好好甜品

營業中

休息中

前日去大埔搵個客,見末夠鐘早到o左咪搵個地方坐o下等,見到有間甜品舖咪入去整碗食坐住等!見到餐牌上有咩招牌芒果咪叫o左個芒果豆腐撈試下!味道都唔錯,有3粒芒果肉係入面超甜呀!仲有我只係幫診o左$14咋仲坐o左成個鐘都無眼超超真係抵讚,走個陣仲有句"多謝"添!!

好耐無入大埔(大和),原來有咁多野食,吃完晚飯,時間上早,咪搵間糖水鋪吹吹水,老越已見門口有人,咪上前睇睇什麼環境,"好好甜品"ok喎,門口d芒果大大隻,人多當然要等下,一坐低先來一個芒果西米撈,超甜,來不住加多一個,算帳個靚仔仲介紹我地吃榴槤撈野,下次一定試,因已大飽了. ^..^

我最近都有去過食, 我很認同現在真的不同以前, 他們很開心, 個個伙記都笑口常開, 食得很舒服, 味道很好, 又平, 好...好...

我響大埔同太和都住左十幾年,呢間鋪頭我地成班fd都食左好幾年喇,對上果個月食過兩次,發覺D甜品好似係唔同左,無之前咁好食,跟住都無去食喇!不過琴日同班fd玩到夜夜地又未想返屋企住,大家諗住搵個地方吹下水,岩岩經過"好好",咁就算啦,諗住十幾蚊又唔係貴又有個地方吹下水,就入左去食,發覺D人好似真係唔同左咁,不過都無理佢啦。入去坐底就有個o靚仔伙記過黎問我地想食咩,我地話轉頭睇睇先,跟住吹左成兩個幾字水我班fd都未叫野食喎,我心諗..."死啦,呢度出名事頭婆好惡加嘛,坐咁耐都唔叫野食實比人鬧啦",咁我就眼尾望下出面啦,丫,果個o靚仔伙記原來仲企左響隔我地兩三張檯等我地落單喎,又唔會過黎催我地,嘩,比著以前果個事頭婆,鬧左九年啦,食耐D都想趕人走咁o既樣,過多五分鐘我地叫野食喇,呢個o靚仔伙記真係唔錯,我地成班fd個個都無黎正經o既,又問涼粉溝綠豆會唔會肚柯,又問熱紅豆加凍紅豆溫度可唔可以keep住響37.2度咁,佢都無發難渣喎,仲同我地一齊講笑玩埋一份,抵讚!!野食方面大概要等三四分鐘左右啦,唔算太耐,我叫左個芒果忌廉紫米"no",我黎呢間野都係食呢個o既,食左幾啖,發覺好味過之前果兩次黎

超差!!!我o個日去,等左勁耐都無人同我落單,諗住糖水店都好casual家者,咪行去叫佢地唔該落單. 點知o個個好似老闆的肥男人,好大sing咁shout, 叫我坐返低,佢地得閒自然會過離,叫我咪行黎行去!!下?!?!我地俾錢食野,已經等你等左咁耐,仲要俾人?!?!佢以為得佢一間糖水店?!d野又唔係好食,勁普通!!以後都唔會再去!!!

一排無去到食糖水..去到見到平時既豉頭婆唔見左...換左大班後生仔...但多左人係咪手腳快左呢??錯........人手多左起碼3倍但做野竟然慢過以前d態度做鬼咁不知所謂大大聲叫d客行開d..叫碗芒果西米撈夠膽死要等成個字以前d人勁快手...而家無囉....d糖水比起以前真係差左好多我諗食開既熟客係會知架一路拉客同時又一路趕客...多多生意都唔夠做啦

我響星期四晚，經過此店，見佢門口放左好多芒果，以為好嘢...就買左兩個碗...點知...我叫左一個芒果紅豆忌廉撈、一個榴槤椰果撈，返到屋企打開，紅豆變左西米...都算...成碗嘢只有三粒芒果...碗嘢都唔知撈咩，除左三粒芒果外碗嘢無芒果味，有小小似食甜味沙冰碗榴槤撈，仲衰，我撈左好耐都唔知d榴槤去左邊，完全無榴槤，齋糖水沙冰撈好耐未食過咁差...

我覺得呢道D野好好食呀,,最出名當然係芒果啦`D芒果好大舊`又甜.真係超好味!!我食過好多次,,不過一直都吾厭`最緊要係平到漏=]超抵食,,不過如果可以大碗小小就好,,有時會吾夠= =

好好__芒果最正!有晚游完水同fd去好好,嗌左個芒果珍珠($15),加左涼粉($2)黎得比較慢,d芒果味又香又濃,珍珠同涼粉份量岩岩好,仲有d好大舊既芒果肉!埋單$17,仲想點?!

獨愛好好的「芒珠」$15芒果味重. 又甜珍珠好咬口, 味道不甜, 但夾埋d 芒果糖水食就岩岩好無論冬天同夏天「芒珠」都係我既最愛^^試過芒西, 西米的感覺怪怪地, 有少少似食冰一試難忘.. 我會寧願dinner 逼男友同我share 都要食呢度既甜品比較唔好既係環境, 好逼, 有時多人到要坐街.. 但有電視睇就開心返^^

昨天6點我們看有開門,去好好甜品吃甜品我吃榴槤甘露$20:見好像楊枝金露,但有榴槤肉,吃得芒果肉有點酸和甜,榴槤肉ok有點唔夠,芒果汁ok,西柚沒味~~我很失望下次我不會幫襯,我諗女老闆唔識做榴槤什麼?我喜愛發記甜品真貨榴槤飄香~~~~

另外，先兩日醫生叫我唔好食生冷o野，冇聽話，訓到半夜就咳到死﹗﹗記得要聽醫生話呀﹗因為我食o左芒果撈﹗因為一個無聊的原因，在大埔一整晚，和細妹找宵夜，見這甜品店都很多人，要試試﹗要了兩個招牌撈，一個香芒忌廉紅豆撈和一個榴槤豆腐花。芒果撈好味，加上忌廉和紅豆口感豐富，又香又滑。但榴槤豆腐花就差很遠了，榴槤太熟，變得苦，加上榴槤味太強，豆腐花完全冇味。下次都係主打芒果好d﹗

我食開芒果西米露(加cream),好味到暈,又夠凍。d 芒果好甜,雖然可能加左糖水...起碼易入口啦。總之我成日去架啦。略嫌地點遠左d。

我鍾意食呢度ge 芒果黑珍珠芒果好甜....(唔知點解可以一年四季都咁甜...)黑珍珠即係珍珠奶珠果d煮得夠煙"un"~ 同埋咬落甜甜地~好味好味!!不過個芒果汁底稍嫌多冰~可能係我氣管頂唔順~ 覺得好似凍得滯....食完會咳....所以次次都叫老闆娘少冰好彩老闆娘都好好人~ 真係幫我少冰~~宜加有好多舖頭都好衰叫佢少冰/少甜...就同我地話ok...點知轉過頭就當冇件事......

是日又要到大埔中心, 因要留肚吃晚飯, 於是又來一客甜品, 對彩虹已失興趣, 惟有走遠點到印象不錯的好好。下午茶時段客人不多, 餐牌內甜品選擇頗多, 額外的餐牌是專攻芒果及榴槤的, 但只有冷凍甜品供應, 老板娘說冬天才有熱的糖水, 於是試了榴槤甘露, 本身用先雪好的楊枝甘露再後加榴槤肉, 榴槤入口香軟且甘, 甜味不會過濃, 食後口裡還留下榴槤的餘香, 喜歡吃榴槤甜味重者可能會覺得這個會有些少苦澀味(甘), 但這品種多吃也不會那麼膩, 再配上楊枝甘露口味也相當合襯, 若楊枝甘露配上新鮮材料是即做的話相信會更加美味可口, 驟眼看似細碗的榴槤甘露, 其實份量也不少, 食後也頗滿足, 下次想吃榴槤甜品的話會再來。