奏鐵板燒日本料理 (已結業)

以本人出街食飯嘅頻率😎 除左同長輩飲茶老地方之外 其實我甚少會番食 但呢間鐵板燒我會列入「常去的」list之內💪🏻先來生蠔 我唔食㗎 另一半超新鮮👍👍👍👍今次我再叫toro 😋😋😋真係冇得輸 真係靚野 食完一片 個口嘅味道😋😋enjoy😚今次試左螢光魷魚 入口爽甜 完全唔「聲」好搞笑 隻味🤔好似牡丹蝦個頭D膏咁甘香我下次會再食🤤🤤🤤呢個粒具 好爽 好脆 好甜 好感動😭訂位時知道大鮑魚做promote $298👏🏻👏🏻👏🏻一定食啦 甘抵 睇住佢地喺塊鐵板上面跳哂舞 我真係覺得佢地好慘但又真係好大隻好好肉 食物其實新鮮 最簡單的煮法已經好正😋😋馬刀貝 加黑松露👍👍👍👍長個我手臂 唔記得邊度 好似係 沙巴大虎蝦初時見到甘大隻 以為瀬野 會"un"但肉夠實淨完全唔un👏🏻👏🏻👏🏻👏🏻雞皮蝦💪🏻😋💪🏻😋如果唔係甘飽 我會encore真係好.....好正呀📣皮脆 甘香堅飽 但另一半話要試的太多今次要試埋羊架 燒得好好 肉腍有彈性件羊架好厚 但唔燶 入面又夠熟嗰位師傅 叻💪🏻仲有呢個 炸魚鱗 我....KO哂講完....堅滿足😋😋😋😋😋

老媽子90大壽，我同大佬、大嫂都諗住食豪D，實行搞大佢！！最後竟然搞咗成44人，真係全部姨媽姑姐總動員出動，作為搞手嘅我，話冇壓力就係呃人，好在上網搵到位於尖東嘅奏鐵板燒，重點係呢個場可以成個廳包晒，一個人(44人)圍住個鐵板爐坐，唔使分幾圍，氣氛好又夠close之餘，連媽咪都讚話咁樣搞生日好新鮮，比起去酒樓更close。因為老媽子鍾意食龍蝦，所以我哋訂枱時已經問定伙計有冇龍蝦？終於佢哋好好，專登為我哋訂咗4隻四斤半嘅大龍蝦，媽咪食得好開心，埋單計數，阿哥話平過往時喺酒樓擺幾圍，重點係大家都覺得喺酒樓擺生日酒有點悶，反而去日本鐵板燒度擺大壽好有新意，而且呢度D伙計個個都好nice，又好笑容，尤其個鐵板燒師傅同客人好有互動，係咁氹我媽咪，搞到佢老人家成晚笑到見牙唔見眼，總括來說，我哋今次好滿意，仲plan梗到我生日時同成班姐妹嚟再擦過！

難得的姐妹聚會當然要食豪啲啦！我們都熱愛食日本菜，所以友人提議食鐵板燒，千揀萬揀最終選擇了尖沙咀的奏鐵板燒日本料理。始終閒日都怕多人，所以我們預先訂定位。嘩，點知有著數原來只要晚餐預先訂位就可以用優惠價$298，食到原價$668一隻的南非野生超級大鮑魚，師傅話可以選擇用鐵板燒或磯煮烹調。難得黎到，梗係試下磯煮鮑魚啦😍我二話不說即刻食左先，一咬下去非常的有彈性，鮮嫩多汁。肉質柔嫩，口感極鮮甜可口。真係好食到不得了。師傅話磯煮鮑魚事先用特制醬汁浸煮，切薄片凍食。佢仲拎原隻磯煮鮑魚俾我們睇，話每隻鮑魚都有半斤重。我和友人已經嘩嘩聲，真係好大隻。不過可惜，兩位只限點一隻😂😂如果唔係一定會再點多隻黎食😍😍😍

不嬲鍾意香口食物，而本人又特別鍾情日本料理，所以上網揾資料，終於俾我揾到呢間奏。鐵板燒日本料理，我同男朋友食咗個風味蟹餐set，盛惠$1388，有牛有魚又有蟹，高級食肆來講，呢D材料賣呢個價錢，絕對接受！一般豬牛羊鐵板燒食得多，所以今次我地食蟹，估唔到係咁鮮，邊個話海鮮一定蒸先好味？聽鐵板師傅講，呢度嘅蟹好味在啲醬汁，用咗多種蔬菜熬製而成，鮮甜到不得了，加上隻蟹本身夠靚，D羔係多到咇晒出嚟，色香味具全。值得一提係呢度嘅牛，先放落鐵板略煎，只落少量黑椒，跟住就將已切塊的牛放在鐵板上嘅爐，用大塊熱嘅岩鹽烘住，由客人自己控制牛肉嘅熟度同鹹度，客人同廚師好有互動，成餐飯驚喜處處、絕無悶塲！

第一次嚟呢間叫奏的鐵板燒料理，印象甚為不錯，而且仲有人唱埋歌，重點是食物真係好有心機，材料食得出係貴價貨，尤其係海鮮，新鮮到好似仲有少少海水味我最鍾意就係個阿拉斯加長腳蟹，有四種食法，我哋揀咗凍食，真係非常鮮甜，乜醬都唔使㸃食原味就最正服務態度都唔錯，整體感覺好正，應該會再幫襯一間食店除咗食物、環境同服務態度，其實氣氛都好重要，最初喺唔知情嘅情況下（去到先知）有兩個人揸住結他嚟我們身邊唱歌，其實都有點奇怪，但佢哋都好識做，睇到我哋個樣OO地，好識相咁同我哋保持距離，我哋先無咁尷尬，團完一首歌，仲問我哋點唔㸃歌，可能係已經適應咗，所以我哋就要咗首Eason ，都ok好聽，感覺幾得意

公司慶功，我即刻提議來這店，事關午餐試過幾次都ok，但就一直未試過喺度食晚飯😍結果無令我失望，食材新鮮，服務態度一流，我望住個Menu真係樣樣都想order，反而鐵板燒師傅叫我哋一邊食一邊加，唔好眼闊肚窄，非常窩心！食物方面，我覺得真係唔錯，重點係啲detail位，如炒蒜片，就真係由一粒粒蒜頭喺嚟面前炒到變成脆卜卜嘅蒜片，正，仲有呢度嘅拖羅，入口即溶，鐵板燒A5和牛都係非常之值得推介

刺身非常新鮮 尤其是toro 冇得頂 入口即溶!! 回甘😋赤貝爽甜 吃得出的新鮮仲要擺得好靚 相機食先唔好意思😉魚子鵝肝蒸旦 👍👍👍好睇又好食 冇諗過鐵板上可以食到咁滑嘟嘟嘅旦 我估時間一定要控制得好好 加埋鵝肝同魚子 食完唔好飲水 歎下口入面香味先呀要😅主角👏🏻👏🏻👏🏻活龍蝦生歐歐拎過來 好活潑下 郁郁貢😆估唔到有甘多肉 好彈牙 超滿足😋😋😋😋飛彈🐂 一定冇得輸啦 牛魔王一家 唔洗講 極速ko💪🏻之後 加左個 鰻魚食材來的時候 我心諗 鰻魚好難整🤔今次真係考驗師傅功夫估唔到 好搞笑 師傅用一塊厚厚的「滿清十大酷刑」壓壓壓最後變成一塊 厚厚超脆 完全唔會諗到鰻魚可以變成甘嘅質感 好得意👍👍👍喺你食到超飽 以為鰻魚會好漏嘅時候實在係一個驚喜😋😋😋😋最後食埋炒雜菜 龍蝦粥😊好滿足

唔知係咪成班朋友都年紀大了，大家都好像不再喜愛夜蒲，但再忙都好，朋友係要見嘅，雖然約齊人食飯嘅過程的確令人十分沮喪，但當見到成班朋友圍埋一齊、嘈喧巴閉咁……我哋好像集體反老頑童，相信呢個都係令人回春嘅好方法這夜相當熱鬧，雖然餐飯食咗三個幾四粒鐘，但在美酒佳餚下，時間好像「嗖」一聲咁就過，真係快樂不知時日過食物方面，因為鐵板燒都要喺客人面前即時煮理，所以食物好難唔新鮮今晚我咊叫咗一個活龍蝦SET…每人$856，再散叫其他食物，好似黑魚子鵝肝蛋、大海虎蝦等…平均每人一千銀鬆少少，但咁嘅食物質素同環境、SEVICE，我覺得算係物有所值，反正唔係餐餐食又難得成班老友齊人聚餐，我覺得應該食好少少！！

尖東食lunch好像打仗，最近俾我搵到呢間位於尖沙咀中心地下嘅日本料理，坐得舒舒服服又有街景睇下，原本睇裝潢排場以為貴到飛起，望埋個menu…我覺得係抵食，因為講到尾都係睇下自己食d乜？重點係食完嗰種滿足感，絕對同咬完個漢堡包繼續捱世界係兩種景界，雖然阿媽教落慳得就慳，但始終認為辛苦得來志在食，況且又唔係餐餐luch都食嚿幾水，一個月食兩、三餐先算係善待自己，再講，同區求其一間茶記食個快餐加杯凍飲都五十幾啦！都係嗰句，久唔久要對自己好D！！

鐵板燒有三種鐵板燒lunch,至cheap$148, 至貴$25x. 我食$148都🆗，兩隻蝦(大過日本), 一大舊三文🐟肉，一舊🐂肉, 㝝過日本，有抄飯或牛肉抄烏東，麵屎湯一碗，salad bar 和coffee bar 任食任飲。