好燒味 (已結業)

阿媽打俾我叫我買D燒味返去屋企，今晚食飯時可以加餸佢話唔想再落街去買，所以就交咗個任務畀我啦平時多數都係喺屋企附近買燒味返屋企加餸諗起地鐵站入面好似有間賣燒味嘅外賣店因為地鐵站有燒味賣較為少有，所以特別有印象就決定試下呢間，都要上網search資料先搵到個正確地點好燒味提供2款叉燒，1款係普通叉燒而另外1款係慢煮叉燒呢度招牌應該係慢煮叉燒所以一於買呢款，睇下同普通有咩分別叉燒質感非常軟腍，應該係先低溫慢煮再燒嘅功勞肉質偏瘦但肉味足夠下次加餸再買普通叉燒，一試有何分別

Quality variable. I found partial insect in my rice! Service staff very rude and very long lines. Be sure to ask for slow cooked char siu bc they will default to the regular version which is very bad. Quite expensive for what they sell. I do not recommend.

喺中環想平靚正望住個海食午餐，大家可以買個外賣去IFC既平台到食！今次就喺香港站買左盒 #核蛋叉燒飯 做午餐 （$51)。唔好睇佢簡簡單單，尼隻核蛋真係好好味架！根本就係整盒叉燒飯既靈魂。🤩 佢火候控制剛剛好，完全唔會過熟。買外賣既時候，隻核蛋係分開，俾你食之前先打佢落去。唔會因為飯既熱力，影響核蛋又白又滑既外表🤤叉燒飯又點能夠無叉燒。好燒味既 #女子燒味 叉燒出名香嫩多汁，絕非普通快餐店質素。叉燒係慢煮厚切，真正半肥瘦。咬落去肥膏部分爽得黎，帶點豬油香。肉既部分唔會一絲絲，十分香嫩，帶點甜甜既蜜糖味。

中環有一家燒味飯盒店由利源西街開店己經有吃，雖然它是比較貴，但是質素不錯的，推介它們的慢煮叉燒，慢煮叉燒真心好吃。每一次我也會雞脾+叉燒飯，再加溫泉蛋，價錢約60-70元，性價比特別高，平常如果買燒味外賣我都會光顧這間店。快捷、好吃、便宜！

呢兩日撞啱1號風球，今日食晏嘅時候傾盆大雨，唯有選擇去地鐵站買個快餐。呢間餐廳，我同大少之前食過，亦都寫咗食評。總括來說價錢大眾化味道亦唔錯。我今次寫呢個食評主要係稱讚佢嘅服務。👍今日落大雨，成個機鐵站都係人，排隊買午餐。每一間鋪頭都係長長嘅蛇餅、呢一間亦唔例外。今日12:40去到，響我前面起碼都有30-40人排緊隊。我心諗，1分鐘出一個餐，起碼都要等30-40分鐘。剛排隊嘅時候我聽到佢哋叫嘅Number係15x號，排到我，我張飛已經係208號。由排隊都攞到飯，我只係需要20分鐘。即係話，短短20分鐘佢哋出咗差不多50個餐。佢哋咁樣嘅速度，簡直值得一讚👍最重要係佢哋食物嘅質素仍然有保證，冇因為快而令水準下降，員工更加冇黑面。👍今日傾盆大雨，我同大少都食到一個味道唔錯嘅貴妃雞飯。

今日晏晝因為公事繁忙，所以決定買外賣返公司食，咁就直接落樓下機鐵中環站到睇下有咩買啦！去到其實機鐵中環站唔少舖頭都淨係做樓上office打工仔生意，咁就揀間多人啲排隊嘅諗住冇咁伏啦。結果排隊用咗4分鐘左右，等拎就等咗6分鐘。叫咗個慢煮叉燒加燒腩仔嘅雙併飯，total 59蚊。佢啲叉燒同燒腩仔都整得好食嘅，但又唔算特別出色，感覺得算中上。但係加埋啲飯真係唔落正評，佢啲飯好多水，可以算係難食。下次都係不了。

每日番工都要諗下lunchtime食咩好，今日行行下就行左去利源東街尋找新選擇，就俾我見到呢間好燒味。望住個menu諗左陣，最後決定叫叉燒燒楠仔飯。燒楠仔個皮好脆，味道啱啱好;但叉燒味道就較普通同比較硬，下次可以考慮下order 慢煮叉燒，唔知味道會唔會好d呢？🤔

雖然係普通嘅燒味雙拼飯，但係有兩點係做得好好嘅：第一份量足夠，叉燒同燒鴨都大大嚿，絕對唔會食完唔飽。第二就係快捷方便，買外賣最緊要就係快，呢間好燒味次次去買出貨都好快，等嘅時間唔會超過5分鐘。所以平時午餐諗唔到食咩，都會嚟呢度買外賣。

一直想同大少食哩一間快餐嘅核蛋叉燒飯。今日大少得閒，食個快餐，終於有機會試lu.我地一人一個核蛋叉燒飯。隻蛋係用腸粉紙分開包。食時先自己打蛋落去d飯到。d飯同叉燒分量都唔少, 連大少都覺得分量ok。我自己喜歡半肥瘦梅頭肉，所以嫌d佢地d叉燒瘦咗小小，硬咗小小。d飯已經有豉油，打埋隻溫泉🥚撈飯，真係👍👍👍。大少覺得d叉燒普普通通啦，好過大家樂，用＄51蚊有叉燒飯+溫泉蛋，都唔錯。不過可能d叉燒多咗d味精，大少同我都味精上腦，返到公司好眼瞓。總括來說，響中環用＄51蚊食個分量同味道都不錯嘅午餐，算係咁。

之前成日經過見到呢間餐廳，都誤以為佢個名係叫"女子燒味"，到後來先知佢都叫"好燒味"。 今次我叫左叉燒+豉油雞髀 （去骨） 加湯 $90，呢個價錢燒味飯黎講唔平，但鬼叫我係中環咩，所以都算係可以接受既價錢。一打開盒飯，第一個反應係叉燒偏黑，但食落係無‘窿’味既，可惜大概因爲佢用慢煮方法，叉燒無傳統燒出黎果種香味，肉質卻唔錯，呢個就真係睇下你自己想食香口d定肉質鬆軟d啦。豉油雞髀 就中規中舉啦，無乜特別，唔會太咸肉質亦算滑，正常野。最後想講一講個湯，出奇地幾好飲，本身無預到燒味鋪個湯會好飲，誰不知係個亮點，呢個值得一試！

呢排係中環番短期job 無意中發現香港mtr站內開咗呢間燒味飯店所以試下 然後我三日內食左兩餐都算係幾好食 價錢係有小小貴既個蔥油不過不失啦 普通味道 不及CWB連和燒味個蔥油好食個人推薦燒腩仔 皮脆有咬口油雞 好滑又夠味燒鴨 皮香口而且冇肉騷味 正

中環返工～$50的外賣選擇唔多早兩星期前平日lunch time去呢度買雙拼的餸嘅份量好少，叉燒有「根」今日星期六，同事買飯，的餸嘅份量起碼多1/3⋯⋯而且的肉肉個樣都靚的（見照片）我諗，想要性價比都係星期六先買呢間如果平日買都係去返附近地鐵站的美心好過

星期六去IFC食飯後，老公在家，諗住買外賣給他，想起有間慢煮义燒飯外賣店在附近，便上網搜尋正確位置，就在機場快線附近，都很方便！好燒味出奇地無人，其他食店有很多人，可能因為外賣關係掛！沒有考慮下點了义燒飯，價錢雖貴了一點，慢煮义燒好少吃，要試試！义燒飯賣相及包裝很吸引，藍色盒，有隻得意的🐖公仔，值回票價！回到家，第一時間給老公品嚐，他話义燒好吃，淋不硬，但飯就煮到比較爛，破壞了整體評分！個人評分服務：C食物：C環境：C抵食：C

這是一問主打外賣店鋪，位於ifc下層, 名字叫核蛋叉燒飯。蛋是一隻比你拿回去自己打爛的，其目的應該算是保持蛋的新鮮。 叉燒是非常瘦同軟熟的，　我走了汁，　味道係好甜又好咸，　喜歡濃味的必會滿足到味蕾，叉燒係非常好的。但個隻核蛋完全不是我所期望的，欠的是重要的溫度，　凍的溫泉蛋如何可以配合出好味的叉燒飯？（順帶一提，　外賣不是蛋凍了的借口，　因為我大快活買過早餐外賣，那隻烚蛋仍充滿溫度）可能溫泉蛋比較難，會怕隻蛋熟掉，　但這間是只得外賣的外賣店，核蛋叉燒飯被標磅為招牌款，應該解決呢個問題，一係飯就熱ｄ。 另外，　小插曲，　收銀員姐好幽默，　我在付款才醒起要走汁，　佢提我下次早ｄ講，　但佢錢都未收，　我是否應問佢拿個電話提前一晚同佢講定？

第一次寫OpenRice comment, 見長長ge人龍，諗住好燒味利源東街都有間幾好食，依家IFC 開左間新，諗住唔會差太遠。點知伏到冇朋友，我order左個叉燒油脾飯，叉燒得4粒(唔係4塊），油雞脾好似營養不良咁，同KFC隻雞脾差不多size, 飯又好硬到好似未煮熟咁，仲要收59蚊，冇野飲跟。compare with 利源東街間舖，人地料同埋d飯都鋪到滿哂，呢間只係得4粒叉燒同瘦雞脾一隻。衰d咁講，40幾蚊食大家樂/ 龍記仲好食過佢