奏鐵板燒日本料理 (已結業)

尖東食lunch好像打仗，最近俾我搵到呢間位於尖沙咀中心地下嘅日本料理，坐得舒舒服服又有街景睇下，原本睇裝潢排場以為貴到飛起，望埋個menu…我覺得係抵食，因為講到尾都係睇下自己食d乜？重點係食完嗰種滿足感，絕對同咬完個漢堡包繼續捱世界係兩種景界，雖然阿媽教落慳得就慳，但始終認為辛苦得來志在食，況且又唔係餐餐luch都食嚿幾水，一個月食兩、三餐先算係善待自己，再講，同區求其一間茶記食個快餐加杯凍飲都五十幾啦！都係嗰句，久唔久要對自己好D！！