孖寶車仔麵

營業中

休息中

約嗰客4點去佢公司開會，唔知幾時開完會，不如和同事係葵涌廣場食個下午茶先。行到入去見到間車仔麵、我哋就食孖寶啦！好溫柔的侍應姐姐找個位比我哋坐。坐低就即落單、車仔麵選了秘製汁（嗰秘製汁適合我哋唔食辣嘢）、粗麵、雞中翼、牛腩好好味及豬大腸唔太肥！正！豬腸粉同醬汁一齊食、熱杏霜和熱奶茶。最後叫一個好少地方有得食的生菜魚肉翅、嗰翅好多料、魚肉好有魚味。

今日放假，梗係要瞓到自然醒，起床已經十二點了，再打掃下屋企，不知不覺已經兩點，未買餸又未食野，不如就落葵芳送餸食野一條龍，葵涌廣場出名食店又平又多選擇，就去果度搵食啦！行入廣場地下見到尼間車仔麵店，門口放滿鹵水食物，而且香氣撲鼻，好啦！就坐抵嘆番碗先啦！鹵水食物好吸引三餸下午茶☕️餐，好多選擇，$39蚊我揀左鹵水雞翼，㗎喱魚蛋同冬菇配油麵，落單姐姐好細心咁問我要不要走蔥，好細心，味道方面，雞翼無令我失望，又滑又入味，冬菇味道甜甜的，㗎喱魚蛋就有d辣，怕辣嘅朋友要注意啊⚠️，湯底好夠味，油麵份量亦都好多！最後加左兩蚊飲左支冰凍豆漿，滿足走人⋯⋯去買餸了！

自從上次試過佢既豆漿之後就念念不忘見近近地就又黎多次啦==============================本身打算跟返上次食下午茶因為最抵點知原來星期六日冇但原來都只係貴幾蚊但就算貴幾蚊都其實幾抵一個三餸麵仲有野飲呢個價真係算係咁小食都幾多元化飲品就推薦豆漿跟餐同凍飲同價呢D寫紙仔岩晒我呢D唔鍾意講既野又唔怕寫錯單今次點左雞中翼+五香肉丁+魚肉春卷+米粉+秘製汁相信呢個就係傳說中既秘製汁佢係有少少甜甜地加左落麵到就會令成碗麵香好多鹵水雞中翼鹵到入晒味食到差D想加多幾隻黎食魚肉春卷都唔錯口感幾得意魚肉都幾真材實料唔會散修修食得出有少少魚香食孖寶車仔麵又點可以唔叫豆漿呢?豆味香濃,又唔會太甜今次都係飲左兩支先夠喉

葵涌廣場而家人來人往，樓上都多左好多不少的店舖賣小食，午餐。但要講車仔麵，一定係呢間!!我之前都黎齊都試過無數次，真心好味既野唔怕一講再講!!呢到雖然人流都好多下，但好多人都快快食完又到下一輪，所以每次都唔洗點等位。老實講以佢既價錢黎講，一定係抵食加好味。以前食好多車仔麵店，而家好多都加左好多台式既湯底或者泰式既口味。但我最鐘意既始終係港式!!孖寶車仔麵唔止有車仔麵, 仲好多款飯同小食，選擇好多，一定係有香港人既心水。唔好以為呢到既環境，D呀姐一定事事旦旦或者粗粗魯魯。我問左幾款醬汁有咩分別，呀姐都好好笑容咁解釋我知，落單快手。3餸車仔麵套餐$44包熱飲<=去邊到搵?車仔麵我揀左豆腐、麻吉燒、牛柏葉、咖哩魷魚河粉,  沙嗲汁黎到一定要試佢既咖哩魷魚，真係好好味。老實講香港唔係好多間做到咁有港式口味，唔會得個辣字。仲有，我偷偷地試埋我朋友揀既秘製汁，真係好香好好味又唔辣，大家下次都可以試下。

葵廣入面真係好多好野食 平時黎到最鐘意掃街發掘下唔同既好野食今次比我發現左一間起地下位置既驚喜小店呢間小店係食車仔麵既 我個人都幾鐘意車仔麵因為好多款色得黎又可以揀自己鐘意既醬汁或者麵質 今次起眾多既材料當中我就揀左雞翼 墨丸 牛楠 魚皮餃😛再配埋清湯烏冬先講雞翼: 鹵水汁好濃味 雞翼大隻肉汁豐富嫩滑墨丸:粒粒墨魚肉 幾彈牙唔錯😎牛楠:幾欣賞牛楠厚身唔會好碎 又夠味湯底幾鮮甜即使係清湯都唔會話好淡唔夠味 而且鐘意清清地食烏冬先唔會蓋過左材料本身幾味😍另外小店亦都幾乾淨企理係下次再去葵廣唔可以錯過既一間車仔麵小店!!!😍😋

今次黎到葵廣不係食小食，因為行完街好想坐低慢慢食野抖下，於是就嚟到地下嘅孖寶車仔麵。哩度除咗供應車仔麵之外仲有一系列的滷水小食和客飯。真係好多選擇，最後我哋叫咗一個招牌車仔麵和三餸麵，另外再加多隻滷水雞脾。孖寶招牌麵果然係招牌車仔麵，有好多不同配料：滷水雞翼，豬大腸，豬紅，豬皮，魚蛋和蘿蔔，超抵食！每樣配料都非常入味油麵軟硬度適中，不會過腍！而最重要的湯底加入腩汁後，令到整碗麵味道提升不少自選三餸麵 三餸麵就揀左豬大腸，牛雜和爆漿肉丸配手打麵。豬大腸鹵得入味，而且非常有嚼勁；牛雜入面以牛肺最好，比一般較為厚身，口感腍滑，唔會散哂亦有啲咬口。湯底另加小辣汁就非常惹味，又不會過辣最有驚喜的反而是雞髀和奶茶!本以為是普通的滷水雞髀，勢估唔到店家只係用普通豉油去做，但係卻有一股非常香甜的味道，雞脾本身亦嫩滑無比。最重要是價錢絕對不貴，只要$18。而熱奶茶的茶底亦十分甘香，而且不會有太多奶蓋過茶香，建議落少少糖一齊飲。

葵芳一向多嘢食大家都知，但我諗大家主要都係去2、3樓美食街多！話說今日我行完去買衫，朋友話想食車仔麵，2、3樓真係唔太覺有！於是落去1樓睇下，點知見到有間鋪好多人等位，於是就諗住試下！講真價錢嚟講佢唔算貴，仲頂選擇勁多諗起車仔麵就諗起自己中學回憶！我都必會要腩汁。而今次我都唔例外！我實在太餓要咗勁多餸，我心諗個店員應該以為我癲要咁多餸，因為太耐無食車仔麵，見到就好似咩都想食咁....突別想大讚佢個豬頸肉，其實每次食車仔麵我都一定會揀嫁～但唔係間間都好味係真，所以我對豬頸肉都有d要求！不過呢間車仔麵嘅豬頸肉真係唔錯，我覺得如果大家去食，呢個係必點item!另外，就係我第一次見車仔麵店有嘅花枝條，我自己花枝丸就試得多，花枝條真係第一次試！但一條條咁樣又幾好味，豬肉條以前都食過，但花枝條軟身d，唔錯唔錯！友人揀咗牛雜，朋友好鍾意食牛雜，所以佢揀牛雜我一d都唔覺得出奇！我自己唔太特別鍾意食牛雜但都夾咗佢幾件試下，個湯底本身唔身嘅關係，牛雜都顯得好味好多！朋友要既係小辣湯，我就要腩汁，不過我覺得佢個辣唔算好辣，大家可以自行選擇要返邊種辣啊～

葵廣3樓小食就食得多，但真真正正搵間有得坐既舖頭真係少，今次黎食呢間平民車仔麵小店，d野食抵食又大大份，幾足料，味道都ok，推介大家行過葵廣想坐低醫肚就支持下呢間街坊食堂～D碗仔翅好多魚肉，個人認為魚肉碗仔翅比生菜魚肉好食，因為碗仔翅味道好夠，唔會稀，魚肉爽口彈牙，完全無腥味～牛雜都大份，本身對內藏無太大興趣，難講好唔好食😆車仔麵好多配菜揀，湯底清，有屋企既味道，今次點左蘿蔔、墨丸、菜肉雲吞、麻吉燒～推介菜肉雲吞，食得出係人手包，而且咬開仲keep到少少肉汁。麻吉燒就好似魚腐包住d年糕咁，鍾意煙韌既朋友可以試試

今日行到葵涌廣場，突然想食碗車仔麵，見到有間孖寶車仔麵，眼見坐位算係多，地方亦清潔乾淨，於是就揀咗呢間。點咗6個餸(幼麵底、蘿蔔、豬大腸、花枝丸、韮菜、魚皮餃、金菇)，今次叫咗秘製汁都唔錯，而蘿蔔好味冇渣，豬大腸真係好正，花技丸好彈牙，魚皮餃就細細粒啱晒女士們，味道不錯，金菇同韮菜亦有水準，整體嚟講成碗麵都係水準之作，不錯不錯，價錢亦算合理。好好味車仔麵大大粒花技丸餐牌上有多種選擇用具乾淨整齊孖寶車仔麵

放假瞓到下晝，約咗閨蜜去葵涌廣場掃街兼血拼， 由於啱啱起身 ，冇胃口，食完手卷就開始行街買嘢， 一行就幾粒鐘，又餓又攰已經唔想再掃街， 於是就想搵個地方坐下。行到葵涌廣場底層， 聞到陣陣鹵水香味 ，抬頭見到呢間地道香港美食~車仔麵呢間舖頭規務好大，分幾個方位，都有成三四間， 姐姐見我哋一袋二袋， 就帶我哋去巷仔間鋪坐， 座位鬆動啲同埋清靜啲， 啱曬行完街嘅我哋。再望下啲餸有成幾十款揀，真係花多眼亂， 由於太肚餓，我哋決定豪d食多幾款餸， 因為下午茶時段只系$39三個餸， 另加一個都係8蚊。我就叫咗沙嗲汁油麵，揀左 豬大腸、雞腎、五香豬頸肉、水魷魚同埋韭菜。 先講我個沙嗲汁車仔麵， 沙嗲味香， 唔辣味道偏甜， 油面亦冇鹼水味， 再講下d餸， 鹵水五香豬頸肉同大腸，真係冇得彈，非常入味，唔會overcooked乾曾曾。而雞腎就硬左d，水鱿就唔夠味。朋友就叫秘製汁幼麵蘿蔔、花枝丸、 魚皮餃、 豬腸同韭菜。佢嘅秘制汁味道係辣辣地同咸，配幼麵都好襯。朋友又係讚豬腸入味、乾淨，另外值得推介係爽口嘅花枝丸，佢唔糸粉蕾蕾，入口似手打丸，覺得係平民價錢嘅驚喜，清甜蘿蔔可減輕食多餸嘅罪疚感。喜歡辣嘅我見到

下午來了葵芳廣場hea 遊，行到攰攰地便去食野。這間孖寶車仔麵的下午茶餐$39，包三樣餸及送熱飲。叫了冬菇蘿白生菜米粉 + 熱檸茶，及冬菇蘿白金菇菜河粉 + 凍奶茶，湯底很清但很有味道，餸菜中規中矩，特別like 冬菇

今日下午3點幾都仲係好熱，決定入葵涌廣場搵間餐廳坐下食下嘢啦，入到去地下就見到呢間車仔麵都幾多人，應該唔錯，所以入去試下。下午茶時段都係39蚊3餸。我就加多咗1餸 (加8蚊)飲凍檸水 (加2蚊)最值得讚係秘制醬汁湯底，好好味，唔會太咸，有少少甜味其次係鹵水雞翼，好入味，肉質唔會太淋，啱啱好醬爆肉丸都唔錯，咬入去入面有少少汁，幾彈牙爽口生菜太少，得5條要加8蚊唯獨水餃感覺唔太新鮮，菜肉味道有些小怪，未到變壞嘅程度，但令我唔想食佢整體黎講都唔錯，幾好味，價錢適中。

今日同婆婆去咗葵芳行街，食咩好呢？婆婆話想食車仔麵啦，我哋就叫左一人一碗婆婆既係魷魚、豬大腸、羅白、豬皮粗麵加秘製醬汁，我就雞翼、冬姑、生菜、菜肉雲吞。叫左熱奶茶同可樂！最好食係雲吞，入面係白菜，菜同肉份量岩岩好，好食！我叫嗰碗係沙嗲汁，香又濃，不過秘製醬汁比較滋味！奶茶係奶香茶濃，好滑

今日難得同妹妹出街 大家都抖抖氣就決定出葵芳 吃 飲 玩以前在呢區讀書 日日放左學都鍾意在葵涌廣場 同 新都會廣場 hea好多年 無來la以前呢個時候 點會有咁多食檔以前呢個時候 就會俾人問你係咪買書收舊書 有2 手書 諗起都覺得光陰似箭 日月如梭因為我咩都未食 一落紅van就去最近地方食野見到咁多人 應該都唔差ge呢度個個都係食車仔麵 但俾我在落單紙見到唔太顯眼ge腸粉 所以我就做隻白老鼠再配埋雞翼 蘿蔔 豬紅 再加凍檸茶d姐姐好快手 在對面俾同事執餸車仔腸粉同檬茶到達估唔到咁樣食 又幾盞鬼d雞翼 好入味 唔會煮到 d雞肉爛晒蘿蔔亦都好淋 好清甜 索晒d湯汁底下仲有5 粒 小豬紅 至於腸粉 好滑嘟嘟 唔好睇他們咁少其他都好飽 食晒就啱啱好至於妹妹 食梗 d特定餐單只係order左 全走麵筋 同 全走腸粉而我當然要幫手食dd評下la話雖如此 咩都無偏偏咩都無 你先吃到一d久違的味道就係 腸粉 的 米漿香係好濃 好香 食得出係純米漿做 唔覺得有混其他野食完走人 埋單見到呢檯野食 都好吸引但我真係飽 之後再去其他地方買野飲

今日又返葵涌廣場，趁未開工那那林食個中午先。因為今日早餐食得太飽，所以選擇來到孖寶車仔麵因為佢哋實在太多小食選擇本身諗住食啲小食就算但係見到豬油渣麵實在忍唔住，因為唔係好多地方有得食，之後再嗌左佢哋嘅推介辣魚蛋同埋燒賣豬油渣麵一上到枱，似冇乜顏色，見到枱面有菜甫可以落，有辣有唔辣，鍾意食辣嘅我一定係揀辣嘅菜甫，本身食開辣嘅我，加完菜甫，成本野即刻出晒味不過個份量太多，食唔晒。燒賣好好食，魚蛋非常彈牙最後飲咗杯凍檸茶埋尾！