奏鐵板燒日本料理 (已結業)

今天跟家人做冬節日慶祝，就預訂了這家鐵板燒餐廳（做日本料理的）。昏暗的環境，看起來格外有情調跟氣氛（我們都是在＂中場＂落座的），卡位那邊，四個人剛剛好，座位寬敞，也不會擠迫。叫了個聽說是最新推出的＂刺身優惠套餐＂，跟火鍋來試試。刺身後快就上場，看起來也讓人食指大動。三文魚魚肉十分厚身，肉質也是偏軟軟的，口感好，魚油香味也十分濃，水準很高，感覺不錯。然後是它的帆立貝，挺大片的，份量也十足，吃下去有股＂海洋味＂，即是俗稱的＂魚鮮＂味，而且肉質鮮甜，非常好。這家店面積大，裝修格調也是走高級路線的，食物水準也高，值得一試。

由於呢附近番工,通常路過呢頭都會見到呢間日鐵板燒料理GE,其實一直都心旭旭想走過黎試下,但奈何LUNCH得果一粒鍾頭時間,實在係等得到位黎都無時間食野......所以當有FD話出黎食飯,我就即刻同佢地推介左呢間餐廳。最近佢地出左個聖誕節限定既刺身套餐,都係講緊二百幾蚊,但可以食到五款魚生,實在唔貴。吞拿魚腩,三文魚,池魚,帆立貝,牡丹蝦:吞拿魚味超濃,口感軟滑,三文魚除左鮮之外,較甜,帆立貝份量大,咬口好,味道超正!!!其實我地都仲試左唔少野,總體而言,呢間店刺身方面真係做得唔錯GE,而且價錢係高級刺身之中,都算係偏低價,所以算得上係抵食之選啦。

午市好滋味😋😋😋~今日跟同事到了這邊吃飯,試了這家店裡面的的午市特價定食,在星期三套餐裡面,我們兩個人都點了碗黑豚肉烏冬來試,等了十幾分鍾,烏冬到了,烏冬吃下去感覺好"彈牙",感覺有點像手打烏冬那樣,口感非常好,而那個黑豚肉的肉燒的剛剛好,肉質好幼嫩,吃下去多汁,份量也挺多好,整份午市定食來說份量亦都不會太過少,而它的湯汁都很入味,吃一口烏冬,再喝一口湯,真是個非常棒的用餐享受。午市來吃很便宜。

今日公司有同事last day, 所以我地諗住行遠D食好D, 順便同佢慶祝埋聖誕節。咁我地6個人,好在就早左落去,如果唔係遲少少都無位。呢到lunch都好抵食,我叫左個什錦魚生飯, 等左幾個字,香噴噴既魚生飯終於上黎了,d魚生仲要好新鮮,幾大件下,都唔會好薄身!係呢到除左個主食好好食之外,仲有個免費既自助沙律吧送埋,以呢個價錢係尖沙咀呢個地方黎講,真係非常抵食!相信今次之後, 我地都會好快再過黎試下lunch set既第二個餐XP

鐵板燒午餐 🔥 🔥午市套好抵食, 仲有自助沙律吧! 😋 我哋2個人去食, 貪心的我們1人點1款, 諗住試多d😋 我哋都無出聲, 師傅已經自動自覺幫我哋 share 晒所有食物 😂😂😂 A餐 $148🍤大大隻海中蝦, 🐟三文魚, 🐄牛柳/🐔雞扒, 牛肉炒飯或炒烏冬, 炒雜菜, 🍲味增湯! 🍤蝦爽口彈牙, 🐟三文魚有點過熟, 🐄牛柳燒得好好, 軟滑, 有好香嘅蒜片😋 仲有表演睇 😂😂B 餐 $148 🍤基本上係海鮮餐, 大大隻海中蝦, 帆立貝, 日本烏賊, 🌱野菜炒飯或烏冬, 炒雜菜, 🍲味增湯! 好似好少嘢, 但係根本食唔晒! 每樣材料都好鮮味! 唔會燒到過火! 飯炒得好乾身, 粒粒分明! 雜菜亦唔錯, 保留水份之餘唔會水汪汪! 自助3少律吧有菜, 粟米, 菠蘿, 小蕃茄, 紅腰豆...仲有2款醬汁選擇! 並無因為午市平 d 就比 d 差 d 嘅貨, 讚👍! 🌟食鐵板燒一定要坐鐵板枱前, 唔好坐卡位啊!

Came here to celebrate my bday. Arrived, asked to change table and got told off telling us we should have made a request when making the reservation. They could have said it in a nicer way but chose to tell us off. I am never coming back no matter how good the food is.

每次經過呢間餐廳都俾佢個大落地玻璃吸引住開揚得黎又有啲神秘感今晚一於去試下佢既質素餐廳仲有大房更加有私隱度我地叫左鐵板燒套餐師傅都會係面前即場煮先叫左支清酒先食日本野點可以冇酒個餐都幾豐富先有個前菜沙律先 好開胃仲有幾款刺身仲有生蠔果然係好新鮮 黑松露蛋 蛋好滑一開始師傅燒左啲什菌先仲有大蝦 煮得好入味 好彈牙薄燒牛肉好惹味 好有口感仲有個魚湯 好鮮甜 一啲都唔腥炒飯都好足料非常高質既一餐 令人念念不忘店員服務都好好 值得再來

餐廳以鐵板燒為主打，但因為得一個小時食晏，所以大家決定叫set lunch算。哩度午餐一向都好抵食，一百蚊唔駛，仲要有自助前菜沙律吧及餐飲，任食唔嬲，不過選擇較少，但勝在夠新鮮。主菜過得去，沒有太大驚喜。地方夠大，多數不用訂枱也有位

住在這頭，成日經過覺得價錢應是好貴。但看看午餐餐牌，鐵板燒套餐也只是百多元，可享受環境，美食，還有任添的咖啡及沙律吧。今天試試，真的不錯，又可同師傅閒話家常，又有海景看，真是超值的一餐。兩人點了鐵板餐A及B餐各一，主要分別是三文魚扒，及八爪魚。有蝦，帶子，牛柳，炒飯，什菜等。個人認為炒烏冬較遜色，不是彈牙那種。看到有人點了$298的安格斯牛扒餐，都大塊幺5靚，下次要一試。即使不吃鐵板燒，其他定食也很超值，仲可減$20，免加一，絕對是午餐首選。

今日特登由港島去尖東食午飯，貪佢唔係好洗等位。點知唔洗等位，但叫左但貴少少嘅鐵板午市套餐....足足等左一個中先有得食。有一隻大蝦，幾件牛柳，一隻帶子，收298...... 仲要味道好一般啲牛比我想像中失望. 加上等左成個中，個人燥燥地。身邊朋友點左魚生飯就好快到，佢地話幾好食，價錢又平一半...下次都係食番魚生飯，我見啲海膽都好似好新鮮. 雖然份里量唔算好多...但總好過等一個中，唯一安慰就係有自助沙律同檸茶。

好耐之前經過啲間餐廳，好想試但遲遲都去，終於有理由試到啦～賀男朋友生日飯!其實以鐵板燒黎講價錢唔算高，有好幾個餐選擇，例如有龍蝦餐，海鮮餐，和牛餐等等。。今次揀咗龍蝦餐同和牛餐!先黎個魚子鵝肝蒸蛋，蛋除咗夠滑仲吸收咗鵝肝嘅油香，連埋魚子一啖食，魚子一粒一粒係個口入面卜開，口感一流!然后新鮮嘅龍蝦即開即燒，肉質夠彈口!龍蝦頭用黎煲粥，鮮甜美味（不過要加20蚊，但係抵俾）跟住燒帶子，啲個就普通，冇咩特別特出然后和牛，厚燒同薄燒都有，厚燒油份重，熟到剛好唔靭，入口即溶，連炸蒜片食仲香!薄燒連䓤一併燒入口冇咁油膩!最后就係炒飯，其實食完個牛已經好飽，但個飯炒得夠乾身，飯好香，慢慢就成碗食曬!甜品係奶凍，奶味超香濃，少少甜!睇個menu好似好少野咁以為會食唔飽，但真係眼闊肚窄，所以唔洗再追加任何野。。。

公司係餐廳附近，行過來好方便，同事生日慶祝岩岩好，最好提早預訂，因為餐廳好火爆呀！ 6人同行，差唔多坐曬一圍，女廚師👩🏻‍🍳好好笑容咁服務我地～ 大家都叫咗148hkd嘅lunch set，套餐份量好足夠！牛柳粒非常厚身+嫩滑！三文魚扒非常大份！廚師煎得好香口，裡面又juicy！蝦都算Ok大隻，好爽口！搭台嘅有人叫鮑魚，鮑魚非常新鮮，係熱辣辣中掙扎～最後烏冬同蔬菜炒得好好味！ 廚師👩🏻‍🍳好好傾，分享咗自己嘅學廚生涯～一切都非常完美！價錢都好吸引！抵！

由於在尖東返工，所以久不久都會來這間奏料理食晚飯，貪其食物水準穩定及環境舒適，雖然呢度一直都有做午餐，但我就從沒幫襯過，事關lunch得嗰一粒鐘時間，如果食日本料理就真係太趕了，沒想到這裡最近還兼賣埋lunch外賣，而且價錢相當吸引，$45就可以食到高級日本料理，相對起附近的連鎖茶餐廳還要便宜因為這陣子假期多，晚晚都有不同飯局，足足肥咗4磅所以特意lunch食得清淡一點，所以我揀了野菜烏冬，原本想揀拉麵，但聽說烏冬的卡路里較拉麵低，就一於食烏冬啦！結果沒令我失望，因為這道野菜烏冬的湯底很清甜，不是那種很多油的湯，而且野菜好新鮮，重點是由餐廳到我公司需要10分鐘，但烏冬不但沒有「淋」，還很煙韌有咬口下次一定會試埋其他lunch set，因為每星期都有四款Lunch set，仲送埋面鼓湯或飲品，個人認為都幾抵食、值得推介

呢個芝士三文魚飯可以啦，但係飯太過淋，落太多醋，定食配送沙津加湯，沙津栗米加小蕃茄都唔錯，而我叫呢個飯個份量適中，個蛋係甜甜既，唔錯既。。。總體係不過不失的餐。

哥哥生日🎂，做細妹既梗係要帶佢食好野啦。先黎食金蝦芒果卷，芒果極香甜，忍唔住食多2舊。蝦膠大葉天婦羅，即刻炸起，配酒食簡直一流。鐵板西班牙豬柳(師傅推薦)，入口即溶點估到豬肉口感好似牛肉咁嫩滑，好正，的確無介紹錯。美國肉眼薄燒牛 伴葱蒜，我個牛魔王大佬一路食一路讚😂。每一啖一定要連葱蒜食，薄燒牛好嫩而且好香牛味，雞皮蝦，極用心之選❤️燒到脆脆雞皮包住新鮮蝦，雞油滲入蝦內，呢道真係痴線，無論口感定味道都好正，非常推介👍🏻