太平洋咖啡 (已結業)

假日的葵芳特別多人，於是要了一個朱古力批，坐下歇息歇息。翻熱後的朱古力暖暖的，面頭果層是脆脆的。其實食落去似蛋糕多過似批，仲要無咩朱古力味，同埋好乾爭爭，整到成個碟都係碎屑。

23-5-2013(四）是日晚上，不想以米飯作晚餐，又想一個人靜靜的找個地方坐坐，於是選了在新都會的 Pacific Coffee 吃些甜品吧！選了藍莓芝士餅及西柚汁。藍莓芝士餅的賣相不算大件，餅層舖滿豐盈的藍莓醬，酸酸的，夠開胃；唯芝士味不夠香濃。西柚汁的色素少，凍凍酸酸的，能幫助消化！三個月前滿心歡喜的等待，現已沒希望了。。。太多思想，患得患失的一夜！埋單$52，不過不失的一餐！

18-2-2013 (一） 至 22-2-2013(五) 由於近來已辭掉工作，生活較空閒，這星期，連續五個晚上，一個人不間斷地來了新都會的pacific coffee吃light dinner，靜靜的坐下玩ipad，閱書，也順度思考將來去向及未來人生。 橙朱古力鮮咖啡很好喝，用膠杯袋，賣相特別吸引，喝下一口，豐盈的咖啡奶味，配上橙味及朱古力味，暖暖的，可口非常，但最大杯裝要售 $43，略嫌貴! 那兩樽凍飲，味道夠清新，尤其是那個檸檬汁，以為會很酸，但因加上番石榴味，能中和當中的酸味，味道有點像熱情果般，冰凍凍的，很好喝! 來些小食，cheesecake、曲奇餅、蘋果批等，都是伴送咖啡的最好小吃! 這兒坐得很舒服，是我最愛的pacific coffee分店之一!

今日放工後, 突然甜魔上身, 本身要去行去坐小巴返屋企,都係返轉頭去pacific coffee買個焗麵包布甸止止甜癮先!麵包布甸 $20, 店員會先詢問是否需要焗熱!小妹又係好鍾意食麵包布甸, 次次去食buffet必定搵佢既蹤影! 這裡的麵包布甸, 份量不少, 但感覺麵包和布甸未能混為一體,而麵包稍為有點硬, 而且都幾甜膩 食完真係要飲返D水沖洗下

同朋友係附近行街行到累,於是搵個地方坐下~傾下計見到pacific coffee既裝修幾靚,於是就入左去坐~甜品櫃有好多種甜品,令人花多眼亂,因為當時飽飽地,於是淨係叫左個細細地既朱古力批。朱古力批外貌平凡,原本我都冇咩期望,但係用叉一"吉"發覺原來係外面有小小脆身,而入面又軟軟地~口感豐富朱古力批入面有唔小既朱古力粒,朱古力味濃郁~真係令人想ENCORE~~如果下次見到,一定會再試!

熊媽自從上次同姑仔夜蒲後, 就覺得Pacific Coffee啱我口味 當天熊媽的心癢又癢, 好掛住那杯caffè latte, 於是行去一條從未行過的通道來迎接這杯caffè latte飲咖啡又點少得食件cake, 所以就order咗幾款又鹹又甜嘅點心Pork Sausage Roll $19...職員把它番叮, 温度不是太熱, 外層不會腍掉但未算去到酥脆, 豬肉腸是沒有腸衣的, 只不過把一團豬肉卷起來當腸, 豬肉質腍滑, 也帶有香草味, 香草能提升豬肉的天然甜味。Beef and Mushroom Pie$24...外殼乾硬, 有點果仁香氣, 需要很用力才能把它切開裏面似乎是菇多過牛肉, 牛肉頗乾兼要使勁地咬, 紅色汁似乎有用蕃茄紅蘿蔔來煮但味道不是酸的。Cheesecake Rumme Cotton$20...中文名好像是什麽棉花芝士蛋糕, 看似很飄然很輕, 怎知道原來是硬的蛋糕(要用力cut開), 芝士味不突出甚至可說是遺失了 蛋糕質感有點沙沙, 有點乾幸好熊媽依然有杯Crema Scura Minty Mocha 相伴

一早黎到新都會,得10分鐘早餐.搵到張SOFA住低.HAHA睇到張相都知我食咩,就係肉卷+西柚汁.丁左半分鐘,加左D茄汁,就可以開餐.唔知點解今次條ROLL D肉唔香,又乾又淡,唯有食飽左佢算.我記憶之中食左咁多年2個品牌既ROLL都好香先係.之後大大口西柚汁..FRESH下個人.就開始一日既工作.

等個朋友..所以去左lee 度飲coffee...我叫左一杯mochachino不過好失望．．．我覺得仲差過ｍ　ｃａｆｅ　０個ｄ．．．好鬼甜～～味道不夠濃～個拉花太隨便．．都唔靚既～～但都幾大杯既～～如果飲晒真係會好飽～但佢個位置真係差．．雖然有ｄ雜誌睇下．．但感覺係無左係ｃｏｆｆｅｅ　ｓｈｏｐ　ｈｅａ同歎咖啡的感覺．．好多人行出行入．．冇咩私人空間的感覺．．ｌｅｅ間ｐａｃｉｆｉｃ　ｃｏｆｆｅｅ　選址唔得囉！！用３０幾蚊飲杯ｃｏｆｆｅｅ．．有時都想靜靜地歎下．．所以有其他選擇都唔好去ｌｅｅ間了

由於聖誕新年懶左好多, 好耐無寫食評, 只有將兩次group 埋一次寫... 是次試左抹茶latte, 抹茶味極濃, 有少少搶左咖啡味0係一個月入面去左兩次葵芳既Pacific Coffee, (其實基本上好易撞到我坐左係度睇書)鐘意去既原因好簡單, 因為我好鐘意佢既麵包布甸, 每一次去, 我都會叫一客慢慢品嚐~熱辣辣既麵包布甸上面果層焗得脆脆咁, 入面既布甸軟綿綿, 滑嘟嘟, 雖然每次我都會浪費佢d 提子乾, 不過真係超鐘意食~ 不過新都會既Pacific Coffee 沖出0黎既奶泡特別豐厚, 側面睇就見到奶泡係漲卜卜既, 飲左一啖之後, 咀唇會掛上一層奶泡, 飲到底, 奶泡依然可以掛底, 用匙一試, 真係唔會跌停0黎架!!