太興 (已結業)

今日去咗觀塘食lunch，選擇咗"太興"試。我order咗個咖喱牛腩飯set (include a drink, $38)，好味道，唔太辣又有椰汁味。我好耐冇試過食咁多飯，但係個咖喱汁太好味，D牛腩又好淋，太吸引啦。男友order咗個焗豬扒飯set (include a drink, $42)。上枱時重吱吱聲，十分熱。睇落有好多豬扒，好好味咁。雖然價錢略貴，但我仍會返來幫趁。

剛剛在網上同fd講去邊到食早餐最好食最舒服？我同D fd都覺得太興幾好！我同佢地星期日去太興食早餐10點幾好多人環境幾好幾舒服我地坐左張4人卡位我叫左個餐蛋公仔麵我男友叫左個醬厚多士另外兩個fd就叫火腿通粉...嘩我兩個fd個火腿通粉叫左冇5分鐘就到好快...勁快快過杯飲品不過D通粉佢地話幾好食D湯好正通粉好彈WO ^^: 我叫個餐蛋公仔麵就耐D不過個公仔麵好彈牙唔同其他茶餐廳快餐店個D咁淋個麵重係出前一丁又唔洗加錢我男友個厚多就ok啦不過D花生醬好多花生粒我男友鐘意食花生醬佢梗係話好食啦(我唔鐘意食花生醬.. WO. ^0^...)我地4個都係飲冰鎮凍奶茶杯奶茶都好正因為用冰鎮的關系漫漫飲都唔會淡...大家有時間不坊一試

今日中午去觀塘做野就係果邊食飯1點幾沙嗲王好多人太興都要等不過我一個人不用等哈！入到去招呼都ok坐定睇下食咩又念唔到我見我旁邊果個食焗豬扒飯我就叫焗豬扒飯加凍奶茶！凍奶茶先到因工作關系我很熱我一啖飲左大半杯奶茶咦好滑喎同我之前係將軍澳個間唔同好飲好多等了一陣個焗飯到了！個汁好香芝士味又多料豬扒煎得好香好棯同大家樂大快活個D豬肉乾正好多好多有驚喜！！我下次我一定會來...因為我睇見人地個焗燒肉飯個賣相都好靚下次一定會試下

記得我之前都已經經常去西灣河果間太興，不過觀塘呢間就第一次。前兩日晚飯時間，我同老婆一人叫左一個焗飯，分別係青芥辣燒食同蜂蜜义燒。一個飲凍咖啡，一個飲凍奶茶。呢兩個飯之前都已經食過，不過呢間d味就濃d，不過呢d係口味問題，我個人就比較喜歡淡口少少。呢度個賣相亦都同西灣河唔同，西灣河用方兜焗，呢度就用焗盤。奶茶咖啡緊係要凍飲啦，因為呢度係用冰震既，d咖啡奶茶唔會變淡，但係又保持住凍。見到張相既話，你應該會見到少左杯咖啡，因為成杯咖啡結左冰，叫佢換，未到，哈哈~

今日係禮拜六...咁就同左個fd去左apm行街囉...行到咁上下...我地去食野喇~~apm間間食鋪都好多人..本來想住食味千拉麵...怎知超多人排隊~~咁我地費時排隊...就想住行過去沙嘜王同椰林閣果邊食野喇...怎知又係好多人...跟住我地又費時排隊喇...見到沙嘜王果邊間太興無咩人...姐係呢間野...入到去間餐廳好靚...個餐牌都整得好靚...比我架感覺就好好喇~~我一打開個餐牌....佢就寫左""Fusion式燒味系列哄動面世""...咁我就叫左個葡國鮮椰汁雞飯...拎黎果時碟飯個樣好好睇...我聞到好香...以為好好食喇...怎知我食落去一de都唔好味...得果幾舊雞...最多都係4舊度...仲差過普通酒樓果de燒味飯...又貴喎~~成54蚊~~我唔覺有咩架特別吸引囉~~我個fd想左好久....想唔到食咩...個待應行埋黎問叫左野食未...我個fd未叫...之後個待應就話""不如試下我地好特別架香橙拔蘭地燒鴨飯呀""~~跟住我個fd就叫左喇....佢黎到果時個樣真係幾好....但係我個fd話一de都唔好食...又超貴喎~~兩個飯都有野飲架....de野飲就幾好喇...一早就

同女友二人, 原本想食對面的沙X王的, 但見人龍好長, 同諗到又要撘枱.......見太興無乜人, 我又未試過, 轉軚入左去太興了.....唔使等位, 一入即有位坐, 仲俾左張4人卡位我地添....叫左個燒味雙拼飯(油雞, 乳豬), 咖哩牛腩飯, 兩杯冰鎮奶茶。首先講講個隻拼飯, 比較失望, 因為個飯唔係熱的,只係暖, 燒味都幾好食, 但同出面個d燒味好似差唔多啫~咖哩牛腩飯反而幾好味, 尤其係d薯仔, 好似著條咁喎, 唔錯~兩杯冰鎮奶茶都好味, 好香滑, 而且又唔會因為d冰溶, 令到變淡, 好!服務方面, 真係唔錯, 好有禮貌。環境都唔錯, 唔使迫迫夾夾, 同人一齊坐。

如果唔係懶等對面舖，都唔會食佢。全靚姐班（係，係全「靚姐」班）既service 呢...「唔該要個焗香橙拔蘭地汁焗燒鴨飯。」「唔好意思，個飯無出好耐啦。」「哦...咁要個蜜汁蜜桃焗叉燒飯啦。」「要套餐嗎？」「唔...今日例湯係乜？」「唔好意思，個爐壞o左幾日啦，無例湯。」「...。」不過，個焗飯個賣相無令人失望：上檯o個陣，D 汁仲卜卜、卜卜咁郁，好香。食落...蛋炒飯咪係脆邊既「蛋色」炒飯囉，叉燒即係比生炒排骨仲要大舊既脆邊去骨排骨囉...之類。食後既唯一印象：甜死o左。笑口係俾個蜜汁蜜桃焗叉燒飯既*賣相*，同之前食過既青芥辣忌廉汁焗燒肉飯，同之前食過既粗粒花生醬既外脆內軟多士。

3個人諗住去沙嗲皇食野, 上到去條走廊坐滿人,仲要等廿幾個號碼先到, 肚餓冇計,貪就腳,就去對面太興算了吧, 都有d 懷疑,星期日7點半,隔離排長龍, 佢都可以有半個廳無人, 真係入到去可以隨便坐, 一坐底, 環境真係唔錯, 甚麼都好整齊..睇餐牌, 吓.... 果然有d 野...出名燒名o麻, 嘩, 成50蚊碟燒味飯都真係要見認下..終於叫左八寶飯及星洲米,等呀等等呀等, 禁靜局,燒味飯都要等十分鐘..八寶飯,八款燒味每款1,2舊,d 飯唔熱..笨..食晒碟飯,星洲米先到..都係$38 隻碟好大,星洲米得人地一半份量, 再一個笨......杯奶茶仲淡過自己用茶包沖..唉... 不知所謂, 以後都不會再幫襯, 又貴又唔好食..都有野仲得推介, 佢個餐牌及內容都好花心思.. 如懷舊冰火波羅油...仲要可以有得買, 成惠$100.....洗唔洗禁誇

啱啱食晏去咗太興，由於未去過所以試一試，以為燒味飯應該唔會太貴。坐低睇餐牌先知一個包餐飲既餐都要成40蚊，諗住如果咁貴應該好好食。不過上咗枱之後同大家樂、美心一樣貨仔，所以覺得好貴同唔抵食。下次都唔會再來啦!

擒日去左食Lunch, 唔想食燒味,就叫左個魚香茄子炸菜炆伊面。個面幾好，唔太油，不過一D都唔辣﹐爭D。

荼餐廳格局,味道唔太差,燒味飯成$50,嘩!!!(大字標題"金牌燒肉")咁我就叫來試試,點之叫話冇~~叫左涷茶﹐冰同茶分開,是特色嗎? 佢用冰座涷杯茶,這是可行的(但佢用膠杯~~)如你真係要去呢到食野,記得睇睇佢餐牌寫乜,包你苦笑~~~~佢個餐牌好值錢架.....哈哈哈

唔想在apm同人迫,又想食經濟d的晚餐.沙嗲王,老潮州,南洋麵館都不合心意.見太興裝修特別,乾淨又舒服.就試下.望望餐牌,求求其都要三十幾蚊,其實一d都唔經濟.所以只叫了青芥辣燒肉焗飯,跟老火湯和熱飲.最欣賞佢個湯.大大盅熱辣辣,味精又不覺.焗飯等了十多分鐘.燒肉份量不算小,兩個人吃都算可以,青芥辣撈飯,感覺幾得意,中式食物都有得"供鼻",不過試一次就夠了.一個餐兩人食都好飽了.總括,價錢雖不平,不過不收加一,食物和服務都不錯,又坐得舒服,一試無防.

同一樓層,有四間食肆,只有一間有人排隊,一間食面,一間新o既潮州菜女友話好貴,又唔想排隊,只好去太興....一個餐48蚊!!!!普通野咋喎..... 女友叫個八寶飯,共有八種送,墨魚冇味,而雞,鵝,叉燒,豬利,各兩件,味道一般, 再加一只咸蛋..仲有一碟腐乳通菜,味道唔錯,最後一杯凍檸茶..共51蚊!!!我叫個橙汁焗燒鵝飯,賣相唔錯,不過得7-8件燒鵝, 再加一片橙..味道冇乜驚喜..ok咁喇. 仲有一個老火湯,最鍾意呢個湯,好清,好味. 最後加4蚊要左個咸檸檬七喜(因為凍檸茶都要加3蚊), 呢個餐一共54蚊~~~~其實味道都過得去架... 只係好唔值囉,105蚊埋單,其實真係有好多選擇...如果要食燒味,人地十幾蚊個飯盒o既質素可能仲好過佢.. d送又多.. 而家知道點解人地要排隊,佢仲有大把位.. 一定有其原因..另外.. 個餐牌有一句寫住,如果要一個餐牌留念,可到收銀處買,盛惠100蚊~~~~ 唔係嗎!!! 有寶乎????

晚飯時和太太到AMP一行, 可惜大部份食店已幾近滿座, 要等上一個多小時才有可入座; 退而求其次, 還是到裕民坊碰碰運氣, 最後原來連茶餐廳也要等位, 幸好只等了五分鐘更可入座, 先來了乳豬例牌, 乳豬皮香脆但肉質一般; 再來娃娃菜浸走地雞, 連火爐送上賣相不錯有點吃火鍋的感覺, 湯味香濃但味道有點過重, 雞肉明顯偏咸而娃娃菜亦不新鮮; 再來蜂蜜香桃焗叉燒飯, 味道又是過濃而且叉燒偏瘦而鞋不太討好. 冰鎮奶茶仍然香滑亦是整晚最欣賞的.

本身唔係太鍾意食燒味, 不過見開冇幾耐就試下啦~去到服務員既態度簡直無得頂, 超polite,仲以為去左hotel gum ~呢度用de 雞, 魚好新鮮, 雖然價錢比同區貴de, 但正所謂"一分錢一分貸",真係值得一試!唯一係唔夠多款同貴少少za, all are good~