太興 (東港城)

營業中

休息中

太興d野食愈來愈貴，上次淨係叫個下午茶餐都要$40幾蚊。我叫左個磨菇芝士意粉，幫我落單果個係經理黎既應該，因為佢件制服有件背心既。點知黎既時候變左肉醬意粉。我叫另一個waitness幫我換，果個waitness件蚜勁dirty仲要行路好似d出黎red既女仔咁，搖身搖勢咁行，不過佢換完比我都有講句唔好意思話調亂左。之後我mami叫果個米粉就黎左個麵，我又叫人換啦，之後我同mami講有冇攪錯落單果個係個manager黎既，落單落到亂曬，d下屬點算?到我食個磨菇芝士意粉，d汁超甜，好難食。杯阿華田又難飲。依間野淨係話d燒味好正好正..但係其他野就咁..我一定唔會再去。

論食物…唔計D燒味~淨係D餐,炒餸呀,其實真係唔錯,幾好味~反而次次D燒味飯,一係就散哂咁,一係肥到爆,一係就D骨..40幾蚊一個飯,我真係覺得好差囉~至於D阿姐,次次去親,揮左隻手抽搐都冇人理,又求求其其咁,好似唔想應你...收銀個阿姐先離譜(係個40幾歲既阿姐),佢地成日轉人,不過真係要指明話個好白既40幾歲阿姐,我唔知佢係唔係隻耳有問題,次次落野都要講幾次,自己聽錯,仲好勞氣!!不過真係要重申,佢地夜晚叫餸果D,真係唔錯架,真係幾好味~雖則員工態度差,不過都幾經常食~

尋晚同老公兩個人食晚飯, 行到東港城佢竟然提議食太興, 我其實唔咪太想, 因為質數時好時壞,不過既然佢提議去食,咁就再去一次, 以前黎幫襯係要排隊攞飛既,而家咁既時世等都唔洗等,仲要有卡位坐,所以可以一試啦, 坐底左, 張椅有d水, 諗住叫侍應黎搞搞佢,點知無人理,最後自己搞掂, 諗好叫雙拼燒味飯, 直情揮曬手係侍應面前,佢竟然直行, 時運高睇我唔到wo, 已經心諗係咪咁差呀, 最後另外一個阿姐理左我地, 叫乳豬拼燒鵝,佢話賣曬乳豬, 咁我改油雞啦, 等左一陣個餐碟油菜到,嘩水汪汪ga, 拾菜都要隔一隔水先出黎呀, 有半碟水, 我自己隔啦, 過左一陣我碟燒鵝油雞飯到, 油雞得雞亦位加雞尖, 燒鵝得燒鵝皮加肥膏,無肉ga wo , 五舊有三舊都係咁,食左第一舊發現咁, 已經無名火起啦, 收得人五十蚊俾d鵝皮加肥膏就話靚燒鵝,我叫左個阿姐黎,問佢點食呀, 個燒味師傅回覆話成隻都係咁wo, 我真係想走人呀,我未見過成隻燒鵝得肥膏加皮law,你搵隻我睇睇呀唔該, 仲要咁串話係咁wo, 真係唔想lo咁款, 我以後都唔會幫襯呀, 咁都得,呢個時世咁既服務,點收人50蚊呀, 你估自己係鏞記咩,最後俾

週日晚飯, 想多吃點蔬菜. 於是去了太興. 二人點了1)燒肉飯跟餐(中湯和菜心) ($47)2)濃湯魚滑浸娃娃菜 ($56), 另加白飯一碗 ($8)燒肉不錯, 不肥, 皮又脆. 中湯是扁豆冬瓜瘦肉湯, 很好.濃湯魚滑浸娃娃菜裏加入了勝瓜, 娃娃菜略嫌大少.整體食物質素不錯.

晏就買完書同fd去左太興食下野咁喇...一路都覺得太興食品既價錢偏高..旦係因為上幾次黎食既lunch(蜜桃叉燒焗飯)同tea set等味道都唔錯今次就帶住幾個fd黎食喇今次我試呢個 花生醬厚多士對於我係一個花生醬lover黎講,呢個絕對係好味之選食個時真係好好味好正!!旦係食完一陣就覺得好似有點兒濟咁...要提一提大家既係.我覺得單叫呢個平好多囉真係呢個tea set (跟鈣思寶)要成$22 旦係單叫只需$13鈣思寶一盒完全唔值咁多錢 (我都係落左單先留意到T^T)fd就叫左左唔知咩米粉跟多士+炒旦 +凍奶荼個個米粉好味(佢地講)凍奶荼太甜 又失色不少.....今次個炒旦真係完全唔得!! 成口花生油味囉食到仲要係生既花生油味!! 上個幾次食都唔係咁既! 質數好有問題喎

蜜汁香桃焗叉飯($42)跟餐包野飲.蜜汁熱辣好好味,叉燒鬆化夠味好食;數過,,16件叉燒丫!!好食且抵食.

尋日光顧咗下午茶, 叫了一客"美式熱狗". 食物到來真的嚇了一跳. $22 的茶餐不是便宜, 熱狗腸竟然是便宜的"廚師腸"1條, 正常 size 的熱狗飽內, 只得幾條生菜絲. 連蕃茄, 青瓜, 沙律醬都沒有 (伴碟有幾條生菜絲, 一塊蕃茄). 這個"香腸飽" 在外面的面包店, 大約 $6 左右!食物選材卻令人失望, cheap 嘢扮上菜, 結果吃不飽, 要到外再買食物, 感覺被騙! 就算物價高漲也不應如此.

晨旱留留唔想溜進茶餐廳又突然想起網友推介的滑旦, 於是便俾次機會太興咯!如各網友所言, 炒旦真係滑漏到冇得項, 但其它所有野都係麻麻地...通粉冇味, 多士唔熱...唉!

我平時都好少幫襯太興，但因為昨晚9點幾10點都冇乜o野食，所以先同屋企人去，當時都已經無乜人，入到去有個侍應問我o地幾多位，我話3位，佢就咁講一聲隨便坐，咁不如唔好問啦﹗之後見到個餐牌加o左價，太興本身都已經唔係平，而家仲加o左價，更加覺得佢唔抵食，最後都係是旦叫o左個燒鵝飯(單拼$46)同叉雞飯(雙拼$48)，送埋o野飲，不過凍飲要加3蚊，D燒味都ok，我個人覺得D飯就硬o左D，最大問題都係服務態度，我見隔離個男侍應倒潟o野落個客度，走o既時間又無人收錢，叫o左好耐個經理先出o黎，就算有侍應見到都冇幫我叫人收錢，咁o既服務下次都係咪攪喇﹗

前晚同女朋友去坑口行下, 佢話突然想食太興d 咖喱~等左陣就有位喇~ 唔知係咪太忙, d服務態度麻麻地...本來女朋友想食咖喱石斑, 不過佢set dinner有咖喱煎魚, 所以我地就叫左:1. 招牌八寶飯(跟餐有一小碟菜)2. 咖喱煎魚飯(跟餐有一碗餐湯)跟餐兩杯冰鎮奶茶我第一次食招牌八寶飯, 好多料:叉燒, 紅腸, 切雞, 燒腩, 燒鵝, 燻蹄, 魷魚同埋一隻咸蛋擺得幾靚, 而且幾好味~而咖喱煎魚飯就好似無咖喱可斑好食魚柳好散, 而且份量都幾少...呢度d 薯仔幾好食, 不過今次就好似比少左幾舊...不過餐湯ge 羅宋湯就幾好飲, 用料幾足食完飲番杯招牌冰鎮奶茶~ 完滿其實本來無乜野, 但個經理問我地要咩菜ge 時候...我問佢有咩揀, 佢望一望廚房, 我又望一望, 佢就話得生菜, 點知轉頭我就見到有菜心...好求其喎~ 根本就係佢懶得主清楚, 見廚房出緊生菜就話得生菜...

返娘家陪兩位老人家食個飯, 三人吃不多, 所以叫了一個燒腩併叉燒, $70, 我個人認為叉燒太瘦, 燒腩仔一層肥一層瘦, 唔錯, 但我還是喜歡吃雞! 油菜, $13, 先黎錯菜心, 後再補上生菜! 飯及米粉各一, $10, 米粉再追...經理服務唔錯, 但侍應就目無表情...心情唔靚, 三人共$103, 如果各自叫一個燒味飯, $40以上就唔太抵食!

由於前排十分忙碌，沒有時間在家附近品嚐美味的早餐，現趁今早有多餘時間，探探久違了的冰陣奶茶。由於冰陣奶茶的冰是放在杯外，故奶茶能保持原有的味道，沒有被稀釋。而生菜絲火腿通粉，更用上了豬骨淆成的湯底，十分英味。另外，煎旦質感也非常幼滑，比一般市面上某些大型的快餐店的死實感覺為好。早餐都只售$23元正，凍飲也只是加多$3元，也算是物超所值。早餐包括:生菜絲火腿通粉煎旦配牛油多士冰陣奶茶

修到去未坐暖張櫈，又未睇份Menu，ｄ阿姐就行埋黎問要咩？唔好意思，等等先．咁，你地想要ｄ咩啊呀有．．．心諗是但叫都要睇架！ｄ野好食，都俾ｄ咁既服務態度，嚇到無生意喇！鞋口鞋面，無水洗面．

等薑餅人星期六下午上班去食lunch, 等到有位坐下已接近兩點.點了瑞士汁炒牛河和香橙焗燒鵝飯.瑞士汁炒牛河真的唔錯, 河粉炒得條條分明有色.香橙焗燒鵝飯有D怪, 汁酸過頭, 和燒鵝不是太夾, 還是傳統口味好些.我們落單後不過兩分鐘, 已有侍應在每枱轉下午茶menu, 有點不滿侍應為可不在我們落單時提示一下將有tea time set呢.喊臉是給服務上的.

尋日同老公嚟食lunch,等位等咗20分鐘左右,可能附近無咩茶餐廳選擇,自不然呢間變得好旺. 我地order咗一碟叉燒燒肉飯,花生醬厚多士,熱奶茶,冰震奶茶. 碟飯一般啦同熱奶茶一般啦,但厚多士同冰震奶茶真係令我有D驚喜, 好好味! 其實睇返個menu並不是一間茶餐廳,因為價錢可以仲貴過酒樓, 一碟乾炒牛河可以賣成$40幾蚊,仲有d良心就係唔收加一囉! 如果附近仲有其他茶餐廳選擇我唔會揀呢間囉!