姚姚酸菜魚 (港威商場)

營業中

休息中

 【 #人氣熱店 】酸菜跟水煮都真係百吃不厭.... 耐唔耐總有種心癮想去食下，特別係冇咩胃口嘅時候，真係愈食愈開胃、愈食愈起勁。終於到我去食姚姚酸菜魚啦 ～食晚飯時間海港城店已人頭湧湧，排曬長龍等嗌飛，果然係人氣熱店。姚姚酸菜魚拼避風塘大蝦 大大盤份量十足，再加上可自選雙併，岩曬我呢d 貪食寶寶，一次可滿足兩次口慾，湯底麻香醒胃，魚肉滑漏無骨。而避風塘大蝦超有鑊氣！  仲有脆香薯條夠曬香口惹味，仲可以自選酸度同辣度，正喔！必叫嫩牛肉同香港頭條 （油條），牛肉嫩滑、油條即叫即炸，用黎放湯打邊爐超好味 ～多多桃膠椰奶 岩曬夏天消暑解渴嘅特飲，飲落仲有粒粒紅豆同養顏桃膠冇得輸啦～新鮮水果烏龍茶生津解膩，好有果香味夠曬fresh ~ 紅糖糍粑食埋甜品，入口外脆內軟，煙煙韌韌，配埋好糖甜甜地滋味～#yaoyaohongkong #酸菜魚 #sauerkrautfish   #海港城美食 #Foodie

放工跟老公去海海城行街原來好多人都食酸菜魚排左一陣終於可以食魚啦姚姚酸菜魚拼蕃茄魚鱸魚片很厚身，食落去很滑溜，鮮味無比，份量以兩個人食，都算多，叫雙拼就最開心，有辣有唔辣。酸菜魚味道夠酸，魚湯飲落去很鮮味無比，酸度辣度麻度都有得揀，我們叫左少辣少油。蕃茄湯底很香濃，勁多蕃蓉。寬薯粉條寬粉很晶瑩，煙韌彈牙，沾上湯汁很惹味，感覺上都係厚身，食落去又幾好嫩牛肉牛肉很嫩滑而紅得透亮，份量夠食，大片，但不會很柴皮。姚姚脆奶好似春卷甘圓筒形，外脆內軟，一咬就好脆，入面全是奶餡，軟綿綿，熱食先好食，小心燙口。彩虹烏龍冰粉鋪滿了黑芝麻、提子乾、紅豆，酒糟配料的冰粉，好養生，冰粉好Q彈又滑溜溜，食左酸菜魚，食返甜品就透心涼，而且濃濃的烏龍茶味及清新椰奶味，兩個人分享就一定要啦！多多桃膠椰奶養顏飲品，桃膠大粒夠晶瑩，加入椰奶，既香又滑，仲有香甜軟糯的紅豆，唔算太甜。

聽朋友講尖沙咀開咗間姚姚酸菜魚，鍾意食酸菜魚嘅我梗係要來試吓啦！點知失望呀～個酸菜魚又嚡仲要比我食到最中間發現有頭髮Tim(我肯定唔係我同我朋友啲頭髮囉，因為我哋啲頭髮係金色而碟酸菜魚嗰條頭髮係黑色㗎），搵左個職員姓康同佢反映咗，幫我換過條新嘅俾我喎！我唔係要換過碟新呀～係個衛生問題啊大佬！職員然之後就話張單幫我哋九折同埋送碟甜品俾我哋⋯奉獻朋友對酸菜魚有所期望嘅就千祈唔好去呢度食啦！失望而回啊！

無論店舖裝修抑或係餐具，都係以Tiffany Blue 顏色為主，入到去已經感受到充滿住打卡嘅氛圍😆食後感💁🏼‍♀️藤椒無骨鳳爪 $68餐牌上嘅廚師推介之一，食落果然有驚喜，美味嘅麻香醬汁配上無骨鳳爪，會令人食完一隻又一隻，開胃之選酸辣土豆絲 $58表現平平嘅一碟土頭絲，唔差但未有太大特色大盆花菜 $98好有鑊氣嘅一碟花菜，食得出師傅落足心機炒，難怪餐牌上有廚師推介嘅logo，絕對值得一試姚姚酸菜魚拼水煮牛肉 $308以招牌嘅雙拼大鍋上枱，份量十足，食落係一種fusion感覺嘅酸菜魚同水煮牛嘅味道，唔會太麻太油，比較迎合香港人口味嘅煮法 彩虹烏龍冰粉 $48以烏龍茶做嘅冰粉好有特色，唔會太甜清清地，不過配料有d搶過左烏龍茶冰粉嘅味道，而且味道未算好夾，有少少失望總結➡️食物味道平均不錯，鍾意打卡嘅你會好喜歡，不過如果係辣癮起的話未必治到條麻辣癮😆💰哩間餐廳可以用商場coupon, 每$200減$100，用coupon食係抵嘅👍🏻

雙拼酸菜魚！ 正呀😍海港城新開嘅過江龍姚姚酸菜魚經常好多人喺門口等位 人氣旺盛 店裏吉祥物魚尾熊仔好得意落單主要用WeChat 酸菜魚拼蕃茄魚 $308一次過食晒有辣有唔辣 鱸魚肉份量好多 兩邊魚湯都好飲仲可以指定每邊添加咩配料我哋四個人每人揀一款 我最鍾意個寬粉質地好厚好咬口寬薯粉條 +$38嫩牛肉 +$48巴掌牛肉 +$58午餐肉 +$40藤椒無骨鳳爪 $68有藤椒香 醋味幾醒神 食落又爽口熗炒手撕蓮白菜 $58 唔辣嘅口味 清清地好香蒜茸味 菜又炒得脆口大盤花菜 (加辣) $98真係好夠辣 炒得夠入味 唔錯多多桃膠椰奶 $48呢杯似係甜品多啲 有好多桃膠 好有飽肚感檸檬茶 $38茶底唔錯 雙檸夠唒酸爽彩虹烏龍冰粉 $48冰粉有助解賦 配料又健康 特別係有酒糟香甜好味 食辣之後必選

初初以為終於可以試下深圳先食到既‘味道’滿懷希望去食但卻令人失望！想吐嘈一下：先分別叫了酸菜魚及蕃茄魚- 酸菜魚味道偏淡，雖然我哋選小辣但並不是小味，連基本酸菜魚既味道都稱不上，普通店的酸菜魚都比他好吃！- 蕃茄魚，蕃茄味好濃帶點酸。卻偏咸，食幾件已經食唔到，但又唔想浪費（不過都係食唔晒）一行5位，沒有覺得好吃，都叫失望其他菜整體是不錯的，只有酸菜魚及蕃茄魚太讓人失望，不過魚片沒刺很滑，只嘆浪費了魚🥹我們晚上7點半入座，冰粉，尖椒皮蛋，烏龍茶都已售罄。酥肉 外脆內軟值得推介炸牛奶 也是很脆好味 但有點油大油條 不錯雞絲粉皮 好吃酸菜蛋炒飯 有蛋香味，粒粒分明紅糖糍粑 紅糖汁不夠，味道偏淡

原來海港城勁多美食店，早兩日朋友帶我去食地道酸菜魚店，唔單止份量夠，好味道，仲可以揀雙拼試晒兩種口味超正！我地試咗王牌姚姚酸菜魚，再來拼水煮牛肉嘅二人份，超抵食，$300左右就可以試晒兩款！而且份量勁多，個超大碗一上枱真係俾佢嚇親😂話佢係四人份都唔過分！講返味道，好多時酸菜魚啲酸菜煮完已經唔酸，呢度啲酸菜煮完仲係好酸下，而且吸收咗啲辣汁，夾埋嫩滑嘅魚肉一齊食，真係冇得彈👍另外水煮牛肉都很有水準，牛肉肉質keep到之餘辣味亦到位，鍾意食辣嘅記得一定要食埋粉條同埋大豆芽，煙煙韌韌嘅粉條越食越辣得起勁！傳統擔擔麵少少花生香味，配埋擔擔肉醬夠惹味，不過我自己就鍾意有湯底嗰隻多啲。雖然已經食到好飽但係見到有甜品又忍唔住叫，呢款彩虹烏龍冰粉勁靚👍用好多種唔同嘅配料打造出彩紅嘅視覺效果，除咗打卡able之外，集合咗芝麻、花生、紅豆、西米同埋提子乾，好味又養生！冰粉吃起來好有清涼感，夏天食真係一流👍姚姚酸菜魚地址:尖沙咀廣東道3-27號 海港城港威商場二樓2307號鋪 @yaoyaohongkongYaoyao 姚姚酸菜魚#姚姚酸菜魚 #yaoyaohongkong #酸菜魚#sauerkrautfi

近日經過海港城，看到有間十分人氣，以主打酸菜魚的餐廳，門口經常迫滿等位的人。所以入去一試。酸菜魚又名酸湯魚，是重慶市的經典名菜。入這餐廳的食客，全部都會點酸菜魚。我也當然叫了主打的酸菜魚，還拼了避風塘大蝦，加多個小酥肉和飲品。本身不食得太辣，所以叫了少辣少麻少油。但避風塘無得減辣，結果在避風塘大蝦餸內，挑出來的辣椒有一滿碟，對於愛食辣的朋友來說是浪費了！酸菜魚湯魚肉很滑，鹹菜比較多，湯底鹹鹹酸酸很惹味。避風塘蝦不是太大隻，肉質都很爽口。幸好叫了杯水果飲品可以來解辣。-酸菜魚拼避風塘大蝦-黃金脆炸小酥肉-茉莉香橙-新鮮水果烏龍茶

唔食辣嘅朋友都可以食佢哋嘅番茄魚🍅💕番茄湯底好好味😋鮮甜又多茄肉👍🏻.姚姚雙拼酸菜魚 $308招牌酸菜魚拼番茄湯底🐟滿足曬食辣同唔食辣嘅朋友🤩每邊都好多鱸魚肉🤤肉質嫩滑唔腥 魚肉已經去刺 可以大啖大啖食😋番茄湯底仲會有粉絲索湯😆仲加左份巴掌肥牛同金菇xd 加倍滿足🥳佢哋嘅酸菜魚係用蠟燭🕯️暖住 唔係好似打邊爐咁一路滾住 所以唔驚魚肉煮鞋咗 同埋唔會食到成身味🤣.麻醬雞絲粉皮 $68粉皮口感絲滑又唔易斷😍有啲彈性 好鍾意呢種口感🥰佢哋麻醬好香好好味😋啱啱好撈匀成碗😁雞肉絲都好食 再多啲就好🥹.涼拌萵筍絲 $58凍食萵筍絲 有冰鎮嘅感覺超解熱🤣口感爽脆🤩食到麻油同蒜香💕推薦❤️👍🏻

上星期同老公 海港城shopping完， 經過港威商場畀我發現到一間有得食酸菜魚， 深深畀佢嘅tiffany blue裝修環境吸引住，非常有特色， 於是捉咗老公陪我食酸菜魚兼打卡！ 因為太肚餓，點咗姚姚酸菜魚拼水煮牛肉，一次過滿足我地胃口！另外叫咗萵筍絲同油炸鬼，點少得甜品，叫咗彩虹烏龍冰粉，而飲品叫咗多多膠桃椰奶同茉莉香橙 🐟姚姚酸菜魚拼水煮牛肉係2人份量足料超大盤，佢地用蠟燭方式keep住溫度，酸菜魚湯底酸酸甜甜超開胃另外，用外脆內軟油炸鬼點酸菜魚湯底， 另一番風味！入面有鱸魚新鮮爽滑少魚骨， 辣椒酸菜唔太辣， 另外水煮牛肉湯底濃厚杰身比較辣，肉質啱啱好有口感！兩邊都有芽菜有咬口，寬條食落煙煙韌韌，超正呀🔥 涼拌萵筍絲咬落新鮮爽口正，味道剛剛好，如果份多啲就更好 彩虹烏龍冰粉呢個甜品必叫，擺盤超用心👍好足料！要兩個人食先食得哂！入面有青提子， 紅豆丸子， 花生黑芝麻， 用彩虹方式排列出嚟，味道酸甜又好夾wor! 最後飲品係多多膠桃椰奶養顏膠桃有口感，有 椰奶味道，茉莉香橙好清新好易入口

早前公司樓下附近新開左間酸菜魚，而且仲要勁多人排隊! 裝修以淺藍綠色同白色為主，好新派，所以去左呢間食酸菜魚!..猶幸唔駛等好耐就有得入座! 張張枱都叫呢度主打既酸菜魚，當然叫返個啦! 我地叫左雙拼! 酸菜魚🐟拼避風塘大蝦🦐 全部都係以電話scan barcode落單，酸菜魚可以揀辣度，又可以揀多油少油，仲可以揀少麻多麻! 好特別! 當然仲可以加配料落去! 咁我地就揀左小辣、少油同少麻! 另外既避風塘大蝦就真係固定左辣度無得揀..落單後都要等等，因為酸菜魚似乎係一批批咁上。我地既雙拼一來到，哇勁大個盤! 大過我既頭啦! 即刻合照對比下先啦緊係🤣 裡面好足料! 先講講酸菜魚，魚肉好滑唔腥，好多魚肉，而裡面既酸菜都好多! 湯底唔錯，幾鮮! 避風塘大蝦，淨係睇賣相都知勁多辣椒🌶️我地將辣椒夾哂出來，都夾到一大碗咁多! 證明真係足料! 鍾意辛辣既朋友有福了! 裡面都好多蝦，好惹味! 好食!..我地另外仲叫左黃金脆炸小酥肉同兩杯飲品～黃金脆炸小酥肉我地揀左唔辣，味道就真係唔辣但食到有花椒八角既香味! 都幾有風味，唔錯架! 而兩杯飲品分別係新鮮水果烏龍茶同茉莉香橙! 食辣野當然要飲野🤣 新鮮水果烏龍

✅姚姚酸菜魚酸菜魚而家真係愈黎愈多店舖都有得食今次就去左試呢間係海港城既酸菜魚平日夜晚黎到都full哂好多人 大家想試既就早啲黎拎位 或者book定位啦😎🔆姚姚酸菜魚拼避風塘大蝦 $308呢到既酸菜魚比起平時食既有唔同除左大大盤酸菜魚外 仲可以揀雙拼啱哂我呢啲選擇困難症既人🤣有得揀水煮牛肉 蕃茄魚 同大蝦酸菜魚係用左蠟燭座熱住 唔需要擔心好快變凍！魚片好滑 而且無骨👍🏻 仲要有好多酸菜添！酸度同辣度都可以自由選擇！另外我哋仲加左薯粉同牛肉好掛湯汁好好食😋避風塘大蝦超有鑊氣！ 有好多辣椒同炸蒜大蝦二人份都好多 而且肉質唔韌👍🏻好香口好好味 仲有薯條係底添😛🔆酸辣藕丁 $48藕丁爽脆 細細粒好易入口酸辣汁好醒胃 唔怕辣仲可以夾埋啲花椒入口一齊食入口就更香更過癮👍🏻🔆多多桃膠椰奶 $48飲落好有紅豆冰既味道唔太甜 椰奶味重 每啖入口都有粒粒紅豆同桃膠口感度up 解辣一流🤓🔆茉利香橙 $38飲落茶味好濃 又有淡淡既香橙味酸酸地 完全唔甜好開胃🥰 味道: 7.5/10賣相: 8/10 地址; 尖沙咀廣東道3-27號海港城港威商場二樓2307號舖

姚姚酸菜魚拼水煮牛肉（2人份）$308除咗本身有嘅酸菜魚，仲可以加其他配料，萵筍片（1份）$35，寛薯粉條（1份）$38，可以選擇揀放酸菜果邊定水煮果邊，酸菜魚味道鹹鮮酸辣，夏天享用食慾大開，美味過癮。水煮牛肉麻辣味厚，滑嫩適口，香味濃烈。新鮮水果烏龍茶$38因為真心辣，要叫杯冰凍飲品解辣，甜甜的，解渴。麻醬雞絲粉皮$68麻醬重手左少少，略為鹹，但都可以接受彩虹烏龍冰粉$48色彩繽紛，賣相好吸引，冰涼香甜，嫩滑爽口，又係夏天消暑甜品！

嘩 食酸菜魚都可以一次滿足辣同唔辣兩個願望啱晒我呢個愛辣之人同唔食得辣嘅朋友😍位於尖沙咀海港城嘅姚姚酸菜魚可以點鴛鴦鍋所以我一邊揀咗酸菜魚一邊揀咗蕃茄魚滿滿嘅一大鍋新魚肉片 嫩滑無骨 蕃茄湯底有好多蕃茄食落味道更濃郁另外加點肥牛及牛餐肉及寬粉最正係可以揀選加係邊一邊真係愈食愈滿足不過如果個蠟燭略為唔夠火湯底吾可以熱辣辣大盆花菜 🥦呢個真心炒得好香好入味亦唔會太油膩 涼拌萵筍絲 切成絲裝 爽脆清新有蒜香味 解膩之選 藤椒無骨鳳爪 花椒及藤椒味濃 加上醋香味 食落爽口彩虹烏龍冰粉冰粉軟滑 鋪滿黑芝麻、花生脆、提子乾、紅豆及脆珍珠等食落好清好舒服

YAO YAO❤️ Signature dish 🐟🐟🐟🥢💫..係海港城食飯，冇諗過呢家酸菜魚咁火😳，真係好多人排隊食啊！ 人頭湧湧，好受歡迎！由我入座到離座都超級多人食🥢，好彩我一早book 定位唔係都唔知要等幾耐呢🫠。餐廳以Tiffany blue為主色調感覺舒服，自助QR Code 落單夠方便，客流量高 自然食材新鮮，當然要一試喔。ll $308有身份證既魚🐟，政府認證 溯源關鍵。水東新酸菜，更脆更健康！魚肉質鮮嫩，加上花椒酸菜很開胃，貼心用爐烘熱，保持溫度更好吃。牛肉🐮 醃制過肉質夠滑，若然更有肉香定更吸引呢，而薯粉煙韌，吸盡水煮汁很惹味，愛吃。配上白米飯🍚 同樣一流喔！ll $58 ll $682款涼菜都不錯吃，土豆絲🥔 帶酸又爽脆；豬耳加上京蔥同吃，香辣惹味有咬口。ll $58 ll $582款甜品亦不錯吃，糍粑軟糯煙韌，加上外脆內軟，沾點黃豆粉 & 紅糖同吃很棒！而脆奶外層亦同樣香脆可口，熱辣辣包住滿有奶香棒條，就是滋味！..呢個價錢，整體在海港城吃飯質素不錯吃喔。愛吃酸菜魚可以試試！🐟 魚～..×××××ש尖沙咀廣東道3-27號 海港城港威商場二樓2307號鋪 ..