太興 (已搬遷) 新店位置

上兩星期黎過呢度食過一次早餐, 本來師傅就唔係好想黎, 但係因為附近搵唔到邊一間似樣茶餐廳, 所以決定黎呢度食一次!入到去坐底即刻睇下有咩好食啦, 點知睇黎睇去冇咩好食, 勉為其難叫左個餐肉煎蛋公仔麵同埋凍檸茶!等左都大約五分鐘碗餐肉煎蛋公仔麵先到, 又一如以往試下個湯底啦, 噢! 係味精湯底, 仲要係出前一丁隻, 味道幾濃, 一般d; 而餐肉就有兩塊, 餐肉就幾厚身, 又唔係好咸, 幾好咬口, 可以喎; 煎蛋就冇咩特別, 而公仔麵就煮得幾好, 唔會硬但又唔會腍, 更加冇發漲, 可以啦; 凍檸茶就冇咩特別, 一般啦!總括黎講食物質素普普通通, 其他野都係一般, 而價錢偏貴, 廿六蚊個餐, 屬於貴價早餐, 以即食麵早餐黎講絕對唔算抵食, 更加唔值, 下次一定唔會再黎!

今日過海工作去中環,順路去咗太興食飯,燒味係佢哋嘅主打,之前也有試過旺角果間都有一定水準,但偏貴囉! 呢次食((焗猪扒飯)) 個樣都幾好有D芝士焗溶咗,同大x樂果d個様咁上下囉!食落d猪扒ok啦够淋!!唔乾有肉汁不過不失,d汁小小酸可能加咗茄汁都幾醒胃,有D奇怪d汁有冬菇呀!唔知係咪佢哋嘅特色呢?? D原味奶茶可以一試ok嘅!!整體ok!不過貴咗D 囉!!

中環有兩家不俗的燒味店，這是其一。以燒味見稱，吃燒味當然是錯不了的。其他食物嘛，就要碰碰運氣了。套餐連湯，中西各一款，中湯（每天不同）較好，西湯只有羅宋湯，不知為何，總是很油。瑞士汁炒河，偏甜，且頗油，一般。菠蘿咕嚕肉，炸粉很多，很難吃！！還有一些是ok的，但想不起來了，現在已經很少光顧，最近那次是兩個月前。每次經過看看餐牌，菜式還是那些，選擇並不多，光顧的意欲也就不強了。無冰奶茶也出名，聞說不錯，但沒試過。

去太興當然食燒味。要了一碟瘦叉飯，不算太瘦，肉質好實，切得薄薄，一點口感也沒有，連蜜味也欠奉。奶茶缺乏茶香，只得奶味，可能飲出名的“冰鎮”會好些。而同事的燒鵝米，亦不見得好，顏色瘀瘀黑黑的。一碟飯加一杯餐飲要$40，如果好食我會甘心付出這40大元；若是如此水準，最非常唔值，最後大家都認為美心集團的Canteen好食好多。

平時都有食太興D焼味水準平均,今次大膽試食左個<<菠菜白汁龍脷焗意粉>>哈哈!!好食呀!!菠菜切到一粒粒,同白汁混合一起,同原條龍脷魚焗,食晒一碟份量剛剛好!!真係值得一試呀!!茶餐廳有水準之作!值得再食!正!

下午在蓮香樓一次過滿足哂n 個願望（叉燒包、（結實的）蓮蓉包、（軟滑的）燒腩卷、珍肝燒賣、陳皮鴨湯飯…）之後，似乎吃點心的意欲未減。這裡能夠賣這些「懷舊小食」，除了「Q 版/迷你」二字之外，便是「創新」二字。瞥見兩串金錢雞串和鴨腳包串「肆無忌憚」的掛在燒味架上，「心知不妙」：「Q 版金錢雞」用上了沙葛墊底，翻熱過後的感覺仍爽；與其說用上了叉燒，不如說口感如蜜汁肥豬肉（但照計佢無理由特登整一味蜜汁肥豬肉…除非串金錢雞同叉燒是同一時間整吧。「迷你鴨腳包」原本應有的鴨腸鵝腸不見了；取而代之的，是去骨（但未去筋的）鴨掌、蜜汁肥豬肉同鴨胸…除了鴨肉口感和豬肝的味道之外，兩者幾乎一樣。唉，「想食」大過天。

之前食開銅記果間太興唔錯~2個人又唔知食咩好~所以就去呢間食啦入到去得果一兩個客~叫左一個燒味雙拼餐~我就叫左小菜咕嚕肉餐~一個飲冰鎮鴛鴦~另一個叫左冰鎮奶茶雙拼叫左燒鵝油雞~燒鵝半生熟咁~咬落口有血水出~恐怖油雞無鼓油無雞味~咁就要$44~好唔值咕嚕肉ok脆~不過鹹左d~一般貨色~成$44得咁ga水準就差d啦~不過都ok大碟冰鎮鴛鴦~有少少苦澀味冰鎮奶茶~唔滑ga~食物同飲品同銅記比差n倍啦~下次唔會再食...埋單$94

吃番澱粉質的第二天，繼續積極的儲存能源，吃一碟加底的燒臘飯，正頭正路。喜見有原隻燒鵝脾的午餐，就要了這個。原隻鵝脾幾大隻，用手成隻拿來吃，痛快。可惜肉質太實，質地不太好。當然一隻靚左脾，四十幾蚊又真的太便宜了一點。乳豬多肥少廋，又反而不錯。有時吃就要吃好一點的，吃不到心目中的水準，比沒得吃好不了多少。連飲品，埋單48蚊。

好同意之前有人講美心同大家樂都好食過佢要特登搵一間用燒味做招牌又多分店, 就係太興! 最近d廣告好勁, 又幫人買過佢既叉燒打包, 今日親身一試表哥食油雞燻腣飯, 油雞皮厚肉麻麻, 燻腣就幾入味同大塊我就食燒肉叉燒飯, 燒肉雖然係五花, 不過味道普通, 而叉燒都係比較乾, 一般吧...大家樂平均好食過佢好多!奶茶係冰振唔會太凍/太淡, 不過係外賣膠杯唔係咁環保呢!

同事帶我黎呢度食lunch,我就叫左個叉雞飯+凍檸水(套餐),叉燒好腍,切雞就無乜特別,$42都算有少少貴,不過中環食lunch就係咁...無計

早一陣子睇電視見依個集團飲食大奬，於是去試下佢燒味，睇下有乜咁巴閉，但食落都只係覺得不外如是，個別種類尤不及美心同大家樂。我比較深印象係佢晚市有一個八寶飯，差唔多集齊所有燒味種類，但如果有賣晒話就可能停止供應。上個星期朋友食晏提議依間分店，我發覺佢原來午市同晚市同價，感覺上好唔抵，朋友話唔同區個餐牌會唔同，價錢都可能有出入。我食個燒鵝瀨，味道一般，但要俾四十大元我下次寧願去幫襯Canteen。

午飯叫左個「新西蘭牛柳絲炒濕河」。味道帶甜，好似係用瑞士汁炒。牛柳好嫩，有牛肉味又有酒味,醃得幾香。伴碟有幾條菜芯，不過沒有洋蔥和銀芽，個口感變得好油好「立黐黐」，食晒成碟滯到飛起。不過中環食晏，唔可以太多要求了。加埋出名的冰鎮原裝凍奶茶，盛惠$51。

下午本來打算去勝香園,點知排長龍不特止仲要落雨,唯有轉移陣地來左太興叫左一個叉鵝瀨同一份奶油多...點解相冇奶油多? 因為件野本身已經唔熱,所以第一時間就食左... haha 但其實件野除左唔夠熱之外都幾好食,夠脆,又厚, d 牛油同煉奶搽得適中同均勻, 正!!燒味方面,都算係中上水準啦!最難得係佢有好多菜下架, 不過以40蚊連野飲的餐來講, 又唔係特別抵, 我覺得canteen 好似抵d.

其實燒味比人既印象一定係搵笨,當你黑起上黎既時候, 雞骨雞皮一大堆,比人既感覺-- 有冇搞錯呀!次次我都去食叉燒飯+中湯.好味. 叉燒次次有水準,定係我好彩呢? 總之係信心既保證. 比起翠華不論不類的午餐.我會選擇太興.

入到黎就相信中環搵食的確艱難，茶記格局，逼逼夾，食完就趕你走個隻。嘩！晏晝堂食40蚊過外冇得走雞，但係都塞滿人逼到爆！要左個焗飯，好唔好味無謂提咯！反正當入油補充能量o者！好彩唔係中環人！