孖寶車仔麵

營業中

休息中

次次黎葵廣都係掃街食小食，今次去坐低食翻碗麵。孖寶車仔麵好似自我印象以黎以經係葵廣到，絕對係學生回憶。宜家雖然貴左，但係都仍然抵食，$50有三餸加一杯飲品，而且配料同麵類都有好多款選擇。  1️⃣三餸麵（$50）（豆漿+$3） 麵底揀左手打麵，偏粗身，配料揀左冬菇、金菇同埋咖喱魷魚，再配秘制汁。咖喱魷魚分開左上，口感爽滑，個汁好濃好好味！另外檯面有菜脯、辣菜脯、辣椒油可以自己加。辣菜脯加左之後湯底即刻昇華左🤩佢唔會太鹹👍  2️⃣金牌魚肉翅麵（$44） 碗仔翅絕對係香港地道代表！有冬菇、木耳等等配料，魚肉份量都多，加埋胡椒粉、醋食就啱曬☺️  3️⃣滷水豆腐（$15） 豆腐索左滷水汁甜甜地，唔會好鹹。  4️⃣ 滷水蛋（$6/隻） 滷得入味😋  

👍🏻好多人都去葵廣掃街，不過我平時最鐘意都係去孖寶食車仔麵😂今日同FD行街，佢竟然無食過，簡直難以置信🤭間野長期都好多人，不過個個都手腳好快，其實等得唔係好耐🍜今次我地叫咗三餸麵，分別係豆卜、🥬生菜、🐖豬大腸、滷水豆腐、豬頸肉、厚切午餐肉，麵底分別叫油麵及公仔麵🍜，豬大腸、滷水豆腐、豬頸肉好出色，因為全部都超入味，而湯底又腩汁，啲豆卜、生菜又吸哂啲醬汁，正👍🏻👍🏻另外仲叫咗串燒賣🍡，記住一定要配埋呢間既秘製辣油一齊食，香好多❤️仲有兩杯野飲送，真係超值🤭🤭

‼️ 葵 廣 抵 食 車 仔 麵 ‼️·① ［ 撈 麵 （ 雞 翼 // 牛 腩 // 菜 肉 雲 吞 ）烏 冬 ］｜選擇了秘製辣汁+腩汁。真係好鍾意佢個醬汁，唔會太咸。雞 翼 同 牛 腩 好索汁同夠淋。｜𓋪8.5/10·② ［ 腸 粉 // 燒 賣 // 魚 蛋 // 滷 豆 腐 ］｜腸粉夠滑，價錢好抵食！不過略嫌燒賣有少少凍咗，有啲硬。滷 豆 腐 𝐠𝐝 𝐭𝐨𝐨 !|𓋪 7/10·孖寶車仔麵 (葵芳)葵芳葵富路7號葵涌廣場地下A15號舖

孖寶車仔麵葵芳葵富路7號葵涌廣場地下A15號舖葵芳出名的車仔車仔面，其實除左車仔面，小食都係好正，咖喱魷魚，雞脾，碗仔翅必食推介，價錢非常之抵，同街邊既小食店差不多價錢，仲要有位坐同有好殷勤既姐姐招呼你，無得頂喇吧。車仔面加左少少價 $50三個餸包熱飲加左個魚肉湯，2人前每人$50都唔使咖哩魷魚係必食，魷魚爽口，咖哩醬濃，魚肉春卷同鳳爪都係佢地自家製，抵食大份嗌咗個手打麵，感覺似係烏冬（懷疑佢係咪比錯咗）不過手打麵唔使加錢，可以當烏冬食🤣👍👍👍

.琴日同老公返屋企前去葵廣食飯又食平民高質飯堂~孖寶車仔麵🍜店員服務都好nice好有親切感 上菜亦好快今次兩碗都叫左四餸 每次黎都一定會加牛雜呢度既牛雜好入味香濃 份量都好多牛肺 牛心 牛肚都好出色！真係比起一啲專食牛雜既專門店都黎得好食～豉油雞翼都係呢度既大熱 一樣滷得好入味 記得好多年前讀緊書係葵廣返part time 都會專登買佢地既雞翼黎食愛吃燒賣既絕對可以考慮叫返個餸 有5粒係我鐘意食既煙韌彈牙口感 配烏冬食好正再加腩汁🤏🏻一邊食車仔麵 再飲住凍檸茶🥤一流～

港式車仔麵｜ 孖寶車仔麵 | 葵芳呢度除咗車仔麵之外其實仲有好多好好食嘅嘢㗎🤍—————————————🫶🏼 生菜魚肉 $20湯底好香嘅芝麻油 甜甜地魚肉份量極多 所以好大碗入秋叫呢個真係啱晒 暖粒粒🫶🏼 腸粉 $10$10@3條 份量都好夠飽了上到枱佢已經幫你加埋甜醬花生醬同豉油如果唔想要其中一樣 記得要落單前講聲啊🫶🏼 辣魚蛋 $10個汁超香濃 咖喱味好突出陳皮魚蛋好有咬口 比我想像中個汁更加辣🫶🏼 番薯糖水 $20超級大碗！有成7大舊嘅番薯而且仲好甜好夠姜味 必叫！！————————————📍 孖寶車仔麵 葵芳葵富路7號葵涌廣場地下A15號舖————————————Overall 💗💗💗💗港式車仔麵｜ 孖寶車仔麵 | 葵芳呢度除咗車仔麵之外其實仲有好多好好食嘅嘢㗎🤍—————————————

作為一個葵青友，中學時期的lunch time 是在葵廣過的，孖寶車仔面更是食足6年😆今晚行街有點餓，便和老公一齊懷緬一下！ 📝孖寶秘笈餐牌餐廳提供多款經典港式小食，E.g.滷水小食、生菜魚肉、麵仔翅、魚蛋燒賣、腸粉、車仔麵套餐！ 款式多籮籮(*ˉ︶ˉ*)我們點了：🚘3餸車仔麵套餐*包一杯熱飲 ☕️（凍飲加$3）湯底🥣：清湯｜腩汁｜秘製汁+$3 加醬汁：沙嗲汁｜孖寶醬汁(小/大辣)面底和餸類款式超過60款！ 有齊粗幼油面、米粉、米線等等、肉類、蔬菜類、滷味等！ 隨時令人選擇困難症發作(≧∇≦)選了咖喱魷魚、牛雜、牛柏葉、油面、秘製汁(⁎⁍̴̛ᴗ⁍̴̛⁎)本來想選豬紅的，誰知道太受歡迎，已售罄(｡ì _ í｡) 湯頭濃甜，咖喱魷魚入味！ 牛雜鍋牛柏葉給滿湯汁！ 食得非常過癮，最重要的必落枱頭上的辣菜甫！絕對！絕對能令整個湯頭昇華一個層次⁄(⁄ ⁄ ⁄ω⁄ ⁄ ⁄)⁄另外，點了辣魚蛋、燒賣、腸粉 $30全部放在一起，加上混醬，甜醬、辣醬、麻醬、芝麻、豉油，配上滑捋捋的腸粉很有風味！陳皮魚蛋真的無得輸！ 碗仔翅 $20 大大碗碗仔翅，材料超足！ 包括冬菇、木耳、肉絲，^_^可以自行根據口味，加上胡椒粉

葵廣出名CP值高，又平又靚又多選擇，次次去親都會去孖寶食碗車仔麵，抱握時間再Shopping!我多數食3餸麵，好欣賞佢哋仲係用緊剔剔紙，自己親自剔低想食嘅嘢，感覺地道又有溫度，多一份體驗和期待😚。..🍜蘿蔔牛腩豬皮·秘製汁蘿蔔好甜，豬皮夠乾淨，唔會有毛毛未脫，牛腩夠淋，秘製汁唔辣，就係幾惹味，仲有兩條生菜墊底。..🍜齋面根鳳爪牛生菜米線沙嗲汁齋麵根和鳳爪係我每次必食，因為出面唔多地方有同埋孖寶整得真係好好食😋..🍜菜脯（必食）每枱枱上面都會有兩樽菜脯俾人客自助使用，我次次都會食左邊嘅辣菜脯，加入麵裡面食，帶出車仔麵嘅最佳風味！🍜襯可樂我會飲可樂，夠凍又解渴！好正！

放工有陣時會同朋友 去葵廣食嘢 呢度真係夠曬熱鬧呀 好多食肆 仲好抵食添 次次入嚟都會勁食一餐 好鍾意呢一間車仔麵 ke lep住都好多人 證明佢質素好高 呢度主打車仔麵 另外有牛雜 鹵水雞髀 糖水 魚肉 碗仔翅 等等 全部都係港式嘅美食 啱曬香港人嘅口味 今日揀咗三餸麵套餐 送熱嘢飲 都係50蚊我就揀咗 秘製汁嘅米粉 1.芝士腸 2.菜肉雲吞同埋 3.咖哩魷魚份量都好多 值回票㗎 清湯非常之清甜 加埋米粉清清地幾好另外 嗌咗個私心推介 我好鍾意食嘅鹵水雞髀 好大隻啖啖肉 仲有兒時回憶嘅腸粉加魚蛋勁多醬 有甜醬 豉油等等 仲有我最鍾意食嘅陳皮魚蛋 呢度嘅熱奶茶 都好好飲 值得一試 呢度座位好多 做嘅都係街坊生意 嘢食水準好高 夠曬乾淨 上菜速度又快 真係啱曬我哋呢啲上班族做午餐 晚餐

今日去左葵芳做嘢，經過葵芳廣場想食個車仔麵，就揀左呢間今次揀左五個餸，包括麻吉燒、生菜、魚肉春卷、咖喱魷魚，非常豐富！而車仔麵揀左油麵，配埋腩汁，味道濃郁，係港式車仔麵嘅味道 食到唔停得口🤗而每張檯上放上了辣菜脯、辣椒醬、菜脯等等嘅調味 配上車仔麵一齊食好正茶底整得非常好👍🏻濃度啱啱好，加上餐廳放上足料嘅檸檬🍋可以稱得上係正宗嘅港式凍檸茶辣魚蛋嘅咖喱辣度都好高，不過辣辣嘅感覺非常過癮，加上魚蛋係用上陳皮魚蛋，好好味

今日黎葵芳睇戲，未開始前就當然黎葵廣搵食啦，葵廣出晒名多野食，小食店居多又唔想企係度食咁論盡，就黎呢間孖寶車仔麵食個車仔麵啦，網上睇到咁多好評，點都要試下啦，唔好睇少佢都幾多位喎，有幾間鋪位都係佢既。坐底睇下餐牌，餐牌封面好似本秘笈咁幾得意，枱上都有菜脯任食，不過就細粒d，除左車仔麵都有飯，仲有腸粉燒賣呢類小食，見好多人坐底都食腸粉，車仔麵除左自選餸仲有佢自己既配搭，不過跟埋野飲就無咁抵，自選3餸麵就50蚊送飲品，凍飲加3蚊。我揀左個自選3餸油麵配秘製汁，秘製汁其實就咖哩汁，少少辣有咖哩味，油麵就正常，餸就揀豬大腸，咖哩魷魚同魚春卷，豬大腸鹵過幾入味而且無異味幾好，咖哩魷魚好貼心咁分開上，不過凍既，我都係加落湯度浸熱佢，魚春卷比較少食試下，有2條，似係鯪魚肉，都係有少少凍，比較一般。跟餐叫杯凍檸茶少甜，茶味一般。另外再加份小食辣魚蛋，10蚊6粒，價錢唔算平，魚蛋幾彈牙辣汁都算幾辣，ok既。整體黎講我覺得還可，好好食就稱不上但叫做多款野食又可以坐底，店員既服務態度又幾唔錯，算有禮貌。

滷水雞髀🍗基本上係我不能錯過既小食😳 呢到既滷水雞髀滷到充滿啡色既光澤😍😍 係經過長時間炆煮而形成🤩🤩 仲要大大隻超多肉肉🤣食肉動物既我一定岩同埋脂肪唔算多嘛～點食都唔怕😛😛滷汁既味道有層次 食落會有淡淡既八角味👍🏻😽魚肉生菜湯🥬其實食車仔麵麵可以低卡😆我地叫魚肉生菜湯係因為菜既份量都算多 入口魚肉夠彈牙😍😌腸粉🍴腸粉配芝麻醬、甜醬、鼓油係最夾既😘 腸粉滑嘟嘟😆又吸收曬醬料既味道👅好有細個返學去掃街既感覺呀😌😌☺️

食過好多次既出色車仔麵檔，黎到葵芳次次都食佢☺️上次中午黎個陣有超多人，所以今日就夜少少黎到，好快就有位坐😋牛雜係一定要必食🤭🤭，因為$33就有一大碗🤩🤩🤩🤩 抵到聽好似有點嚇人🤣呢碗係出面一串牛雜既價錢，除左大份之外，味道仲好好味🤗牛肚、牛肉都經過長期間既炆煮，所以每樣都淋淋的又入味，牛雜湯汁都唔會放過😜😋#葵芳美食 #車仔麵 #葵芳好去處 #美食地圖 #餐廳推介#nightclubs #hkparty #happyhour #cocktailoftheday #ponghk #nightouthk

一場黎到葵廣，今晚獨食可以二話不說買個人氣車仔麵返屋企歎，老實講真係幾正。出名嘅孖寶牛什，每樣都有兩至三舊，尤其是牛膀好粉、牛肺好爽而且舊舊都好入味！3餸麵求其點，點左個蘿蔔魚蛋鳳爪同粗面，叫粗麵攞走係最明智，唔分湯都唔會過淋，返到屋企熱辣辣仲有湯。鳳爪大大隻、咖喱陳皮魚蛋加炆到淋哂嘅又香又甜嘅蘿蔔，喺透明碗望入去真係引起食欲。不得不提番薯糖水好超值，番薯同薑都大大舊，糖水夠哂薑，只係$20，抵食！

車仔麵 (Cart Noodles) offers a delightful dining experience with its wide variety of noodle and ingredient choices. Priced at an affordable $50, the noodle set includes a drink, making it an economical option. The standout feature is the reddish, soft, and sweet sauce that coats the noodles, adding a burst of flavor. The curry squid is a highlight, with tender squid infused with aromatic curry spices. The soup is exceptionally tasty, thanks to the secret seasoning known as 秘制汁 (secret sauce). While