妹仔記燕窩甜品專門店 (已結業)

昨天13/1(六)大約12點半我去妹仔記燕窩專門店吃薑汁燕窩湯丸$25:吃得薑汁很辣,咬得湯丸內有燕窩有點夠,feel很麻麻和熱呼呼~因為feel好似麵粉很厚和沒味,我有點很不高興下次我不會幫襯

2006-12-05食完新樂，行去附近搵糖水食，呢間野好似好貴咁，標榜話有燕窩，一於俾老外試下bird's nest.叫左個紅棗蓮子燕窩、杏仁燕窩，老外唔食中國式糖水，都係揀左果汁加少少燕窩。兩個中式甜品d燕窩少得可憐，仲要一pat pat咁，真攞命。個侍應妹仔傻下傻下咁，唔記得落單之餘，幫我地影相仲手震震咁，係遊客區點可以咁架!唯一可取係裝修有d懷舊特色，都係呃鬼佬啫!

前兩日同朋友去左呢間妹仔記試下，叫左兩個午餐，　一個煲仔飯（＄２８），　味道一般另外叫左一個雞扖菜飯（＄２８），　ｄ雞扖好難食，又肥午餐跟左碗凍既綠豆沙糖水，　點知一ｄ都唔凍，暖既，　好似熱既攤凍左咁．仲有，　個夥計態度唔係咁好，　好唔耐煩．我諗我下次都唔會再幫襯

(14/6)某客戶速遞熱辣蛋撻，若然讓我蒙著眼去吃，吃不出那分別，真的與普通兩塊錢一件蛋撻離不遠，酥皮不香，蛋身不嫩滑，沒有蛋的濃郁香味，燕窩亦難以看透。相信還未試過它的甜品，質數仍有待決。某某的鮮奶撻，香滑美味更勝此。

妹仔記雖然細細間，但就裝修得貴氣典雅，卡位坐得好舒服......叫左個燕窩湯圓，非常軟滑，內裏燕窩足料清甜，但又唔會好甜，與我想像既燕窩湯圓相差不遠......我冇喝薑湯，因為食左5個湯圓已經好飽....$25 有5粒燕窩湯圓算係咁，值得一試架！

是因上回合趕住抽頭走人，所以食到個胃「浪o下浪o下」；要飲o下薑水謳謳風。今回醒目：揀間無電視無plasma 既店仔度坐。要o左燕窩湯丸（薑湯，可轉牛奶甜湯）；等5 分鐘都無所謂，最近要俾我回一回魂同俾D 野食落膈...同埋assure 佢即煮。燕窩湯丸終於登場：5 粒之中有2 粒係爆既，成功率只得六成；幸好「燕窩」（唔知有幾堅）本身mass 大，所以無乜點漏出o黎...論量，足料。薑湯唔錯：夠薑、辣口、小甜、暖身。

有次同朋友行得攰, 就走入去試下, 叫左碗熱豆腐花，點知食到有酸味, 即刻叫侍應換, 轉芝麻糊, 唉, 芝麻糊都唔見得好, 係粉開的, 有一層透明類似漿糊的物體, 又勁甜, 好難食呀, 我以後都唔會再去!!!!

於第一個黑雨之前的一個下午，熱到中暑...好遺憾附近的松記原來星期日休息...決定到妹仔記食個甜品解暑。我叫咗個蜜瓜涼粉，以蜜瓜蓉代替糖水，成碗涼粉唔係好甜，但勝在蜜瓜清甜，變得可口。男朋友叫咗芒果薈冰，開頭打錯咗，完全唔掂。之後再打過，就ok啦...再叫咗個日式蟹批($6)，好味噃!其實我覺得有d似潮州粉果批..哈哈...有九菜架...

我食過兩次妹仔記，我見裝得幾靚就試下。 第一次，同兩個朋友一齊，大家都叫三碗熱豆腐花，點知食第一啖覺得有d怪唔似食平時開豆腐花。然後食第二啖覺得有酸味，我以為自己問題。點知我的兩個朋友都話有d豆腐花有怪味。原本大家都食到有酸味。之後大家要求去換，雖然都有換，但d服務員無道歉之如，個樣重好不滿咁。好啦他們願意換都算。之後我就叫左碗返薯糖水，華﹗d返薯好硬好難入口，我吃一啖就無吃其他了，而d糖水就啖而無味，好似喝水一樣。天呀，這是我食過最唔滿意的糖水。最慘之後，返屋企就肚痛。肚瀉了三次。 第二次，在無奈之下。我個朋友話方便又就腳。好啦心想比多次機會妹仔記啦﹗點知都係失望。今次當然無吃豆腐花啦﹗叫左個熱嬓蛋同芝麻湯圓。個熱嬓蛋一上已經唔開胃，平時食開是熱騰騰，啖黃色好香一股蛋味的。但我眼見的不是，唔係好熱，深黃色，結撻撻，一食落口唔滑好o鞋，一d都唔好食。而且因為不斷返蒸，所以蒸到d蛋好老。這就是嬓蛋深黃色，結撻撻的原因。而芝麻湯圓我都唔想講了。大家去試下就知。我記得小學中文老師教過一句﹕「金玉其外，敗絮其中」。我終於經歷到了。

已經係零晨十二點幾,同個FRIEND諗住去食龜苓膏, 不過原來已經收左舖,見妹仔記仲未收,心諗佢可能有得賣喎,就一於試試啦!入到去問佢有冇龜苓膏,點知佢話已經賣晒,真可惜,最終都係食唔到.算啦,咁就轉食糖水,叫左凍紅豆沙+蓮子($15).端上來時賣相已經麻麻,蓮子只不過係後加.食落更覺不濟,唔凍唔熱,好似擺左好耐咁,亦沒半點起沙的口感,材料有紅豆,糯米及陳皮,味道唔夠甜.朋友的燉蛋好像不錯,埋單共$33.

3月19日食畢韓烤,想搵糖水潤一潤,於是慢行至這裡食甜品,因為有點兒咳嗽,所以想點些有川貝的糖水,因此就叫了熱既川貝蓮子百合燉燕窩,而阿媽就點了燕窩湯圓.先說前者,上來時都夠熱,太好了,百合食落似乎係新鮮個種,佢唔算整得好淋,仲保留了少少爽脆,蓮子粒粒都好鬆化,而燕窩早已經和糖水融為一體了,成碗糖水既甜度適中,唔錯.後者其實係將餡料化為燕窩罷了,幸好外皮都幾煙靱,而薑湯都幾辣,所以最好味都係個薑湯.另外分別買了椰汁紅豆糕、椰汁馬豆糕以及香芒西米糕回家品嚐,雪至翌日才食,椰汁那兩款都好滑溜,紅豆那款最好食,如果紅豆再多番一點就更好喇,而西米糕其實即係芒果布甸加些西米落去,呢個一般啦,無前者咁滑囉.

試了此店秋冬新推介的其中一款- 鮮奶紅豆紅棗蓮子燉海底椰($25)加麻蓉湯圓($5/三粒)，不算很甜，材料亦非常多，但紅棗由百合取替，整體上都不錯。湯圓大粒，皮煙"un"得來又很軟塾；麻蓉餡雖不是流沙的那種，但份量很多而且美味，亦不太甜。此店另有提供即製的煲仔飯，見有不少客食，好似都OK，下回試試。

而家係半夜三點幾. 可憐的我. 不能入睡...現正眼光光的望住PC寫出呢篇真人真事.今晚同男友食完晚飯行老廟. 突然想食甜品. 就貢左入去呢間望落去門面不差的糖水舖. Order 一個西米麻蓉布甸. 外觀冇乜特別. 食落去覺得乾身. 無蛋香.亦冇麻蓉. 唔知為左乜; 男友叫了楊枝甘露. 又係冇芒果味的一兜"野",....Sorry 我只能用"野"黎形容佢.正統的楊枝甘露係用椰汁開成. 而呢度的..食得出係用奶+水開稀而成. 冇味, Texture 又怪. 芒果仲要好酸; 回到家後. 發覺肚子超痛. 成晚"部"住個茅...至今已嘔了足足八大次. 情況豪無改善.我好唔舒服呀........我相信聽日都係Take 硬Sick Leave 了....

今日偶然試下呢間叫左日式酥蟹撻(好似係呢個名),同芝麻糊+ 湯丸.個撻我完全唔覺佢同蟹可以扯上關係.應該改改個名.芝麻糊ok啦,應該係磨既,但唔夠芝麻味.湯丸一般.

同舊同學食完飯，想搵度傾下計，但又唔想咁貴，即刻諗起呢度﹗佢好就好在唔趕你走嘛，雖然幫襯唔多，但佢任你坐幾耐，都算係咁﹗不過，到十點幾開始多人，我地都好識趣咁埋單讓位俾人0既﹗叫左碗芝麻糊加湯圓($18)，有三粒湯圓，幾抵﹗D芝麻餡好香，好好味，加埋D芝麻糊真係一流﹗