太郎居酒屋

營業中

休息中

尖沙咀行完街，因為商場餐廳好多人排隊，所以係海港城附近隨便搵有咩餐廳好食，搵到呢間最近，所以踏上去試下！一進入店就見到塌塌米，成個感覺唔似係香港。首先叫左蟹肉蟹壽司開開胃，蟹肉蟹膏好多。火灸北海道珍寶帆立貝壽司帆立貝肥厚，入口啖啖肉！再叫一份大拖羅，拖羅顏色睇落好粉嫩，油脂同肉分佈平均。沒有雪藏味，高質然後再叫食串燒一定要有既：雞軟骨及韮菜。韮菜燒到又香又辣，好滋味，好過癮呀！而香辣松阪豬及荔枝豚肉卷好特別，松阪豬肉質結實，入口口質好彈牙，唔錯唔錯。又食又吹水到咁上下叫左份海膽甜蝦蓉卷，海膽明顯見到係有兩批次，但整體表現可以，輕微甜甜的，最少係沒有苦澀。最後叫多個壽喜燒鍋。店內裝修同設計都好日式，好符合居酒屋，黎食飲真係可以好舒服，可以慢慢食慢慢傾計。我地食左成2粒鐘先走。