影片
更多
2004-12-09
44 瀏覽
今日夜返，為o左想試新餐廳，又有點想食燒味飯，於是就幫襯太興。老實講，太興的燒味一向有保證，與美心的燒味不分上下。諗住花廿零蚊食過飽飽，點知...一入到店內，首先當我隱型，不段向著相反方向問「先生幾位」。直到遞茶的果位阿姐面對面住我，才confirm 我係一位。咁都算啦，好戲在後頭。看看餐牌，傳統的燒味餐牌已經不見，眼前的只是一張大大七彩的餐牌，上面寫的不是燒味飯，而是一個個小菜(唔包飯又貴果隻)。立刻開始懷疑自己係咪入錯地方，好不容易終於搵到想叫的燒味飯價錢，一看當堂咋舌，38蚊單拼、40蚊雙拼，包油菜及一杯熱飲。我的天呀！這裡是小西灣，聽講我食緊的是12蚊一個雙拼燒味飯，就算我去美心，都唔駛30蚊。你收成40蚊，傻的嗎？故此我唯有放棄燒味飯(因為實在太貴)，轉攻煲仔飯，還好煲仔飯還算是正常價，38-40左右。於是二話不說即刻叫o左果臘味煲仔飯加例湯(送的)。煲仔飯是傳統的路邊煲，火爐是石油氣爐而非炭爐，算！師傅的手勢得人驚，算。但都冇理由要等成廿幾分鐘，兼且是先煲飯，然後才夾些料落去焗一焗...而最刺激係途中有一位西裝友(希望佢係老細)，好好奇咁成日打開，然後指指點點，師傅就將個煲
一入到店內，首先當我隱型，不段向著相反方向問「先生幾位」。直到遞茶的果位阿姐面對面住我，才confirm 我係一位。咁都算啦，好戲在後頭。
看看餐牌，傳統的燒味餐牌已經不見，眼前的只是一張大大七彩的餐牌，上面寫的不是燒味飯，而是一個個小菜(唔包飯又貴果隻)。立刻開始懷疑自己係咪入錯地方，好不容易終於搵到想叫的燒味飯價錢，一看當堂咋舌，38蚊單拼、40蚊雙拼，包油菜及一杯熱飲。我的天呀！這裡是小西灣，聽講我食緊的是12蚊一個雙拼燒味飯，就算我去美心，都唔駛30蚊。你收成40蚊，傻的嗎？
故此我唯有放棄燒味飯(因為實在太貴)，轉攻煲仔飯，還好煲仔飯還算是正常價，38-40左右。於是二話不說即刻叫o左果臘味煲仔飯加例湯(送的)。
煲仔飯是傳統的路邊煲，火爐是石油氣爐而非炭爐，算！師傅的手勢得人驚，算。但都冇理由要等成廿幾分鐘，兼且是先煲飯，然後才夾些料落去焗一焗...而最刺激係途中有一位西裝友(希望佢係老細)，好好奇咁成日打開，然後指指點點，師傅就將個煲移來移去，得閒就熄下開下火，好明顯爐頭及火力有問題。
好不容易終於等到，如果唔係有一碗水汪汪，可以熱熟條脷的例湯頂肚，我早已餓死。打開一看，嘩嘩，除了臘腸，便是臘腸。飯是生的，一粒粒可以數。腸同臘肉硬硬的(因為只是焗一焗)，食落除了豉油味，基本上料同飯是分開的。既豬肚煲後又一失敗之作。
在進食途中，我發現太興個老細梗係想扮高尚，不過係咪有o的不設實際？張張單係手寫單，但就有barcode，價錢係記在條碼上(但係咪有咁o既需要)，而個個員工男o既就扮到好似部長，女o既卻好似酒樓阿嬸，咁又係咪有點那個，最搞笑係一間1000呎o既鋪，居然要用到對講機，係咪有點誇張？而成間野扮到好似好多人手，但我就覺得佢好似冇乜分工，基本上除了斬燒味果位阿叔係唔駛出來之外，就個個人都好似係萬能，成日走來走去，但就唔知佢做乜，好似好忙，實則亂哂龍。而洗碗果位阿姐就好鐘意推車仔，成堆污糟碟係咁推來推去，原全冇意識將o的碟放o係應放o既地方。
總括而言，無可否認，要在今時今日o既香港社會，係要識得求變，但都唔該先清楚自己係乜野角色同埋o係係乜野地方，今日的太興，我只會給予一個小丑俾佢。
張貼