太興 (東港城)

營業中

休息中

朋友話太興好正，想去食燒味。以我呢個咁鐘意飲飲食食既人來說，當然冇所謂。今日的平價飯係乳豬紅腸/叉燒紅腸。太興既招牌菜係乳豬，好多人排晒長龍都要去買，所以我都係揀了乳豬紅腸，再加多$3要杯凍檸茶。乳豬確實係好脆，肉又唔怕"韌"，係幾好。可惜只得幾件，而紅腸就很一般，連飲品要$30似乎唔多划算。不過，在眾多的連鎖店來說，這也算是較似樣的一間。

今日黎食早餐, 沙嗲牛肉腸仔米粉.. 米粉好滑, (因通粉轉米粉要加兩元..)沙嗲牛肉少少辣, 又好惹味! 正!奶醬多好脆..不枉我專程黎幫襯~~以茶餐廳黎講, 價錢略嫌貴了點..份量都少了點但d 野又真係好食咯...

今日三個人去呢度食lunch，叫左個XO 醬乾炒牛腩片河（$39），同埋海鮮蛋白炒飯（$39），三個人share 兩碟。先講個XO 醬乾炒牛腩片河，實在係太咸，尤其係D 肉，勁咸。至於個海鮮蛋白炒飯，成碟得果幾粒蝦仔，冇其他海鮮，味道亦都太淡，好似冇味咁。結果我地要兩樣溝埋一齊食，咁先中和返。其實都唔係咁抵食，以一碟飯黎計，都算幾貴，而且仲比其他茶餐廳細碟。而環境裝修唔錯，幾乾淨，卡位都坐得好舒服。或者都會再去過，但會揀食燒味。

星期六,和家人來吃下午茶. (我食) 奶醬厚多士+凍檸茶: 上次食厚多士不大滿意,今次則很有水準,烘得外脆內軟,只略嫌奶醬杰了一點,有澳奶八成水準. 檸茶很大杯,茶味香濃,好!(妹妹食)沙爹牛肉麵+炒蛋+牛油多士+無冰凍奶茶:雖然麵不是一丁,但都ok,沙爹牛肉好好味,不是梳打牛肉,多士一樣咁香脆,炒蛋則是最弱一環. 凍奶茶好滑,只略嫌奶味稍重有點蓋過茶味,也喝過這裏的熱奶茶,反而不及凍奶茶好. 媽咪只叫了一杯蘋果汁,不過不失,但$18就太貴了. 坐得舒服,絶對是下午茶的好地方.

兩個人去tea~炒蛋多士唔錯呀個蛋好滑~我仲叫左個'焗香桃叉燒飯'好咸.........唔好試呀另外~d service好好呀裝修都幾舒服^^

抱病在家,看完醫生後來吃個早餐. 太興出名乾淨企理,這間也不例外,裝修格局完全不似一間茶餐廳(仲有間VIP房),卡位也十分舒適. 叫了火腿通粉、炒蛋多士和熱奶茶,炒蛋很油又沒有味道,不合格,多士是薄薄的但也烘得不錯,通粉則幾好,有火腿絲(不喜歡一片片)和生菜絲,通粉不過淋,湯底說是豬骨湯底,師傳多少都有,不過幾好味. 熱奶茶則有點失望,茶味不夠香,反而無冰凍奶茶會好一點(但還是最喜歡金鳯的).有這樣的裝修和環境,收的當然也不是一般茶餐廳的價錢,早餐和下午茶還好一點,都是廿多元,午餐一般要四十多元,燒味單拼飯要三十七元. 幸好食物質素也相對較好,媽咪就好喜歡這裏的乳豬飯,也算物有所值.