太興 (已結業)

喜歡去茶餐廳, 有種無拘的感覺, 食物惹味, 太興係我喜歡去的其中之一.姑媽住在觀塘, 每次去探她, 便約她在地鐡附近的太興茶餐廳.太興全是卡位, 有2, 4, 8 人卡位, 不用同人搭枱, 服務可以. 桌上提供一壺熱水可以自由倒. 輕盈辣肉碎扎肉湯米粉是我最愛, 有扎肉, 少辣肉碎,豆, 更有九層塔, 帶來香, 惹味, 有清新的感覺. 份量不大,最合食量不大或正在節食的女士. 奶茶茶走, 鍊奶另上, 甜度自己調教, 茶味濃, 奶份量剛剛好. 一份早餐只$26, 現在好少有三十大元有找的早餐.

出菜慢！連最簡單既燒味飯都要等成差唔多半個鐘先有！伙計勁！一直聽到佢地把聲，但係上菜仲慢！第一次食，出菜同上菜都快第二次食就搞到咁既樣第三次？唔多想俾機會佢對面間野日日排晒隊，呢間就。。。

今日個女趕住考試，是是旦旦係觀塘搵食。見到有太興就入去。可能大廈太舊。感覺好似唔係幾好。叫咗碗五香豬手麵。麵係上海幼麵，煮得不是太淋。豬手有3件，size正常啦！味道一般。再配一杯熱柚子蜜。成為$49

平時都幾鐘意食呢間連鎖燒味店，今日午飯時間出黎食飯，發現原來觀塘都有分店喎要黎觀塘食太興，首先要走過2大排既樓梯，因為呢度好似係冇lift既，佢亦唔係地舖，所以一定要行樓梯上黎入到黎，呢度既間隔全部都係卡位，細至2位，多至8位都有，任君選擇佢地有自助熱水，想飲幾多都得太興燒味食得多，今次我就點佐個咖哩牛腩飯黎試下，噫，幾好味喎，咖啡係馬來西亞咖啡，很杰既感覺，辣度適中，唔會太辣，又唔會冇味，牛腩有半筋半腩，份量亦夠多飲品係我每次去太興必飲既冰鎮咖啡，用冰鎮住，可以飲到原汁原味既咖啡，又可以為夏日消暑，輕輕鬆鬆又一餐

每星期都會去行山, 行山前會出去食早餐. 太興是我喜愛去的一間茶餐廳之一, 其中原因係在我家附近, 二是有我喜歡的輕盈早餐,三是奶茶沖得香滑.輕盈辣肉碎扎肉湯米粉, 有扎肉, 少辣肉碎,豆, 更有九層塔, 帶來香, 惹味, 有Fresh 的感覺. 如要奶茶茶走, 鍊奶另上, 甜度自己調教, 抵食, 最合食量不大的女士.

同親友分手在裕民坊準備坐車路過見到呢度樓下招牌寫著金牌乳豬八十元有四份一隻仲免費升級套餐有飯同飲品上去試試，好失望已經無哂求其叫個小菜乜乜鮑魚雞煲包一個白飯同一杯咖啡先嚟杯咖啡係即磨那種都幾香濃跟著飯同雞煲同一齊送上一放低見成煲野得一粒鮑魚仔不過啲雞全部炸到好乾而且斬到細細件，見到都不知所謂白飯仲細細碗，仲裝到八成碗夾起啲雞件，件件細粒又乾又鞋成煲野完全沒有汁得幾條葱雖然套餐吾使加錢不過七十多元食啲咁嘅野真吾低

住觀塘多年，以前成日都會黎裕民坊，但眼見依家既裕民坊都已經拆得七七八八。重建，搞到好多野都冇得食！依家淨番既都係D零零碎碎既。但時代變遷，你我都冇辦法。以前呢度有好多野食，而依家只係淨番果幾間食肆，今晚我媽話想試下太興既燒乳豬，其實個人不太感興趣，因為覺得太興向來價位較高。去到有個男侍應其實服務唔錯，笑容好，值得一讚但普遍其他既女員工服務好普通。入到黎見到有壺熱水係自助，都幾好，要飲水就自己斟，唔使哂左D水。我媽向來唔係食好多野，所以兩個人，點左兩樣野，而呢度亦都免費升級做套餐優惠，本身要$19，但依家慳番$19，成件事抵哂。講明黎到係試乳豬，有三個SIZE可叫，分別1/4隻，半隻同一隻。兩個人叫1/4已經夠($80)，男侍應告知燒緊隻乳豬，可能要等一陣先有，咁當然冇問題啦！等左唔係好耐，隻乳豬上黎喇！乳豬價錢不嬲都較高，但係$80得八件就。。。可能我食米唔知價啦！哈哈！醬汁就得唔錯，乳豬皮薄脆口，唔算多肥肉，其實都幾細件，所以俾人覺得好似唔太抵食！呢個唔係小菜，所以冇得免費升級做套餐。另外叫左媽媽最愛既魚香茄子煲，有得免費升級做套餐。茄子份量都幾多同大條，但味道過咸，要溝水先得，肉碎

突然想食燒味飯？所以決定去公司附近既太興食個叉燒燒肉飯！燒叉出名肉質鮮嫩，入味，真係可以話入口即溶啊！燒肉肥瘦適中，又唔會過咸！嘆埋個太興招牌熱奶茶！都係60蚊咋！

當晚看完電影，差不多十時，因有現金券，所以選擇了去太興。不知是否太晚，坐下後5分鐘也沒有理會，點餐時，本想要胡椒煮雞，侍應說沒有了，只有得奬菜“紫淮山胡椒雞”，另加老火湯。下單時已問是什麼老火湯，回答是「紅蘿蔔烋豬」，等了十分鐘也未見送湯來，追問也沒回應。結果是與白飯一齊來(餸還要先到)。但來的湯卻是蘋果烋豬骨(應該是)，紅蘿蔔在那裡?而那個紫淮山胡椒雞，除了一個熱字和鹹外，真的想像不到它憑什麼得奬，完全沒有胡椒味。不如直接叫「紫淮山雞」好了。

肥到嘔!!!!!!!!!!!!!!!!!!!!!!!!!!!!! 你睇下D肥膏由頭肥到尾!!!!皮又唔脆...街市D燒肉 is even better!!!! 叉燒~OMG...鞋烚烚...better than 燒肉 la...燒鵝OMG!因大量生產要快而大火燒皮燒到燶哂皮同肉之間嘅肥膏冇燒溶而藏係皮下面食到成口油...環境no good!好大把風煽...勁吹起我條裙麻甩叔叔勁同賤笑service so so都已經order咗又話唔扺要半斤扺好多etc etc etc...while the fan blowing up my dress...最後都係要番之前order... OMG...why so windy? And why tasted so bad?勁唔啱食

觀塘的辦公室終於完成裝修，老闆為此準備了一個小型大食會來慶祝一番。雖然我們人少少，只有十多人，但都跟足傳統，訂了一隻迷你燒豬，切過燒豬，期望事事順利，開工大吉。速遞人員準時送到指定地點，接過迷你豬，發現都幾重，立刻交給男同事接手😛。打開包裝盒，熱呼呼香噴噴的燒豬味湧現。迷你豬頭上插着一朵紅玫瑰，色澤均勻，賣相吸引。吉時到，老闆手起刀落，儀式完成。迷你豬的皮、肉和骨都比較幼細容易切，同事趕緊把燒豬切開，讓大家一起分享。入口豬肉還是暖暖的，外皮鬆脆，肉質嫩滑入味、不出幾十分鐘，整隻迷理乳豬就被消滅。餘下的乳豬頭，有同事帶回家用作煲粥材料，一點也不浪費。

觀塘太興經常係我打躉既地方,是日又到太興食晚飯,在我食過不少既太興,但係間間太興既出品都唔夠呢間太興黎,可能係我食開所以對其他有偏見,不過各位網友去食一次就覺得應該會有與別不同既感覺!!!特別推介:黃金蒜香琵琶王子鴨呢隻入口嫩滑同帶有蒜香味,不需要額外點醬食,每日供應數量有限,所以有意想食既朋友請早到太興用餐。蝦醬或咸魚醬通菜煲呢味小菜係我去太興必食既小菜,上菜時會以大砂煲盛載通菜,到達客人面前先揭開煲蓋,新鮮之餘仲傳來陣陣香味,好有大排檔風味同獲氣,所以各位值得一試!!胡椒魚肚雞煲呢個煲既特色係會以鍋既形式上菜,一路都好似火鍋咁滾住黎食,仲有爐蓋比客人自行決定幾時熄火,好有懷舊烚下烚下既感覺。此外,客人認為唔夠辣可以問員工取一些胡椒粒調味!!太興招牌出埸:冰鎮奶茶顧名思義奶荼同冰係分開,有特色外仲可以KEEP到奶茶既味,唔怕比冰攪到淡咗飲水咁,茶味濃同帶有奶香!!!

太興新世代其實巳迄立於觀塘裕民坊多年了,平日行過都不理會,於是今日試下!紐西蘭牛柳絲瑞士汁濕炒河(味濃、濕身、偏甜)($44)$44一個炒河,絕不便宜,但經太興「炮制」過後,就不可以說貴了!紐西蘭牛柳絲名符其實,肉味濃,不像街市貨色,牛柳較軟,入口鮮嫩!瑞士汁做得較甜,又濃,汁均衡地掛在河粉上,分外滋味!!扎肉肉噪米粉($28)米粉入口偏軟,配上扎肉及肉噪,是不二之選!冰鎮奶茶x2(+$6)天氣熱得過分,於是叫了太興名物-冰鎮奶茶,奶茶香濃得很,有茶記風味,正!當天心情確實不好,但遇上質素如此高的食品,煩惱盡消,8/10分!

屋企有位奶茶精天天溝茶膽弄港式奶茶，說真的我有心機去煲湯但真的無興趣為飲茶而搞半日，但有時候半夜茶癮起也會買定一些罐裝奶茶備用，太興的出品走甜口路線，茶味不濃，勝在滑口，以量產貨來說總算比日本貨午後系列平，座暖喝的話，乳糖敏感者喝一罐仔也接受。

早於十年前第一次光顧太興總店已經覺得味道不錯, 隨著不斷發展, 分店遍佈全港, 可幸質素沒有太多下跌但就是價錢不斷的上升, 午餐放下五十多個大洋享受燒味總覺有點兒奢侈下午茶會是一個下錯的選擇, 同樣的食物便宜十數元從前有一茶餐為雪菜火鴨絲米粉拼火腿庵列曾令小弟痛不欲生, 皆因每次都要跟燒味湯米來個選擇恐懼病發, 左右考慮良久還是決定不了還好現在這度菜已成絕響, 救回我不少煩惱絲是日燒鴨火肉湯瀨, 水準依然燒鴨肥美而不太油膩, 皮脆肉嫩化皮的火肉亦具水準, 略兼肉太瘦, 多點脂肪才夠滿足湯瀨亦合我口味, 白色混濁的湯底, 管他用上多少味精, 配合起淡淡而彈牙的瀨粉, 提升不少味覺享受這一家太興從來是比較清靜的, 但觀塘快將重建, 誓要失去一間避世偷閒之地