太興燒味連鎖店 (已結業)

想吃個簡簡單單的晚飯，這天經過太興，眼看外貌好像有品質保證，於是就幫襯了。進內看看餐牌，有些特色焗飯好像不錯 於是就點來試試。誰知道過了二十分鐘後，飯還未到，於是催催服務員。服務員說整緊 還要我們稍等十分鐘。朋友就懷疑是漏單，沒理由要弄那麼久~再過多十五分鐘，再催單，這個時候兩個焗飯才一前一後的上到。好了，等了那麼大半天，看看味道如何。青芥辣忌廉汁焗燒肉飯餐 $48 - 份量頗多，芥辣的味道很明顯，適合很喜歡芥辣的朋友。不過燒肉放在汁裏面一起焗，皮變得不那麼脆，可惜~野生蜂蜜香桃焗叉燒飯餐 $48 - 蜂蜜蜜桃汁酸酸甜甜幾開胃，不過完全把叉燒原本的味道掩蓋，個人覺得又是另一浪費之作。跟餐的熱檸茶，等到變凍檸茶了~整體不是難吃的 還可以 但比我期待的差一點了

之前在豪裝版太興飯局，得有勢力人士安排，當然滿意。是日自己來，原來這裡的小菜也不錯的。要了個288的套餐，有例湯、燒味四併、咕嚕肉、西蘭花斑球及炒芥蘭。例湯是金銀菜煲豬骨，味有點淡，勝在味精不多，已比一般燒臘店的豬骨例湯優勝很多；燒味四併是叉燒、乳豬、油雞及薰蹄，意外地都不差。叉燒是半肥廋的脢頭位，執到寶。油雞是胸位，但肉質幾滑的；乳豬是腩位，肥了一點，但皮還是脆的；薰蹄是大路貨色，不過加上其他三併，交足功課；咕嚕肉不過酸，也有點脆口，全部是脢頭豬肉，做得比不少的酒家還好吃；西蘭花生生又凍凍的，不過斑片泡了油又幾滑身，蠔油是不二醬料；芥蘭也是聞起來天下無敵，吃起來絕對有心無力，吃落得個鹹味。幾位阿姐服務勤快，很不錯。如果吃得附近的酒樓多，轉一下口味來這裡，原來可以的。

6月14日，18:30是日太座生日，大魔怪亦在當晚離港。一家齊齊整整地，在這裡開飯。由太座發版，要了西蘭花斑塊、生炒骨、魚香茄子和鮑魚菰豆腐煲。西蘭花斑片：西蘭花，爽和碧綠；冰鮮斑可以不評。生炒骨：水準仍保持，肉排被薄薄的炸漿包著，鎖住肉汁，栥汁酸甜有序。魚香茄子：茄子走油後，封住了茄子獨特的甜味；醬汁夠鹹香。鮑魚菰豆腐：豆腐炸透，仍不失豆香，厚厚的菰，口感不俗。例湯：老火湯，冬瓜、海帶煲豬骨，夠火喉。食物整體有水準。敗筆在那筷子，充滿了漂白水味，大魔怪洗了兩次，仍揮之不去>m<題外話：我特意叫大魔怪，多吃豆腐，因物離鄉貴，在番邦不易吃得到。

9-6-2007星期六3:30pm燒鵝絲湯米+炒蛋+牛油多士下午茶已賣光，作為燒臘店，燒鵝絲湯米套餐都會賣光，吾通限定出這個套餐，不能出得太多，只好點了公司治套餐，他的套餐比其他餐廳貴8-9元，凍飲還要架3元，比起正餐平小小，都是小9-10元，但是分量又小D，所以覺得不是太底!!!!!!!!!服務1分，因吃不到要吃的餐

記得以前,太部份店舖都同一般的燒味店一樣,但聞說其翻新,也不以為意老實說,價錢......可以說是接近成個小西灣最貴......食個雙拼都要成40蚊......太扯了吧試佢雙拼飯,感覺也不是特別的一流....最少心目中的第一仍是"桂香"(而且他更平)倒是那個"瑞士汁干牛河"不錯,幾有新意,抄起有鼓油香,甜詌的,又不太油,只是.......好像份量少了一點價錢.......$$40元正不是難吃,而是太貴= =""(午餐而言)

小西灣來講算係一個好選擇啦價錢貴d, 但水準有保證近近地都可以試下中式小菜可以一試

6月18日20:00是日父親節，我的意願是想平淡渡過。但太座堅持要出外晚飯，最後是她請客^m^我付鈔>m<當晚是為消費而設的節日，不供應各式正常小菜，祇提供應幾款套餐。祇好來個四人餐：燒味拼盆：有太興燒味一貫水準，切雞滑、鵝入味、枚頭叉香鬆，那乳豬是敗筆，皮不脆和過肥。西蘭花斑片：西蘭花碧綠爽脆，斑片穿上了薄薄的茨汁，夠嫩滑。椒鹽魷魚鬚：漿粉太厚，魷魚過了火，極有咬口。生炒骨：算有水準，玻璃茨甜酸得而，漿脆而不厚，將肉汁封住。這店的服務，仍有改善空間：1. 點菜時太座反應稍慢，店員便要5分鐘後再回來。2. 上菜時，食具仍未到，吃風味印度餐？？

今後放工同朋友係屋企樓下食宵夜..係唔想坐路邊又想叫食飯既情況之下就黎左e度(因為當時已經11點幾)燒味只係淨返"崩提" ..另外再叫多左三個宵夜餐..個宵夜餐上台時先知原來細成咁既..又唔夠鑊氣..hey..茶餐廳小炒既特色應該係要夠鑊氣個喎..至於d"崩提"都仲可以..肥瘦適中..算係最好果個最後都係唔夠食要叫多個餐仲有要提既係個環境..吸煙區同非吸煙區係正隔離..我坐係非吸煙區都睇到四周煙霧迷漫..聞到香煙陣{{香}}味..e度宵夜餐都要四十幾蚊..我地3個人埋單都成兩舊..老實講..如果係平日9點鐘既話同我去美心酒樓食都差唔多喇..起碼我唔駛坐到咁迫丫..

16-9-2005 1739今日公事總算順利完成，還未夠六點鐘，五點半提早落閘放狗，拿拿聲嘆番個靚tea，想坐得的地方比較有強勁的冷氣及唔想去工廠區，就黎了呢度，唔想整碟提前晚餐，食過粉便算。選擇了燒味雙拼瀨粉，燒味要了我其中摯愛既乳豬及油雞。乳豬應該擺了一排，不過仍然脆脆地；油雞唔係好肥，加埋薑葱就係絕配。瀨粉浸在湯裡成廿分鐘都唔散及淋，都算係交足貨。價錢一的都唔平，但係有冷氣陪下我，攞番少少分啦！

前個星期六，整左成個朝早蛋糕，安頓好家裡的貴賓後，可以自己走出來食個下午茶。落左成個星期雨，今日終於放晴，但就熱到不得了，即時諗起呢度的冰鎮咖啡。行入來時又巧遇舊街坊，相請不如偶遇，就一起來吃。叫了兩個燒味雙併米線，分別是乳豬併燒鴨，同叉燒併墨魚，加塊奶醬厚多士，同埋冰鎮咖啡及冰鎮奶茶各一杯。人客不多，好快有得食。四款燒味中，以鹵水墨魚最好食，其實又係幾難整得難食的；乳豬淨肥肉，好在層皮都算脆；燒鴨就連陣皮都唔好食，肉更加唔使講；叉燒是半肥廋的，不過肉韌韌，不算好吃。以下午茶餐水準而言，僅及格。凍鎮咖啡有香味，冰鎖又當然夠凍，幾適合熱天；朋友說，冰鎮奶茶就奶味太重，茶味不夠。厚多士夠厚亦夠香脆，花生醬及鍊奶都夠多，唔錯，雖然十蚊一客，以茶餐廳食物來說，不算便宜。上次來見服務幾好，今次來服務完全唔掂，要自己搵位坐低，有點退步。埋單72蚊，唔算太貴，普普通通咁啦。

OK 啦D 厚多士(花生醬)不過本人不喜歡佢D原味奶茶,次次去食午餐斱要同佢講明要即沖奶茶好煩呀.

今晚十時許，太座想吃即拉腸。新東輝早收舖，只好到太興。要了滑牛腸，腸粉：太淋(掉)，免治牛肉，燒臘的牛肉，不用評論。後悔未徵求小魔意見(叉燒腸)。題外話：可能集團經營，此小店作風扮大店，諸多事實，我和太座什少內進了。

今日夜返，為o左想試新餐廳，又有點想食燒味飯，於是就幫襯太興。老實講，太興的燒味一向有保證，與美心的燒味不分上下。諗住花廿零蚊食過飽飽，點知...一入到店內，首先當我隱型，不段向著相反方向問「先生幾位」。直到遞茶的果位阿姐面對面住我，才confirm 我係一位。咁都算啦，好戲在後頭。看看餐牌，傳統的燒味餐牌已經不見，眼前的只是一張大大七彩的餐牌，上面寫的不是燒味飯，而是一個個小菜(唔包飯又貴果隻)。立刻開始懷疑自己係咪入錯地方，好不容易終於搵到想叫的燒味飯價錢，一看當堂咋舌，38蚊單拼、40蚊雙拼，包油菜及一杯熱飲。我的天呀！這裡是小西灣，聽講我食緊的是12蚊一個雙拼燒味飯，就算我去美心，都唔駛30蚊。你收成40蚊，傻的嗎？故此我唯有放棄燒味飯(因為實在太貴)，轉攻煲仔飯，還好煲仔飯還算是正常價，38-40左右。於是二話不說即刻叫o左果臘味煲仔飯加例湯(送的)。煲仔飯是傳統的路邊煲，火爐是石油氣爐而非炭爐，算！師傅的手勢得人驚，算。但都冇理由要等成廿幾分鐘，兼且是先煲飯，然後才夾些料落去焗一焗...而最刺激係途中有一位西裝友(希望佢係老細)，好好奇咁成日打開，然後指指點點，師傅就將個煲

KC 先生，真係佩服你可以日日都寫一篇食評。從你的食評猜測你曾經灣仔工作，咁你有冇幫襯過灣仔史超域道再興﹝榮華酒樓側﹞呢？我個人認為再興叉燒係最最好味，全部用靚枚頭用做，好有肉汁，而且蜜味濃郁，日日晏晝經過都好多人排長龍外賣飯盒。其實再興食物類別好多，包括潮州小食、台式魯肉飯、港式咖哩雞翼等，不過我次次都忍唔倒唔叫叉燒食，所以至今仍然試唔晒其他菜式。

下晝同老婆去買菜煮夜晚果餐，佢話想試試呢度的冰鎮奶茶，詰時話我都想試下，就入來了。兩點半左右不算少人，但亦不至於滿座，都有兩張卡位剛剛走。阿姐服務極之殷勤，一邊執位，一邊叫我們等一等，另一個阿姐就招呼我們坐著等，服務可以拿滿分。叫左叉雞米線同牛腩麵，另外再叫份奶醬厚多士，兩杯冰鎮奶茶。我的叉雞米線份量不少，賣相都不俗。叉燒是枚頭部份，幾腍亦好味，而油雞亦不錯；老婆的牛腩麵，牛腩炆得入味又唔韌，比昨日吃過那間豪園高幾班，有肉又有筋，以一間燒臘茶餐廳來說是交足功課；厚多士中等厚度，不算很厚，塗上厚厚的一層花生醬及奶油，烤得外脆內軟，幾有水準，比起杏花村那間仙踪林的那些把鬼厚多士，好上何止萬千倍，有信心說明唔脆包換的當有其信心。冰鎮奶茶是如傳聞般用冰圍住上，但可能多人飲，雪唔切，奶茶飲落唔太夠涷，而包圍著的冰粒是得個樣，應該沒有多大實質的作用，不過這個賣相和包裝已勝一般茶餐廳幾籌。埋單60蚊有找，幾經濟。食物有水準，經營亦漸有規模，我睇太興在不久之後會搞上市的了。