其實兩間我都由細去到大，直至較早前有位好朋友同我講去安利粉面有個口訣就會有好嘢、就係「跟跟佢」，只要你order 好，最後加可「跟跟佢」佢哋就會識做，碗嘢特別靚，我聽完覺得好正好好笑，所以我特登用咗兩日時間分別去兩次一次講懶係嘢扮熟，一次咩都唔講睇吓有咩分別。第一日去叫碗爽腩墨丸撈粗「跟跟佢」，唔知係咪心理影響，個碗嘢真係有啲唔同，爽腩切到乾乾淨淨，以前切幼絲，又或者唔一定全部都係爽、今次切條，豉油味道剛剛好，面中帶點爽，真係好正。 隔兩日，今次唔講叫碗牛筋坑腩撈，一定唔係心理作用 ，真係好鹹，鹹濕過鹹濕，本身係炆牛筋，再配合豉油撈粗真係鹹上加鹹，可能我嗌錯，蛋係正常都應該知道唔應該落咁多豉油咁樣味道是能夠中和，而且坑腩全部肥膏，食完就要睇醫生啊🩺，雖然兩次實驗不能夠代表什麼，但係朋友們下次老虎蟹點都講呢句「跟跟佢」（笑）

約左人行山，黎安利先食啲嘢先出發。我10點半到，朋友遲到所以行左一陣睇吓食咩。呢間安利同隔離王林記係成條街最多人等位嘅店鋪。我地2個人都要攞飛等一陣不過好快大概10分鐘就有位。入面地方幾大，都乾淨。堂食同外賣都好忙，生意好好。不過出菜都幾快。我叫左個切腩魚片頭撈粗，同一份奶油多share. 奶油多正常好食。個撈粗都好食，自己加左小小辣油落去撈仲好食。唯一切腩有啲失望，個樣望落已經覺得乾嘅感覺，食落都係。我叫呢款係standard切腩，無加$10要坑腩其他果啲。可能要加果啲先好食，下次試吓。

嬲到第一次打食評，估唔到可以退步到咁衰到無人有，牛腩柴到餵狗都唔食完全咬唔到，魚旦魚片無鮮味剩係得味精，未試過咁差！真係想拎落黎比你食比我睇！一碗雙拼撈粗一碗魚旦河….差到不得了！可能因為老字號每日做唔停所以好唔好食都唔重要，因為都賺到夠！失望！由細到大幫襯佢同王林記，人地同你真係好大分別！

我寫食店從不用"伏"這個字。因口味各不同，不可只用一個伏字判食店生死。但今天我若不寫這個‘伏‘’’字，我真的不懂形容今日吃的懲罰。🤬🤬🤬多年前在港島區工作總是愛驅車往東大街還是舊店的安利吃魚蛋粉。因那時食物出品真的不錯。多年後的今天再尋舊味卻學懂甚麼叫伏，今天於筲箕灣安利新店吃淨魚蛋，雲吞牛腩河。魚蛋咬口徧硬卻無彈性，没有魚味只有腥味。魚片頭則咬口削感覺像霉，沒有魚味還有重腥味，魚片皮韌也腥，像放了雪櫃千年急速解凍將味道流失。比那些廠多的還要差多倍雲吞皮厚，蝦肉發泡過份，只得爽和脆，調味就是蝦，肉皆無味，只得雲吞皮味。牛腩對我這些食肉獸真的不可或决，但這裡的牛腩就只得淋，非常淋，吃下我還不知是吃牛。本想再吃鮮油多我也放棄了食店不只装修得好就可以，最重要還是食物質素，這店到現在仍可有人幫襯卻不執笠真是奇跡，究竟是現在的人味覺失衡還是巳習了劣質食店的味道？

我們星期六中午去排隊食，叫左切腩撈粗同魚蛋河。切腩真心好鞋 ，好似煲湯淨左既肉。撈粗係可以，有啲特別。另外，叫左魚蛋頭河，普通料。總結，食物唔係好出色，好一般，不過唔會再食！

逢星期四放假嘅熱門店去親門口都企滿晒人由其星期日lunch足足等咗半個鐘四寶撈粗 $56（炆腩 魚蛋魚片 牛丸 雲吞）其實叫錯咗應該係要叫切腩四寶撈粗炆腩覺得太乾啦 痴牙魚片頭特別好味 可以單叫切腩魚片撈粗切腩好味得多 撈粗麵亦都調味好 無梘水味 實在唔夠喉鮮油多 $18切到大細邊咗多士面薄脆再咬落去係鬆軟麵包加埋常溫牛油 入到口度先開始溶依個簡單配搭 係耐唔耐會掛住安利嘅原因依度伙記雖然有啲粗聲粗氣但係好醒目見隔離枱坐三個人叫一份多士會等廚房開三份出嚟

心血來潮突然間想食鮮油多就即刻去食真係好好味牛腩魚蛋撈基本上每次都唔駛唸食乜。必食呢兩個平日去會比較好D。唔駛排長龍。又唔會坐得太擠迫因為都好怕太迫。同埋搭枱不過每次食完自己都係快閃啦