太興 (東港城)

營業中

休息中

星期日晚去到東港城行街街見太興門外排哂隊2人攞飛等位，特快5分鐘內入座燒味飯超貴六十幾叫了咖喱牛腩及咖啡臘味炒飯太興過往我覺得係用心煮，無論食材味道及賣相都不俗但今次就失望地享用了咖喱牛腩賣相不討好咖喱味冇牛腩好淋薯仔都好飯量適中可惜咖喱牛腩及白飯係暖，吾係熱，扣哂分另臘味炒糥米飯應該係野味一D都吾野味，仲係凍凍地請見此篇食評後多加改善

星期五晚請朋友吃飯,叫三個餸全部唔得!啫啫蝦乾通菜煲,煲都未熱就攞出黎,又水汪汪,好似用水煮咁;番茄蛋蝦仁,蝦唔新鮮!茄汁豬扒,豬扒炸得過火!要回水呀!係呢間店,我試過幾次吃蒸不同的魚,都腥都死, 證明材料唔新鮮,以後都唔敢叫海鮮類.仲有一次下午叫了一碟福建炒飯,居然用白魚蛋開邊,然後加幾條火腿絲炒,我都係第一次食咁ge福建炒飯!而魚蛋又唔新鮮,總之,水準有問題.

星期日同FD去東港城行街,由於睇過之前既食評,就心想去試下出名.....貴之太興.下午三點幾都仲要等位,不過等左一陣就有位,環境乾淨 服務唔錯 坐低睇睇餐牌 款須唔多但想食既小食/飯麵都有價錢都唔係貴,我點咗個鮑汁雞翼撈麵,味道吾錯,加上一杯柚子茶都係$30,朋友食碟星洲炒米,好香味道正但不夠辣因我們很愛辣......整體唔錯唔錯

放閒日假 夜晚又要參加飲宴 都唔想四圍去..於是搵藉口係屋企陪下媽子 點知人算不如天算 要陪佢去坑口搵個朋友出地鐵後 首要搵地方食野 找到太興 今均第一次在這裡食TEA 原來較平 但少款選擇我ORDER輕盈叉燒飯 居然飯少餸多 不過叉燒偏肥 一般味道..媽子叫西多士 有蛋香 不過入口嫌佢太乾餐茶必選冰鎮奶茶(另加$3) 茶味濃 '勁多奶'夠晒香滑 不過我BUY

Before the mass advertisements and commercials THE used to be an average place for Chinese food serving Chinese roasts.To me, they still fare average despite the amount of TVC’s campaigns featuring how you can go there for breakfast, tea, dinner, anytime, any day theme.Ordered the crunchy roast pork belly in wasabi sauce, which includes soup.Although the food was not impressive, their customer service was really good, there was a fly in the soup and the waitress apologised and exchanged the soup

昨天剛在觀塘太興吃過下午茶，今天午飯時候又再次光顧將軍澳太興。小時候總以認為只有「麻甩佬」才喜歡吃X寶飯，時光荏苒，不知不覺間我已經去到「麻甩佬」的層次。而且，以前不過是四寶、五寶，今時今日，已經升級到八寶的高度！不過太興的八寶飯實在是太出色了！人家的X寶通常只給半邊的咸蛋，這裡的八寶居然還有兩個半邊咸蛋，這才算一寶！而另外七寶是切雞、燒鵝、叉燒、燒肉、燻蹄、墨魚、紅腸，太興的燒味一向水準不俗，這個八寶飯真的一級捧！用料足，味道好！

不是每間太興嘅食物都好味道，水準可以分別好大。 坑口這間很不錯，雖然價錢幾貴，但每到吃飯時候，人潮不斷。 裝修非常時代感，欠缺和階，不太舒服，服務可以。星洲炒米料足夠香夠辣夠惹味，顏色靚又炒得少油，配上一盅老火湯(天天不同)，真係要善待自己。叉燒亦相當出色!

太興集團的變身改革，真係做得唔錯。普通一份早餐，都做出了水準及質素。雞扒味道醃得唔錯，而且厚身肉嫩，雞皮煎得香脆，全片多士都烘得都脆卜卜，再配兩條脆皮腸。奶味極濃的冰鎮奶茶跟餐，毋須多加十元八塊先享用得到。一份早餐睇得出誠意，真係貴少少都值得畀。

放工同個同事一齊食晚飯老火燉湯 = 無味精 OK太興….心中的太興總是馳名的是燒味…無需考慮下….ORDER 咗燒味三併燒鵝 + 乳豬 + 叉燒…份量都 OK味兒….沒落了…已不是心中的燒味之王!!!燒鵝 = 骨的感覺, 沒有什麼肉地乳豬 = 皮是脆但肥肉多,!!!叉燒 =材料一般…蜜桃味可來???!!!但最什的是….. 學人攪創意個同事ORDER 咗芥苿忌廉焗燒肉飯同事話只見綠色的醬汁鋪滿飯面吃第一啖已很攻鼻, 吃第二啖已標眼淚; 好似玩將門人遊戲!!!唔係普通人可接受到!!!!!燒肉 = 嘩…好油…唔係肉同肥膏均勻; 係一面倒肥!!芥苿攻鼻到食唔到…我都只能吃了一口…就放下!!個同事要求更換另一道飯…..又肯喎!!!焗豬扒飯 = OK la 正常味!!

坑口的食店除了飲茶及地點較隔涉的，本人都帶同事一一的去過了，本來是日想吃新開的店子，可惜那店子真的是太多人了，新店就是如此，其實應該說，香港人就是如此，但其實自己本來也想吃的，吃不到那店，唯有轉攻另外的店舖吧，在未有吃過的餐廳之中，選了太興，因為其實其質素確是有保證的，在家附近的那所分店真的吃得太多了，今次也是首次光顧另外的分店，一於又看看如何。同事事先張揚請客，但我們也不會吃了她的車，七個人要了三碟炒粉麵飯、三個小菜及三個白飯，之後每人要了個飲品，其實都真的很夠吃了，其中兩個炒粉麵是跟餐的，兩杯飲品錢可以省一點。先來的是炒粉麵飯，分別點了瑞士汁牛柳絲炒河、薑米菇粒蛋白炒飯及飛魚籽海鮮粒炒飯，先來介紹瑞士汁牛柳絲炒河，河粉透薄剔透，入口細嫩，瑞士汁的味道也很夠，也是那種香甜的甜醬油味，牛柳絲數量很少，且也切得很細條，吃起來有等於無，吃着吃着，不期然拿了它來跟太平館的出品比較，此處醬油的味道還是不夠SWEET，但若不是追求太重味的，此炒河其實一點也不差，也可能是我定的比較對象是太過高了吧。之後吃的是薑米菇粒蛋白炒飯，比起之前的瑞士汁牛柳絲炒河，這一個炒飯就真的清淡得多了，炒飯最重要是有鑊

同事suggest黎太興食lunch，好快有位近期鍾意食叉燒，所以要左個叉燒飯set，飲老火湯（西洋菜涉）。湯唔錯，唔太味精。叉燒一般，肥既都幾肥，咬唔開o個隻。都係再與好食好多同埋抵好多。咖哩牛腩唔錯，咖哩汁夠濃，少辣，佢個薯仔好好味，係薯條既味道！最欣賞個薯仔。呢度勝在坐得舒服，食叉燒飯好少可架嘛。兩個人有四人sofa卡位坐，同埋服務幾好。

P之前睇過食評~~太興比好多人感覺係貴又冇突別~~~但嗰日咁啱同朋友去咗東港城行街~~~咪入去試吓 我叫咗一個輕盈义燒飯+鎮原味凍奶茶合共$24 低食 24蚊既價錢就可以試到太興出名既燒味及奶茶~~good 义燒肥瘦適中 份量又啱啱好~~~朋友叫咗份╴(辣肉碎米粉+太陽旦多士+華田)$24 good~~~仲有埋拍車優惠tim~~~計起上黎真係唔錯 值得一試 環景又舒適又大 我一定會再去

父親節同屋企人嘆下午茶，爸爸鍾意食燒味，所以就黎左太興啦！太興同平時一樣都係咁旺場，我地等左一陣先入到去，仲坐埋卡位望街景，幾舒服。難得連公眾假期都有tea叫，阿爸梗係食佢至愛既叉燒燒腩飯，大大碟，叉燒好香，燒腩個皮仲好脆tim！媽媽就叫瑞士汁炒河，甜甜地，好夠鑊氣；我就黎個超級抵食既tea，廿零蚊包大大碗辣肉碎米線、炒蛋、多士同野飲，個米線好多肉碎，絶不欺場。飲埋個冰鎮奶茶，大家超滿足。食完再同爸爸o係樓下個AV展陪爸爸睇電話，隨便買埋父親節禮物，氹到佢幾開心！

晚飯只係好簡單的食一碟燒肉雞飯, 但... 味道真是不錯的相約友人到將軍澳探朋友的新居, 之前對將軍澳很是陌生, 但當然唔會無聽過太興這個名字, 不過食卻是第一次!終於欣賞到佢個馳名燒肉, 皮真的很脆, 很香, 肉質不錯, 有少量油從肉裡流出, 肥膏的位置有點像筋的質地, 其實講咁多都係嗰句, 好食! 雞肉都唔錯! 這餐飯, 吃的雖然簡單, 但卻十分滋味呢

有云好既又一餐, 唔好又一餐, 想食好啲, 錢唔悭得, 不過一碟炒飯三十幾, 都唔係太離譜今次下午茶到了太興食一碟咸魚雞粒炒飯, 餐茶飲了一杯熱咖啡, 好味的不是個炒飯, 要推介的反而係杯咖啡, 好飲過好多咖啡店, 味道香濃, 有好重咖啡香味, 可能連starbucks都未必做得到!當然, 碟炒飯都唔係差, 雞肉份量幾多, 炒飯夠鑊氣, 收得三十幾蚊, 都唔會亂嚟, 唔係點會廿幾間分店咁犀利