太興 (已搬遷) 新店位置

我和Honey每個星期六都會到中環。Honey習慣到翠X吃早餐。今天我想吃香辣肉碎米粉，所以就到太興。太興的香辣肉碎米粉，好味。碎肉嫩，香辣是來自紅辣椒和蒜蓉的香味；還有九層塔，很香口。炒蛋也非常嫩滑，水汪汪的。我叫凍咖啡，有點像馬來西亞白咖啡的味道……不過，我嫌花奶太濃，膩得蓋過了咖啡的甘香。而Honey就叫了香煎豬扒炒蛋公仔麵。這個正常，沒特別。不過，Honey對這裏的咖啡讚賞。咖啡有烤烘的香味，有點像焦糖咖啡的味道呢！ 太興的早餐比起翠X貴幾元，但太興有自己的特色，貴幾元也無妨。

透過銀行信用卡推廣活動，換咗份太興嘅免費早餐，平日多數晌屋企食，今朝就早啲出門，去太興啦！免費早餐券係可以換乜嘢早餐都得，認真唔錯，無乜諸多限制。爽爽手就睇中佢個人氣早餐N3，係乜，就係火腿通粉拼德國香草腸，配鬆脆多士，加咖啡或茶。火腿通粉 – 可能太早，客唔多，通粉有啲整定咗一段時間未去貨，所以有啲腍，火腿、湯底都係普普通通咁啦。德國香草腸 - 唔似係普通貨色，無一般茶記啲腸太鹹嘅通病，隱約有朕香草味，肉質又唔會太削太霉，幾好喎。如果煎得帶少少燶面，腸衣相信仲香仲脆。鬆脆多士 - 一整塊厚多士，烘得軟熟、鬆脆，但又出現茶記另一個通病，點解係都要俾舊未解好凍嘅牛油，「硬挖挖」叫人點搽，結果咪搽到塊多士面「熔熔爛爛」囉！熱奶茶，夠熱夠香，但唔算太滑，希望將來做得更好啦。

一般...而又貴...無乜質素...既茶餐廳!!!!~ 蠔油介蘭 ~ 無難度....只是卓熟加點蠔油, 只要菜新鮮...人人都可以做得很好...做唔到佢得人地唔得既要求!!八宝飯 ~ 有燒鵝, 叉燒, 燒肉, 油雞 ,墨魚, 燻蹄, 紅腸和鹹蛋.....一次過可以食到咁多不同燒味....樣樣味道ok...不過都係一般貨色!!!

第一次食太興既焗豬扒飯，之前食過好多次太興其它既焗野，e.g. 焗叉燒/焗燒肉飯從來都冇諗過會叫焗豬扒飯，點知一試就不得了，真係超好味。或許也要配合天時地利吧，因為我吃的日子是星期六既中午，中環區顯然較少人冇咁爆所以出品保持得好。經理話D豬扒係即叫即煎，然後先至焗，等佢20分鐘都抵既@

是日午飯，太興燒味。本以為只有太興新世代才有青芥辣焗燒肉飯，原來太興燒味也有的，馬上叫了客。還記得第一次嘗到這道焗飯是兩年前，當時在一間銅鑼灣的公司做一天兼職，幾位上司邀我吃午飯，在銅鑼灣廣場附近的一間太興。第一次吃太興的我沒想過原來這焗是這麽「重口味」，吃了一兩口便覺得辣到難以入口，很想放下餐具，礙於面子，只好硬著頭皮兩口飯一口咖啡的吃完。初次經驗雖然不太好，但之後卻記掛著那種特別的味道，心思思的再去吃了幾次。習慣了那嗆鼻的味道後，就愛上那獨特的味道。回歸正題，今次除了焗飯外，叫了杯冰鎮凍鴦，味道很不錯。1．青芥辣焗燒肉飯﹣ 中式燒肉跟日本芥辣的融合。青芥辣比黄色的更能與燒肉相配合，把它的肥滯感中和。炒飯的蛋香跟青芥的嗆鼻，兩種截然不同的味道吸引得令人強忍著眼睙和鼻水，一口接一口地把它吃掉。即使被吞進胃裡，它也會用灼熱提醒著你它的存在，真是一個很有過性的焗飯。2．冰鎮凍鴦 ﹣ 太興的凍奶荼素來有名，這杯凍鴦也比一般的來得香濃；冰鎮使整杯飲品由頭到尾濃淡一致， 十分推介。

22-1-2010是日「返學」一天, 報到前先喺附近食個早餐. 時間緊迫, 入了最就腳的呢度, 並叫了最「速戰速決」的熱奶茶 + 腿蛋治 (「雙併三文治早餐」$21),「底」都費事「烘」了.先嚟奶茶, 色水有點「奶」, 但飲落奶味 vs 茶味約 5:5, 滑口順喉, 無茶澀味, 又幾好飲喎 比起太多奶的招牌「冰鎮」(http://www.openrice.com/restaurant/commentdetail.htm?commentid=1972480), 其實呢杯仲好飲...腿蛋治份量十足, 叫嚟純為填肚, 但呢度又做得幾認真 -- 炒蛋雖然無蛋汁唔算「香滑」, 但熱辣辣厚厚的, 唔油膩又唔會乾乾嚡嚡, 收貸了; 麵包無烘過, 不過似乎幾新鮮, 軟熟得來仲帶點麵粉香及甜味 (!), 無乜好 complain 吧.埋單 $21, 雖然要匆匆忙忙食完走人, 但晨早流流有杯不錯的奶茶的確 makes a big difference, 係不錯的 breakfast 點, 可以一試的.

我不嬲都覺得太興嘅燒味很不錯，但今日就有D失望。我哋要咗义燒飯和燒肉飯。午餐燒味單拼($43)跟飲品。义燒飯 - 十分瘦，啱哂減肥人仕，好彩唔算太乾啫，味道都OK，但冇以前咁好味。燒肉飯 - 燒肉皮有點脆，但肉質就麻麻哋。熱奶茶香濃，冰鎮熱奶也很不錯，不過 呢個質素嘅燒味飯，收43蚊就唔抵食。希望下次再嚟嘅時候，燒味可以 keep 番以前嘅水準啦。

唔計其他食品, 只講奶茶有人話大集團流水作業, 只講利潤. 以單一產品而言, 佢地真係做得幾好.唔用冰令茶唔會因溶冰而令味道變淡, 而佢地用既水奶亦覺香滑! 坊間既茶餐廳為左減成本, 用既茶葉同水奶只用平價成品, 因此將從前既味道變質, 大忌!!!! 早上睇報紙話有香港奶茶大賽, 我投太興!!!!

當知道中環都有間太興時, 游說同事一齊去食結果不負所望, 大家都讚口不絕!本以為中環店會lunch hour勁多人, 但又唔係, 佢地庫都幾大, 而且座位算坐得舒服只係有某d位置竟然都放埋檯, 如果遲黎既可能要坐個d奇怪位, 未必咁舒服囉(奇怪位: 冷氣槽隔離, 凍死 / 疑似雜物房, 應該無waiter睇到吧 / etc.)有午市套餐, 其實都係食個幾樣野我點左叉燒燒肉飯+冰鎮奶茶落單好快, 送餐都好快冰鎮奶茶同樣好味, 同事都讚好! 叉燒燒肉飯話要多汁, 真係有多汁, 仲另外俾多碗汁我地, 不過份量就唔多飯就仍然好多, 忘記叫少飯...同事叫左原隻鵝脾, 佢話超好味, 好味過附近有間以燒鵝出名既鏞X喎... 我地食完佢都好快手幫我地收碟, 但就完全唔趕客, 呢樣值得一讚!

中環人來人往，一時左右黃金時段似乎又要爭位，幸好同事已先揀了餐廳，霸定位。樓上味部切不停，坐到樓下伙計穿插不停，也時有「界刀」背情況，當然來得茶記是預左的。來得太興唔吃燒味幾搵自己笨，同事要了燒肉拼鵝瀨，對叉燒興趣不大，選擇了得燒鵝拼乳豬，大熱天同樣要上瀨粉。兩碟燒鵝分散投資，同事的是鵝胸，自己有胸有腩，鵝腩滲有醃料的鹹香，加埋嫩肉同鵝油比起非常結實鵝胸好吃，這裡的屬於軟皮鵝，似乎肉可以做得嫩一點，想是鵝本身問題吧。燒肉做得比豬仔好，看似軟腍腍，但夠酥脆，醃味剛好，肉質亦不過韌，乳豬非「片皮豬」，非連著厚脂的肥豬，皮沒有熱度略為硬淨，淺嚐幾口剩下的由同事代辦。瀨粉湯底不夠熱，味道幾特別，似乎除了鵝、鴨的骨外仲下了添加味道，現成的瀨粉不會黏在一齊，出品方面花過心機。同事的冰鎮奶茶比凍檸茶好，好在是冰鎮。每人五十元左右，連租金同有伙計招呼，中環區來說是咁上下價了。

I think 叉燒 is quite nice. But I like the Iced milk tea the most. I like the way that they put the ice around the plastic cup. That way it wouldn't dilute the milk tea when it's slowly melting.

上兩日又食左個HKD34燒味飯盒(野飲唔包)，個飯盒好夠份量，勁多飯，叉燒燒肉加起都有十幾件。d飯正常好食，唔會好濕。d叉燒正常，係半肥廋，不過我覺得上次食評果間好食d。d燒肉普通，好廋所以unun地，而且有一半的皮lum咗。名牌子嗎？﹗真係有ｄ失望。

八月十一日(星期一)晚上食個飯先再番去博殺喇!下著毛毛雨到太興吃晚餐!我叫了個豆腐斑腩煲,老公要個义鴨飯!先來兩杯冰鎮奶茶,很耐沒有飲過!我覺得比勝香園更好味!可能沒有冰在杯中!沒有沖淡奶茶味!....而且奶香滑!又遮不了茶香!勁!再來的义鴨飯,义燒也出色!比再興的硬一點!各有特色!豆腐斑腩有很多魚吃呢!!!!!!不錯呀!!!汁很濃,加上白飯好吃呢!

都係午餐,到了太興燒味食既係一碟义燒飯,唔知係唔係因為出左名定係抑或通脹啦,义燒既份量真係一次比一次少,同之前既有好大分別,都唔明點解d义燒可以切得咁薄...味道嚟講,其實佢既飯煲得好靚,义燒肉質唔錯,肥瘦比例適中,只係個份量越嚟越過份,如果再係咁,我都唔再幫襯了

下午三點幾, 做好部份交接工作先落去食飯, 前排講過, 中環燒臘店差太興未食, 下午茶時間, 價錢變得可以接受, 便帶同同事, 一起醫肚. 一心想黎食叉燒飯, 落Order時, 叉燒賣哂....二人O左咀, 差d想走, 阿姐連忙道歉話中午極好生意, 預備上午賣的燒味已去得七七八八, 4點先有新野燒起......好失望, 特登帶同事黎食靚叉燒, 變成要聽我鬧人. 沒有叉燒. 沒有乳豬, 燒腩又要加錢, 選擇了燻蹄拚燒鵝.已經失望了, 這個燻蹄拚燒鵝, 感覺上係一個怪怪的配搭, 燻蹄算係幾好, 燒鵝只是一般, 這裡比較貴, 而我亦只欣賞其叉燒, 食唔到, 好唔開心.下次食番細鋪頭算, 仲有間蛇王有燒味食, 離開中環前, my next target.