妹仔記燕窩甜品專門店 (已結業)

見門口大大個招牌，以為有好野。見佢 d 燕窩燉甜品定價都幾高，諗住食個普通甜品jeh就無謂試了。見門口有冰花燉蛋 (冰糖)同合桃露 $12 each，一於試試。店內有懷舊的裝飾與照片。不過卡位的座位 cushion 有 d 爛了。燉蛋要熱的，睇到侍應從雪櫃羅入去，我估係翻叮，外面暖的，入面超熱。我覺得麻麻地，都算大碗既，但雞蛋的成本係多少？試埋個燕窩蛋撻 $8，侍應話新鮮出爐的，但其實係暖到近乎凍..... 不能說新鮮出爐啊。不過都有幾多燕窩係上面既，多過人地出面的一小注個 d 先啦。服務可以，老闆好緊張的巡舖。可以黎 gimmick 一下燕窩蛋撻既。

食左餐咁差既晚飯,點都要搵d好野食返 氹下自己上次試左 綠豆沙 楊枝金露都幾好味心思思試下佢個芝麻糊同杏仁糊先真係幾好味連個芒果布甸係食過最好味既芒果細細粒又唔會小,布甸整得又好味!!仲有食左個馬豆榚都好好味即刻開心晒服務又有禮貌good呀!!

數數這條街白加士街和吳松街有多間甜品店,但這間環境座位尚算好坐。但食物質素就差了, 不要什麼要求只為一餐飽肚就可以 (但每人口味要求不同)。服務: 只有一個年長女侍應,服務態度奇差。薑汁燉奶: 特價$10/碗, 由於奶就是奶沒有花假, 但薑汁味很淡, 可以說是沒有薑汁味的薑汁燉奶。杏仁糊:特價$10/碗, 杏仁味沒有, 杏仁香更加沒有, 口感又頗稠, 感覺像吃一碗米糊多過杏仁糊。糯米雞: $18一隻, 以這價錢在有梳化位的餐廳吃似乎不貴, 可是糯米雞的糯米飯很硬,粒粒明顯地清晰可見,不是 “lim”在一起的糯飯,材料算足夠,但也不足以彌補這隻糯米雞的差勁。

朋友話嚟間店食燕窩好出名，但我無叫到，叫咗個椰汁西米露，救命呀﹗超甜﹗比平時個d甜過100%囉，好甜，完全入唔到口，好彩朋友肯就我同我交換佢的蘆薈燕窩之類(全名唔記得)的甜品，雖然佢食得哂，但佢都話好甜，佢只是唔想嘥嘢食。謝謝你同我調轉換嘢食。>3<環境係好ok，但d嘢食超一般，即使蘆薈燕窩都只算一般咋。

真係唔知點樣可以煮出:木瓜唔 "林"蓮子結實海底椰堅固而以上三種食材沒有與糖水給合的糖水呢? 而糖水比屈人指更清就更妙啦咁又係, 人地係燕窩專門店, 唔怪之得, 夜晚九點幾只得四條友而其中一條係我

一眾人食完火鍋. 轉戰甜品. 本來都是以街邊地踎館子為目的地, 三人先峰, 走錯路, 回頭見沒人跟隨. 街中David大跳, 叫我們回頭.去的不是地踎, 既然要開個小會議, 不如找間好坐一點. 眾人皆指, 妹仔記. 突然一大班人殺到, 頓即令清靜的糖水鋪, 變得熱鬧起來. 安頓好我們呢個Eatery Club之後. 要點下自己的妹仔糖水了. 這裡出名的是燕窩, 但90多元的價錢, 實在令食客止步. 後來姐仔說, 燕窩糖水半價, 令想用燕窩補補的, 突然改變主意. 椰汁燕窩. 吃的是碎燕. 配上椰漿, 有如吃椰汁西米露, 不過沒有西米, 而是全燕窩. 本身不是甜客, 只感覺椰漿偏甜. 但食下食下, 可能味蕾對突然而來的甜味作了調整. 味道是全因那個非常好味既椰漿, 適應了當然可口. 說妹仔大過主人婆, 整個甜品的分數, 由椰漿(妹仔)而起.身旁的朋友叫了一個什麼妹仔撈, 芒果西米露吧, 芒果, 桃是另上的, 大概是要把水果自己撈上去才食. 論色水, 比較吸引, 因為沒有燕窩, 價錢亦只是$28. 不打算花錢為妹仔的人, 亦有一些大眾化選擇.我們眾人, 喧譁地進行聯席會議, 不知有沒有

一直以來,也沒有察覺白加士街的妹仔記存在,原來此店已經有七,八年歷史.可能路過匆匆,過目必忘之關係吧.大家吃完火窩之後,例牌要轉戰下半場,佐敦一帶的甜品店已差不多全數去過,唯獨是妹仔記,是其中之一間漏網之魚.在友人的建議之下,拉大隊來到這間甜品店.我們人多之故,一下子令到甜品店熱鬧起來.而且店員為我們將長檯砌成T字型,蔚為奇觀.看看店內的格局,也是一間悅意走高級路線的甜品,但沒有皇朝的高級.而店內的主打甜品,是一系列的燕窩甜品.有原隻椰皇燉燕窩,有椰汁燉,亦有杏汁,冰糖燉,總有一款必口你心意.想大貪一點?可以再加燕窩,每兩$18計.本來椰汁燉燕窩要賣成$98一盅,心想太貴,不如要個杏汁算數,$38一客平平地,後來得知原來有特價.椰汁燉減價為$59一盅,平差不多一半.即刻回心轉意.經濟不好嘛,在吃方面當然也會三心兩意.人之常情,也不為過.椰汁燉燕窩可要熱或者凍,小弟取向後者.另上一小杯糖水.呈奶白色的椰汁,椰子味都幾香,味道不算特別重.身邊的陳真同我一樣吃椰汁燉,他說味道有點偏甜,証明每個人的口味不一樣.而椰汁內的燕窩份量都幾足,每一口也是燕窩碎的口感,賣$59一盅的燉燕窩,貨色自然不是

食完一餐超正的海鮮餐我地成班同事再去左食糖水由於附近的糖水鋪不是太多人就是休息我們就來了妹仔記一試5個人 點了2個木瓜雪耳 1個熱芝麻糊 2個芒果撈首先上場的是木瓜雪耳2位同事都沒有把他吃完 因為太甜了-.-跟著就到熱芝麻糊侍應拿來的時候香味十足 令人覺得應該不錯結果同事只吃了1/4就沒吃 原因是愈吃愈甜 甜到受不了3位同事都吃好之後我和另1位同事的芒果撈黎啦幸好佢的芒果底不會太甜 生果都尚算新鮮

尋晚食完，真係未食過咁差糖水…三人同行order…芒果西米糕($8)、西瓜汁($15)、紅豆沙湯圓($17)、芒果燕窩盅($28)結果：芒果西米糕～無芒果味，但好有芒果色，似食緊加色大菜糕。 西瓜汁～都係勁多糖，仲要收$15，Size只係8安士都唔夠。 紅豆沙湯圓～紅豆沙唔凍又唔熱，無紅豆味，好似加勁多粟粉，最慘就係D湯 圓，係急凍，又煮得唔夠透，好似食緊溶溶"芝麻味雪米滋" 芒果燕窩盅～仲話係該店推介，個芒果抵讚之處，係完個上仲去核，去核的位 置就有幾粒粉，粉上面有一小匙所謂燕窩，超多糖水，除芒果 好吃，其它都不願置評。其次店外寫住馳名燕窩蛋撻，入到去餐牌都有，但係order時候，佢話要預訂。下次，請都唔會再去！

以為咁有氣派既門面/裝修; 加上店外貼哂廣告, 好似好掂咁.第一次幫襯, 我要試其-招牌什錦芒果妹仔撈 ($28)友人點了-木瓜燉海底椰 ($25).大家食了1,2啖, 都先後皺眉.芒果底起碼一半是白糖水; 生果尚算ok新鮮. 但作為招牌甜品的話, 3個字'係咁先'.個燉海底椰就完全係細路仔玩泥沙既質數, 唔掂.無下次.

昨日與高人打冷晚飯完。就帶佢由旺角行去佐敦幫助消化吓，然後打算帶佢去佐敦松記食糖水。但去到先發覺佐敦松記禮拜日係休息，咁令到高人好失望。唯有補救方法，帶佢附近嘅妹仔記補返數啦！去到後高人要咗碗川貝蓮子百合燉燕窩($38)，睇落去碗裏面都有好似燕窩嘅物體，但高人話蓮花開咗無結子，所以碗裏面一粒連子都無。而我要咗碗招牌甜品—雜錦芒果妹仔撈($28)，呢個甜品特別係自已撈嘅，要幾多就撈幾多，幾好。

正當內地黎0既親戚0係永安百貨瘋狂掃貨之際，我就逃開搵野食，見到呢間妹仔記d下午茶餐好抵，我用15蚊就有一碗西洋菜豬肉餃同一杯西瓜汁喇~杯西瓜汁好快上，都幾大杯架(可參考圖片)，同埋唔似加左好多水&糖，係有西瓜核架﹗唔會太甜，以呢個價黎講真係唔錯﹗出面一杯都要10蚊8蚊啦~而個餃就要等10分鐘左右，係即叫即淥0既，上檯時熱氣騰騰，d餡仲好足，而且竟然有5隻，唔係少wo，所以我覺得真係好抵呀~另外，呢度個掌櫃(一位應該係老闆0既叔叔)同姨姨都好街坊feel，笑容滿面，令人覺得好舒服，我一定會再黎食~

雞蛋腐竹糖水--成隻雞蛋,又有意米,幾甜.燉蛋--幾滑.腰果露--很香腰果味.

今晚食完晚飯後同男朋友仔西圍搵甜品食! 男友仔帶我呢間試下!男友喜愛湯圓就點了燕窩湯圓, 而我就點了熱木瓜蓮子海底椰+燕窩!燕窩湯圓：薑汁底+ 5大粒湯圓! 熱辣辣的湯圓, 令人感覺到好warm! 我食左兩粒, 一粒皮薄多餡, 另一粒個皮唔係咁平均(有一邊係勁厚粉)! 熱木瓜蓮子海底椰+燕窩：他們是分開上的! 前者係熱辣辣的! 湯底太甜唔係太清, 木瓜好食好清, 海底椰都係一般啦, 蓮子都有四五粒同埋軟硬度適中! 燕窩是凍凍地一大pat! 因為燕窩本身無味, 所以我將燕窩+太甜既湯底撈埋食…又ok喎…好夾喔!女朋友俾$0 男朋友俾$68 合供=$68大元!多謝男友仔!

尋晚行完尖咀想食湯圓, 就想起早兩個月去過的妹仔記食燕窩湯圓, 以前廿五蚊都有d似燕窩的野同有個熱鮮奶做湯底的, 或者可以選平時d薑汁糖水的.去到見無咩人食, 都當佢係可能星期二的關係~ 落單時同個阿姐講明要鮮奶底啦~ 佢d語氣真係好差!!! 佢話無呢d底的, 我男朋友就話之前食有的, 個阿姐話"我又未食過, 點知呀!"d態度好差, 之後佢死死地去問其他阿姐啦, d阿姐話一向都無... 我食兩次都有的, 而雜誌都有寫過的.... 咁算啦, 我要左佢做特價那個熱冰花燉蛋... 但來到時佢係用即棄膠碗上的, 仲要係白色~ 算啦, 十蚊食左就算, 之後食緊時有對情侶又係叫薑汁燉奶食,個女仔食左一口就同個阿姐講完全無薑味的.個阿姐竟然話d薑係得小小味咋, 你食多d先啦~ 之後又講左一陣, 個男仔就好興話唔好啦, 走了, 點做生意的! 那刻我都覺得個男人好勁, 我都唔想食... 而我男朋友食那個雪耳燉雪鴒糕都勁唔得, 完全無雪鴿的, 呢間野換晒d廚房同待應, 全部都變得好唔得... 真係以後都唔會去食呀!!!