好燒味 (已結業)

大家好呀新嘅一年恭祝大家百毒不侵食得是福！雖然今年市面上新年氣息唔係好重，而且我自己都要返工冇得出去拜年，不過都要買個好啲嘅飯盒你自己過返個節日氣氛！呢間店舖成日返工都會經過，Lunch time時段仲好多人，見佢嘅裝修風格開頭以為買西餐，行緊去先知道原來係買燒味，仲主打冇落添加劑，冇加味精添，咁當然就要去試吓啦！本身我叫咗一個燒腩仔叉燒飯，但係發現原來佢有萬煮叉燒，聽落去好得意咁所以都特登加錢去試吓。燒腩仔食落口咸香感重，完全冇豬肉嘅騷味，而且因為我過咗一段時間先至食，不過佢嘅外皮都仲係脆卜卜，配白飯真係好好食。慢煮叉燒每一塊都軟淋淋，佢選用左半肥瘦嘅豬肉，所以入口唔會乾之餘亦都比較健康，佢嘅味道偏向香甜，配合返鹹香嘅燒腩仔絕對可以平衡返你嘅味覺。我自己覺得整體來講都不錯吃，店舖除咗燒味飯之外另外都有肉燥飯，大家如果經過嘅話都可以試吓 ！

又嚟到中環揾晏艱難系列，間間餐廳都要排隊，唯有又係買外賣。今日想對自己好d, 唔想行咁遠，就係咁係公司樓下買外賣。唔知係咪好多人都work from home, 今日居然唔使排隊，直接俾錢，仲要好快就有得攞。價錢嚟講，係中環方便價，$54蚊一個燒味雙拼飯，叉燒配油雞。叉燒係淋嘅，不過嗰雞就主要係皮同骨，應該係位置關係，d肉唔鞋，ok. 另外一個係淨肉（例），蔥油雞鴨肉，啱晒唔食飯嘅人。由於加咗蔥油，再加上全部係肉絲，食得好爽，好食啊！！呢個要59蚊。

今次試左呢間主打慢煮叉燒、無添加味精嘅燒味飯～原本想買慢煮叉燒+燒腩仔🐖雙拼飯🍚，點知燒腩仔已經賣晒🥲，所以最後買左慢煮叉燒+去骨貴妃雞🐥。慢煮叉燒+去骨貴妃雞雙拼飯（$72）打開飯盒見到慢煮叉燒賣相有啲燶，以為會好硬，食落竟然意想不到地好腍😳，加埋叉燒上面嘅蜜汁，都幾好食😋；去骨貴妃雞就一般般，冇咩驚喜😐；西蘭花配菜值得一讚，唔會太硬，食返少少蔬菜有助解膩👍🏻外賣盒用咗tiffany blue嘅顏色。

第一次打評語,太差所以忍唔住....幫襯好耐,加左價$54雙拼,以為質素會好,點知最近買幾次都強差人意,尤其今日個貴妃雞+燒鴨飯....燒鴨肥過我肚腩,仲要骨位,貴妃雞無味加鞋,最重要係唔知落錯咩調味去啲飯度,咸到我食唔落....我估呢間野越嚟越多人BLACKLIST!

有圖有真相呢間平時都多人排隊買外賣，尤其係落雨既時候，但以燒味飯嚟講佢都算賣得幾貴試咗佢個核蛋慢煮叉燒飯，叉燒都算林同埋份量都多，跟左一隻溫泉蛋，但係好可惜佢比咗隻爛雞蛋我好彩我冇手快快剝完就打隻蛋落盒飯到如果唔係lunch 都冇得食！！！Whatsapp問佢地點解決，佢地語音回我話下次嚟可以退返3蚊比我，聽得出係收銀把聲。不過成段對話我完全feel 唔到佢地覺得唔好意思。個3蚊留返比你地，但我就會選擇唔再嚟喇

.There was no good food around for lunch today. Just go downstairs to the company and buy a slow-cooked barbecued pork rice. It’s so delicious. I have eaten it a few times last month. It was a new master. The taste is different. 90 points can see that the master is very careful

👩🏻‍💻有儀式感既星期五，就係中午食餐好☺️公司樓下有間燒味店，而家只需what’s app落單，時間到落去拎返黎食就得，唔洗等真係好方便☺️​🍚雙併燒味飯-叉燒+貴妃雞 $49🌟打開個飯盒陣陣薑蔥香味☺️一般都會用黎點雞肉食，但我個人會用黎撈飯🤤燒味份量適中，飯盒既份量對一般女仔黎講係足夠既😋叉燒色澤均勻，口感鬆軟，重點係肥肉唔多🥰完全滿足到想食肥肉既口感又唔覺得油林林😋貴妃雞咸味🧂剛好，肉質嫩口，無雪藏味☺️✒️小記：​真係幾啱食肉既朋友，但男士食會略嫌唔夠飽；購買過程方便快捷👍🏻但要留意👀平台餐單價錢同店面不同☝🏻

Lunch諗住隨即搵啲野食，今次就去左好燒味買外賣，叫左個叉燒豉油雞飯，再加左$4要杯奶茶。可能因為平日lunch hour大家買飯盒，都幾多人下，但都算快手，落完單大概等5分鐘有得拎。可能聽朋友講話呢間燒味好好食，所以期望有啲高，但食落覺得叉燒有啲乾，個飯唔係好夠汁，雞既肉質係唔錯既，不過運氣唔夠，個位唔太啱我，反而杯奶茶幾滑幾香，整體都係可以既程度，加埋$63都唔算平，下次再試其他款，希望會有驚喜！

今日突然間想食燒味，大少就提議去香港站裏面嗰間好燒味到食。曾幾何時，呢一間燒味快餐店嘅豉油雞飯，同埋核蛋飯，都係賣飛佛。今日叫咗個燒鴨油雞飯，大少本來叫雞胸，但佢哋比咗鴨胸西蘭花核蛋飯。打開盒飯好似好靚咁。但係食落去，越食越唔對路。佢啲燒鴨同油雞只係得皮同骨，冇乜肉食。連唯一少少嘅肉，都又鹹，又老，又鞋口.我全盒飯，都係得一兩啖肉，再加好多姜蓉撈埋先食得晒成盒白飯。今次對住佢哋盒飯，真係越食越失望😞

有時食燒味飯都係得啲大型連鎖店可以買到，附近又冇咩傳統嘅燒味店😣，同事推介下就試吓佢😬。叫咗個雙拼飯（慢煮叉燒拼白切雞），如果依個飯🍚嘅份量來講就少咗啲，但係以燒味來講都算多😌。佢嘅叉燒標榜係慢煮嘅，所以都對佢有少少期望，咁啱佢比我嘅都算係瘦叉燒😦，但係食落口一啲都唔鞋唔硬，仲好入味😬，的確都真係幾好食😋既，有啲出乎意料😮。白切雞就冇咩特別煮法，不過佢都真係煮得幾好食，就算雞胸位一啲都唔乾🤤，仲煮得好軟好淋😲。整體來講，味道的確係幾好食，飯嘅份量少左啲，如果多番幾條菜就會仲好😮

One of my favourite Siu Mei takeaway shop in HK. Although I am trying to cut carbs, I still come to this shop at least twice a month to try their Cha Siu rice. This time I ordered a Cha Siu and Roasted Pork rice, the portion is really generous. Both Cha Siu and pork are well-cooked and all over the rice. The rice tastes good as well with the Cha Siu source. Highly recommend for a takeaway lunch when you feel like a carb day!

之前新年食開年飯阿媽一向都會買燒味做餸，年年都食開同一間，咁今年就同阿媽建議，不如試下其他地方嘅燒味。之前有食過好燒味嘅飯盒，覺得個叉燒好淋，經過慢煮嘅豬肉，真係唔需要太多肥肉去令到叉燒口感唔乾柴。跟返往年嘅做法買咗幾款唔同燒味返去，有豉油雞、燒鴨、叉燒、燒腩呢4款。叉燒經過慢煮，淋身帶有少少咬口，肉質保持濕潤，完全唔韌，阿媽都話好好食。豉油雞普普通通咁啦，唔差但係又講唔到有咩特色。燒鴨唔會太肥，無乜脂肪，肉質紮實唔錯，外皮都燒得幾香，唔錯。燒腩仔係半肥瘦，皮仲keep到好脆，呢個係食燒腩嘅重點，點黃芥辣食可以食多半碗飯。

Went there to grab a takeaway and we had pork char sui and poached chicken, and crispy pork belly and soy chicken. We didn't wait long and it was on a Saturday afternoon!The food was well prepared and not oily at all and the portion were a good size for the price we had paid . My wife do not eat a lot of rice but for once she ate all of it so the quality was to her liking!We would be very happy to go back in the future and choose some other dishes to try; I fancy the lamb char sui next time.

今日Happy Friday，同事話食外賣都要食好D。今日外賣餐廳係「好燒味」，我地之前都食過，佢嘅燒味係整得唔錯，尤其係叉燒，真係好淋，唔會硬到咬唔入嘅。講到明食好D，所以選擇咗六寶飯，真係超級豐富，燒味仲多過白飯。叉燒 - 一向都好食，有肉汁又唔會太肥，繼續保持水準燻蹄 - 處理得幾好，豬肉唔會太韌，加上煙靭嘅外皮，唔錯燒肉 - 呢個真係好食，塊皮脆卜卜，正貴妃雞 - 味道都幾好，雞肉都滑，正正常常，無太大驚喜燒鴨 - 醃得幾入味，肉質嫩，不過如果外皮再燒脆D會仲好味咸蛋 - 無乜特別啦

由於同事係食齋嘅，佢就揀咗素食叉燒飯。我就無食過素叉燒，所以都跟佢一齊試下。我仲加咗一個流心蛋，叉燒味道同熟肉唔同，食落都幾香，口感係Ok嘅。點上蛋汁味道更加好。我地都係外賣攞返公司食，個盒幾得意。用湖水綠紙盒裝嘅。一個飯都係五十幾 ，價錢合理。素食人士都可以選擇嘅燒味飯。地點亦都好易搵，就係地鐵站內。不過我都係鐘意食佢地主打嘅慢煮叉燒多啲，口感味道都更好。睇嚟我都唔啱食齋。同事就覺得味道都可以接受，認為都整得幾香口。