妹仔記燕窩甜品專門店 (已結業)

去完永安便想找一找個地方食甜品.見食來食去都係佳佳,所以便走過對面試一試妹記.店員十分熱情地示意我們先入去坐才決定食咩啦.甘我一心想食燉奶食品. 所以我好快就搵到姜汁燉奶而友人則叫燉旦.我的燉奶很快便被送上. 我一食...無奶味亦無姜味. 最重要係表面係微暖, 中間是冰凍我馬上問店員為何是凍及為何沒有姜味的, 他說甘同你整熱得啦?! 我再說我要的是熱姜汁燉奶, 而唔係燉奶WOR. 店員只說整返熱就得 我便堅持不收貨.店員說甘你叫其他野啦. 甘我便以為選最安全的杏仁茶便無事啦.點知, 杏仁茶係一碗杰身到同杏仁糕一樣. 而最要命的是, 又係微暖... 感覺十分嘔心.見朋友的燉旦食了一口便沒有再食之後, 我們決定付款就走.走後我完全感受到甚麼是"舌尖上的浪費"廚師是要用心利用珍貴的食物去做出美食給客人.而食物是應該受到合適的處理才上台可惜以上的兩點都沒有做到而我跟友人只好失望地離去事隔數天, 嘔心的感覺仍在....所以不得不把事情呈上

今日下午約了我的保險朋友在佐敦見面，傾下我蝕緊50%的強積金可以點做，原本我提議去Starbucks, 但佢話佢公司樓下有間甜品店的下午茶幾好，又坐得舒服，叫妹仔記燕窩。在永安百貨隔里。我當時心想：在他公司下面，如過佢要我立即簽什麼東東咪好近佢！哈哈 去到附近，已經見到雞啦禁大個招牌及落地玻璃的店。日光日白30幾度熱到傻左，同朋友入到去，好彩有卡位。問侍應有什麼好食，有個（應該是老闆）的男人過來，極有禮貌問我們有幾肚餓先，我話食了lunch啦，淨想食小小野，佢好有心機介紹了幾款下午茶套餐，然後我就叫了其中一個特惠套餐。朋友就叫了杯西瓜汁。個餐HKD34, 包4樣野：1）白菜豬肉餃 ／ 瑞士雞翼 ／ 多士 ＋ 一杯飲品 （可算西瓜汁 或 羅漢果茶）首先來了份多士，我要了羅漢果茶，個羅漢果茶夠濃有香味，吾似一般的食店為了慳皮會溝到好稀。仲有小小似我之前去台灣高雄的那間茶店一樣味， 我問那個疑似老闆招呼我們的，是什麼牌子，好想買番屋企飲，佢好友善話是秘方。那我當然沒有再死縴爛打下去啦 之後來了瑞士雞翼，有3大隻，問心，我覺得好得！！ 如果太平館的瑞士雞翼餐要HKD140 （8隻），甘佢呢度

晚上和朋友過海去銅鑼灣食辣蟹. 食完辣蟹後, 口又乾又渴, 突然好想食凍野. 但十一點幾, 銅鑼灣附近唔知邊度有得吃甜品, 所以還是诀定揸番車出佐敦揾甜品食. 在佐敦兜了幾個圈, 看見這間甜品屋裝修得很特别, 裡面的枱椅很有古色古香的味道. 於是便入去試一試. 這碗雜果涼粉似芒果涼粉多d, 雜果只有, 火龍果, 西瓜和一件奇異果. 芒果雖然切得大大件, 但有點酸.這碟榴槤香味撲鼻, 薄薄一層的綠色班戟皮包住榴槤蓉, cream 又不會過多. 所以咬落口淡淡榴槤質感而不會被cream 遮蓋. 食落香口, 不錯.紅豆夠沙, 有小小陳皮味. 但百合和蓮子不多. 而且有點稀. 但味道OK, 不太甜.

4月18日同同事食完晚飯話要食糖水,我地就周圍搵下,搵到呢間,入去發現原來係食燕窩為主架喎,不過我地都係叫番普通糖水,西米露,涼粉呢d,有一個同事叫左榴槤pancake,話個皮好綠,入面d榴槤佢話好ok,但我覺得真的好大味,因我唔食榴槤的,所以好臭!!我叫左雜果涼粉,都好大碗的,味道幾好,都夠凍同埋多款生果,有芒果肉及汁,西瓜粒及哈蜜瓜粒,火龍果,奇異果,芒果都甜呀,西瓜及哈蜜硬左少少,但都甜的.其他同事分別叫左芒果西米露,燕窩芒果盅,薑汁撞奶,木瓜海底椰,榴槤pancake. 講下燕窩芒果盅,係半雙芒果切左個核出嚟,跟住放d涼粉及燕窩入去,下面有一些西瓜及哈蜜瓜粒的.同事話味道都幾好,同埋好特別,不過其實燕窩係冇咩味的,但都好欣賞的呀! 其他人的大多都係覺得唔差的

晚上11:30, 附近食肆比較靜, 唯獨甜品店勁多人。芒果布甸: 唔甜、有芒果甜味, 但布甸無乜特別, 還覺得有粉唔均勻 。芒菓涼粉: 芒果有甜味, 涼粉得個硬。兩款食品食後無乜難忘回憶。

好多滋潤糖水啊~為陣間既串燒之旅打定個底先=)因為兩個人都未食晏但去都ymt都已經5點幾於是誤打誤撞黎左呢度食下teatea set食完先記得未影相 哈叫左瑞士雞翼(3隻)+鮮蝦雲吞(3-4粒)+西瓜汁(~$28)瑞士雞翼好難整得唔好食既..唯一不足就係雞翼太奀 無乜得黎食鮮蝦雲吞個湯好似雞湯咁好香D雲吞有金魚尾架~蝦肉都好新鮮西瓜未當造 飲落有糖水味 哈燕窩蛋撻($8)燕窩同蛋漿都唔會太甜好好味！酥皮is so酥！

第一次寫食評，就係批評! 我都唔想，但真係很不滿... 話說今日下午和太太去食個TEA，見到間野門面幾好，於是走入去啦! 點之...服務：超差，佢地有個水餃下午茶餐，係賣 $15 4粒 + 一杯飲品。張餐單後面就有個水餃餐賣 $32 8粒 + 一杯飲品。我眼大睇唔到，叫左個 $32 的貴餐，餐來的時候我才發覺。用很禮貌的方式詢問可否更改，之後那位服務員很不禮貌地指不可換，又用了一些很不合理的理由解釋，最後我們不想和他們吵架，便不追究。食物：超差!! 水餃是「灣仔皇后」，番薯糖水無味，例湯仲衰過味精湯，柚子茶無味...總結：服務差+ 食物無質素! $44 賣斷了他們的名聲，小弟無下次啦!

6-1-2011以前喺呢頭返學, lunch 久唔久就會幫襯呢度, 因為同學 M 當時好鍾意呢度的煲仔飯, 不過自己對呢度印象就一般... 是日食完拉麵 (http://www.openrice.com/restaurant/commentdetail.htm?commentid=2142147) 想整碗熱辣辣糖水, 唔想 mou 街 (http://www.openrice.com/restaurant/commentdetail.htm?commentid=1869022) 又唔想同人迫 (http://www.openrice.com/restaurant/commentdetail.htm?commentid=1856858), 嚟到 10 年無嚟的妹仔記.叫了一盅杞子圓肉紅棗燉燕窩 ($38),「湯底」幾有紅棗味, 唔算甜, 不過亦唔多夠甜, 所以唔算十分香;「圓肉」不論質地及味道都似足新鮮龍眼 而燕窩就 as expected 碎濕濕, 不過份量都比預期多了, 30 幾蚊你想點?環境真係 10 年如一日, 不過招呼又好似比以前友善 -- 還是當年我哋班嘩鬼太煩擾? 放低

這天在附近的「八王子」吃過晚麵後，意猶未盡，想再來一個甜品。在「松記」與這店之中，終於揀了這間沒有幫襯過的甜品店。這間「妹仔記」自稱是燕窩甜品專門店，既然來到，當然要試試它的燕窩甜品啦！不過特級「冰糖燉燕窩」和「椰汁燉燕窩」實在太貴了，要賣$128一盅，唯有退而求其次，要了一個「杏汁燉燕窩」（$38），老婆仔就沒有我那麼奢侈，只是要了一碗「蕃薯糖水」（$12）。後來我們見這裡的「燕窩蛋撻」只售$8一個，不是太貴，於是也叫來一個試試。「燕窩蛋撻」先來，令自己大失所望，蛋撻不熱，蛋沒蛋香，蛋撻皮也不夠鬆化，唯一的賣點--------那些細碎地舖在蛋撻上的燕碎當然也沒甚味道。算了吧！「燕窩蛋撻」只不過是噱頭而已，試過便算，希望其他真正的甜品較有水準吧！「蕃薯糖水」隨後來到，這甜湯正正常常的，蕃薯下得不少，甜甜的糖水薑味也足，可以保暖驅寒，及格。最後來的是最貴的「杏汁燉燕窩」。這甜品的杏味甚濃，喝來甜度也見恰可，盅裡那些細碎的燕窩是否能夠養顏我就雖然不知道，不過喝罷這滋潤的甜品，我卻知道身體倒是溫暖了不少呢！雖然這裡的「燕窩蛋撻」水準欠佳，幸好其他的甜品水準還算可以，總算可以瀰補「燕窩蛋撻」的

沒有吃午飯,所以吃下午茶醫肚叫了一碗湯丸和特惠套餐 A，(四粒鮮蝦雲吞 、三隻瑞士雞翼 和一片牛油多士，連一杯奶茶)1. 湯丸是急凍貨,非常難吃2.雲吞一般,雞翼可以,多士是凍的,奶茶又「鞋」又無茶香應該無下次了

雖然英雄宴後好飽, 家人想試呢間甜品鋪, 唔使等位, 6個人坐低5個人叫嘢食我自己叫咗木瓜蓮子燉海底椰---料唔算多, 幸好不太甜, 幾潤另叫燕窩蛋撻比小肥髀, 燕窩不多, 我無食, 但見個撻皮幾脆芝麻糊, 燉奶, 楊枝甘露, 係家人叫, 食完話好味環境中式木枱椅, 乾淨企理, 難得連廁所都乾淨香港好多食店味道好, 但個廁所........見到都無晒胃口

緣起下午兩時，在廟街美都餐室附近遇劫──被兩名身穿校服的小女孩「攔途截劫」：「小姐，買袋『耆樂餅』吖！」兩女猶如左右門神，擋住了我的去路，「吓？」我脫下耳機，不明所以，直至看到對方手上的旗袋和「耆樂餅」。「耆樂餅義賣，幫助老人家㗎！」一人語畢，另一人緊接著說：「每袋有三塊曲奇，奇華贊助㗎……」「俾我睇吓先啦，」問明了價錢，我要求驗「貨」：裡面果然是奇華餅家一包三塊裝的香片茶薄片。考慮了大概三秒，我答應了：「好啦，我要一袋啦！」「多謝哂。」女孩們露出燦爛笑容。我打開錢包，只見裡面有五百、一百和五十元紙鈔，偏偏沒有二十；再數零錢，十三元八毛，也不夠。「唔好意思，啱啱冇二十蚊散紙……」一人眼尖，瞥到那張五十元紙鈔，馬上道：「小姐，買多袋啦！好心有好報，幫助老人家呀……」就是那句加強語氣的「幫助老人家呀」，我無法開口說「不」……「賣完啦！多謝你呀小姐，拜拜。」到底小女孩真正高興的，是幫助了老人家，還是站了好幾個小時終於「下班」了呢？望著她們蹦蹦跳著離去的背影，憶起少年時代同樣站在街頭的我，無私地，為著陌生人以一百元買「旗」而快樂老半天……然而那個「我」，今天到哪兒去了？在二德惠 (註：一家烘焙

平時食完飯成日經過, 不過從未幫襯過, 今夜食完飯專登留肚去食, 點知好失望.........好朋友叫左杏仁露芝麻糊兩溝, 我就叫左楊枝甘露.....個楊枝甘露凍到飛起, 無咩西柚肉, 但西米勁多, 似芒果西米露多d, d芒果肉又堅酸, 我好似獻世咁食極都食唔晒碗野, 好朋友見狀都叫我唔好夾梗食. 雖然呢碗咁既野成$22個大洋, but 真係難食到食唔晒一定無下次 !!

首先,去到等左成45mins,所有野先上齊第二,等咁耐既同時,要知道西米糕係預先整定,但都久久不來,多次催促亦都冇用,服務質素好差第三,d野遲上都算,但碗杏仁露竟然有蟻(如下圖所見),食完都成肚火最後,因為果日附近既著名糖水店都好多人,迫於無奈之下先光顧貴店,奉勸各位唔好挑戰自己既腸胃同eq去光顧

經過見佢既糖水唔係好貴,就買一碗杏仁糊返屋企孝敬阿媽~係門口已經有個阿姐sale緊邊d好食~入到去叫外賣先發現呢到既裝潢好華麗,完全唔似一間糖水店,前身似係婚紗舖多d不過鬼影都冇隻囉!得我一個賣外賣咋,心諗裝潢得幾靚都冇用,拍烏蠅,水電都蝕埋呀!而且個段時間仲係食糖水既黃金時間,咁都冇人就真係死得啦~講左耐都未有外賣攞得呀~足足係門口等左10分鐘!唔知既話我真係以為佢地係入面磨緊杏仁去煲呀!客都冇個都要咁鬼耐?!但值得一讚既係,佢地係用環保膠兜,而唔係用發泡膠!都幾熱下~可惜返到屋企食個陣變得微暖同變成一舊舊,不再係液體了~但杏仁味唔夠香,唔係好甜!可能即食好d掛?!