安利魚蛋粉麵

營業中

休息中

幾好食都無意思，今早埋單見到櫃檯上面竟然有「信用卡」機，好少「粉麵店」會有收「信用卡」，多數只係會收「現金」或「八達通」，我問問：「請問係咪可以比信用卡呀？」，個收銀女人（一向負責當值收銀角色～以前都見慣係佢，只係平時比現金，唔需要問及交流～）大大聲用手指住佢牆後面嗰幾個 VISA/MASTER貼紙話：「你睇！你睇！你睇！你想比咩？講！」。真瘋狂～ 生意唔憂做～ 就咁樣對待客人～ 老店食物質素好，但唔現代表客人要受埋無理嘅氣～

食左呢間街坊店都十幾年，望住佢哋番新到而家。切腩片頭撈粗係黎親都必食嘅。除此之外，鮮油奶多，炸香皮呢啲都係名物。好值得食，記得趁熱食。價錢定位中上，唔可以話平。爆場嘅時候難免嘈啲，趕d，不過咁多年都已經習慣。去多幾次仲會有人同你吹兩句水，其實係係幾有人情味。雖然切腩片頭係名物，但係我反而覺得佢地嘅墨魚丸仲好食，除左彈牙，裏面仲有少少一粒粒嘅墨魚俾你咬，幾有口感架。牛腩方面，好彩嘅話可能會好似相入面過張出崩沙，嫩中帶甜再帶少少筋，不過有時坑腩都唔錯。肉味好濃。 反而個份麵個份量我覺得大份多少少就岩岩好😂

細個嘅時候食安利佢只係一個普通大排檔，冇諗過而家咁出名。以前住附近都會間唔中去食，而家唯有同同事過嚟食lunch。鋪面裝修曬，有一番懷舊風味😀我叫左最鍾意嘅魚片頭撈粗 - 魚片頭好香口，麵底有豉油味，水準keep 倒喎同事叫左魚蛋河 - 魚蛋彈牙，好食。不過而家嘅價錢有點貴喇😐

工作需要，路經筲箕灣，同事介紹一間出名既牛腩撈，當然要試一試😎去到好多人等緊位，等左2個字左右就有位，一黎即叫牛腩牛丸撈試試，叫埋牛丸係希望搵返間有彪記水準既牛丸麵鋪🥹原來佢既撈麵係有醬油既，有啲似祥記蝦籽撈，但又無麻油既香（無食錯祥記有加少少麻油定蔥油），不過個醬油都好好味！個牛腩係清湯腩，相當滑同入味，非常唔錯🤤不過牛丸就比較遜色，整體都係一個出色既撈麵😎

經開筲箕灣，就順便去東大街搵食，睇咗成條街，最後決定嚟呢到，因為好耐無食過，突然之間有啲掛住，就入咗去啦😆諗咗一陣，叫咗碗切腩河同埋鮮油奶多，切腩河湯底清甜，味道唔錯，牛腩都好夠淋，不過個質感似湯渣，同埋個味都唔特出，所以食落都麻麻地，個河粉好幼滑，配合埋個湯底整體都幾好食😊鮮油奶多一擺上枱要即刻食，多士外脆內軟，再配合埋厚厚嘅鮮牛油，加埋甜甜嘅煉奶，一啖咬落去好滿足😋切腩河$48 鮮油奶多$22 有時掛住都可以嚟食吓😆

之前去筲箕灣覓食，見到安利大排長龍。所以已經諗住遲吓要去試吓佢。今日橫掂冇plan, 一於就去試吓。2:40左右去到，出面仲有十幾人喺度等位。等咗大概20分鐘，到我入去喇。我哋兩個人，叫咗以下嘢食.魚蛋魚片河：湯底顏色清澈，但都重魚味嘅。魚片唔夠滑身唔夠彈牙。魚味重。魚蛋有碎魚骨。同魚片一樣，都係重魚味但唔夠彈牙。河粉好滑。切腩魚片撈粗：魚片同上面所述嘅一樣。牛腩非常嚡，黐牙，好似食緊湯渣一樣。粗麵麵質夠爽，但佢用好多油嚟撈，食到成口油。總括：普通魚蛋粉舖一間，唔值得等幾個字去食。

🍜🍞餐廳名: 安利魚蛋粉麵地區: 筲箕灣評語:魚蛋撈粗 HK$46 - 魚蛋魚片出色 撈粗個汁同麵都OK 口感唔錯 汁既濃度正常 上到色而唔鹹 加左辣椒油食就唔係咁岩個人口味鮮油奶多 HK$22 - 多士烘底 唔係太燶 鮮油夠厚 奶夠多 幾好食結論: 等位等左20分鐘左右 睇你果日好唔好彩 因為我地排到尾已經冇咩人等 野食唔算十分好食 叫做舊式粉麵舖 有舊式既粉麵多士熱奶茶環境衛生: 🌕🌕🌗🌑🌑食物味道: 🌕🌕🌕🌑🌑服務態度: 🌕🌕🌕🌑🌑#安利魚蛋粉麵#筲箕灣美食 #筲箕灣#魚蛋撈粗 #鮮油奶多#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie

不嬲都知佢地態度差，但平時快食快走都算。星期日去食，一行8人，係出面企左半個鐘。一人至少一碗麵同野飲，仲有多士都三碟，每次加單都俾人藐，我都算。俾錢個時，個呀哥行埋黎問，煉奶個蓋呢？（態度唔好）同行朋友唔知，話好似本身都無，佢好惡咁話：係你腳邊呀唔知。嘩我駛唔駛同你道歉？跌左駛唔駛咁既態度？依家我專登拎左你架？好多人聽到無人出聲。我地係出面企足半個鐘，食都係半個鐘，人均一舊水，食完急急腳走，仲要驚阻你做生意，仲要受埋你氣？唔知以為我俾錢你求你俾野我食。 莫講話無以前咁好食，就算幾好食以後都唔會再去。貼錢買難受。以前仲試過買完外賣條隊好長行開左，返黎有得拎俾佢鬧，話唔知去左邊，行開左都唔得架。

與預期差距太大，大失所望。以為是地道牛腩麵，怎料是劏遊客的。牛腩一來又老又硬，撈麵係豉油王撈麵，並不是豬油撈，米粉是超級市場買完返嚟煮的質地。只有魚蛋較為出色。飲品要$24一杯凍檸茶，當人魚咁劏。

🇭🇰安利魚蛋粉麵·嗰日去開筲箕灣突然之間好想食撈粗 就決定自己一個人去食啦😎一個人等位都幾快 我等咗唔使10分鐘就有枱😈😈·魚蛋撈粗$48呢間我細個媽咪好中意既 不過我今次黎就覺得有啲失望🥺🥺佢個撈粗質感可以既 但係佢食落好重鹼水味 味道真係麻麻 好在佢啲魚蛋魚片都仲係彈牙 重魚味既🐟不過就真係滿足唔到我想食撈粗既慾望 下次都係去翻尖沙嘴間雞記🫢😂·#rbyeat#rby港式#rby筲箕灣·📍筲箕灣筲箕灣東大街22號地舖

聽朋友講過，筲箕灣有間出色嘅粉麵店 上星期經過就入去試吓 因為人太多 排隊攞飛用了15分鐘 入到去即刻點左個牛腩雲吞牛丸撈河 真糸吾錯 牛腩唔太硬有牛味 個撈河啱啱夠色吾太油 非常出色 下次一定都再去幫襯

每個星期五, 放工都去安利外買魚蛋粉, 跟住外買格仔餅, 雞蛋仔(低調高手)回家與老公分享, 因為是Happy Friday, 但昨天unhappy!約左老公下午5:30在店內等, 佢先到便入去搵位, 一座下, 服務員大喝: 你不可座這裛, 座這張(指住另一張), 70歲老人家照做, 跟住佢想拎張椅放袋, 另一服務員又喝:  做咩搬我的椅, 不准移動.我5:28分到,  但他沒有提及剛才的不友善待遇,  2人食了3碗粉便結賬離開.出了門口老公才將之前發生的事告知, 我即時反應: 為何仍座著食, 應該立刻起身轉頭走, 不食亦沒有什麼損失, 他的答案是: 因為你起歡食.70歲老人家, 因為疫情, 平日很少外出, 為減輕腳痛老妻的負擔, 不用拎重的外買, 自己到店食, 卻換來不快!我想講: 不論你招呼的客人是有錢人, 大明星, 市井大眾, 一個合格的服務員, 待客的態度應該是要均等友善的, 這是服務性行業基本的守則!

無論安利有幾多個好味、幾多個OK或者幾多個喊，應該都唔會影響佢中午門口條龍，做飲食做到咁，真係令人好葡萄🤣🤣🤣。其實佢真係唔係特別好食，但就係食極都唔厭。 人人都食片頭，識食梗係食雲吞！人人都叫切腩，識叫一定叫坑腩🤣 講笑姐⋯⋯ 人人口味唔同，本人鍾愛雲吞坑腩撈粗，一定要扣底因為必須比個胃留返個位食鮮油占多加飲杯熱奶茶。 個鮮油占多真的太無敵，怕舊牛油溶，所以唔影相啦！ 我未食過超越佢既鮮油占多。 勁正！

老實講對安利的出品由從前的超鹹，但製作認真，樣樣嘢有返咁上下變為今天的味精出品，甚感可惜。今天中午又食咗一碗湯頭味精濃濃的爽腩米，其濃度已到達帶苦的感覺。如果這3位當家繼續咁做落去，相信安利亦好快會日落西山。記得從前這「腎衰竭」湯純粹係時代口味的差異，一碗魚蛋粉係出大汗、賣大力的勞苦大眾佳品，多加少少鹽可以補充身體失卻的鹽份，但這碗魚蛋、牛腩的製作認真，自然的鮮味、香味濃郁，很受食客歡迎。時移勢易，漁村變商港，食客亦已係以中產白領階層為主，君不見東大街兩邊路旁泊滿私家車，食客斯文有禮，哪裡還能抵得住超鹹的味道。大家要求的是一碗真材實料、製作認真的牛腩魚片河，你收我六七十蚊一碗係可以接受的，但請不要靠味精來增味，揀選靚牛腩、製作靚魚片好嗎？哪從前的炸魚片香氣已失卻多年了，還要食客等待多久呢？另，辣椒醬也沒有從前的感覺，醬太少，油太多，落碗唔香，醬汁亦已沒有任何味道。可惜了⋯ 希望唔好衰竭係這三位獎門人手裡。God Bless On Lee！

好耐都冇嚟筲箕灣呢一邊食呢一間出名嘅魚蛋粉，每一次經過都非常多人，今日亦都唔例外，我哋都排隊等咗起碼15分鐘以上，不過好彩店員都好nice，我哋跟住個號碼好快都入到去今日就叫咗魚蛋米，魚蛋嘅質素依舊非常高，每一粒都爽口彈牙，亦都唔會有好腥嘅味道，質素非常高，亦都食得出店家咁多年都可以維持到呢一個咁高嘅水平！米粉就做得正正常常，唔會話做得太林，分量方面亦都對得住呢一個價錢，最後加多杯熱奶茶，下午茶嚟講非常正！