妹仔記燕窩甜品專門店 (已結業)

好平好平好平

mango 西米露$18very awful燕窩旦撻$8very poor(only environment for such kind of place is relatively ok)Don't try(marks are for relevant level of others)

今次是第兩次去食，有煲仔飯套餐，雖然比一般茶餐廳細煲但食落到唔錯，只可借沒有其他套?選擇，如果多樣化更好，綠豆沙保持水準，仍然好食，不過紅豆沙及芝麻糊就一般，尤其紅豆沙有橙皮落去煲，食落好奇怪。

D綠豆沙好好味，而且環境裝修幾好，坐得幾舒服，好過山長水遠去西貢食。

唔錯, 比起其他有名既甜品店, 環境同衛生都几好, 仲有甜品以外既野, 多選擇! 不妨一試!

都係果句，坐就幾舒服，但係食o野就……唉……的確，個燉奶係我食過史上最難食o既一個，佢唔話畀我聽係燉奶，我仲以為係將一支大號裝「百特叔叔」支解，再用兩碗水燉成一碗……入口後覺得漿糊停留在口腔久久不散，流到喉嚨o既時候更可漿住喉嚨，使人不能呼吸，殺人於無形……自問有膽量o既朋友可以一試。榴槤班戟唔差，因為入口只覺佢係榴槤，班戟同cream o既味都被掩左，標榜「即叫即製」，但可以落單後5秒奉客，D戲差少少喎……

門面真係好光鮮，仲要週圍貼出日文介紹......來這裏，主要都係食燕窩蛋撻，不過我覺得味道普普通通，跟其他燕窩莊的差不多。其他糖水同樣普通，甚至比許留山的西米撈還不如。總括來講，我覺得這裏比較優勝的是集齊許留山(生果撈)、石磨坊(芝麻糊)、燕窩棧(燕窩蛋撻)等等甜品糖水舖的品種。最令我不喜歡這裏的相信是服務員的服務態度，可唔可以有禮貌少少，笑容多少少？

記得幾個月前曾經在此食店食甜品，記憶是ok 的。但是，先幾日凌晨12 點幾，同朋友一起到此店食甜品，可能是太夜的關係，除有些食品已經售罄外，質素都變得差了。例如：杏仁露就像是在煮好o左一段時間，或者改叫杏仁漿比較為適合。此外，有朋友仔叫o左個燉奶，不過，個燉奶便嫌不夠滑，就好像被高手以內力將全個燉奶震散了。

呢間「妹仔記」自稱係燕窩甜品專門店，我入到去反為無食燕窩甜品，只係叫o左燕窩蛋撻($8 個)，另外叫o左芝麻糊湯丸、蕃薯糖水。芝麻糊湯丸就麻麻地，湯丸D 皮太過腍；蕃薯糖水D 蕃薯就好多，味道ok；燕窩撻亦唔覺得有啥特別，要好細心咁嗒，先感覺到蛋撻裏面有D 一粒粒、爽爽地o既o野，就係傳說中o既燕窩！如果你狼吞虎燕咁食個撻，就同麵包舖兩蚊個果D 無分別，仲可以一次食4 個！不過間野o既裝潢又真係好正，連廁所都裝修得美輪美奐，值得一讚！

佢地o既煲仔飯午餐幾抵食, 廿幾蚊有一個煲仔飯同一個糖水, 唔算貴. 個煲仔飯都幾好食, 應該係即整o既, 因為都等幾耐同上台時好熱. 糖水都好味, 通常有幾個選擇, 例如: 紅/綠豆沙, 芝麻糊等.... 係午餐o既一個唔錯既選擇!

妹仔記裝潢好正,都有埋日本文廣告介紹,但係d 野就唔係好料,食過一次真係大失所望..

THE SERVICE IS BAD ..SLOW.. MANAGEMENT IS CHAOTIC!! WRONG ORDER !! THE TABLE IS DIRTY!!..MAY BE IT WAS SUNDAY LA!!

廿五元的雜果芒果妹仔撈味道配撘不錯，比廿八元的芒果盅更抵食（燕窩狂熱者例外）