安利魚蛋粉麵

營業中

休息中

聽同事介紹呢間安利魚蛋粉麵好出色🍜冇食過唔好同人講去過筲箕灣，見佢講到咁誇張，個日放假就去左試🤣本身都預咗要排隊，但去到都係俾出面排緊隊嘅客人嚇親，果然食好嘢都係需要等待🙂‍↕️最後由2點3 等到差唔多3 點先入到去，個肚已經餓到扁咗🥲切腩魚片撈粗 $60未食已經留哂口水，賣相非常之吸引❤️食材高質，魚片頭好彈牙，牛腩唔係平時茶記個啲cheap牛腩，咬落去係有一絲絲牛肉，而且好重牛味，份量都幾多，食極都仲有肉🤣🤣撈麵煮得啱啱好，唔會太淋又唔會太硬，味道調較得好好，因為嗌撈麵，所以會配埋個湯，好食到我唔洗15 分鐘就清咗成碗麵😛鮮油奶多 $24見到好多人除咗介紹牛腩麵，仲話鮮油奶多係必食，所以我都嗌咗份🙂‍↕️多士烘得好脆，面頭金黃色，入面夾住鮮油同海量嘅煉奶💛呢個咁邪惡嘅配搭其實點食都唔會輸，一個人食哂2 塊簡直係濕濕碎😋😋.呢間雖然只係賣普通嘅牛腩粉麵，但味道絕對唔普通，係我會掛住嘅味道🤤我好快會再嚟食🙂‍↕️

最近去咗筲箕灣嘅安利魚蛋粉麵，真係有啲好嘢同大家分享。呢度嘅**切腩撈粗**真係非常出色。牛腩煮得啱啱好，肉質嫩滑，啖啖肉嘅感覺好滿足。加上豉油撈麵，味道濃郁，麵條乾身但唔會過乾，口感非常好佢哋嘅**魚蛋**一如既往地好食，質地彈牙，魚香味十足。呢度嘅魚蛋唔會加太多調味，保持住魚嘅鮮味，每一啖都好有口感但最令我驚喜嘅係佢哋嘅**鮮油奶多**，外脆內軟，食落去有層次感。麵包烘得金黃香脆，內裡嘅牛油香滑，再加上甜甜嘅煉奶整體嚟講，安利魚蛋粉麵真係值得一試，特別係切腩撈粗同鮮油奶多。雖然有啲人覺得魚蛋唔算最出色，但撈粗同奶多絕對唔會令你失望

貼地好食comfort food🍜，切腩撈粗啖啖肉重豉油醇香，不錯吃👍🏻・・・・・・・・・・・・・・・・・・・・🍜 切腩魚片撈粗 HK$56 (轉坑腩+HK$10)・味道：坑腩出色不過好似熟咗啲，魚片嘅魚肉味可以更出。不過撈粗豉油夠香醇，唔會鹹，出色！食耐咗有微微苦味但可以接受！・口感：坑腩未到柴口嘅但熟得滯，魚片厚肉彈牙🐮 淨牛丸 HK$52・味道：牛丸加牛筋打埋一齊，重牛肉味，淨係加蔥花吊起鮮牛肉味，不錯！・口感：牛筋牛丸幾彈牙有咬口・・・・・・・・・・・・・・・・・・・・🤰性價比：高～🤰9衝度：9衝～🤰結論：以為有啲名氣嘅港式茶記係呃遊客，點知味道唔差幾有驚喜喎，經過可以一戰！・・・・・・・・・・・・・・・・・・・・

安利魚蛋粉面 @on_lee_noodle_shop 📍：筲箕灣筲箕灣東大街22號地鋪🚗：筲箕灣地鐵B2出口 步行2分鐘📞：+852 2513-8398💲：~HKD60/head for lunchFood quality✔️：鮮油奶多、西多士、檸檬菜蜜、奶茶👌🏼：切腩魚片撈粗、坑腩魚片撈粗、坑腩雲吞河粉總結：😋筲箕灣出名嘅潮式魚蛋粉檔 人流不絕 價錢都好合理 難怪係街坊愛店😋最好食係鮮奶油🧈多 牛油厚麵包微烘過 雖然真係好邪惡同埋覺得卡路里爆棚 食落去真係茶記一流港式食品😋我諗無港人抗拒到西多士 成塊麵包拎去炸又係極邪惡👿肥到hihi 嘅垃圾食物 但落埋糖漿同牛油真係很好食 同埋又幫你切埋8塊 糖漿任落唔嬲😋檸檬菜蜜同奶茶☕️係茶記必點 好飲 雖然略甜🤔切腩魚片撈粗同+$10轉坑腩就普通 幾唔錯嘅👍🏼🤔坑腩雲吞足料又大份 湯底睇落幾濃又算清🤔好過普通茶記架局 好大間都人龍不絕 所以唔會趕你走都可以chill咁食🫡😨服務同衛生都有待加強

一早就知道安利魚蛋粉好出名今次終於試到我見佢地個餐廳名係魚蛋粉第一次食咁應該試下應該都唔差點知原來唔係想像中咁佢地嘅魚蛋有dd腥而且質地偏實唔係彈牙果款魚片相對好少少湯反而想對上清甜河粉質地都滑身望落成碗魚蛋粉都偏細不過就都叫飽嘅再order咗個鮮奶油多士呢個反而相對上幾好味不過以＄24黎講好似細份咗dd冇諗過今日食嘅正餐魚蛋粉竟然冇咁出色而“甜品”係好味好多總括而言係有d失望如果仲要排好耐隊應該未必會再食

已經好耐冇幫襯，今日如果唔係身上冇現金，（對面嗰間食類似嘅嘢，只收現金）但係又想食切腩河，所以先至行入安利嗌外賣。門口落單個阿姐串串共，講嘢冇尾音，我知你唔憂做，大把生意，但係你開得門做生意，人哋俾得錢，你就係要提供一定嘅服務㗎啦，你唔想做大可以執咗佢，冇人逼你開！買個外賣有幾耐時間，有幾多句對話？咁都可以令到個客覺得成個體驗係貼錢買難受，你可想而知佢嘅態度係幾差！ 我行入少少睇吓我啲外賣有得攞未啫，你都唔使喝停我啩？講真，啲食物嘅質素真係好一般，經過今次之後，我已經決定咗以後都唔會再去。我唔明點解門口每一次都大排長龍，或者嗰啲係區外客未試過，但係你去之前希望你睇到我呢一篇嘢，然之後親身感受一下，睇吓你覺得佢哋啲態度係點，睇吓係咪真係仲值得比咁高嘅評價。

This restaurant is my favorite spot in Hong Kong for a bowl of noodle soup. Tt is the ultimate comfort food and every time I come here, the food doesn’t disappoint. Their fish balls are very flavorful and the perfect size while the beef brisket is incredibly tender, perfectly seasoned and just incredibly delicious. The portions of the ingredients and the noodles are perfect. lastly, the best way to end a meal here is by ordering their toast with butter and condensed milk. It is a super popular i

安利粉麵馳名香港粉麵圈多年，因為對我來講太遙遠，一直未有機會一試，今次剛好工作關係去到附近，當然即刻衝入去。睇完餐牌一秒就決定食魚片頭，魚蛋撈粗，魚肉彈牙，撈麵夠味之餘又唔會太油，的確名不虛傳。

真係好難得出到到去筲箕灣，咁梗係要食返碗老字號魚蛋粉啦，點知我哋2:00去到都仲係要等位㗎，名物果然係名物！不過其實我哋都好快有位，入到去四個大人三個細路9秒就9就叫野食！一睇到個奶油多，西多士，已經係諗都唔使諗即刻order，唯一掙扎嘅地方就係我哋要食撈麵定係食河粉好？由於天氣太凍嘅關係，我哋都係叫左咗湯粉！首先嚟到嘅梗係奶油多！其實我冇expect過佢嘅牛油係咁厚咁正！小朋友簡直食到唔停口！大人都order多一份！之後就係我哋嘅坑腩魚片河！真係不得了，坑腩真係不得了，夠淋得黎又有咬口！魚片又夠新鮮，總之就超級好食！之後就係我嘅最愛西多士，餐廳係毫無吝嗇俾咗一嚿好厚嘅牛油我加落去，仲可以做到外脆內軟，最值得加分嘅就係佢枱面已經擺咗一支煉奶喺度俾我任加！真係OMG! 完全係滿足到我多醬嘅慾望😍😍😍😍😍順帶一提，杯奶茶都好好飲！總店真係唔同啲㗎！而且店員服務態度超好，我哋倒瀉咗杯嘢都9秒9幫我哋清潔！下次去仍然係要encore!

放假特登落去食返牛腩河，首先門口嗰位第二代老闆仔超冇禮貌，問佢有幾多張枱叫人有眼自己睇⭕️ 之後食咗碗牛腩河。牛腩又少又瘦，幼過手指，份量少質素差超冇禮貌。立即放低，行過對面去佢家姐嗰檔好過。最少人哋有心做生意，足料有禮貌，有錢都唔俾佢安利賺

🤍魚蛋魚片河 $48提起東大街 就會諗起魚蛋粉河粉夠滑 魚蛋魚片爽口彈牙😍不規則嘅形狀 更有手打嘅感覺仲有埋魚片角食 開心🤤腩汁都冇過鹹 仲有少量牛腩碎🐮冇諗過魚蛋粉都可以咁好食-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌗🌑

安利魚旦粉鮮油奶多- $20雲吞牛腩河- $46位於東大街嘅安利魚蛋粉，每次去到一定大排長龍，今次亦都唔例外，等咗半個鐘先有得食😅。呢度出名食佢嘅粉面，我哋揀咗雲吞牛腩河，雲吞足料夠大粒，牛腩亦都炆得好淋。河粉正正常常，整體嚟講幾抵食。佢嘅鮮油奶多，會另外夾住塊新鮮嘅牛油，塊多士都烘得好脆，食落都幾香口。如果大家行開呢頭， 都推薦去排隊試吓👍。

假期到東大街…友人想食兒時回憶就去左呢間店…成條街出名店都要排隊唯有照排…13:3x分到排21個號碼..因為出前有幾個號碼唔係度…大概等左40分鐘..等位時已經睇定要叫咩食切腩同燘腩唔同價…同友人一人一款試下加凍飲兩杯同一分鮮油多要$174個人覺得以粉麵店來說偏貴食物方面全部份量偏細粉麵以細食嘅我來說都覺得細碗男仕可能要兩碗先夠飽鮮油多只係大過包紙巾少少😳食物味道就有8/10總括來說一試無妨值得一讚廁所乾淨

吃了魚蛋幾十年，第一次吃到冰過再解凍的魚蛋魚片，整個texture都變質了，以為在吃蜂巢豆腐。為了香港僅餘（如有）的飲食天堂招牌，如為了節省成本要賣品質下滑批次的魚蛋，還是不要在週末/假日賣了吧，避免遊客吃到還誤以為香港魚蛋不過如此。見微知著，所謂的魚蛋名店、老店，見不到基本對食物的執著和誠意，所謂的說好香港故事，更見乏力。

今天我到筲箕灣東大街的安利舊舖品嚐了他們的招牌菜，🌿清湯牛腩麵。當我的餐點在幾分鐘後送上桌時，我立刻留意到碗中有五件半肥瘦牛腩，看起來有點單薄。我先嘗試了一口幼麵條，質感相當爽口，對於麵條的口感我給予了合格的評價，但是卻沒有給予我任何驚喜。讓我感到失望的是牛腩的部分。這份牛腩由50%瘦肉和50%肥肉組成，從上面看起來不錯，但瘦肉部分下面是斜切的。然而，當我咬下第一口時，我完全沒有感受到牛腩的獨特風味。相反地，它更像是煲過湯的肉塊，並沒有帶給我牛腩的口感和味道。考慮到這份餐點的價格，我不得不說這樣的食物性價比相當低。我期待著能品嚐到正宗的牛腩，但這次的體驗並沒有達到我的期望。