孖寶車仔麵

營業中

休息中

本身葵芳都少去，但係今日實在忍唔住！實在太掛住孖寶車仔麵啦！呢間舖頭我可以話由細食到大，仲記得嗰度嘅腸粉燒賣永遠都係我嘅最愛😍去到今時今日都仲係咁好食呢度啲嘢好抵食㗎， $52就有三餸麵仲送埋飲品！。大熱凍檸茶非常推薦大家叫佢哋嘅凍檸茶！大啦啦差唔多成半個檸檬🍋茶底夠清爽，茶味好出，真係夠晒「港式」！。獨家奶茶另外都推薦佢哋嘅獨家奶茶！平時就飲茶走嘅，但係今日點都要試吓佢嘅凍奶茶！茶底濃厚，比例啱啱好，掂晒！。推薦加$3沙嗲汁！一定要配撈麵！呢度嘅撈麵可以揀面底，咁我就梗係嗌佢哋最好食嘅粗麵啦，雖然好邪惡，但係所有卡路里都係值得㗎！濃郁嘅沙嗲醬，好惹味，仲夠晒香口，一定要試吓！除咗面之外，呢度嘅配料都有好多選擇！人氣之選！💕燒賣！😆請一定要嗌燒賣！搵到更好食嘅當我輸😱另外呢度嘅菜肉雲吞都好唔錯，皮薄餡靚大大粒，另外牛腩、肉丸、牛丸，牛雜都好多人揀㗎！大家得閒快啲嚟試吓啦！

每次黎開葵涌廣場都忍唔住要食返個車仔麵，又好食又抵食！今日難得經過葵廣，於是特登去食返個下午茶！今次叫左下午茶3餸麵(豬大腸、韮菜、水魷魚)，再配我每次都一定揀的秘製汁湯底✨️車仔麵的湯底真係好重要，估唔到咁耐冇黎食都仍然保持水準❣️特別推介個水魷魚，加$5但真係一定要加🤣 勁爽脆同好食！！由於太肚餓的關係🤣仲叫多左串牛雜！點知很有驚喜😳 牛雜煮得啱啱好，好好食！睇黎下次都要記得再加串牛雜😂3餸車仔麵+1串牛雜+1杯凍杯，加埋先70幾蚊。食到勁飽🙈 真係好抵呀❣️

葵涌廣場最好食嘅餐廳之一就係孖寶車仔麵，耐唔耐都會同老婆過嚟食車仔麵 🙊牛腩、豬頸肉、雞中翼、醬爆肉丸、秘製汁河粉 👍🏻牛腩，佢地嘅牛腩真係好滑好嫩，超好味！👀豬頸肉，每一件都好嫩滑，入口即溶咁！🙊雞中翼，肉同骨好易分開，同埋滷得好入味，真係不得了～😃👏🏻醬爆肉丸，每一粒都彈牙又有彈性，一咬落去 d 肉汁爆晒出黎，正！秘製汁河粉，河粉滑口又好彈牙，秘製汁特別濃郁，超正！水魷魚、雞中翼、包心蟹籽丸、孖寶辣汁(小辣)油麵 👏🏻水魷魚，啲魷魚好爽脆～包心蟹籽丸，入面一粒粒既蟹籽提升咗口感嘅層次 👀孖寶辣汁小辣，辣味啱啱好，油麵就係老婆既最愛 😛最後，燒賣魚蛋配埋，每一口都好有咬勁，真係好好食！凍檸茶，夠晒解渴～凍鴛鴦，咖啡味比奶茶味濃郁，好飲 👍🏻大大碗車仔麵，好味又食到超飽，好滿足 🙊

每星期都會去葵芳，幾乎隔個星期就會去吃孖寶車仔麵，每次去都坐滿了食客，因為真的很好吃！！！車仔麵➀油麵+小辣湯底。湯底香辣而不過火，適合喜歡微辣的人。油麵的質感很好，不會太軟或太硬，吸收了湯底的鮮味。包心蟹籽丸每一粒都很大粒，咬開後會流出蟹籽和肉汁，十分鮮美。雞中翼用滷水煮過，入味而不咸，肉質嫩滑而有嚼勁，每次來都必點！水魷魚很彈牙爽口，值得推薦😍😍車仔麵➁河粉+秘製汁湯底。湯底味道濃郁而有層次，適合喜歡重口味的人。河粉比較粗身，不會吸收太多湯汁，保持了自身的口感。醬爆肉丸裡面鬆軟多汁，老公每次來都會點這個。牛腩煮得很軟熟，不用太用力就能咬開，肥瘦適中，不會覺得油膩。五香豬頸肉肉質軟嫩，吸收了湯汁的精華，很香很好吃！小食：燒賣+辣魚蛋。燒賣皮薄餡多，肉香四溢，辣魚蛋彈牙爽口，辣度適中，不會蓋過魚蛋的鮮味，加入甜醬更惹味！飲品：凍檸茶+凍鴛鴦。老公第一次在這裡點凍鴛鴦，大讚茶味很香濃，奶也夠滑，很香很好喝！

孖寶車仔麵今日森仔去到葵芳搵好嘢食。之前一直都聽過有間極為出名嘅地道車仔麵店❤️：孖寶車仔麵🙌🏻🙌🏻佢位於葵涌商場地下😽位置易搵多位，不過同時人流都幾多，有陣時都要等😺食物方面，佢整體質素都係超正！佢主推嘅係3餸麵套餐 ，包送埋熱飲☕️都係$52。（少部份特別餸需要加錢）而車仔麵最緊要就係個湯汁！（需另加$3）孖寶嘅秘製辣汁👍🏻👍🏻真係食過數一數二正嘅🫶🏻當中香辣有層次，不會係死辣和辣油的啅喉。同時香，甜，辣三種融為一體👏🏻惹味非常！我當日叫左魚肉春卷，魚腐，蘿蔔🙌🏻仲要多聰😽魚肉春卷：足料，有兩大條，魚🐟肉味重，外面包裹腐皮都吸下湯汁😍魚腐： 正正常常，配上惹味湯汁，層次就提升了幾個🤓蘿蔔：長時間炆製，蘿蔔香甜淋身，亦沒有渣🙌🏻而凍檸檬茶，茶底夠純✅，檸檬🍋夠味，解渴👏🏻整體而言，孖寶車仔麵絕對值得encore🫢🫢🫢

葵廣超人氣的車仔麵舖，見到 OpenRice好多正評，好受街坊歡迎，一於試吓😆 8點去到已經滿座，仲有好多人買外賣👍🏻 餐廳有自家製醬汁，質素很不錯二人消費：$120 不設加一服務費💖💖食評💖💖𝑭𝒐𝒐𝒅車仔麵四餸 米線配秘製汁 腩汁✨豬大腸、燒賣、雞中翼、芝士腸秘製汁十分香濃惹味，想辣啲可以加辣菜脯👍🏻 配料份量多！竟然有燒賣食，好味😍 特別推薦雞翼肉質嫩滑🥰車仔麵三餸 油麵配秘製汁 腩汁✨雞中翼、五香豬頸肉、沙嗲牛肉油麵軟硬適中，份量多好飽肚，特別推薦沙嗲牛肉 煮得好軟腍又入味🥰𝑫𝒓𝒊𝒏𝒌熱檸水✨

喺呢間鋪頭啲車仔麵實在太正喇！食一次就忘唔到，每樣料都鮮味十足，簡直係平民美食天堂嚟。我一啖咬落去啲豬腸，啱啱好既嚼勁，又韌又滑嘅口感，加埋啲麥芽糖咁甜嘅秘製醬汁，梗系絕配啦！再講講啲墨魚丸，嗱，真系彈牙得滯，特別係溝埋啲咖喱汁，辣香得嚟又唔會蓋過晒墨魚嘅鮮甜。飲品我揀咗杯凍檸檬茶，酸酸甜甜，好清新嘅感覺啊！要講呢間鋪頭最正嘅嘢，應該係嗰種屬於香港嘅熱鬧同熱情，你隨便揀嘅配料都有佢哋獨特嘅味道，仲要可以配合個人口味任意調配，真系要點幾多次都唔厭！啲湯底都好好味，仲要幾乎適合所有麵同料，真系一試難忘。揾食平價之選嘅話，呢碗車仔麵絕對值得嚟一試！🍜😍👍

葵廣老字號車仔麵店，天氣轉涼，唔知食咩好車仔麵，最簡單快捷！冬菇厚肉入味，咖喱魷魚亦都非常惹味！蘿蔔清甜多汁，豬紅都非常嫩滑～稍為豬頸肉有一點遜息，比較柴實！平日少見嘅豬油渣，配搭車仔麵簡直一絕！行過葵廣，值得一試～

去到葵廣，大家好自然諗起掃街，但星期六夜晚真係人好多，買完又冇位食......無奈之下，醒起地下一樓都有唔少餐廳，結果揀咗孖寶車仔麵，都有幾多位，仲有個區域係翻新過，勁有復古味。Menu好搞笑，係一本秘笈嚟～💡咖喱魷魚 x 牛栢葉 x  雞翼尖 米線 腩汁 & 秘製汁湯底係香港車仔麵舊式特濃底，米線軟硬適中。咖喱魷魚個汁甜甜辣辣好問胃，牛栢葉都爽口，雞翼尖冇煲到爛晒，仲都幾入味~💡牛雜 x 魚肉春卷 x  豬紅 米線 腩汁 & 秘製汁一般車仔麵都幾少可有得揀牛雜，通常都係其中一樣，本身就鍾意牛雜嘅人就唔洗煩了。豬紅有浸過調味，口感合格～

孖寶車仔麵 📍葵芳葵富路7-11號葵涌廣場地下A15號舖又來葵芳廣場👍🏻必訪孖寶車仔麵主打地道港式小食😋今晚收工來食個晚餐叫左燒賣、魚蛋配腸粉大大碟都係36蚊加上自家製辣菜甫好惹味👍🏻仲叫左碗生菜魚肉湯 22蚊最鐘意佢地D魚肉夠哂彈牙加埋足料糯米雞 24蚊～跟有雞翼臘腸埋單$82🤣食到飽一飽好想食埋佢地車仔麵🥹可惜太飽了留返下次再來食😃車仔麵配料勁多款咖喱魷魚、豬紅、豬腸、牛雜、豬油渣都有

平時行開都係買十二蚊四條腸粉（平盡葵芳冇得輸）今日晏晝點左一份滷水雞髀（買俾屋企人嘅外賣）同埋一碗冬菇、豬大腸、牛腩、滷水雞翼車仔麵，整體而言，滿意嘅用餐體驗。滷水雞翼車仔麵。麵條彈牙有嚼勁，與滷水雞翼的濃郁滷汁完美融合。冬菇嘅香氣同豬大腸和牛腩嘅肉香相互交織，令整個湯底更加豐富。整碗麵條和湯汁比例適中，有濃郁口感嘅同時，又唔會覺得好肥膩。滷水雞髀，拎到返屋企仲係熱，十分難得。以滷水煮熟的雞髀肉質鮮嫩多汁，入口即化，其他舖頭一係就唔夠熱，一係就熟嗰頭。滷汁的味道濃郁，啱晒鍾意濃味嘅屋企人。滷水雞髀同車仔麵給都留下深刻印象。味道同口感都非常出色，如果鍾意滷水菜式和濃郁的湯頭，一定要試下。好好彩行街附近有呢一間孖寶車仔麵，每次到葵廣一定要去。

做美容療程前去到葵涌廣場搵食，想食D輕食無咁Heavy。醒起最底層有間食香港代表港式小食燒賣魚蛋碗仔翅、車仔麵類的「孖寶車仔麵」，決意大快朵頤。望望餐牌有車仔麵，又有糖水小食滷水拼盤，總一款啱心水，而且價錢合宜，食物款式多元化。三餸車仔麵套餐套餐奉送熱飲、（HKD 52): 大名鼎鼎的咖喱魷魚，水魷爽彈，做到香而不辣的咖哩完美融入水魷當中，為整體提升口感。滷水雞中翼帶有五香汁香氣，炆到非常焾身，好容易不費吹灰之力就骨肉分離，好味！牛腩比較瘦，變相帶點韌度，肉多脂肪比例少，如果帶點肥膏就對了。米線做到掛汁效果，秘製汁掛上每條米線，軟硬適中。五香牛雜（HKD 35):牛雜，牛腸、肺、金錢肚都裁切利落，牛腩汁是五香，如此格局，味道豐腴，加上芥末甜醬直頭番番舊時年代街邊小食的感覺，浓郁牛雜煮得恰如其分，毛肚的绵爽，肥腸的柔滑都帶出。奉送熱飲：香滑港式奶茶，入落順口不苦澀，加糖味道提升，茶底吾深色香濃。

作為車仔麵關注組既成員 今日一定要黎食盡人氣港式車仔麵 葵芳孖寶車仔麵沿用老店餐牌 人手點餐「牛雜°滷水雞翼°蘿蔔車仔麵」滷水雞翼必點 其滷水汁十分入味 雞翼肉質新鮮鮮香味美 牛雜都好入味 素質很老實滷水豆腐車仔麵 滷水所有配菜都十分出息 同樣十分入味配埋幼麵掛汁 唔會水汪汪一齊食 加埋湯底有鮮甜味懷舊糖水有2款分別係番薯糖水同埋腐竹蛋糖水腐竹蛋糖水軟綿滋潤 唔會太甜 有齊白果同埋雞蛋冬天食十分滋潤難怪多年來口碑咁好 大家想食車仔麵時會想起呢間心水人氣車仔麵 品質好穩定 每次食都係有水準

呢間位於葵廣既車仔麵係葵芳都出名抵食又好食架啦，今日又黎回味下車仔麵最正就係有好多選擇，而且呢到價錢公道，叫多Ｄ都唔怕有Ｄ車仔麵檔度縮數到菜甫都冇，呢到仲有保留呢個傳統首先不得不提呢到既秘製汁，都真係幾特別有Ｄ似腩汁，但係味道更加有層次，必點既湯底之選五香豬頸肉爽口彈牙牛柏葉份量好多，食落勁爽彈咖哩魷魚既咖哩味香濃有層次，魷魚鮮甜魚肉春卷，口感特別，有陣陣魚香魚肉條，就係生菜魚肉果種魚肉，味道鮮甜牛腩都幾入味，而且除左牛腩仲有軟淋既牛筋手打麵有Ｄ似粗多少少既烏冬，但冇咁韌，都幾特別低糖豆漿，味道唔會太甜有豆香

加$2外賣碗仔翅上樓食，圖片乃開盒份量，打開就覺得碗仔翅好水，諗住啲料沉底啫，點知攪完兩下都係甘既樣，感覺唔到有料，食到一半淨低既都係水，完全唔想再食。連鎖個間express都比它足料好食，是次幫襯表示失望，不推薦。