好好甜品

一場黎到大埔，專登去咗間33年嘅老字號 - 好好甜品 芒果大王。試咗佢哋嘅招牌芒果椰汁西米露。一上枱賣相都唔錯，睇落幾吸引。不過一食落去就覺得個芒果汁有啲失色，因為溝咗啲沙冰落去，搞到個味道偏淡，唔係好夠芒果嘅香甜味，有少少失望。再撈多兩撈，發現入面嘅芒果肉份量都唔算多，數埋數埋得三粒，對於我呢個芒果迷嚟講真係有啲唔夠喉。好彩個椰汁味夠出，夠香濃，叫做搭救返少少，整體味道都算可以接受。但講到價錢，呢碗糖水要成四十幾蚊，以咁嘅質素同份量嚟講，真係有啲貴。性價比唔算高，同區其他舖頭可能平少少但足料啲。如果唔係特別為咗個椰汁味，下次都可能未必會再翻叫呢款啦。…查看更多

剛剛游完水，諗住好耐冇食芒果大王-好好甜品，諗住叫個楊枝甘露嚟食（$43），但真心冇比較冇傷害，我成碗嘢都係得三細粒嘅芒果，落咗order 1分鐘都冇就俾咗我啦，碗嘢好多西米，冇咩芒果味嘅汁底，仲要係勁細碗，真係喺對面7-Eleven買個鴻福堂嘅楊枝甘露好過。我諗呢一次係我最後一次俾機會，大埔區都有兩三間開咗新嘅甜品舖，如果你要我俾$40至$50呢個價錢，我會寧願俾佢哋，我知而家市道唔好，餐飲嘅好難做，但係食嘢都講求質素。。…查看更多

大埔人嘅集體回憶，最近一年轉咗手，多咗電子支付，多咗電子化點餐系統同埋二維碼自助點餐，制服同形象唔同咗，餐牌個樣唔同咗，而家個餐牌好睇咗同埋靚咗，食嘅嘢一樣，價錢都係差唔多。嗰度嘅同事比其他糖水舖有服務。餐廳四隻大字芒果大王就係主打食芒果甜品，餐廳將啲新鮮芒果全部放晒喺店面玻璃，要用嘅時候就執入廚房。而家即叫即做港式糖水買少見少，落單之後見廚房即刻製作，芒果同其他生果好甜係新鮮嘅，小丸子西米嗰啲底屬於正常水準，隔籬枱食蛋白燉椰皇好香，不過已經賣晒，下次一定要試吓。…查看更多

「好好甜品」不單止甜品出色，連小食都好有水準！環境舒適，服務亦貼心，一定會再encore😋💡 推介程度：⭐⭐⭐⭐⭐芒果小丸子 $42 餐廳用嘅係鮮芒果，即叫即整。芒果肉夠甜，汁底香甜又冰凍，小丸子煙靭彈牙，口感豐富，非常滿足。蒜香雞翼尖 $28 蒜香雞翼尖煲得非常入味，每一啖都食得出濃郁嘅蒜香。呢個價錢加上呢個品質，真係抵食！…查看更多

#紅豆沙味道正常，豆沙煮得夠綿密，但甜咗少少#糖不甩懷舊甜品，湯圓都煮得煙煙韌韌，配埋香濃嘅花生粉！味道正常，雖然冇咩特別之處，但如果你想搵個地方食傳統糖水，呢度都唔錯！…查看更多

食完豐富嘅晚餐，繼續去太和食個糖水朋友食芒果西米露加忌廉，佢話加忌廉係呢個甜品嘅特色同埋喺呢度獨有，我試咗一啖，選了新鮮，忌廉汽水味果然幾配合我就選擇咗蛋白合桃露，合桃露同埋蛋白都係一樣咁誘惑，一個固體一個液體嘅化學作用都幾特別，呢度糖水唔會太甜，個人覺得味道好適合，值得再嚟！…查看更多

今晚開開心心做冬，打算食下湯丸應下節，超級市場買唔到利川湯丸，所以決定叫外賣，搵左屋企附近既一間甜品舖（好好）叫左4樣甜品，（1）薑汁芋圓丸子豆腐花,完全冇薑味，可以話只係得個甜字，芋圓唔夠熟，口感好差 （2）芋圓丸子紅豆沙，啲芋圓好似未熟咁，口感好差，（3）薑汁芝蔴湯丸，完全冇薑味又係得個甜字之外冇其他味道，貌相超級嘔心好似污水咁灰灰地色，（4）蛋白燉椰皇，有椰味，不過係好奇怪既味道，有啲鹹啲蛋白又唔夠滑。。。想點…查看更多

天氣凍有啲想食個熱嘅甜品， 經過見到呢間入面都基本坐滿人，估計應該唔錯掛， 同埋最緊要個價錢係好ok😂椰香紫米露(好似係23蚊 唔太記得個價錢)基本上入到去落單之後兩分鐘就送到，熱辣辣嘅紫米都煲到淋曬同埋幾香，椰汁表面上好似幾多，但係食落又唔覺得好重， 都ok嘅唔會好漏淨係得過不失，就係一碗係傳統甜品店會食到嘅椰香紫米露其實成日諗如果甜品舖嘅糖水有得走甜就好😂 因為我喺屋企自己煲嘅真係完全唔落糖， 可能年紀大咗真係好怕甜😂…查看更多

我從中學時期開始就成為這家甜品舖的忠實顧客，每次經過都忍不住進去一探究竟。這裡的甜品不僅外觀精美，口感更是讓人驚艷。特別推薦他們的芒果雪糕花冰，這道甜品簡直是夏日的完美解藥。香甜的芒果雪糕搭配細膩的刨冰，口感清新，讓人一口接一口停不下來。上面還點綴著新鮮的芒果塊，讓整體風味更加豐富。每次品嚐都讓我想起那些無憂無慮的學生時光，這裡的甜品不僅是味覺的享受，更承載了美好的回憶。無論是與朋友聚會還是獨自放鬆，這家甜品舖都是我的首選。…查看更多

同朋友慶祝開開心心食完個晚餐之後重遊芒果大王，我叫一個雜果西米露，一食入口蜜瓜完全無甜味，芒果又硬又酸好難食，西瓜無西瓜味，芒果汁底加個花奶，食落都係無咩味道唯一可取係另外加嘅雪糕球。。。未曾試過食甜品難食到一半都未食到就頂唔順極度唔推介！ 而且個合桃露竟然可以好似粉開嘅咁，完全冇辦法食到落去。呢間舖由細食到大，估唔到今時今日搞成咁。 唔知係咪賣咗盤畀其他人，大家千祈唔好當呢間係以往嘅芒果大王禁期待。一行幾個人幾個甜品全部食唔曬，好失望！…查看更多

基本上有記憶之下拍拖嘅時候都冇嚟過呢間好好甜品，反而一次去完足球場那些戲棚活動之後，帶埋小嬰兒都來這間甜品。好多人都話好Hea，其實，啲甜品店除非你實牙實齒好想食芋圓或者好想食湯圓，否則，你本着坐一陣嘅心態入去，好多時候你又$30-$40食一碗嘢，都係10分鐘左右食完，然之後俾人收碟，跟住你又覺得俾人趕走嘅模樣。反而這是好好甜品，因為夜晚唔算好多人，食完佢又唔會趕你走，那就比較美滿。同埋我呢個腐竹白果薏米糖水加芋圓，芋圓份量唔算太多，但是凍的腐竹白果，夠甜香，夠入味，而且甜得來好像比較健康，味道是意料之外咁好。這個芒果的都不錯，芒果雖不多但夠大件:)…查看更多

諗住近近地係屋企附近食糖水點知垃圾到喊 極難食！.4個人叫左4個甜品全部都食剩至少一半或以上.榴連甜品冇榴連味芒果布甸冇芒果味紫米飯一pat野咁望到都想嘔小丸子又係一pat野完全冇咬口🤢🤢🤢🤢🤢🤢🤢🤢🤢🤢🤢🤢🤢🤢.唯一得個西瓜涼粉叫做正常小小但啲味都係淡到喊..大佬西瓜涼粉點樣整到難食阿真心想問.由細幫趁到大冇諗過可以難食到咁樣（文字已經冇辦法再繼續形容建議大家冇咩事寧願去遠小小食…查看更多

今日食咗雪花西米露，根本就係垃圾。完全連甜味都無，連甜飲都唔敢飲一啖，因為一定知飲完再食個垃圾雪花西米露會衰過白烚西米露，係食過咁多間甜品鋪入面最差嘅一間，叫咩無咩，連馬蹄露都無既中式糖水舖，就係好失望。明明細個食過，係真心覺得好食嘅，依家真係差到極點。另外，個啲foodies 真係俾啲良心出嚟，唔係請你食餐飯/收個錢，就要難食都寫到米芝連餐廳咁，其他人信咗你地，但食咗垃圾，係你地自己少咗follower。…查看更多

好好甜品開咗好耐，門口亦有「芒果大王」嘅大字，所以以前成日幫襯芒果嘅甜品。喺大埔廣場食完飯，特登散步過去，打算食楊枝甘露，點知芒果大王無楊枝甘露😥，好奇怪。朋友想食碗豆腐花，又話無，店員話無普通嘅豆腐花。一間中式嘅甜品舖，竟然無普通嘅豆腐花，仲奇怪。最後叫咗紫糯米冰花同埋香芒冰花。講真，味道無特別，無野好形容。而啲冰花就融得好快，快到好快變水，溝埋啲紫糯米嘅椰汁味，好怪。下次都應該唔會再去試啦。…查看更多

今次試咗間店嘅幻彩雪糕丸子盛同雪花芒果椰汁冰，真係一啖窩心，一啖清涼🍨。幻彩雪糕丸子盛，Oreo雪糕上面，攪拌咗滑溜溜嘅芋圓、西米珠同埋一啲涼快快嘅涼粉，甜度啱啱哋，真係得嚟又唔膩口。講到雪花芒果椰汁冰，滿眼嘅開心果綠同芒果黃，感覺好夏天🌞。個冰椰汁香甜中帶點子清爽，碎芒果肉咬落去又新鮮又多汁，痴情到不得了。當然啦，朋友嗰碟黑糖芋圓丸子盛，個黑糖香氣撲鼻，芋頭圓圓滾滾，一啖一個嗜得住口。不過，黑糖味有啲濃，搶咗小小風頭，甜得啲，有少少“過癮”。但係食落去，仲算系好正嘅。下次試其他嘢，有咗呢次嘅好滋味，肯定重返！👍🍮…查看更多