太興 (已搬遷) 新店位置

於忙碌x1,000 的時間，能把9個飯盒+一個追加（未計飲品例湯）一客不漏（不漏水+ 不漏單）於30 分鐘內送到府上，快靚正。叉鵝飯扣底走色不過不失：雖然有人會認為叉燒切得太薄，但在我而言是「非常好」- 因見識過紙咁薄的叉燒；食落竟有脆位。再加上不用加錢random 中o左半隻鵝脾，仲想點？食得越雜，難免有所比較；反正不是常吃飯盒，偶爾吃一次半次也不錯；好的、壞的，貴的、平的，心情好時吃的、心情壞時吃的...「吃」不單是為應付口舌之慾，也不單是一門門的學問；「吃」更是一種有比較式的生活體現。要是餐餐珍饈百味，吃龍肉都乏味吧？

係中環番工,叫外賣lunch, 兩個瘦叉燒油雞飯(30), 一個叉燒飯(20), 我食蜜汁香桃焗叉燒飯(44).我個飯超甜, 唔知係咪用蜜汁,所以咁甜, 但甜過頭, 我雖然勁肚餓,但都唔食晒就掉左.其餘三位意見都係甜, 佢地果d已經係普通叉燒都咁甜, 可能佢地用佢地0既秘製方法?

切雞很嫩滑，叉燒中上，中湯不俗，西湯則較油炒河炒烏冬之類太濃味晚飯套餐內的小菜大部分都算好，但生炒骨頗難吃服務及衛生情況良好，有沙發位，部分座位可以看到卡拉ok或歌曲的MTV，不過部分歌頗舊

其實加一蚊多個早餐已經推行一段日期，食過幾次，好抵。最正就係J 餐，火腿生菜通粉，現在都市人多食肉，少食菜，所以早餐有少少菜食，正。

真是很特別, 和朋友來都是因為冒名而來一試之下,發覺有點像大家樂的一哥焗豬扒飯,只不過內裏的豬扒換了是叉燒,而且份量剛剛好,不會像大家樂般過多.可能有蜜桃關係,我覺得個飯略甜,如果可以淡口點,我覺得會好點.

燒味焗飯真係好得意....味道唔錯同埋加2蚊多一份晚餐....真係好抵食....50蚊2個人食到飽哂....另外加1蚊多1分早餐一樣係咁抵

本人一向對燒味十分有好感，試過太興燒味焗飯，覺得o既好食又創新。今次路經中環分店，見加$2就可以有多份，當然去試下，心想"話就話加兩蚊，可能埋單計數要加呢樣加o個樣，應該唔止兩蚊卦?!"點知，真係只加$2，絕冇取考，抵讚!!(最衰我地3個人，如果唔係仲抵呀!!)另外，呢間太興o既服務態度簡直一流，d阿姐全部好有禮貌，食都食得開心d!!

琴日戚起條筋想食叉燒飯...於是就走左黎呢度...見到牆上有promotion 話加兩蚊多個晚餐...以為自己會錯意...問過....先至真係咁荀(轉涷飲都要加$3啦).....兩個人食左兩個燒味飯...又有兩碟菜(雖則麻麻地好食)...又有野飲...埋單都只係$50....真係賤物鬥窮人呀....P.S. 去過咁多間太興...呢間D servise 好到冇得彈呀..

而家早及晚時間，只需分别加一元及二元就可免費多得一客，兩個人一齊食就很抵食。焗飯我喜歡青芥辣忌廉汁焗燒肉飯，呢個汁好好味，配燒肉撈飯最正呀！套可選中、西式湯或特式冰鎮奶茶或其他飲品。因想試埋這裹有名的冰鎮奶茶，加五蚊再叫多一個燒味晚，包油菜及飲品，比只叫14 蚊一杯的凍飲抵，又可以試埋這裹其他飲款。此分店有如此超值優惠，大家約埋一齊試啦！

想不到今年正式吃的第一個月餅是鹹月餅，是公司同事買回來給大家吃的果仁叉燒月餅。一向都有食五仁月餅，但吃有叉燒的還是第一次。這個鹹月餅切落是沒有一般的五仁月餅咁實的的，口感亦較鬆軟，唔使咬崩牙；內裡餡料幾豐富，吃到欖仁、瓜子仁、夏威夷果仁等，反而點題的叉燒就唔多覺。味道有陣淡淡的麻油香，亦不如想像中的濃味道，反而是有點甜甜的，比較起傳統的五仁月餅，可能會易接受，但個人而言就麻麻地。吃得甜月餅多，吃一下鹹的也不錯。

lunch time只得set lunch，想試叉燒豬仔包要下午茶先有得食。蜜桃焗叉燒飯，叉燒唔肥又香蜜汁味，炒飯底真係幾好。星洲炒米比其他地方做得較濃味，炒得較乾身唔會太油。主打冰鎮奶茶同咖啡，真係好香濃，可惜係預先溝好，無得走甜。