好時沙嗲

營業中

休息中

 The curry burdock is delicious and the beef inside is much better than the potatoes! With a crepe roll to eat, really love can't! Hainan chicken rice cooker chicken fat and tender oil rice topped with soy sauce rice granules distinctly more chewy more fragrant ~ Momo slag scum is the one I liked so much. The coconut milk thick is thick inside the hoe. It may be sweet to eat. But it is cool to eat the burritos!

好時沙嗲係好時中心，人煙稀少，周圍既環境可以用眼不見為淨黎形容😂朋友叫左一個海南雞飯50幾蚊，都有7，8件雞，雞肉夠滑，不過冇雞味🙃炒貴刁50幾蚊，有芽菜 4隻蝦仁 幾條幼到冇得再幼既魷魚絲 仲有好多塊臘腸，確係炒得幾香，同時都相當油，吾算大碟但都食吾晒，因為好多都俾油浸住串燒串燒呎寸超迷你豬牛雞都試左，全部肉都好梅，吾似食緊一塊塊既肉大把小店既串燒都好味過佢成晚最正常就係呢碟炒介蘭食物 環境 吾會再去

餐廳有2間鋪，主打新加坡，東南亞食物。星期六大約7點食晚餐，差唔多滿座，同隔離座距離有d近，聽到哂隔離講緊d咩。叫左排骨茶($66)，黃薑香茅雞($57)，雞牛豬沙嗲半打($51)，椰汁飯($14)。排骨茶用左一大個煲裝，配有油條，藥材湯味濃，幾好飲既。但有d失望，排骨好細件，而且份量唔多，3至4件左右。平時去其他餐廳食既話，仲有個飯配，尼間餐廳就冇。反而黃薑雞有驚喜，黃薑味超重，好驅寒，而且煮得夠稠。仲有好多件雞添，送飯一流，好入味。平食沙嗲，重點係豬牛雞各有2串，雖然細細一串，不過外層燒得幾焦脆，保留到肉汁，而且沙嗲醬汁好濃花生香味，唔錯。椰汁飯好香椰奶味，難得除左有油飯之外，仲食到椰汁飯。整體，雖然有d失望，同想像中既有d出入，但黃薑雞既味道令人一試難忘。

不愉快的經歷，第一次寫食評。好少經過尖東，本來想試中菜，但突然改變主意，食印尼菜，上網查看有間出名的食沙嗲的餐廳就一試。入坐時，好多空位，但侍應唔醒目，係要安排食客坐在一起，兩個食客都要夾在一起的座位，好彩最後同佢講話坐側邊四人枱，闊落啲，因為八點，間餐廳都好多吉位，正常應該安排食客坐得舒服啲。叫左4樣食物：-椰汁珍多冰，有椰汁，但唔足料，第一次見珍多冰咁少料。-巴東牛肉，味道不錯，但牛肉太淋身，口感一般，而且微暖，出菜唔使2分鐘，似預先整定之後叮熱。-炒貴叼，味道不錯但太油膩，食完個胃唔舒服。-串燒沙嗲，雞同牛，好細串，無肉味，食落唔係一片牛肉，似攪碎的牛肉。-蝦麵， 味道還好。.....食到半路， 個胃頂唔順，可能啲嘢唔新鮮。最後食完嘔，同瀉，我覺得係食物唔多新鮮。。。

午市去食，上菜速度非常快，叫完5分鐘到就食得😂😂都唔知係未好事#叻沙 $51湯底椰奶味香濃，而且煮到好杰身🤤唔算好辣，唔食得辣既都可以試，米粉量非常足，每條都索晒啲湯，但配料就有點少😕食晒啲餸都仲有半碗麵剩#星洲炒蘿蔔糕 $60上台時已經覺得唔夠熱，但調味唔算差，都好大碟😝

我幾年前係網上聽到有人講佢就結業而知有呢間餐廳😢， haha, 係。。。。真係有無攪錯， 呢間咁出名食海南雞🐔都唔識。 所以當時我都係有入去排隊食嘅. 餐廳價錢係平民價， 一個海南雞🐔🍚飯都係$55 , 可以以半價加埋飲品， 特飲個d 都可以。👍🏻重開業後， 餐廳擴展了， 多左個鋪位， 易左搵位， 所以我都變左常客， 成曰同朋友黎食其實除左海南雞🐔好食， 我有時都會叫佢🐷肉丸湯粉🍜， 叻沙湯粉🍜食， 佢仲有個星洲炒蘿蔔糕， 係好好食， 但一個人食唔晒o架， 有2~3人 share 食會好d.⭐️⭐️⭐️⭐️

好耐之前食過一次，今次再黎食返，好似都差左唔少😔好時沙爹，沙爹就必食架啦。但啲串燒睇相都feel到有啲乾😔個沙爹汁幾好都無用啦海南雞反而唔錯，都幾滑星洲炒蘿蔔糕同以前一樣份量好足👍🏻而且味道都算keep到

與同事齊齊lunch，上司帶去「好時」話食好味海南雞飯，4人叫左串燒、通菜、一隻海南雞、4碗油飯，口味都很符合，但我最後食唔哂，始終係比較油一點好快就飽左，但整體各食物都很不錯👍🏻

認識好時沙嗲，源於十多年前，同事帶我黎呢間隱世小店，當時一食難忘，自此有機會去尖東附近都會黎食一次，懷緬一番。昨日咁岩去尖東辦啲事，順便黎醫肚。海南雞飯已經冇左當年雞味，雖然依舊滑溜。另一樣就係好店員都唔見哂，而家淨返啲黑口黑面阿姐🤷🏻‍♀️從此去尖東，要搵新地頭去醫肚喇....

放工同朋友去食，發現比預期的，有點失望。兩人叫三款菜，加一份薄餅。雖然比較油，但係比較淡味的，所以我加左少許咖哩，味道濃郁好多但我第一次食貴刁，都覺得唔錯。咖哩牛，唔辣，原本忍住無叫飯，點知見到佢個汁，結果再加一份薄餅配佢咖哩食，給果令到自己食左好鬼多啖呢個，我係最愛食既，好好食，好香，少少辣，夠味叫梨配咖哩食的，很不錯，合拍的主食😂😂咸檸七，椰多。聽人話係好好食，但我反而有少少失望，不過我見好多人去食

食得多放題火鍋烤肉，係時候食下東南亞野平衡下係尖沙咀，好時沙嗲係我首選！首先位置係尖東，當日去果時係係6:30有枱唔洗等直入炒通菜，有鑊氣，我喜愛食辣，有加點辣椒🌶️炒更惹味喇沙最愛，有香濃奶味又惹味必點，辣味不重不食辣的朋友食晒都無難度海南雞飯，雞油飯好香但不太膩，重點讚賞雞肉好嫰滑，配三種不同醬汁，不同新鮮感，一個人食晒無問題排骨茶，足料，濃香，飲完好暖胃醒神排骨亦好入味，排骨中有淋淋的骨髓

好耐無嚟好時食野，對上一次已經是三年前～去睇演唱會，所以專登嚟好時食飯。未夠 7:15 pm 坐低已坐滿人；隔離有枱客6個人，有一人未到，入坐前侍應講明 ‘8點要交枱喎！‘ 個客即刻話： ’衣家7:15 pm 喎，邊食得切呀！’ 侍應無出聲，但一班朋友約齊人梗係照嚟食飯。 出面食飯貴租物價貴，無計 嚟到梗係要叫海南雞飯，落單幾分鐘已上枱，個雞係幾滑既 另外叫左炒菜苗、福建炒麵同半打沙嗲，福建炒麵係濕炒，幾好食。 沙嗲就比之前細左好多，叫一打都食得哂 食物嚟得太快，我地7:50pm 已食完，食物水準仲保持到，但份量明顯少左好多，又要趕住食，暫時都唔會再嚟 ....

經朋友介紹得知呢間餐廳 就同屋企人去試下👪外在裝修稱唔上係好吸引但係乾乾淨淨 而坐位都算可容納好多客人 又唔洗等位😌餐牌有中有英 十分貼心🥰叫左半打串燒 雞牛豬各2 仲有炒貴刁 椰汁咖哩雞配薄餅 炒蘿蔔糕🤤D串燒本身已經好好味再加埋個sauce 真係好夾 又唔硬同咪唔會燒過頭呢個炒貴刁係次次黎都必食 超正 我特別中意佢地自家制既sauce 又唔會食到好濟 唯一係唔夠大碟🥴入面仲有D臘腸 芽菜同蝦😼今次係第一次叫呢個椰汁咖哩雞 好香椰汁味 D雞又入味同煮得唔老🐓不過就係唔辣既 如果食唔到辣既人好啱黎試下 仲有個薄餅係即刻整所以熱辣辣🥰可惜太少汁啊🤔個炒蘿蔔糕嘅醬係好味嘅 大大碟tim😌但係D蘿蔔糕太濕 食起上嚟好濟🤭啲食物都算黎得好快 一定會黎食多幾次💛

去紅館睇演唱會，尖沙咀附近搵間平靚正快餐，見OpenRice「好時沙嗲」好多like, 六點去到已經坐一半人，六點半九成滿，餐廳環境一般，好似好耐歷史，地板有啲滑，要小心，order半打沙爹串燒、炒貴刁、牛根通菜煲、椰汁真多冰、椰漿飯，炒貴叼甜甜地好多料，沙嗲串燒雞同豬細細條，肉好諗，燒得好香，沙嗲醬唔辣，好野味，牛筋好諗好入味，不過太辣，椰漿飯都好香椰汁味，椰汁真多冰，掂呀，可以解辣😂，晚餐$80一個人，抵呀

沙嗲真係一樣好吸引既食物，好大既原因可能係照顧到想試辣又唔食得好辣既人，而且有花生既香味間唔中又甜甜地，真係會忍唔住一串接一串。今次介紹既餐廳都幾出名，位於尖東一個商場入面，但其實都幾隱秘，唔特登搵真係會miss左，今次叫左福建炒麵、蝦羔雜菜沙律同埋豬、牛、雞沙嗲半打。首先黎既係蝦羔雜菜沙律，呢個應該係人生中食過最特別既沙律，因為同一個沙律可以食到幾種味道，包括甜、咸、辣、脆、爽、軟、香，相信好多朋友仔都未必食過咁複雜口感既沙律🤔，因為呢個沙律除左有蝦羔同辣椒做醬，仲有大量花生碎鋪面，配料有韮菜、芽菜、四季豆.....既雜菜之餘，仲有油炸鬼同沙葛，所以一啖食曬既話，都幾特別同新鮮。之後既福建炒麵就好鐘意，用左蝦仁、魷魚、芽菜、冬菇、蛋絲同油麵炒埋一碟，佢係用濕炒既方法，所以食埋唔會好乾，真係會忍唔住一碗接一碗。最後既串燒，就會鐘意🐔>🐮>🐷，肉質方面，雞肉係最嫩，但係另外兩種都唔差，只不過雞肉真係永遠不敗，如果咁多位朋友仔食過一間沙嗲串燒係雞肉最差既，歡迎留言；到最尾當然要講下佢既沙嗲醬，話曬呢間係以沙嗲做主角，佢個沙嗲係可以一點再點，花生味好濃又帶點甜味，配埋啲肉串真