好燒味 (已結業)

今日Happy Friday，同事話食外賣都要食好D。今日外賣餐廳係「好燒味」，我地之前都食過，佢嘅燒味係整得唔錯，尤其係叉燒，真係好淋，唔會硬到咬唔入嘅。講到明食好D，所以選擇咗六寶飯，真係超級豐富，燒味仲多過白飯。叉燒 - 一向都好食，有肉汁又唔會太肥，繼續保持水準燻蹄 - 處理得幾好，豬肉唔會太韌，加上煙靭嘅外皮，唔錯燒肉 - 呢個真係好食，塊皮脆卜卜，正貴妃雞 - 味道都幾好，雞肉都滑，正正常常，無太大驚喜燒鴨 - 醃得幾入味，肉質嫩，不過如果外皮再燒脆D會仲好味咸蛋 - 無乜特別啦